12/02/2026
میرے تمام معزز اور محترم ممبران کو دل کی گہرائیوں سے سلام اور شکریہ۔
آپ سب کی بدولت ہی یہ فاؤنڈیشن آج اس مقام پر کھڑی ہے۔ آپ کی مالی، جسمانی اور اخلاقی معاونت ہمارے لیے باعثِ حوصلہ اور سرمایۂ افتخار ہے۔
میں آپ سب سے معذرت خواہ ہوں کہ گزشتہ دنوں مصروفیات کی وجہ سے کوئی نیا پراجیکٹ مکمل نہ ہو سکا۔ تاہم انشاءاللہ بہت جلد ہم نئے عزم اور جذبے کے ساتھ اپنی سرگرمیاں دوبارہ تیز کریں گے۔
میں آپ سب سے گزارش کرتا ہوں کہ اسی طرح متحد رہیں، اپنا جذبۂ سخاوت اور تعاون جاری رکھیں۔ یاد رکھیں، یہ مشن ہم سب کا مشترکہ مشن ہے۔
مزید برآں، چونکہ مجھے کسی مخیر شخصیت کی جانب سے زکوٰۃ کی رقم مستحقین میں تقسیم کرنے کے لیے موصول ہوئی ہے، لہٰذا آپ سے درخواست ہے کہ اگر آپ کے علم میں کوئی مستحق، غریب یا سفید پوش خاندان ہو تو براہِ کرم مجھے ذاتی پیغام (ان باکس) میں اطلاع دیں تاکہ رمضان المبارک سے قبل ان کی مدد کی جا سکے۔
میں ان تمام بھائیوں کا بھی تہہ دل سے شکر گزار ہوں جنہوں نے کھلے عام اور خفیہ طور پر تعاون فرمایا۔ اللہ تعالیٰ آپ سب کے مال و جان میں برکت عطا فرمائے اور آپ کی ہر نیکی کو قبول فرمائے۔ آمین
