https://www.facebook.com/100852791787750/

DESK Editors Association of Pakistan-DEAP, Plot# 127, near Tosso restaurant, behind Blade Trade Centre, Bhadurabad, Karachi (2026)

Q: What is the address?

Plot# 127, Near Tosso Restaurant, Behind Blade Trade Centre, Bhadurabad

05/11/2025

ڈیجیٹل پلیٹ فارم "نکتہ" کی جانب سے بیک جنبش 37ملازمین کو نوکریوں سے برخاست کرنے کی شدید الفاظ میں مذمت کرتے ہیں۔ حکومت پاکستان سے مطالبہ ہے کہ وہ ایسے میڈیا ہاؤسز کو پابند کرے کہ وہ اپنے ملازمین کو جاب سیکیورٹی فراہم کرے۔ نکتہ انتظامیہ مگرمچھ کے آنسو بہانے کے بجائے اپنے فیصلے پر نظر ثانی کرے اور ورکرز کو فارغ کرنے کے بجائے اپنے دیگر غیر ضروری اخراجات کم کرکے مالی بحران سے نمٹے۔

20/01/2024

وزیراعلیٰ پنجاب کی جانب سےصحافیوں میں تفریق پیدا کرنےکی کوشش قابل مذمت ہے،دیپ
محسن نقوی کاصرف رپورٹرزاورکیمرہ مینوں کےلیےپلاٹوں کااعلان صحافیوں میں تقسیم کی کوشش ہے،دیپ
وزیراعلیٰ پنجاب کا ڈیسک ایڈیٹرز کوپلاٹ اسکیم میں یکسرانداز کرنا انتہائی تشویشناک ہے،چیئرمین دیپ
ڈیسک ایڈیٹرایسوسی ایشن آف پاکستان (دیپ) نے آج نگراں وزیراعلیٰ پنجاب محسن نقوی کی جانب سے صحافیوں کےلیے پلاٹوں کے اعلان پر گہری تشویش کا اظہار کیا ہے۔ اپنے ہنگامی اجلاس میں دیپ نے وزیراعلیٰ کی جانب سے 3300 پلاٹوں کی اسکیم میں ڈیسک ایڈیٹرز کو یکسر نظرانداز کرنے پر غم وغصے کا اظہار کیا۔اور اسے صحافیوں کے درمیان تفریق پیدا کرنے کی کوشش قرار دیا۔ چیئرمین دیپ ذاکر علی اعوان نے کہا خود ایک بڑا نیوزمیڈیا نیٹ ورک چلانے والے وزیراعلیٰ اس بات سے کیسے لاعلم ہیں کہ نیوز ڈیسک اور اسائنمنٹ ڈیسک پر فرائض سرانجام دینے والے ہی اصل صحافی ہوتے ہیں جو رپورٹرز اور نمائندگان کی طرف سے آنے والی خبر کو ادارے کی پالیسی، پیمرا قوانین، قواعد وضوابط ، قومی مفاد اور معاشرتی اقدار کے عین مطابق بناتے ہیں اور پھراسے نشر یا شائع کرتے ہیں۔ نیوز چینل اور اخبارات میں ریڑھ کی ہڈی سمجھے جانے والے اصل صحافیوں کو پلاٹ دیتے وقت صحافیوں کی فہرست سے ہی خارج کر دینا کس کا ایجنڈا ہے؟ صحافی برادری میں اکثریت رکھنے والے ڈیسک ایڈیٹرز کو رپورٹرز اور کیمرہ مینوں سے الگ کرکے صحافیوں کے درمیان تقسیم کی سازش کس کے کہنے پر رچائی جا رہی ہے؟ چیئرمین دیپ نے خبردار کیا کہ اگر وزیراعلیٰ پنجاب کی جانب سے اس سلسلے میں کوئی وضاحت نہ آئی تو ملک بھر کے ڈیسک ایڈیٹرز شدید احتجاج کریں گے۔ واضح رہے کہ نگراں وزیراعلیٰ پنجاب کی جانب سے آج پنجاب بھر کے صحافیوں کے لیے 3ہزار 3سو پلاٹوں کا اعلان کیا گیا۔ جس میں رپورٹرز کے لیے 7 مرلہ اور کیمرہ مین اور فوٹو جرنلسٹ کے لیے 3 مرلہ پلاٹ دینے کا کہا گیا ہے۔ اسکیم کے تحت پلاٹ رعایتی قیمت اور آسان اقساط میں دیے جا رہے ہیں۔

عبدالرحمان بیگ
سیکریٹری نشرواشاعت

19/01/2024

بول نیوز سے 200 سے زائد ورکرز کی جبری برطرفی نامنظور۔ حکومت فوری نوٹس لے اور ورکرز کی کئی ماہ کی بقایا تنخواہیں اور دیگر واجبات کی ادائیگی کا بندوبست کرے۔
سیکڑوں صحافیوں کا معاشی استحصال کرنے پر تمام صحافی اور صحافتی تنظیموں کو بول کے مالک سمیر چشتی کے خلاف احتجاج کرنا چاہیے۔

13/10/2023

‏دیپ کے رکن سینئر صحافی ساحر بلوچ کے ساتھ نئی بول انتظامیہ کا رویہ قابل مذمت ہے
بول کےایچ آرہیڈ کی جانب سے سینئرصحافیوں کوبےتوقیرکرکےنکالناناقابل قبول ہے،دیپ
بول انتظامیہ ذمےداروں کےخلاف کارروائی کرےاور ساحر بلوچ کوبحال کرے،چیئرمین دیپ

کراچی۔(پ ر) ڈیسک ایڈیٹرز ایسوسی ایشن آف پاکستان (دیپ) اپنے معزز رکن اور سینئر صحافی ساحر بلوچ کے ساتھ بول نیوز کی نئی انتظامیہ کے ناروا سلوک کی مذمت کرتی ہے۔ ساحر بلوچ کو انتہائی غیرپیشہ ورانہ انداز میں ادارےسے برطرف کردیاگیا ہے۔جمعہ کے روز ایچ آرہیڈ کے شاہی فرمان کے تحت انہیں دفتر پہنچنے پر نیچے ہی روک لیاگیا۔ استفسار پر ایچ آرہیڈ نے سینئر صحافی اور ایگزیکٹیو پروڈیوسر ساحر بلوچ سے نہ صرف بدتمیزی کی بلکہ برطرفی کا جواز یہ تراشا گیا کہ انہوں نے سابق کنٹرولر رضوان اعوان کا استعفا انکے پورٹل سے پوسٹ کیاتھا۔ نئی انتظامیہ کی جانب سے حیلے بہانوں سے سینئر صحافیوں کی برطرفی قابل مذمت اور قابل گرفت فعل ہے۔ اس سے پہلے رضوان اعوان کو بحیثیت کنٹرولر نیوز اپنے اسٹاف کے حق کےلیے بات کرنے کے جرم کی پاداش میں نکالاگیاتھا۔ نئی انتظامیہ کے غیر پیشہ ورانہ رویئے اور غیرصحافیوں کی جانب سے سینئرصحافیوں کے ساتھ اس جابرانہ سلوک پرتمام ملازمین میں تشویش کی لہر دوڑ گئی ہے۔ اپنے بیان میں چیئرمین دیپ نے کہا دیپ اپنے معزز ارکان کےساتھ کھڑی ہے۔ سینئر صحافیوں کے ساتھ ہوئے اس ناروا سلوک پر دیپ خاموش نہیں بیٹھے گی، ہمارا مطالبہ ہے کہ نئی بول انتظامیہ اپنے خودسر ایچ آر ہیڈ کے خلاف انضباطی کارروائی کرے۔ رضوان اعوان اور ساحر بلوچ سمیت تمام صحافیوں کو فوری طور پر عہدے پر بحال کرے۔

عبدالرحمان بیگ
سیکریٹری نشرواشاعت

04/10/2023

دیپ کے رکن سینئر صحافی رضوان اعوان کے ساتھ نئی بول انتظامیہ کا رویہ قابل مذمت ہے
بول کے ایڈمن ہیڈ کی جانب سے سینئرصحافی کوبےتوقیرکرکےنکالناناقابل قبول ہے،دیپ
بول انتظامیہ اپنے ایڈمن ہیڈ کےخلاف کارروائی کرےاور رضوان اعوان کوبحال کرے،چیئرمین دیپ

کراچی۔(پ ر) ڈیسک ایڈیٹرز ایسوسی ایشن آف پاکستان (دیپ) اپنےمعزز رکن، ممبر کراچی پریس سینئر صحافی رضوان اعوان کے ساتھ نئی بول انتظامیہ کے ناروا سلوک کی مذمت کرتی ہے رضوان اعوان بحیثیت کنٹرولر نیوز اپنے اسٹاف کے حق کےلیے بات کرنے انتظامیہ کے پاس گئے تھے جس پر ایڈمن ہیڈ نے ان کے ساتھ بدتمیزی کی اور دھمکیاں دے کرآفس سے نکلنے کا کہا۔ بول کی نئی انتظامیہ نے بول ملازمین کے ساتھ پہلے سے طے معاہدے کی خلاف ورزی کرتے ہوئے ان کی تنخواہ سے ٹیکس کاٹا جو کہ اس سے پہلے نہیں کاٹا جاتا تھا۔ اس ناانصافی پر تمام ملازمین میں تشویش کی لہر دوڑ گئی ، ملازمین کی شکایت لیکر رضوان اعوان ایڈمن گئے تو وہاں موجود ایڈمن ہیڈ نے انہیں بے توقیر کیا اور دھمکیاں دیں۔ انہیں اتنا مجبور کیا گیا کہ وہ نوکری کو ہی خیرباد کہہ دیں ۔ اپنے بیان میں چیئرمین دیپ ذاکر علی اعوان نے کہا کہ ایک سینئر صحافی کے ساتھ ہوئے اس ناروا سلوک پر دیپ خاموش نہیں بیٹھے گی، ہمارا مطالبہ ہے کہ نئی بول انتظامیہ اپنے ایڈمن ہیڈ کے خلاف انضباطی کارروائی کرے اور رضوان اعوان سے معافی مانگ انہیں فوری طور پر عہدے پر بحال کیا جائے۔

عبدالرحمان بیگ
سیکریٹری نشرواشاعت

06/06/2023

سینیئر صحافی زبیر انجم کو فوری بازیاب کرایا جائے، دیپ

غیرعلانیہ سینسر شپ کے بد ترین دور میں زبیر انجم کا اغواء صحافت پر ایک اور حملہ ہے، ذاکر علی اعوان چیئرمین دیپ

زبیر انجم صدیقی کبھی کسی غیرقانونی سرگرمی میں ملوث نہیں رہے، خیراللہ عزیز جنرل سیکرٹری دیپ

جاری کردہ
شعبہ نشر و اشاعت
ڈیسک ایڈیٹرز ایسوسی ایشن آف پاکستان

08/05/2023

ورکرز کے لیے آواز اٹھانا جرم کیوں؟
ورکرزکےحقوق کاتحفظ جرم کیوں؟
دیپ جیونیوز انتظامیہ کی جانب سے ملازمین کے حقوق کے لیے آواز بلند کرنے پر کے یو جے کے صدر فہیم صدیقی کو بیورو چیف کراچی کے عہدے سے برطرف کرنے کی شدید مذمت کرتی ہے۔ ملازمین کے جائز مطالبات ماننے کے بجائے انہیں نوکریوں سے برطرف کرکے مہنگائی کے دور میں انکے گھروں کے چولہے بجھا دینا ناقابل قبول ہے۔
دیپ مطالبہ کرتی ہے کہ جیو انتظامیہ فہیم صدیقی کو فوری طور پر بحال کرے اور دیگر ورکرز کی جو فہرست تیار کی گئی ہے اس پر عملدرآمد روکے، جن ورکرز پر مقدمات قائم کیے گئے ہیں انھیں واپس لیا جائے اور ورکرز کے جائز مطالبات فوری منظور کیے جائیں۔

ڈیسک ایڈیٹرز ایسوسی ایشن آف پاکستان (دیپ)

08 مئی2023

04/03/2023

ڈیسک ایڈیٹرز ایسوسی پاکستان کے چیئرمین ذاکر علی اعوان، جنرل سیکرٹری خیراللہ عزیز نے بول گروپ کے انگریزی اخبار کی بندش کے اچانک فیصلے اور اس کے نتیجے میں سو سے زائد صحافیوں اور کارکنوں کی برطرفی کو ظالمانہ اقدام قرار دیتے ہوئے، مذمت کی ہے۔
ایک بیان میں صحافی رہنماوں نے کہا جس طرح غیر سنجیدہ افراد اخبار شروع کرکے پھر اچانک بند کرتے ہیں اس سے کارکن صحافی معاشی بدحالی کا شکار ہو جاتے ہیں اس کا اندازہ ظالم مالکان اخبار کو نہیں ہوتا۔
انہوں نے بول اخبار کی انتظامیہ سے مطالبہ کیا ہے کہ بے روزگار ہونے والے صحافیوں اور دیگر عملے کو اگلے چھ ماہ کی تنخواہ اور دیگر مراعات کی مساوی رقم دی جائے تاکہ مہنگائی کے اس بد ترین دور میں وہ اپنے بچوں کی کفالت کرسکیں ۔۔۔۔

اے آر بیگ
سیکرٹری نشرو اشاعت
دیپ

25/01/2023

دیپ کی جانب سے صدر کراچی پریس کلب کا شکریہ 🙏

دیپ وفد کی جانب سے ایکریڈیشن میں رکاوٹوں کا معاملہ اٹھانے کے بعد صدر پریس کلب سعید سربازی صاحب نے سیکریٹری اطلاعات سندھ عمران عطا سومرو سے ان کے دفتر میں ملاقات کی ۔ دیپ کے تحفظات سے آگاہ کیا اور مطالبہ کیا کہ ڈیسک کے تمام کارکنوں کے ایکریڈیشن کارڈز ترجیحی بنیادوں پر بنائے جائیں۔ اس موقع پر ڈائریکٹر انفرمیشن کو بھی بلالیا گیا اور فارم میں غیرمتعلقہ شقیں شامل کرنے کی وجہ پوچھی گئی۔ سیکریٹری اطلاعات نے یقین دہانی کرائی کہ ڈیسک کے تمام ممبران کے کارڈ بنائے جائیں گے اور کسی کا کارڈ نہیں روکا جائےگا۔ سعید سربازی نے صحافیوں کے لیئے پیغام میں کہاہے کہ کسی بھی صحافی کے خلاف کسی بھی سطح پرناانصافی نہیں ہوگی ایکریڈیشن کارڈ حق ہے جس سے کوئی بھی صحافی محروم نہیں رہے گا انہوں نے سیکرٹری اطلاعات کا بھی بھرپورتعاون پرشکریہ اداکیا...

25/01/2023

میڈیا ہاوسز میں ڈیسک پر کام کرنے والے صحافیوں کے مسائل حل کرنا ترجیح ہے، ڈائریکٹر انفارمیشن سندھ

کراچی: چیئرمین ڈیسک ایڈیٹرز ایسوسی ایشن آف پاکستان (دیپ) کی قیادت میں وفد نے بدھ کو ڈائریکٹر انفارمیشن سندھ حسن نقوی سے ان کے دفتر میں ملاقات کی۔ دیپ کے وفد نے ڈیسک پر کام کرنے والے عامل صحافیوں کو درپیش مسائل ، باالخصوص ایکریڈیشن کارڈز کے اجراء میں حائل رکاوٹوں کا معاملہ اٹھایا۔ ڈائریکٹر انفارمیشن سندھ نے دیپ کے وفد کو ہر ممکن تعاون کا یقین دلایا۔ ان کا کہنا تھا کہ ڈیسک پر کام کرنے والے صحافیوں کے بغیر اداروں کو چلانا ممکن ہی نہیں۔ یہ ڈیسک پر کام کرنے والے صحافی ہی ہیں جو معلومات کو خبر کی شکل دیتے ہیں، خبر کو پرکھتے ہیں اور میرٹ کے مطابق اس کو شائع اور نشر کرنے میں اہم کردار ادا کرتے ہیں۔ ڈیسک پر کام کرنے والے صحافیوں کے مسائل کو ترجیحی بنیادوں پر حل کریں گے۔ ڈائریکٹر انفارمیشن نے دیپ کے وفد کو یقین دلایا کہ ایکریڈیشن کارڈ کے اجراء میں کسی کو رکاوٹ ڈالنے کی اجازت نہیں دی جائے گی۔ ڈیسک پر کام کرنے والے صحافی متعلقہ ادارے اور مجاز اتھارٹی سے دستخط شدہ فارم انفرادی طور پر خود بھی جمع کراسکتے ہیں۔ دیپ کے وفد نے مکمل تعاون کا یقین دلانے پر ڈائریکٹر انفارمیشن سندھ کا شکریہ ادا کیا۔ وفد میں چیئرمین دیپ ذاکرعلی اعوان، ساحر بلوچ اور خیراللہ عزیز کے علاوہ کراچی پریس کلب کی گورننگ باڈی کے رکن سینئر صحافی شمس کیریو شامل تھے۔

عبدالرحمان بیگ
سیکرٹری نشرواشاعت

22/01/2023

‏ڈیسک ایڈیٹرز ایسوسی ایشن آف پاکستان (دیپ) کا ہنگامی اجلاس 21 جنوری بروز ہفتہ رات 8بجے کراچی پریس کلب کے ابراہیم جلیس ہال میں منعقد ہوا۔ اجلاس میں شرکا نے رواں سال انفارمیشن ڈیپارٹمنٹ سندھ کی جانب سے جاری ایکریڈیشن فارم پر شدید تحفظات کا اظہار کیا۔ شرکا نے اس بات پر شدید غم وغصے کااظہار کیا کہ ایکریڈیشن کارڈ کی منظوری کے لیے بلائے گئے اجلاس میں سینئر صحافیوں کی موجودگی میں اس طرح کا فیصلہ کیا گیا جس سے صحافیوں کا اکثریتی طبقہ یعنی ڈیسک ایڈیٹرز ایکریڈیشن کارڈ کے حصول سے محروم رہ جائے گا۔ اجلاس میں متفقہ طور پر ایک قرارداد منظور کی گئی جس میں درج ذیل مطالبات کئے گئے ہیں۔
1۔ ایکریڈیشن فارم کی شق نمبر9 میں نئی شامل کی گئی تمام ذیلی شقیں ختم کی جائیں۔
2۔ شق نمبر15 میں ہر ادارے سے صرف ایک فوکل پرسن کی پابندی ختم کرکے اس کی جگہ ڈائریکٹر نیوز، کنٹرولر نیوز اور بیورو چیف کے دستخط اور ادارے کی مہر کی شرط رکھی جائے۔
3۔ چینل، اخبار یا کسی بھی ذرائع ابلاغ کی جانب سے صحافیوں کی فہرست کی شرط ختم کی جائے، کیونکہ ادارہ صرف انہی صحافیوں کے ایکریڈیشن فارم پرمہر ثبت کرتا ہے جو اس وقت ادارے کے ملازم ہوتے ہیں۔ لہٰذا صحافیوں کو ادارے سے لسٹ کی فراہمی میں ہر سال شدید دشواری کا سامنا کرنا پڑتا ہے اس کے باوجود کئی صحافی فہرست میں شامل ہونے سے رہ جاتے ہیں۔
4۔ ایکریڈیشن کارڈ کی مدت 31دسمبر کے بجائے 31مارچ رکھی جائے تاکہ صحافیوں کو نئے سال کا ریلوے ڈسکاؤنٹ کارڈ بنوانے میں آسانی رہے۔
5۔ ایکریڈیشن فارم اور ایکریڈیشن پالیسی کی منظوری کے لیے ہونے والے سالانہ اجلاسوں میں دیپ کے نمائندوں کو بھی شرکت کی دعوت دی جائے۔

چیئرمین دیپ ذاکرعلی اعوان کی زیرصدارت یک نکاتی ہنگامی اجلاس میں ساحر بلوچ، خیراللہ عزیز، یاسر عرفات، سکندر آفاق، سید محمد مدثر، عبدالرحمان بیگ، فرید ثانی، عارف حسین، احسن اعوان، منیب احمد، مبشر محمد، کامران سرور، احسن خان اعوان اور دیگر نے شرکت کی۔

بعد ازاں صدر کراچی پریس جناب سعید سربازی کو اجلاس میں شرکت کی دعوت دی گئی اور آمد پر انہیں اجلاس کے فیصلوں اور ڈیسک ایڈیٹرز کے تحفظات سے آگاہ کیا گیا۔ اجلاس میں فیصلہ کیا گیا کہ وزیر اطلاعات، سیکریٹری اطلاعات، ڈائریکٹر انفارمیشن ڈیپارٹمنٹ اور صدر کراچی پریس کلب کو خطوط لکھے جائیں گے۔ اس مسئلے کے حل کے لیے صدر کراچی پریس کلب نے اپنے بھرپور تعاون کا یقین دلایا اور بروز پیر یا منگل کو دیپ وفد کے ہمراہ ڈائریکٹر انفارمیشن سے ملنے جانے کا وعدہ کیا تاکہ اس مسئلے کا مستقل حل نکالا جا سکے۔

دیپ کے اہم ترین اجلاس میں ایسوسی ایشن کو فعال رکھنے کے لیے تمام ارکان نے متفقہ طور جناب خیراللہ عزیز کو جنرل سیکرٹری کی ذمہ داری سونپنے کی منظوری بھی دی۔

سیکریٹری نشر واشاعت
عبدالرحمان بیگ

31/12/2022

HAPPY NEW YEAR TO ALL DEAP MEMBERS

DESK Editors Association of Pakistan-DEAP

05/11/2025

20/01/2024

19/01/2024

13/10/2023

04/10/2023

06/06/2023

08/05/2023

04/03/2023

25/01/2023

25/01/2023

22/01/2023

31/12/2022

Address

Website

Alerts

Contact The Organization

Shortcuts

Share

Category