03/06/2026
انا للہ وانا الیہ راجعون. جہانگیر ٹکر مرحوم، ساکن ٹکر تخت بھائی، مردان، 15 مئی 2026ء کو اس فانی دنیا سے رخصت ہو گئے۔ وہ سکاؤٹنگ کا ایک بڑا نام تھے اور تقریباً آٹھ سال تک ڈویژنل سکاؤٹ آرگنائزر (DSO) ہزارہ کے فرائض انجام دیتے رہے۔ اس کے علاوہ وہ متعدد بار تکیہ سکاؤٹ کیمپ کے انچارج بھی رہے۔
مرحوم صوبائی سکاؤٹس ہیڈکوارٹرز کا ایک قیمتی اثاثہ تھے۔ انہیں سکاؤٹنگ سے بے حد محبت تھی اور وہ اس جذبے کے ساتھ اس شعبے کی خدمت کرتے رہے۔ وہ انتہائی خوش اخلاق، ملنسار اور باوقار شخصیت کے مالک تھے۔
صوبائی سکاؤٹ سیکرٹری اور صوبائی سکاؤٹس ہیڈکوارٹرز کا تمام عملہ اس غم کی گھڑی میں لواحقین کے ساتھ برابر کا شریک ہے اور دعا گو ہے کہ اللہ تعالیٰ مرحوم کو اپنی جوارِ رحمت میں جگہ عطا فرمائے، ان کی مغفرت فرمائے اور پسماندگان کو صبرِ جمیل عطا کرے۔ آمین۔
