12/03/2026
مسلم اسٹوڈنٹس آرگنائزیشن، یونیورسٹی آف جھنگ کی فیسوں کے حوالے سے جاری کردہ نوٹیفکیشن مسترد کرتی ہے۔
مسلم سٹوڈنٹس آرگنائزیشن، یونیورسٹی آف جھنگ کی فیسوں کے حوالے سے جاری کردہ نوٹیفکیشن یکسر مسترد کرتی ہے اور انتظامیہ کے اس فیصلے پر شدید تشویش اور بھر پور احتجاج کا اظہار کرتی ہے۔ مہنگائی کے اس دور میں یونیورسٹی کے طلباء پر یومی 100 روپے جرمانہ عائد کرنا اس امر کی واضح عکاسی ہے کہ طلباء کے بنیادی حقوق و مسائل کو پس پشت ڈال کر طلباء کو معاشی طور پر ہراساں کیا جارہا ہے۔
طلباء پر یہ مالی بوجھ انصاف کے تقاضوں کے یکسر منافی ہے۔ مسلم سٹوڈنٹس آرگنائزیشن یونیورسٹی آف جھنگ یہ مطالبہ کرتی ہے کہ اس فیصلے پر فی الفور نظر ثانی کی جائے یہ صورت دیگر طلباء اپنے جائز ، قانونی اور آئینی حقوق کے حصول و تحفظ کے لیے مؤثر اور بھر پور لائحہ عمل اختیار کرنے پر مجبور ہوں گے۔
's
