30/05/2026
ہم سوشل میڈیا پر گردش کرنے والی اس تصویر اور اس کے ساتھ منسلک گمراہ کن تاثر کی پرزور الفاظ میں مذمت کرتے ہیں، جس کے ذریعے قائدِ ملتِ جعفریہ گلگت بلتستان آغا سید راحت حسین الحسینی صاحب کو حفیظ الرحمن کی سیاسی مہم سے جوڑنے کی کوشش کی جا رہی ہے۔ واضح کیا جاتا ہے کہ آغا سید راحت حسین الحسینی صاحب، اور مرکز کا حافظ حفیظ الرحمن یا کسی بھی سیاسی جماعت کی انتخابی مہم اور سیاسی کمپین کے ساتھ کوئی تعلق نہیں ہے۔ نہ اس حوالے سے کوئی مشاورت ہوئی ہے، نہ حمایت کا اعلان کیا گیا ہے اور نہ ہی کسی قسم کی انتخابی مہم چلائی گئی ہے۔ مزید برآں، گلگت بلتستان کی موجودہ سیاسی صورتحال کے حوالے سے قائدِ ملتِ جعفریہ آغا سید راحت حسین الحسینی صاحب کا باقاعدہ مؤقف جمعہ کے خطبے میں واضح طور پر بیان کیا جا چکا ہے۔ لہٰذا عوام الناس سے گزارش ہے کہ سوشل میڈیا پر پھیلائی جانے والی غیر مصدقہ اور گمراہ کن معلومات پر یقین نہ کریں اور صرف مستند ذرائع سے جاری ہونے والے بیانات کو ہی معتبر سمجھیں۔ ہم اس قسم کے پروپیگنڈے، حقائق کے منافی مواد اور عوام کو گمراہ کرنے کی کوششوں کی بھرپور مذمت کرتے ہیں اور ذمہ دار افراد و عناصر سے مطالبہ کرتے ہیں کہ وہ حقیقت کے منافی مواد پھیلانے سے گریز کریں۔ مزید معلومات اور وضاحت کے لیے مرکزی انجمن امامیہ گلگت کے دفتر یا سوشل میڈیا پلیٹ فارم “المرکز TV” کے دفتر سے رابطہ کرے شکریہ
ترجمان ، قائد ملت جعفریہ گلگت بلتستان آقائے سید راحت حسین الحسینی
