07/09/2026
تحریک منہاج القرآن تحصیل جہلم-1 (6 ستمبر 2026)
تحریک منہاج القرآن تحصیل جہلم-1 کی جنرل کونسل کا اہم اجلاس زیر صدارت محترم مبشر حسن ضلعی صدر تحریک منہاج القرآن جہلم شرقی تحصیلی دفتر جی ٹی روڈ جادہ جہلم میں منعقد ہوا۔
جس کا ایجنڈا "میلاد مصطفیٰ کانفرنس راولپنڈی اور سالانہ اہداف کا حصول" تھا۔ ایجنڈے پر تحصیلی ناظم محترم سیف اللّٰہ جاوید نے تفصیلی روشنی ڈالی۔ اس اہم اجلاس میں تحصیلی صدر چوہدری قدیر حسین، مرکزی نائب ناظم اعلیٰ محترم پروفیسر سلیم احمد چوہدری، محترم شاہد بشیر ڈویژنل صدر، راولپنڈی ڈویژن B، ڈویژنل ناظم قاضی نصیر احمد، ڈویژنل صدر علماء کونسل سید حسنین حیدر شاہ، ضلعی صدر منہاج القرآن علماء کونسل حافظ مظہر حسین، تحصیلی ناظم علماء کونسل سید انوار حسین شاہ، تحصیلی ناظم تربیت و مراکز علم محترم عصمت اللّٰہ قادری، تحصیلی ناظم مالیات نوید انجم، منہاج یوتھ لیگ ضلع جہلم کے صدر محترم حسن یعقوب، ضلعی ناظم ویلفیئر محترم چوہدری احمد رضا اور یونین کونسل کے صدور و ناظمین اور تمام سینئر قیادت نے شرکت کی۔
اس اہم اجلاس کے تمام شرکاء نے میلاد مصطفیٰ کانفرنس راولپنڈی میں شرکت کے حوالے سے کئے گئے فیصلوں کی تائید کی۔ اس کے علاوہ تمام یونین کونسلز کو تحریک کے سالانہ اہداف پر بریفنگ دی گئی اور اس کی روشنی میں تمام یونین کونسلز کی کارکردگی کا جائزہ بھی لیا گیا۔ اجلاس کا اختتام دعا پر ہوا۔
اجلاس کے بعد تمام شرکاء کے اعزاز میں پُرتکلف ظہرانہ دیا گیا۔
ناظم نشر و اشاعت،
تحریک منہاج القرآن تحصیل جہلم-1
