16/05/2026
فخرِ نذر، فخرِ اسماعیلہ، فخرِ پاکستان
سید سلمان رحمان
یہ بات پورے علاقہ اسماعیلہ خصوصاً نذر کے لیے باعثِ فخر ہے کہ اس دھرتی کے سپوت سید سلمان رحمان نے اپنی غیر معمولی صلاحیتوں، دیانتداری اور قومی خدمات کے ذریعے پورے پاکستان کا سر فخر سے بلند کر دیا۔
آپ کا تعلق نذر اسماعیلہ سے ہے جبکہ آپ کے والد محترم کا نام سید عبد الرحمٰن ہیں۔
سید سلمان رحمان، جو نیپرا میں ڈائریکٹر (ٹیرف) کے طور پر خدمات انجام دے رہے ہیں، اُن چند قابل اور مخلص شخصیات میں شامل ہیں جنہوں نے پاکستان کے توانائی شعبے میں تاریخی کردار ادا کیا۔
2019 میں قائم حکومتی ٹاسک فورس کے اہم رکن کے طور پر انہوں نے 54 آئی پی پیز معاہدوں میں موجود بے ضابطگیوں کو بے نقاب کرنے اور قومی خزانے کو اربوں روپے کے نقصان سے بچانے میں کلیدی کردار ادا کیا۔
ان کی محنت اور غیر معمولی خدمات کے اعتراف میں انہیں ستارۂ امتیاز سے نوازا گیا، جو نہ صرف اُن کی ذاتی کامیابی بلکہ پورے نذر، اسماعیلہ اور پاکستان کے لیے اعزاز ہے۔
قوم کو ایسے گمنام مگر عظیم ہیروز پر فخر ہے جو خاموشی سے اپنی قابلیت کے ذریعے ملک و قوم کی خدمت کر رہے ہیں۔
اللہ تعالیٰ سید سلمان رحمان صاحب کو مزید کامیابیاں عطا فرمائے اور انہیں ہمیشہ پاکستان کی خدمت کی توفیق دے۔ آمین۔
وائس آف اسماعیلہ کی جانب سے سید سلمان رحمان صاحب کو دل کی گہرائیوں سے مبارکباد پیش کرتے ہیں۔
