PMA Jhang

23/11/2025

پی ایم اے ، جھنگ کے معزز کنسلٹنٹس کو گریڈ 19 میں ترقی پر دل کی گہرائیوں سے مبارکباددیتی ہے!
یہ اُن کی محنت، لگن اور بہترین کارکردگی کا بڑا اعزاز اور قابلِ فخر سنگِ میل ہے

07/10/2025

علی احمد خاں ہسپتال اور پاکستان میڈیکل ایسوسی ایشن کے ڈاکٹرز کی جانب سے دریائے چناب اور دریائے جہلم کے درمیان واقع موضوع سنگا میں فری میڈیکل کیمپ کا انعقاد کیا گیا ۔
فری میڈیکل کیمپ میں علی احمد خاں ہسپتال کے سی ۔ای۔او محترم جناب ڈاکٹر سہیل فاروق ملک صاحب میڈیکل سپیشلسٹ کے ہمراہ علی احمد خاں ہسپتال کے ایم۔ایس محترم جناب ڈاکٹر امجاد حسین صاحب سا ئیکاٹرسٹ و فیملی فزیشن ،ڈاکٹر لقمان علی صاحب سکن سپیشلسٹ و جنرل سیکٹری پی ایم اے جھنگ ، ڈاکٹر افتخار حسین سجوکہ صاحب چائلڈ سپیشلسٹ نے فری میڈیکل کیمپ میں۔ 300سے زائد مریضوں کا چیک اپ کیا اور مریضوں کو مفت میڈیسن بھی دیں ۔

14/09/2025

الحمدللہ، آج پاکستان میڈیکل ایسوسی ایشن جھنگ کی جانب سے صدر پی ایم اے جھنگ ڈاکٹر آصف رضا خان کی زیرِ نگرانی Phase 1 کے تحت تقریباً 100 مستحق خاندانوں میں مسن کے علا قے میں روزمرہ کے راشن کی تقسیم ہوئی۔ زیادہ تر راشن ان گھروں کے دروازے پر پہنچایا گیا جو مکمل یا جزوی طور پر تباہ ہوگئے تھے۔ ان شاءاللہ Phase 2 اور Phase 3 میں ڈاکٹرز کمیونٹی جھنگ کی طرف سے تحصیل شورکوٹ، اے پی سیال اور 18 ہزاری میں بھی راشن تقسیم کیا جائے گا۔

24/06/2025

پی ایم اے جھنگ کی گوجرہ میں ڈاکٹر وسیم چیمہ و اہلیہ پر قاتلانہ حملے کی شدید مذمت اور قاتلانہ حملہ کرنے والوں کی فوری گرفتاری، متاثرہ فیملی کو تحفظ و انصاف، اور مؤثر قانون سازی کا مطالبہ۔ڈاکٹرز پر حملے ناقابلِ برداشت ہیں اب خاموشی نہیں، اتحاد وقت کی ضرورت ہے۔
پی ایم اے جھنگ

21/05/2025

ڈاکٹر امجاد حسین، پی ایم اے جھنگ کے سرگرم رکن، جھنگ جمخانہ کے بورڈ آف گورنرز (BOG) کے انتخابات میں حصہ لے رہے ہیں۔ ان کا مشن ترقی، بہتری اور مثبت تبدیلی ہے، جس کا نعرہ “نئی اُمید، نیا وژن” ہے۔ پی ایم اے جھنگ ان کی بھرپور حمایت کرتی ہے اور تمام معزز اراکین سے درخواست کرتی ہے کہ وہ ڈاکٹر امجاد حسین صاحب کا ساتھ دیں اور جھنگ جمخانہ کو ایک بہتر اور شفاف ادارہ بنانے میں اپنا کردار ادا کریں۔

28/04/2025

نجکاری کیخلاف مزاحمت کرنے والے ڈاکٹرز پر بربریت-
ڈاکٹروں پر ریاستی ظلم کے مناظر -

25/04/2025

19/04/2025

GHA Jhang protest against Privatisation.

17/04/2025

ڈاکٹر آصف رضا خان، صدر پاکستان میڈیکل ایسوسی ایشن جھنگ کا لاہور میں گرینڈ ہیلتھ الائنس سے خطاب

15/04/2025

*نجکاری نامنظور — سرکاری صحت کا تحفظ ہمارا فرض ہے!*

*پی ایم اے جھنگ* کے وفد نے صدر ڈاکٹر آصف رضا خان کی قیادت میں پی ایم اے پنجاب اور مرکزی قیادت کے ہمراہ لاہور دھرنے میں شرکت کی، اور گرینڈ ہیلتھ الائنس (GHA) کی سرکاری اسپتالوں کی نجکاری کے خلاف جدوجہد کی مکمل حمایت کا اعلان کیا۔

اتوار کے روز پی ایم اے، وائی ڈی اے اور دیگر اتحادی تنظیموں کا ایک اہم مشترکہ اجلاس منعقد ہوا، جس میں متفقہ طور پر فیصلہ کیا گیا کہ:

> پنجاب کے تمام اضلاع میں اس ہفتے نجکاری کے خلاف احتجاجی مظاہرے ہوں گے۔

> ہفتہ کے روز جھنگ میں ایک بڑے پیمانے پر احتجاج ریکارڈ کروایا جائے گا، جس میں GHA پنجاب کی سینیئر قیادت کو مدعو کیا گیا ہے۔

ان شاء اللہ!
ہم سب سرکاری صحت کے نظام کے تحفظ اور نجکاری کے خلاف مزاحمت کے لیے متحد اور پُرعزم ہیں۔

07/04/2025

*پی ایم اے جھنگ* نے اپنی ایک سالہ شاندار کارکردگی اور کمیونٹی سے عہدِ وفا کا جشن منایا۔
6 اپریل 2025 کو اسلم مارکی میں ضلع بھر کے تمام ڈاکٹرز کا عظیم الشان اجتماع منعقد ہوا، جس میں نہ صرف سینئرز بلکہ نوجوان ساتھیوں نے بھی بھرپور شرکت کی۔

تقریب کا آغاز بچوں نے اپنی خوبصورت آواز میں تلاوتِ قرآنِ پاک اور نعتِ رسولِ مقبول ﷺ سے کیا، جس نے محفل کو روحانیت سے بھر دیا۔

اس موقع پر صدر پی ایم اے پنجاب *ڈاکٹر کامران سعید صاحب* ، سابق صدر پی ایم اے لاہور *پروفیسر اشرف نظامی صاحب* ، صدر پی ایم اے ملتان *پروفیسر مسعود ہراج صاحب،* صدر پی ایم اے خانیوال *ڈاکٹر زاہد خان صاحب* اور صدر پی ایم اے قصور *ڈاکٹر شفیق احمد صاحب* نے خصوصی شرکت کی۔ معزز مہمانوں نے پی ایم اے جھنگ کی محنت، لگن اور خدمات کو سراہا اور صحت کی سہولیات کی آؤٹ سورسنگ کو متفقہ طور پر مسترد کیا۔

پروفیسر اشرف نظامی صاحب نے اپنے خطاب میں کہا:
" *پی ایم اے جھنگ نے اپنی کم مدت میں جو کام کیا ہے، وہ قابلِ تحسین بھی ہے اور باقی اضلاع کے لیے مثال بھی۔ ایسی قیادتیں اداروں کا سرمایہ ہوتی ہیں۔"*

تقریب میں گزشتہ سال ریٹائر ہونے والے معزز ڈاکٹرز کی خدمات کو خراجِ تحسین پیش کرتے ہوئے انہیں شیلڈز دی گئیں،
جبکہ گزشتہ چند سالوں کے دوران وفات پا جانے والے ڈاکٹرز کو کھڑے ہو کر خاموشی سے خراجِ عقیدت پیش کیا گیا۔

یہ پروگرام جھنگ کی تاریخ کا ایک منفرد اور یادگار اجتماع تھا، جس میں شرکاء نے بھرپور جوش و خروش سے شرکت کی اور پی ایم اے جھنگ کی ڈاکٹروں کے لیے کی جانے والی کاوشوں کو دل سے سراہا۔

آخر میں ڈاکٹر آصف رضا خان (صدر پی ایم اے جھنگ)اور پوری کابینہ نے تمام مہمانوں اور شرکاء کا دل کی گہرائیوں سے شکریہ ادا کیا۔

17/01/2025

آرتھو پیڈک سرجن ڈاکٹر خضر بھٹی کی ناگہانی وفات پر پاکستان میڈیکل ایسوسی ایشن جھنگ کی طرف سے دعائے مغفرت کی تقریب-