Human Right's Council of Pakistan SINDH

19/09/2026

پریس ریلیز

ہیومن رائٹس کونسل آف پاکستان — کراچی ڈویژن
شہید روشم خان کے قاتلوں کی گرفتاری اور انصاف کے لیے احتجاج

کراچی: ہیومن رائٹس کونسل آف پاکستان کے زیرِ اہتمام آج پریس کلب کے باہر شہید روشم خان کے اہلِ خانہ کو انصاف کی فراہمی اور قاتلوں کی فوری گرفتاری کے مطالبے کے لیے احتجاج ریکارڈ کرایا گیا۔

مقررین نے کہا کہ 14 روز گزر جانے کے باوجود شہید روشم خان کے قاتل تاحال گرفتار نہیں کیے جا سکے، جو انتہائی افسوسناک اور تشویشناک امر ہے۔ ایک غریب خاندان اپنے پیارے کو کھو چکا ہے اور ان کی دنیا اجڑ چکی ہے، لیکن انہیں اب تک انصاف نہیں مل سکا۔
ہیومن رائٹس کونسل آف پاکستان نے حکومت اور متعلقہ قانون نافذ کرنے والے اداروں سے پُرزور مطالبہ کیا ہے کہ شہید روشم خان کے قتل میں ملوث ملزمان کو فوری طور پر گرفتار کیا جائے، انہیں قانون کے مطابق قرارِ واقعی سزا دی جائے اور شہید کے اہلِ خانہ کو مکمل انصاف فراہم کیا جائے۔

میڈیا سیل
ہیومن رائٹس کونسل آف پاکستان

18/09/2026

05/09/2026

30/08/2026

30/08/2026

Honored to announce the appointment of Ms. Khadija Khatoon (Javeriya) as President, Soch Aurat, Sindh Province, under the Human Rights Council of Pakistan. Wishing her great success in promoting women’s rights, empowerment, and social welfare across Sindh.

29/08/2026

28/08/2026

اعلانِ احتجاج

ہیومن رائٹس کونسل آف پاکستان کے زیرِ اہتمام پمز ہسپتال اسلام آباد میں 14 نومولود بچوں کی ہلاکت کے افسوسناک واقعے پر بروز جمعہ شام پانچ 5 بجے ، 28 اگست 2026، کراچی پریس کلب کے باہر احتجاجی مظاہرہ کیا جائے گا۔

تمام بچوں سے محبت کرنے والے، انسانی جان کی حرمت پر یقین رکھنے والے اور باشعور شہریوں سے شرکت کی درخواست ہے۔

14 معصوم جانیں — جواب کون دے گا؟
Justice for the Newborns

#احتجاج #انصاف #جوابدہی

26/08/2026

پمز ہسپتال میں نومولود بچوں کی ہلاکت پر گہرے دکھ اور افسوس کا اظہار

ہیومن رائٹس کونسل آف پاکستان (HRCPakistan) اسلام آباد کے پمز ہسپتال میں پیش آنے والے افسوسناک آتشزدگی کے واقعے میں 14 نومولود بچوں کے جاں بحق ہونے پر گہرے دکھ اور افسوس کا اظہار کرتی ہے اور متاثرہ خاندانوں کے غم میں برابر کی شریک ہے۔

یہ ایک انتہائی دردناک سانحہ ہے، جس نے ہر حساس دل کو رنجیدہ کر دیا ہے۔ ہسپتال ایسے مقامات ہوتے ہیں جہاں مریض اور ان کے اہلِ خانہ حفاظت، دیکھ بھال اور امید کے ساتھ آتے ہیں، اس لیے ایسے واقعات ہم سب کے لیے لمحۂ فکریہ ہیں۔

ہیومن رائٹس کونسل آف پاکستان امید کرتی ہے کہ متعلقہ حکام واقعے کی مکمل اور شفاف تحقیقات کریں گے، تاکہ آتشزدگی کی اصل وجہ سامنے آ سکے اور مستقبل میں ایسے حادثات سے بچاؤ کے لیے ضروری حفاظتی اقدامات مزید مؤثر بنائے جا سکیں۔

کونسل وفاقی اور صوبائی حکومتوں سے بھی اپیل کرتی ہے کہ ملک بھر کے ہسپتالوں، خصوصاً نرسری، NICU اور انتہائی نگہداشت کے شعبوں میں فائر سیفٹی اور ہنگامی حفاظتی انتظامات کا باقاعدہ جائزہ لیا جائے۔

ہم جاں بحق ہونے والے معصوم بچوں کے والدین اور اہلِ خانہ سے دلی تعزیت کا اظہار کرتے ہیں اور دعا کرتے ہیں کہ اللہ تعالیٰ انہیں یہ ناقابلِ تلافی صدمہ برداشت کرنے کی ہمت اور صبر عطا فرمائے۔

جمشید حسین
چیئرمین
Human Rights Council of Pakistan (HRCPakistan)

19/08/2026

پردے کے پیچھے کی اصل محنت، لگن اور عزم! 🎥✨
کیمرے کے سامنے جو رونق نظر آتی ہے، اس کے پیچھے ہماری اس شاندار ٹیم کی دن رات کی محنت شامل ہوتی ہے۔ HRCPAKISTAN کراچی کے 14 اگست کے پروگرام کو کامیاب بنانے کے لیے ہماری ٹیم نے کس طرح پسِ پردہ کام کیا، دیکھیے اس "بیہائنڈ دی سین" ویڈیو میں۔ ٹیم کے ہر فرد کی اس محنت کو ہمارا سلام! 👏

18/08/2026

ہیومن رائٹس کونسل آف پاکستان کا سول ایوارڈز کے انتخاب پر تحفظات کا اظہار — شفافیت اور میرٹ کا مطالبہ

ہیومن رائٹس کونسل آف پاکستان ملک کے اعلیٰ سول اعزازات کے لیے 355 شخصیات کے انتخاب کے بعد سامنے آنے والے عوامی سوالات اور تحفظات کو سنجیدہ سمجھتی ہے۔ سرکاری فہرست کے مطابق یہ اعزازات مختلف شعبوں میں خدمات کے اعتراف میں پاکستانی اور غیر ملکی شخصیات کے لیے منظور کیے گئے ہیں۔

قومی اعزازات کسی حکومت، جماعت یا بااثر طبقے کی پسند و ناپسند کا معاملہ نہیں ہونے چاہئیں۔ یہ ریاستِ پاکستان کی جانب سے قوم کی خدمت کا سب سے معتبر اعتراف ہیں، اس لیے ان کے انتخاب کا معیار غیر جانب دار، واضح، شفاف اور خالصتاً میرٹ پر مبنی ہونا ضروری ہے۔

ہیومن رائٹس کونسل آف پاکستان مطالبہ کرتی ہے کہ حکومت سول ایوارڈز کی نامزدگی، جانچ اور حتمی انتخاب کے معیار کو عوام کے سامنے واضح کرے تاکہ یہ تاثر پیدا نہ ہو کہ سیاسی عہدہ، حکومتی قربت یا اثر و رسوخ حقیقی قومی خدمت پر فوقیت رکھتا ہے۔

پاکستان میں ہزاروں ایسے گمنام اساتذہ، ڈاکٹر، سماجی کارکن، انسانی حقوق کے محافظ، صحافی، سائنس دان، ریسکیو ورکرز اور شہری موجود ہیں جو بغیر کسی تشہیر کے برسوں سے قوم کی خدمت کر رہے ہیں۔ قومی اعزازات میں ایسے حقیقی قومی ہیروز کو نمایاں مقام ملنا چاہیے۔

قومی اعزاز کی عزت اسی وقت برقرار رہتی ہے جب قوم کو یقین ہو کہ اعزاز شخصیت یا عہدے کو نہیں، خدمت اور میرٹ کو دیا گیا ہے۔

جمشید حسین
چیئرمین
ہیومن رائٹس کونسل آف پاکستان (HRCPakistan)