ملک نیوز

14/08/2026

"ملک نیوز" کیجانب سے اہل وطن کو یوم آزادی مبارک !
مملک نیوز، ڈیجیٹل میڈیا ملک برادری کراچی پاکستان۔

خدا کرے میری ارض پاک پر اترے
وہ فصلِ گل جسے اندیشہء زوال نہ ہو

یہاں جو پھول کھلے وہ کِھلا رہے برسوں
یہاں خزاں کو گزرنے کی بھی مجال نہ ہو

یہاں جو سبزہ اُگے وہ ہمیشہ سبز رہے
اور ایسا سبز کہ جس کی کوئی مثال نہ ہو

گھنی گھٹائیں یہاں ایسی بارشیں برسائیں
کہ پتھروں کو بھی روئیدگی محال نہ ہو

خدا کرے نہ کبھی خم سرِ وقارِ وطن
اور اس کے حسن کو تشویش ماہ و سال نہ ہو

ہر ایک خود ہو تہذیب و فن کا اوجِ کمال
کوئی ملول نہ ہو کوئی خستہ حال نہ ہو

خدا کرے کہ میرے اک بھی ہم وطن کے لیے
حیات جرم نہ ہو زندگی وبال نہ ہو

24/07/2026

𝟏𝟎𝟎,𝟎𝟎𝟎 𝐕𝐈𝐄𝐖𝐒
𝐓𝐇𝐀𝐍𝐊 𝐘𝐎𝐔 𝐀𝐋𝐋 𝐌𝐀𝐋𝐈𝐊𝐈𝐀𝐍𝐒.❤️
𝐌𝐀𝐋𝐈𝐊 𝐍𝐄𝐖𝐒.

21/07/2026

تحریر: محمد خالد ابراہیم خلجی۔
ملک نیوز۔ کراچی

کبھی کبھی دل میں ایک سوال جنم لیتا ہے۔۔۔۔

جب قومی سطح کے ادارے ہماری برادری کے قابل اور باصلاحیت افراد کو تلاش کرکے انہیں اپنی تقریبات میں عزت دیتے ہیں، ان سے سیکھتے ہیں اور انہیں دوسروں کے لیے مثال بناتے ہیں، تو پھر ہماری اپنی برادری کی تنظیمیں ان ہی لوگوں سے کیوں محروم رہ جاتی ہیں؟

حال ہی میں ملک سوسائٹی کراچی میں مقیم جنید علی کو بنو قابل کے سالانہ کانووکیشن میں بطور مہمان مدعو کیا گیا۔
یقیننا یہ انکی صلاحیت، قابلیت اور تجربہ کا اعتراف ہے۔
اب سوال یہ نہیں کہ بنو قابل نے انہیں کیوں بلایا، بلکہ سوال یہ ہے کہ بطور برادری ہم نے انہیں کیوں نہیں بلایا؟
یعنی ہم کیوں نہیں ان سے استفعادہ حاصل کرتے؟

ہماری برادری میں ایسے کتنے ہی گوہرِ نایاب موجود ہیں جو آئی ٹی، تعلیم، کاروبار، طب، انجینئرنگ اور دیگر شعبوں میں نمایاں خدمات انجام دے رہے ہیں۔ افسوس یہ ہے کہ ہمیں ان کی قدر اس وقت ہوتی ہے جب کوئی دوسرا ادارہ ان کی صلاحیت کو پہچان لیتا ہے۔

اگر ہم واقعی اپنی برادری کو آگے بڑھتا دیکھنا چاہتے ہیں تو ہمیں اپنے قابل لوگوں کو صرف مبارکباد دینے تک محدود نہیں رہنا چاہیے، بلکہ انہیں اپنی تنظیموں اور فلاحی منصوبوں کا حصہ بنانا چاہیے۔ نوجوانوں کو ایسے لوگوں کے تجربات سے جوڑنا چاہیے تاکہ انکی کامیابی صرف ایک خبر نہ رہے بلکہ برادری کی ترقی کا راستہ بن جائے۔

امید ہے کہ بنو قابل کی اس خوبصورت روایت سے ہماری برادری کی تنظیمیں بھی سبق لیں گی، اپنے ہونہار نوجوانوں کو آگے لائیں گی، ان کی قابلیت سے فائدہ اٹھائیں گی، اور انہیں وہ مقام دیں گی جس کے وہ واقعی حق دار ہیں۔
کیونکہ جو قوم اپنے ہیرے خود نہیں پہچانتی، دنیا انہیں اپنے تاج کا حصہ بنا لیتی ہے۔

19/07/2026

آج یہ دیکھ کر دل کو بے حد خوشی ہوئی کہ ہماری برادری کے ایک اور ہونہار نوجوان، جنید علی، کو "بنو قابل" کے سالانہ کانووکیشن میں بطور مہمان خاص مدعو کیا گیا۔ یہ اعزاز یقیناً ان کی برسوں کی محنت، پیشہ ورانہ صلاحیت اور قابلیت کا اعتراف ہے۔

کسی بھی نوجوان کے لیے اس سے بڑی خوشی اور کیا ہوسکتی ہے کہ وہ اپنی محنت کے بل بوتے پر اس مقام تک پہنچے جہاں لوگ اسے سننے، اس کے تجربات سے سیکھنے اور دوسروں کے لیے ایک مثال کے طور پر پیش کرنے کے لیے مدعو کریں۔

ہمیں فخر ہے کہ ہماری ملک برادری میں ایسے بے شمار لوگ موجود ہیں جو خاموشی سے اپنے اپنے شعبوں میں کامیابیوں کی نئی داستانیں رقم کر رہے ہیں۔ یہی لوگ آنے والی نسلوں کو یہ یقین دلاتے ہیں کہ اگر خواب بڑے ہوں، ارادے مضبوط ہوں اور محنت سچی ہو تو منزل خود راستہ بنا لیتی ہے۔

جنید علی صاحب، یہ اعزاز صرف آپ کا نہیں، بلکہ ہم سب اور پوری ملک برادری کا اعزاز ہے۔

"ملک نیوز" آپکو اس اعزاز پر دلی مبارکباد پیش کرتا ہے اور دعاگو ہے کہ اللہ تعالیٰ آپ کو مزید عزت، کامیابیاں عطا فرمائے، اور آپ کی کامیابیاں ہماری نوجوان نسل کے لیے ہمیشہ مشعلِ راہ بنتی رہیں۔ آمین۔
محمد خالد ابراہیم خلجی،
"ملک نیوز" ڈیجیٹیل میڈیا ملک برادری کراچی پاکستان۔

11/07/2026

الحمدللہ! ❤️ 3,000 فالورز کا سنگِ میل عبور
ہمارا سفر، آپ کا اعتماد! 🤝✨
​ملک نیوز کے فیس بک پیج پر 3,000 فالورز کا سنگِ میل مکمل ہونے پر تمام فالورز اور سبسکرائبرز کا شکریہ۔

09/07/2026

مبارک ہو !!
ملِک برادری کے ایک اور سپوت نے مُلک اور برادری کا سر فخر سے بلند کردیا۔
خدوم پور کے ممتاز سماجی و کاروباری خاندان سے تعلق رکھنے والے حاجی رضا محمد کے صاحبزادے بریگیڈیئر حاجی محمد بلال ملک کو پاک فوج میں میجر جنرل کے باوقار عہدے پر ترقی ملنے پر دلی مبارکباد۔
میجر جنرل حاجی محمد بلال ملک کا شمار پاک فوج کے نہایت قابل، فرض شناس، دیانتدار اور اعلیٰ پیشہ ورانہ صلاحیتوں کے حامل افسران میں ہوتا ہے۔ انہوں نے اپنی عسکری زندگی کے دوران قومی اور بین الاقوامی سطح پر اہم ذمہ داریاں انتہائی کامیابی، دیانت اور بہترین قائدانہ صلاحیت کے ساتھ انجام دیں۔ وطنِ عزیز پاکستان کے دفاع اور مسلح افواج کے لیے ان کی گراں قدر خدمات کے اعتراف میں انہیں میجر جنرل کے اعلیٰ عہدے پر ترقی دی گئی، جو ان کی صلاحیتوں اور خدمات پر پاک فوج کے بھرپور اعتماد کا اظہار ہے۔
اس وقت میجر جنرل حاجی محمد بلال ملک جنوبی افریقہ میں پاکستان کے ملٹری اتاشی کی حیثیت سے اپنی ذمہ داریاں انجام دے رہے ہیں، جہاں وہ پاکستان کی مسلح افواج کی نمائندگی کرتے ہوئے دونوں ممالک کے درمیان دفاعی تعاون، عسکری روابط اور سفارتی تعلقات کے فروغ میں اہم کردار ادا کر رہے ہیں۔
یہ اعزاز نہ صرف ان کے معزز خاندان اور مخدوم پور بلکہ پوری ملک برادری کے لیے باعثِ فخر اور مسرت ہے۔

"ملک نیوز " کی جانب سے میجر جنرل حاجی محمد بلال ملک، ان کے والد محترم حاجی رضا محمد اور اہلِ خانہ کو اس شاندار کامیابی پر دلی مبارکباد پیش کرتے ہیں۔
اللہ تعالیٰ انہیں مزید عزت، ترقی، صحت، کامیابی اور استقامت عطا فرمائے، وطنِ عزیز پاکستان کی خدمت کی مزید توفیق دے، اور پاکستان کو ہمیشہ امن، استحکام، ترقی اور خوشحالی سے نوازے۔
آمین یا رب العالمین۔ 🇵🇰 :::
محمد خالد ابراہیم خلجی۔
ملک نیوز کراچی پاکستان۔

12/06/2026

برادری کے تمام اجتماعی، سماجی و معاشرتی مسائل کا واحد حل،
ایک مشترکہ شوریٰ کی تشکیل،
ملک نیوز، ڈیجیٹل میڈیا پلیٹ فارم،
ملک برادری (کراچی پاکستان)

09/06/2026

کٹھن ہے بہت راہِ حق کی مسافت
بہت متّحد ہو کے چلنا پڑے گا
وہ ایمان جس سے جلائے نہ آتش
اُس ایماں کی خاطر بھی جلنا پڑے گا
بدل دیں نہ تم کو زمانے کی رسمیں
تمہیں نظمِ دنیا بدلنا پڑے گا

محمد خالد ابراہیم خلجی۔
ملک نیوز، ڈیجیٹل میڈیا ملک برادری (کراچی پاکستان)

04/06/2026