29/01/2024
سنڌ ڊزاسٽر رليف ڪئمپين (SDRC) سينٽرل ڪميٽي جي ميمبر، شاگرد اڳواڻ ڪامريڊ ورثا پيرزادو جو والد صاحب، سينئر صحافي سائين ذلف پيرزادو لاڏاڻو ڪري ويو آهي، هن انتهائي ڏکائتي گهڙيءَ ۾ اسين ورثا ۽ سندس گھر ڀاتين سان برابر شريڪ آهيون.
ٻوڏ جي صورتحال ۾ متاثر ڌرتي ڌڻين جي واھر ۾ ورثا پيرزادو جو اھم ڪردار رھيو، جنھن کي ھر وک تي سندس والد سائين ذلف پيرزادو ھمٿايو.
سائين ذلف پيرزادو، حياتيءَ جو اڌ کان وڌيڪ عرصو سنڌي صحافت کي ڏيندڙ پروفيشنل صحافي ھو. پاڻ شاگرديءَ دور ۾ کاٻي ڌر جي سياست ۾ انقلابي ڪردار ادا ڪندڙ پڻ رھيو. حق جو آواز بلند ڪرڻ جي پاداش ۾ کيس ٻہ ڀيرا قيد پڻ ڪيو ويو.سائين ذلف جي وڇوڙي صحافتي صف ۾ ھڪ خال پيدا ڪيو آھي.
اسين SDRC طرفان آدرشي زندگي گذارڻ تي سائين ذلف پيرزادو کي سلام پيش ڪيون ٿا.
جان جان هُئي جيئري ورچي نه ويٺي،
وڃين ڀونء پيٺي ساريندي کي سڄڻين!
