National Welfare Society,GRW (Reg)

14/04/2025

14/04/2025

گوجرانوالہ۔( بمعہ تصویر )13اپریل2025
ملک عزیز کو جن موسمیاتی خطرات کا سامنا ہے درختوں کی تعداد میں اضافہ ان کے اثرات کو کم کرنے میں اہم کردار ادا کر سکتا ہے۔ جنگلات اور ماحولیات کا تحفظ صرف حکومت کی ذمہ داری نہیں بلکہ عوام کو بھی شجر کاری مہم میں بڑھ چڑھ کر حصہ لینا چاہیے ۔ عوام کو نہ صرف نئے پودے لگانے چاہئیں بلکہ اپنے گھروں اور گردو نواح میں پہلے سے موجود پودوں کی تناور درخت بننے تک حفاظت بھی کرنی چاہیے تاکہ ہم روزافزوں ماحولیاتی تبدیلیوں کا مقابلہ کر سکیں۔ان خیالات کا اظہار سینئر صحافی مبشر حسین بٹ نے اعوان ویلفیئر سوسائٹی گوجرانوالہ۔اور ہارٹیکلچرل سوسائٹی کے اشتراک سے کشمیر روڈ پیپلز کالونی میں شجر کاری مہم کے سلسلہ میں پودا لگانے کے موقع پر اظہار خیال کرتے ہوئے کیا۔اس موقع پر ملک محمد جمیل اعوان جنرل سیکرٹری پنجاب اعوان ویلفیئر سوسائٹی ،ملک فرید اعوان ایڈووکیٹ،رانا سجاد احمد صدر ہارٹیکلچرل سوسائٹی کے علاوہ شہر کی ممتاز علمی ،ادبی، سماجی شخصیات سوشل ویلفیئر سوسائٹیز کے نمائند گان نے کثیر تعداد میں شرکت کی۔ ملک محمد جمیل اعوان نے اپنے خطاب میں کہا کہ پاکستان موسمیاتی تبدیلی سے سب سے زیادہ متاثرہ 10 ممالک میں شامل ہے، درخت ہمارے ماحول کو بہتر بنانے میں مدد دیتے ہیں ، پوری قوم اور بالخصوص نوجوان اور شہری ،کسان بڑھ چڑھ کر شجر کاری مہم میں حصہ لیں۔ انہوں نے کہا کہ زیادہ سے زیادہ پودے لگائے جائیں گے تاکہ موسمیاتی تبدیلی کے جن چیلنجوں کا ملک کو سامنا ہے ان سے نمٹنے میں ہم بھی اپنا حصہ ڈال سکیں ۔
کیپشن تصویر۔
گوجرانوالہ۔اعوان ویلفیئر سوسائٹی اور ہارٹیکلچرل سوسائٹی کے اشتراک سے شجر کاری مہم کے سلسلہ میں مبشر حسین بٹ، نجف شیرازی ،ملک محمد جمیل اعوان ،ملک فرید اعوان ایڈووکیٹ،رانا سجاد احمد و دیگر کے ہمراہ پودا لگا کر دعا مانگ رہے ہیں۔