ہیومن رائٹس کونسل آف آزاد جموں وکشمیر

01/05/2026

📢 اطلاع عام
اگر آپ کے ساتھ یا آزادکشمیر کے کسی بھی فرد کے ساتھ کسی بھی قسم کی ناانصافی، ظلم یا زیادتی ہوئی ہے تو براہ کرم نیچے دیے گئے فارم کو فل کر کے بذریعہ ای میل یا واٹس ایپ ہمارے ساتھ شیئر کریں۔

✍️ ہماری ٹیم آپ کی شکایت کی مکمل چھان بین کرے گی اور انصاف کی فراہمی کے لیے بھرپور اقدامات اٹھائے گی۔

🤝 ہمارا عزم:
انسانی حقوق کا تحفظ اور مظلوم کی آواز بننا۔

📍 شعبہ نشر و اشاعت
ہیومن رائٹس کونسل آف آزاد جموں و کشمیر

27/01/2026

صدر ہیومن رائٹس کونسل آف آزاد جموں و کشمیر اشتیاق احمد قریشی نے یاسین ملک کی سزا کے معاملے پر حکومتِ پاکستان اور آزاد کشمیر حکومت کی خاموشی پر سخت سوالات اٹھا دیے۔

انہوں نے کہا کہ کشمیری قیادت کے خلاف بھارتی انتقامی کارروائیاں جاری ہیں مگر حکومتی سطح پر عملی اقدامات کا فقدان تشویشناک ہے۔ خاموشی مظلوم کے ساتھ نہیں بلکہ ظالم کے مؤقف کو تقویت دیتی ہے

31/12/2025

ہیومن رائٹس کونسل آف آزادجموں کشمیر نے سال 2023-2024 کی سالانہ رپورٹ جاری کر دی!

26/12/2025

ہیومن رائٹس کونسل آف آزاد جموں و کشمیر
مرکزی ایگزیکٹو باڈی ایک مضبوط، متحد اور بااصول ٹیم

ہم انسانی وقار، آئینی حقوق، انصاف اور مظلوم کی آواز بننے کے عزم کے ساتھ منظم اور متحرک ہیں۔
انصاف، مساوات اور انسانی حقوق کے تحفظ کے لیے ہمارا سفر اجتماعی جدوجہد اور ذمہ دار قیادت کے ساتھ جاری ہے۔

✊ انسانی حقوق — ہماری ترجیح
🤝 اتحاد — ہماری طاقت
⚖️ انصاف — ہمارا عزم

23/12/2025

ہیومن رائٹس کونسل آف آزاد جموں و کشمیر دہلی ہائی کورٹ کی جانب سے کشمیری حریت قیادت کے خلاف دائر اپیلوں کو محض تکنیکی بنیادوں پر مسترد کیے جانے کو انصاف کے بنیادی اصولوں کے منافی اور شدید قابلِ مذمت سمجھتی ہے۔ یہ فیصلہ اس تلخ حقیقت کی عکاسی کرتا ہے کہ مقبوضہ جموں و کشمیر میں قانون کو سیاسی انتقام اور اختلافِ رائے کو دبانے کے لیے بطور ہتھیار استعمال کیا جا رہا ہے۔

The rejection of these appeals on technical grounds reflects a systematic denial of justice and reinforces the pattern of political victimization in Indian-occupied Jammu & Kashmir.

غیر قانونی سرگرمیوں کی روک تھام کے کالے قانون UAPA کا مسلسل اور بے جا استعمال منصفانہ ٹرائل، شفاف عدالتی عمل اور بنیادی انسانی آزادیوں کی صریح خلاف ورزی ہے۔ کشمیری سیاسی قیادت کے خلاف برسوں سے جھوٹے مقدمات، طویل حراستیں اور عدالتی تاخیر اس امر کا ثبوت ہیں

justice is being delayed and deliberately denied through procedural manipulation and draconian legislation.

ہیومن رائٹس کونسل آف آزاد جموں و کشمیر واضح کرتی ہے کہ سیاسی اختلاف، پرامن جدوجہد اور حقِ خودارادیت کی حمایت کسی بھی بین الاقوامی قانون یا مہذب معاشرے میں جرم نہیں ہو سکتی۔

Framing charges against Kashmiri leaders and denying them an effective right to appeal is a clear breach of international human rights standards, including the right to fair trial and access to justice.

یہ امر انتہائی تشویشناک ہے کہ UAPA جیسے قوانین کو کشمیری عوام کی جائز سیاسی آواز کو کچلنے، قیادت کو دیوار سے لگانے اور خوف و جبر کا ماحول قائم رکھنے کے لیے استعمال کیا جا رہا ہے۔

Such actions erode the credibility of the judicial process and expose the shrinking democratic space under Indian administration in Kashmir.

ہیومن رائٹس کونسل آف آزاد جموں و کشمیر مطالبہ کرتی ہے کہ تمام کشمیری سیاسی قیدیوں کو فوری اور غیر مشروط طور پر رہا کیا جائے، UAPA جیسے کالے قوانین کا اطلاق بند کیا جائے، اور تمام مقدمات کا آزاد، شفاف اور غیر جانبدار عدالتی نگرانی میں ازسرِنو جائزہ لیا جائے۔

The continued incarceration of political leaders is incompatible with international legal obligations and democratic norms.

ہم اقوام متحدہ، عالمی انسانی حقوق تنظیموں، یورپی یونین، او آئی سی، اور دیگر بین الاقوامی اداروں سے پُرزور اپیل کرتے ہیں کہ وہ اس سنگین صورتحال کا فوری نوٹس لیں، مقبوضہ جموں و کشمیر میں انسانی حقوق کی خلاف ورزیوں کی آزادانہ تحقیقات کے لیے fact-finding missions تعینات کریں، اور بھارت کو اس کی بین الاقوامی ذمہ داریوں کی پاسداری پر مجبور کریں۔

Silence of the international community will only embolden further repression and deepen the human rights crisis in Kashmir.

06/12/2025

Honoring a Champion of Justice and Human Dignity

📅 10 December 2025
📍 Beach Luxury Hotel, Karachi

Join us in celebrating voices that uphold humanity, dignity, and the true spirit of human rights. This prestigious gathering will recognize outstanding leadership, unwavering commitment, and dedicated efforts made in pursuit of peace and justice.

We looks forward to warmly welcoming you to Karachi for this remarkable event.

28/11/2025

انٹرنیشنل اسلامک یونیورسٹی اسلام آباد میں جموں کشمیر اسٹوڈنٹس آرگنائزیشن (JKSO) کے پرامن اسٹڈی سرکل پر اسلامی جمعیت طلبہ کے کارکنوں کی جانب سے حملہ، تشدد، ہراسانی اور جموں کشمیر کے پرچم و لٹریچر چھین لینے کا واقعہ نہایت افسوسناک، تشویش ناک اور قابلِ مذمت ہے۔

تفصیلات کے مطابق JKSO نے “آرٹیکل 370 اور 35-A کی منسوخی اور مستقبل کے چیلنجز” کے موضوع پر ایک علمی نشست کا انعقاد کیا تھا۔ اس دوران اسلامی جمعیت طلبہ کے سینکڑوں کارکن ڈنڈوں، آہنی مکوں اور منظم گروہوں کی شکل میں حملہ آور ہوئے اور طلبہ کو ان کی شناخت — صرف اور صرف جموں کشمیر سے تعلق رکھنے کی بنیاد پر — نشانہ بنایا۔ اس حملے میں بڑی تعداد میں کشمیری طلبہ زخمی ہوئے جبکہ پاکستانی زیرانتظام جموں کشمیر کے پرچم اور مطالعہ جاتی مواد چھین کر پھینک دیا گیا۔

یہ واقعہ نہ صرف آزادی اظہارِ رائے، آئینی حقوق اور تعلیمی آزادی پر حملہ ہے بلکہ کشمیر سے تعلق رکھنے والے نوجوانوں کی تذلیل اور ان کے تشخص کو نشانہ بنانے کی ایک سنگین کوشش ہے۔ یہ امر انتہائی تشویش کا باعث ہے کہ ایک سرکاری یونیورسٹی میں ایسے انتہاپسند گروہوں کو کھلی چھوٹ حاصل ہے جو برسوں سے دیگر طلبہ تنظیموں کو تشدد کے ذریعے آواز اٹھانے سے روک رہے ہیں۔

ہیومن رائٹس کونسل آف آزاد جموں و کشمیر اس افسوسناک واقعے کی سخت ترین الفاظ میں مذمت کرتی ہے اور درج ذیل مطالبات پیش کرتی ہے:

1. اسلامی جمعیت طلبہ کے حملہ آور کارکنان کے خلاف فوری اور سخت قانونی کارروائی کی جائے۔
2. یونیورسٹی انتظامیہ ایک غیرجانبدار انکوائری کمیٹی قائم کرے اور اس کی رپورٹ فوری طور پر جاری کرے۔
3. JKSO اور کشمیری طلبہ کو تحفظ، انصاف اور تعلیمی آزادی کی ضمانت فراہم کی جائے۔
4. پاکستان کی تمام جامعات میں طلبہ تنظیموں کو تشدد سے پاک اور آزادانہ ماحول میں کام کرنے کی اجازت دی جائے۔
5. کشمیر سے تعلق رکھنے والے طلبہ پر دباؤ، تعصب اور انتقامی کارروائیوں کا سلسلہ بند کیا جائے اور ذمہ دار عناصر کو قانون کے مطابق جواب دہ بنایا جائے۔

ہم یاد دہانی کرواتے ہیں کہ کشمیر کے طلبہ جہاں بھی ہوں، وہ پرامن علمی سرگرمیوں، مکالمے اور دلیل کے ذریعے کشمیر کی آواز دنیا تک پہنچا رہے ہیں۔ انہیں تشدد کے ذریعے خاموش کرانے کی کوشش ایک فکری، اخلاقی اور انسانی حقوق کی ناکامی ہے۔

ہیومن رائٹس کونسل اس واقعے کو انسانی حقوق، تعلیمی آزادی اور اظہارِ رائے کے بنیادی اصولوں کے خلاف کھلی جارحیت قرار دیتی ہے اور واضح کرتی ہے کہ کشمیری طلبہ کے حقوق، عزت اور شناخت کے تحفظ کیلئے ہر فورم پر آواز اٹھانے کا سلسلہ جاری رہے گا

23/11/2025

Law & Justice Conference
Ishtiaq Ahmed
President HRC Azad Jammu & Kashmir

Date: 25, November 2025
Time: 10:00 Am
Venue: Islamabad High Court Bar Hall, Constitution Avenue, G-5/1, Islamabad.



Human Rights Council of Pakistan
Human Rights Council of Gilgit Baltistan
Human Rights Council Of Islamabad

20/11/2025

ڈوبہ بھیڈی میں ایک غریب، مسکین اور بے سہارا خاتون پر ماسٹر طفیل خان اور نواز خان کی جانب سے بہیمانہ تشدد نہایت افسوس، دکھ اور شدید غم و غصے کا باعث ہے۔ ایک مرد کا کسی خاتون پر ہاتھ اٹھانا نہ صرف غیر اخلاقی اور غیر انسانی فعل ہے بلکہ قانون اور اسلامی تعلیمات بھی اس کی سختی سے ممانعت کرتی ہیں۔

ہیومن رائٹس کونسل آف آزاد جموں و کشمیر اس واقعہ کی شدید الفاظ میں مذمت کرتی ہے اور متعلقہ حکام سے پرزور مطالبہ کرتی ہے کہ:

ملزمان کو فی الفور گرفتار کیا جائے۔
ان کے خلاف قانون کے مطابق باقاعدہ ایف آئی آر درج کی جائے۔
متاثرہ خاتون، جو اس وقت باغ اسپتال میں زیرِ علاج ہے، کو مکمل قانونی تحفظ اور فوری انصاف فراہم کیا جائے۔

ایسے واقعات معاشرے کے لیے ایک بدنما داغ ہیں اور ان پر سخت کارروائی ناگزیر ہے۔ کمزور، غریب اور بے سہارا شہریوں پر ظلم کے واقعات کسی بھی مہذب معاشرے میں برداشت نہیں کیے جا سکتے۔ ہیومن رائٹس کونسل اس متاثرہ خاتون کے ساتھ مکمل یکجہتی کا اظہار کرتی ہے اور اعلان کرتی ہے کہ انصاف کے حصول تک اس کیس کی مسلسل پیروی کی جائے گی!
AJK Police

18/11/2025