26/08/2026
جيئي مھراڻ 🚩
جيئي لطيف 🚩
پريس پڌرائي
12 ربيع الاول جي بابرڪت رات جي مناسبت سان روحاني ۽ علمي پروگرام
12 ربيع الاول جي بابرڪت ۽ مقدس رات جي مناسبت سان ڊاڪٽر اي. ڪيو. خان ڪاليج اسلام آباد ۾ هڪ پُروقار مذهبي ۽ روحاني پروگرام منعقد ڪيو ويو، جنهن ۾ شاگردن وڏي عقيدت، احترام ۽ جوش سان شرڪت ڪئي.
پروگرام جي شروعات تلاوتِ ڪلام پاڪ سان ڪئي وئي، جنهن کان پوءِ شاگردن پاران نعتِ رسول ﷺ پيش ڪئي وئي ۽ حضور پاڪ ﷺ جي سيرتِ طيبه، اخلاق، محبت، انسانيت ۽ تعليمات جي مختلف پهلوئن تي تقريرون ڪيون ويون.
شاگردن پنهنجي تقريرن ذريعي نبي ڪريم ﷺ جي محبت، صبر، برداشت، علم، اخوت ۽ انسانيت سان حسنِ سلوڪ جو پيغام اجاگر ڪيو. پروگرام دوران شاگردن پنهنجي صلاحيتن جو پڻ بهترين مظاهرو ڪيو، جنهن سان تقريب جو ماحول علمي، روحاني ۽ محبتِ رسول ﷺ سان سرشار رهيو.
هي پروگرام نوجوانن ۾ سيرتِ طيبه کي سمجهڻ، ان مان رهنمائي حاصل ڪرڻ ۽ پنهنجي عملي زندگيءَ ۾ رسول الله ﷺ جي تعليمات کي اپنائڻ جي حوالي سان هڪ خوبصورت قدم هو.
مھراڻ اسٽوڊنٽس ڪائونسل پاران اهڙين علمي، ادبي، ثقافتي ۽ روحاني سرگرمين کي هميشه اهميت ڏني ويندي، ڇاڪاڻتہ اسان جو يقين آهي ته شاگردن جي حقيقي تربيت صرف ڪتابن تائين محدود ناهي، پر انهن جي اخلاق، ڪردار ۽ شعور جي تعمير پڻ ضروري آهي.
بارگاهه رسالت ﷺ ۾ درود ۽ سلام پيش ڪندي، اسان سڀني کي 12 ربيع الاول جون دليون مبارڪون پيش ڪريون ٿا. 🌙
ميڊيا سيل
مھراڻ اسٽوڊنٽس ڪائونسل
ڊاڪٽر اي ڪيو خان ڪاليج، اسلام آباد
