21/05/2026
✨ عید الاضحیٰ مبارک ✨
دارالعلوم بلال کی جانب سے تمام محترم والدین، سرپرست حضرات، طلبۂ کرام اور اہلِ اسلام کو دل کی گہرائیوں سے عید الاضحیٰ کی خوشیاں بہت بہت مبارک ہوں۔
اللہ تعالیٰ اس مبارک موقع پر ہماری عبادات، قربانیاں اور دعاؤں کو اپنی بارگاہ میں شرفِ قبولیت عطا فرمائے، اور یہ بابرکت ایام ہم سب کے لیے خیر، برکت، رحمت، سلامتی اور خوشیوں کا ذریعہ بنائے۔ آمین یا رب العالمین۔
📢 اہم اعلان برائے عید الاضحیٰ تعطیلات 📢
تمام والدین اور سرپرست حضرات کو مطلع کیا جاتا ہے کہ دارالعلوم بلال میں عید الاضحیٰ کے سلسلہ میں تعطیلات
25 مئی بروز پیر سے 5 جون بروز جمعۃ المبارک تک رہیں گی۔
ان شاء اللہ تعالیٰ 6 جون بروز ہفتہ سے مدرسہ میں حسبِ معمول باقاعدہ تعلیمی سلسلہ اور تمام کلاسز کا آغاز کر دیا جائے گا، لہٰذا تمام طلبہ بروقت اپنی حاضری کو یقینی بنائیں۔
محترم والدین و سرپرست حضرات سے نہایت ادب و احترام کے ساتھ گزارش ہے کہ اپنے بچوں کے تمام ضروری معاملات ، سیروتفریح آمد و رفت اور دیگر مصروفیات ان تعطیلات کے دوران ہی مکمل فرما لیں تاکہ درس و تدریس کے دوبارہ آغاز کے بعد طلبہ پوری توجہ، پابندی اور دلجمعی کے ساتھ اپنی تعلیم جاری رکھ سکیں اور بعد میں کسی قسم کی رخصت کا تقاضا باقی نہ رہے۔
ادارہ ہمیشہ آپ حضرات کے تعاون اور اعتماد کو قدر کی نگاہ سے دیکھتا ہے، اور امید کرتا ہے کہ آپ ہمیشہ کی طرح اس مرتبہ بھی آپ اپنے بچوں کی بروقت واپسی اور تعلیمی نظم و ضبط کو یقینی بنانے میں مکمل تعاون فرمائیں گے۔
اللہ تعالیٰ تمام طلبۂ کرام کو علمِ نافع، عملِ صالح اور دین و دنیا کی کامیابیوں سے نوازے، اور ہم سب کو عید الاضحیٰ کی حقیقی برکتیں نصیب فرمائے۔ آمین۔
🌸 والسلام 🌸
انتظامیہ دارالعلوم بلال
