Human Rights Council of Gilgit Baltistan

Human Rights Council of Gilgit Baltistan Contact information, map and directions, contact form, opening hours, services, ratings, photos, videos and announcements from Human Rights Council of Gilgit Baltistan, Non-Governmental Organization (NGO), Gilgit Baltistan, Gilgit.
(1)

Gilgit-Baltistan Human Rights Council is a non-profit, non-governmental organization working for the promotion and protection of human rights in Gilgit-Baltistan

پریس ریلیزہیومن رائٹس کونسل گلگت بلتستانمکہ مکرمہ کی جانب مبینہ حملے کی کوشش کی مذمت، پاکستان سے امن کے لیے فعال کردار ا...
16/09/2026

پریس ریلیز
ہیومن رائٹس کونسل گلگت بلتستان

مکہ مکرمہ کی جانب مبینہ حملے کی کوشش کی مذمت، پاکستان سے امن کے لیے فعال کردار ادا کرنے کا مطالبہ

ہیومن رائٹس کونسل گلگت بلتستان مکہ مکرمہ کی جانب مبینہ ڈرون حملے کی کوشش کی شدید مذمت کرتی ہے اور حرمین شریفین کے تقدس، سلامتی اور تحفظ کے ساتھ مکمل یکجہتی کا اظہار کرتی ہے۔

مکہ مکرمہ پوری امتِ مسلمہ کے لیے مقدس ترین مقامات میں سے ایک ہے۔ مقدس مقامات کو کسی بھی قسم کے تنازع یا عسکری کارروائی سے محفوظ رکھنا پوری مسلم دنیا اور عالمی برادری کی مشترکہ ذمہ داری ہے۔

ہیومن رائٹس کونسل گلگت بلتستان حکومتِ پاکستان پر زور دیتی ہے کہ پاکستان خطے میں امن، کشیدگی میں کمی اور مذاکرات کے فروغ کے لیے اپنا مؤثر سفارتی کردار ادا کرے اور تمام متعلقہ فریقین کو تحمل، مکالمے اور پرامن ذرائع سے مسائل حل کرنے کی طرف راغب کرے۔

ہم سمجھتے ہیں کہ خطے میں بڑھتی ہوئی کشیدگی کا سب سے زیادہ نقصان عام شہریوں اور انسانی جانوں کو ہوتا ہے۔ اس لیے جنگ کے بجائے امن، انتقام کے بجائے مکالمہ اور تصادم کے بجائے سفارتی حل کو ترجیح دی جانی چاہیے۔

حرمین شریفین کا امن، پوری امت کے لیے باعثِ اطمینان ہے۔

جاری کردہ:
ہیومن رائٹس کونسل گلگت بلتستان
16 ستمبر 2026
Chief Minister Gilgit-Baltistan House Gilgit Government of Gilgit Baltistan Government of Pakistan Human Rights Council of Azad Jammu & Kashmir Human Rights Watch

12/09/2026

ہیومن رائٹس کونسل گلگت بلتستان

ہنزہ سے تعلق رکھنے والے خصوصی گلوکار فواد عالم خان ہنزائی نے جیو نیوز کے پروگرام پاکستان گوٹ ٹیلنٹ کے فائنل راؤنڈ میں 3 لاکھ 37 ہزار ووٹس حاصل کرکے پہلی پوزیشن حاصل کر لی۔ جس نے اپنی معزوری کو اپنی۔طاقت بنایا

ہیومن رائٹس کونسل گلگت بلتستان کی جانب سے فواد عالم خان ہنزائی کو اس شاندار کامیابی پر دلی مبارکباد پیش کی جاتی ہے۔

فواد عالم نے اپنی صلاحیت، محنت اور حوصلے سے نہ صرف ہنزہ بلکہ پورے گلگت بلتستان کا نام روشن کیا ہے۔

فواد عالم خان ہنزائی، آپ پورے گلگت بلتستان کا فخر ہیں۔
آپ کی کامیابی عزم، حوصلے اور صلاحیت کی ایک روشن مثال ہے۔

مبارک ہو فواد عالم! ❤️🇵🇰

ہیومن رائٹس کونسل گلگت بلتستان
Government of Gilgit Baltistan Gilgit-Baltistan Police Gilgit Range Police Chief Minister Gilgit-Baltistan House Gilgit Sajid Ali United Nations Human Rights Human Rights Council of Azad Jammu & Kashmir

دنیور گلگت میں 14 سالہ بچی کے مبینہ جنسی استحصال کا واقعہ انتہائی تشویشناک ہےہیومن رائٹس کونسل گلگت بلتستان کا فوری اور ...
09/09/2026

دنیور گلگت میں 14 سالہ بچی کے مبینہ جنسی استحصال کا واقعہ انتہائی تشویشناک ہے

ہیومن رائٹس کونسل گلگت بلتستان کا فوری اور شفاف تحقیقات کا مطالبہ

گلگت: ہیومن رائٹس کونسل گلگت بلتستان نے دنیور، گلگت میں ایک 14 سالہ بچی کی جانب سے اپنے والد اور ایک ہمسایہ کے خلاف مبینہ جنسی استحصال کے الزامات پر گہری تشویش اور افسوس کا اظہار کیا ہے۔

پولیس میں درج ایف آئی آر کے مطابق بچی نے الزام عائد کیا ہے کہ اس کے والد نے تقریباً ایک سال تک جبکہ ایک ہمسایہ نے گزشتہ تین ماہ کے دوران مبینہ طور پر اسے جنسی استحصال کا نشانہ بنایا۔ ملزم نگر کا باشندہ ہے دنیور میں مقیم ہے بچی کے مطابق اسے خاموش رہنے کے لیے دھمکایا اور دباؤ میں بھی رکھا گیا۔

رپورٹ کے مطابق بچی نے یہ معاملہ اپنے اسکول کی دو اساتذہ کے سامنے بیان کیا، جس کے بعد اسکول کمیٹی کی معاونت سے معاملہ پولیس تک پہنچا۔ پولیس نے واقعے کی تحقیقات شروع کر دی ہیں۔

ہیومن رائٹس کونسل گلگت بلتستان کا کہنا ہے کہ بچوں کے تحفظ سے متعلق ایسے واقعات پورے معاشرے کے لیے انتہائی سنجیدہ تشویش کا باعث ہیں۔ ادارہ مطالبہ کرتا ہے کہ معاملے کی شفاف، غیر جانب دار اور قانون کے مطابق مکمل تحقیقات کی جائیں، متاثرہ بچی کو مکمل تحفظ، قانونی معاونت اور نفسیاتی مدد فراہم کی جائے اور اگر الزامات ثابت ہوں تو ذمہ داروں کے خلاف قانون کے مطابق سخت کارروائی عمل میں لائی جائے۔

ہیومن رائٹس کونسل اس بات پر بھی زور دیتی ہے کہ ایسے حساس معاملات میں متاثرہ بچے کی شناخت اور عزتِ نفس کا مکمل تحفظ یقینی بنایا جائے اور کسی بھی قسم کے دباؤ، دھمکی یا سمجھوتے کی کوشش کو برداشت نہ کیا جائے۔

گلگت بلتستان میں بچوں کے تحفظ، بروقت رپورٹنگ اور مؤثر قانونی و سماجی حفاظتی نظام کو مزید مضبوط بنانے کی ضرورت ہے تاکہ کسی بھی بچے کو استحصال یا زیادتی کا شکار ہونے سے محفوظ رکھا جا سکے۔

واضح رہے کہ واقعے کے حوالے سے لگائے گئے الزامات ابھی تحقیقات کے مرحلے میں ہیں اور قانون کے مطابق عدالت سے جرم ثابت ہونے تک تمام ملزمان بے گناہ تصور کیے جاتے ہیں۔

ہیومن رائٹس کونسل گلگت بلتستان
بچوں کے تحفظ، انسانی حقوق اور انصاف کے لیے پُرعزم
Human Rights Council of Gilgit Baltistan
Government of Pakistan Government of Gilgit Baltistan Gilgit-Baltistan Police

پریس ریلیزہیومن رائٹس کونسل گلگت بلتستان کی رانا فاروق کو منشیات کے بڑھتے ہوئے مسئلے پر اسمبلی میں آواز اٹھانے پر خراجِ ...
08/09/2026

پریس ریلیز

ہیومن رائٹس کونسل گلگت بلتستان کی رانا فاروق کو منشیات کے بڑھتے ہوئے مسئلے پر اسمبلی میں آواز اٹھانے پر خراجِ تحسین

گلگت، 8 ستمبر 2026:
ہیومن رائٹس کونسل گلگت بلتستان نے رانا محمد فاروق، ممبر گلگت بلتستان اسمبلی، کی جانب سے گلگت بلتستان میں منشیات کے بڑھتے ہوئے مسئلے پر اسمبلی کے فورم سے آواز اٹھانے اور حکومت کی توجہ فوری اقدامات کی جانب مبذول کرانے کو قابلِ تحسین اقدام قرار دیا ہے۔

کونسل نے اپنے بیان میں کہا کہ منشیات کا پھیلاؤ محض ایک سماجی مسئلہ نہیں بلکہ نوجوان نسل کے مستقبل، صحت، امن اور انسانی حقوق سے براہِ راست جڑا ہوا سنگین چیلنج ہے۔ اس کے تدارک کے لیے حکومت، قانون نافذ کرنے والے اداروں، تعلیمی اداروں، سول سوسائٹی، والدین اور معاشرے کے تمام طبقات کو مشترکہ کردار ادا کرنا ہوگا۔

ہیومن رائٹس کونسل گلگت بلتستان نے رانا فاروق کا شکریہ ادا کرتے ہوئے کہا کہ اسمبلی جیسے اہم آئینی فورم پر منشیات کے مسئلے کو اجاگر کرنا اس بات کا تقاضا کرتا ہے کہ اب محض بحث نہیں بلکہ عملی اور مؤثر اقدامات کیے جائیں۔

کونسل نے حکومت سے مطالبہ کیا کہ گلگت بلتستان میں منشیات کے پھیلاؤ کے اسباب، دستیابی کے ذرائع اور متاثرہ نوجوانوں کے حوالے سے جامع سروے کرایا جائے، منشیات فروشوں کے خلاف مؤثر کارروائی کی جائے، جبکہ متاثرہ افراد کے لیے علاج، بحالی اور Rehabilitation کی سہولیات بھی قائم کی جائیں۔

کونسل نے مزید کہا کہ "منشیات سے پاک گلگت بلتستان، صحت مند نوجوان اور محفوظ مستقبل" کے لیے ایک جامع اور طویل المدتی ایکشن پلان تشکیل دینا وقت کی اہم ضرورت ہے۔

ہیومن رائٹس کونسل گلگت بلتستان
Promoting Human Rights, Building a Just & Equitable Society

Gilgit-Baltistan Police Human Rights Watch Government of Gilgit Baltistan Human Rights Council of Azad Jammu & Kashmir Gilgit Range Police

پریس ریلیزہیومن رائٹس کونسل گلگت بلتستانمعروف مذہبی و سماجی شخصیت الواعظ فدا علی ایثار صاحب کے انتقال پر گہرے رنج و غم ک...
08/09/2026

پریس ریلیز
ہیومن رائٹس کونسل گلگت بلتستان
معروف مذہبی و سماجی شخصیت الواعظ فدا علی ایثار صاحب کے انتقال پر گہرے رنج و غم کا اظہار
گلگت: ہیومن رائٹس کونسل گلگت بلتستان نے معروف مذہبی و سماجی شخصیت، الواعظ فدا علی ایثار صاحب کے انتقال پر گہرے رنج و غم، دلی افسوس اور تعزیت کا اظہار کیا ہے۔
ہیومن رائٹس کونسل گلگت بلتستان کے مطابق فدا علی ایثار صاحب صرف ایک عالم و واعظ نہیں تھے بلکہ امن، محبت، رواداری، بھائی چارے اور انسانیت کے فروغ کے لیے ایک توانا آواز تھے۔ انہوں نے اپنی زندگی کے ایک بڑے حصے میں معاشرے میں مثبت اقدار، باہمی احترام اور امن کے پیغام کو عام کرنے میں کردار ادا کیا۔
ان کے انتقال سے گلگت بلتستان ایک ایسی مذہبی و سماجی شخصیت سے محروم ہوگیا ہے جن کی خدمات اور کردار کو طویل عرصے تک یاد رکھا جائے گا۔ وہ خطے کا ایک قیمتی سماجی و فکری اثاثہ تھے، اور ان کی جدائی یقیناً اہلِ علاقہ کے لیے ایک بڑا نقصان ہے۔
ہیومن رائٹس کونسل گلگت بلتستان اس غم کی گھڑی میں مرحوم کے اہلِ خانہ، عزیز و اقارب اور تمام سوگواران کے ساتھ دلی تعزیت اور ہمدردی کا اظہار کرتی ہے۔
اللہ تعالیٰ مرحوم کو جوارِ رحمت میں اعلیٰ مقام عطا فرمائے، ان کی مغفرت فرمائے اور پسماندگان کو یہ ناقابلِ تلافی صدمہ صبر و حوصلے کے ساتھ برداشت کرنے کی توفیق دے۔
Government of Gilgit Baltistan Human Rights Council of Azad Jammu & Kashmir Human Rights Council of Gilgit Baltistan

پریس ریلیزیومِ دفاعِ پاکستان — 6 ستمبرہیومن رائٹس کونسل گلگت بلتستان کا یومِ دفاعِ پاکستان پر شہداء اور غازیوں کو خراجِ ...
06/09/2026

پریس ریلیز
یومِ دفاعِ پاکستان — 6 ستمبر
ہیومن رائٹس کونسل گلگت بلتستان کا یومِ دفاعِ پاکستان پر شہداء اور غازیوں کو خراجِ عقیدت
گلگت: ہیومن رائٹس کونسل گلگت بلتستان کی جانب سے 6 ستمبر یومِ دفاعِ پاکستان کے موقع پر پاک وطن کے دفاع کے لیے اپنی جانوں کا نذرانہ پیش کرنے والے شہداء، غازیوں اور بہادر افواجِ پاکستان کو خراجِ عقیدت پیش کیا گیا۔
ہیومن رائٹس کونسل گلگت بلتستان نے اپنے پیغام میں کہا کہ یومِ دفاع ہمیں ان عظیم سپوتوں کی قربانیوں کی یاد دلاتا ہے جنہوں نے وطن کی سلامتی، آزادی اور خودمختاری کے تحفظ کے لیے بے مثال بہادری کا مظاہرہ کیا۔ قوم اپنے شہداء کی قربانیوں کو کبھی فراموش نہیں کر سکتی۔
کونسل نے کہا کہ پاکستان کا دفاع صرف سرحدوں کی حفاظت تک محدود نہیں بلکہ ایک پرامن، انصاف پر مبنی، مساوی اور انسانی حقوق کے احترام پر قائم معاشرے کا قیام بھی قومی ذمہ داری ہے۔ ایک مضبوط پاکستان وہی ہے جہاں ہر شہری کو عزت، انصاف، مساوی مواقع اور بنیادی انسانی حقوق حاصل ہوں۔
ہیومن رائٹس کونسل گلگت بلتستان نے اس عزم کا اظہار کیا کہ شہداء کے مشن، قربانیوں اور قومی یکجہتی کے جذبے کو آگے بڑھاتے ہوئے انسانی حقوق، قانون کی بالادستی، امن، رواداری اور سماجی انصاف کے فروغ کے لیے اپنا کردار جاری رکھا جائے گا۔
کونسل نے پوری قوم سے اپیل کی کہ یومِ دفاع کے موقع پر قومی اتحاد، اخوت اور ذمہ داری کا مظاہرہ کرتے ہوئے پاکستان کی ترقی، امن اور استحکام کے لیے اپنا مثبت کردار ادا کریں۔
ہم اپنے شہداء اور غازیوں کو سلام پیش کرتے ہیں۔
پاکستان زندہ باد 🇵🇰
شہداءِ پاکستان پائندہ باد
جاری کردہ:
Human Rights Council Gilgit Baltistan
Promoting Human Rights, Building a Just & Equitable Society
Government of Gilgit Baltistan United Nations Human Rights Gilgit-Baltistan Police Government of Pakistan Human Rights Council of Gilgit Baltistan

پریس ریلیزہیومن رائٹس کونسل گلگت بلتستانضلع گانچھے سے نرگس دختر موسیٰ لاپتہ — اہلِ خانہ اور انسانی حقوق کونسل کی فوری تل...
03/09/2026

پریس ریلیز
ہیومن رائٹس کونسل گلگت بلتستان
ضلع گانچھے سے نرگس دختر موسیٰ لاپتہ — اہلِ خانہ اور انسانی حقوق کونسل کی فوری تلاش کی اپیل
گلگت، 3 ستمبر 2026:
ہیومن رائٹس کونسل گلگت بلتستان نے ضلع گانچھے کے علاقے بروقپہ، تھپوری سے نرگس دختر موسیٰ کے لاپتہ ہونے پر گہری تشویش کا اظہار کیا ہے اور متعلقہ اداروں سے ان کی فوری تلاش اور بحفاظت بازیابی کے لیے مؤثر اقدامات کا مطالبہ کیا ہے۔
اہلِ خانہ کے مطابق نرگس 31 اگست 2026 کو بروقپہ، تھپوری، ضلع گانچھے سے لاپتہ ہوئی ہیں۔ بتایا گیا ہے کہ ان کی ذہنی حالت ناساز ہے، جس کے باعث ان کی سلامتی کے حوالے سے اہلِ خانہ میں شدید تشویش پائی جاتی ہے۔
ہیومن رائٹس کونسل گلگت بلتستان ضلعی انتظامیہ، پولیس، ریسکیو اداروں اور مقامی کمیونٹی سے اپیل کرتی ہے کہ معاملے کو ترجیحی بنیادوں پر لیا جائے اور نرگس کی تلاش کے لیے تمام دستیاب وسائل بروئے کار لائے جائیں۔
کونسل نے عوام سے بھی اپیل کی ہے کہ اگر کسی شخص نے نرگس کو دیکھا ہو، ان کے بارے میں کوئی معلومات رکھتا ہو یا ان کی موجودگی سے متعلق کسی بھی قسم کی اطلاع حاصل ہو تو بلا
تاخیر اہلِ خانہ سے رابطہ کرے۔
رابطہ برائے معلومات:
📞 0355-4275109
ہیومن رائٹس کونسل گلگت بلتستان
انسانی حقوق کا تحفظ اور شہریوں کی سلامتی ہماری مشترکہ ذمہ داری ہے۔
Government of Pakistan Government of Gilgit Baltistan
Gilgit-Baltistan Police

پریس ریلیز30 اگست — یومِ لاپتہ افرادہیومن رائٹس کونسل گلگت بلتستان کے مطابق لاپتہ افراد کا مسئلہ ایک سنگین انسانی حقوق ک...
02/09/2026

پریس ریلیز

30 اگست — یومِ لاپتہ افراد

ہیومن رائٹس کونسل گلگت بلتستان کے مطابق لاپتہ افراد کا مسئلہ ایک سنگین انسانی حقوق کا معاملہ بن چکا ہے۔ گلگت بلتستان میں ایسے متعدد کیسز موجود ہیں جن میں کم عمر بچے، خواتین اور بزرگ افراد کئی برسوں سے لاپتہ ہیں، تاہم تاحال ان کے بارے میں کوئی حتمی معلومات یا سراغ سامنے نہیں آ سکا۔

بعض واقعات میں دریا میں چھلانگ لگانے، گھر سے چلے جانے یا دیگر وجوہات کا امکان ظاہر کیا گیا ہے، تاہم حقیقت کا تعین اور مؤثر تحقیقات متعلقہ اداروں کی ذمہ داری ہے۔ ہم حکومت اور پولیس سے مطالبہ کرتے ہیں کہ تمام لاپتہ افراد، بالخصوص بچوں، خواتین اور بزرگوں کے کیسز کی شفاف، غیر جانب دار اور مؤثر تحقیقات کی جائیں، ان کا سراغ لگانے کے لیے تمام ممکنہ وسائل بروئے کار لائے جائیں اور متاثرہ خاندانوں کو پیش رفت سے باقاعدگی سے آگاہ کیا جائے۔

حالیہ دنوں مرکز انجمن امامیہ کی جانب سے لاپتہ افراد کے حوالے سے دی جانے والی احتجاجی کال کے تناظر میں ہیومن رائٹس کونسل گلگت بلتستان کا واضح مؤقف ہے کہ اگر کسی شہری کے خلاف کوئی الزام یا مقدمہ موجود ہے تو اسے قانون کے مطابق عدالت کے سامنے پیش کیا جائے اور اسے اپنے دفاع اور منصفانہ ٹرائل کا مکمل حق دیا جائے۔

ہیومن رائٹس کونسل گلگت بلتستان سمجھتی ہے کہ ہر شہری کی جان، آزادی اور عزت کا تحفظ ریاست کی ذمہ داری ہے، جبکہ ہر خاندان کو اپنے لاپتہ عزیز کے بارے میں حقیقت جاننے کا بنیادی انسانی حق حاصل ہے۔

ہیومن رائٹس کونسل گلگت بلتستان
Dignity • Justice • Equity • Rights
Government of Gilgit Baltistan Gilgit-Baltistan Police United Nations Human Rights Government of Pakistan Human Rights Council of Gilgit Baltistan

🌙 یومِ ولادتِ باسعادت حضرت محمد مصطفیٰ ﷺ 🌙رحمتِ عالم، محسنِ انسانیت حضرت محمد مصطفیٰ ﷺ کی ولادتِ باسعادت پوری انسانیت کے...
26/08/2026

🌙 یومِ ولادتِ باسعادت حضرت محمد مصطفیٰ ﷺ 🌙

رحمتِ عالم، محسنِ انسانیت حضرت محمد مصطفیٰ ﷺ کی ولادتِ باسعادت پوری انسانیت کے لیے رحمت، محبت، امن، عدل اور مساوات کا پیغام ہے۔

ہیومن رائٹس کونسل گلگت بلتستان کی جانب سے اہلِ اسلام کو عیدِ میلاد النبی ﷺ کی دلی مبارکباد پیش کرتے ہیں۔

نبی کریم ﷺ نے انسانیت کو عزت و احترام، مساوات، انصاف، رحم اور حقوقِ انسانی کا درس دیا۔ آپ ﷺ کی تعلیمات ہمارے لیے مشعلِ راہ ہیں اور ایک پُرامن، عادلانہ اور انسان دوست معاشرے کے قیام کی بنیاد ہیں۔

آئیے اس بابرکت موقع پر عہد کریں کہ ہم انسانی وقار، انصاف، مساوات، بھائی چارے اور دوسروں کے حقوق کے احترام کو اپنی زندگی کا حصہ بنائیں گے۔

تمام اہلِ اسلام کو ولادتِ باسعادتِ رسولِ اکرم حضرت محمد مصطفیٰ ﷺ بہت بہت مبارک ہو۔ 🌹

ہیومن رائٹس کونسل گلگت بلتستان
انسانی وقار • انصاف • برابری • انسانی حقوق
Government of Gilgit Baltistan

پریس ریلیزآزاد کشمیر حکومت کی جانب سے اشتیاق احمد قریشی کے خلاف کارروائی پر انسانی حقوق کونسل گلگت بلتستان کا اظہارِ تشو...
22/08/2026

پریس ریلیز

آزاد کشمیر حکومت کی جانب سے اشتیاق احمد قریشی کے خلاف کارروائی پر انسانی حقوق کونسل گلگت بلتستان کا اظہارِ تشویش

گلگت: انسانی حقوق کونسل گلگت بلتستان نے ہیومن رائٹس کونسل آزاد جموں و کشمیر کے صدر اشتیاق احمد قریشی کے خلاف آزاد کشمیر حکومت کی جانب سے کی جانے والی کارروائی پر گہری تشویش کا اظہار کیا ہے اور مطالبہ کیا ہے کہ ان کے بنیادی انسانی و قانونی حقوق کا مکمل تحفظ یقینی بنایا جائے۔

کونسل کے مطابق اشتیاق احمد قریشی نے حالیہ صورتحال کے دوران ہی نہیں بلکہ اس سے قبل بھی مختلف فورمز پر آزاد کشمیر حکومت اور ایکشن کمیٹی کے درمیان مذاکرات، مفاہمت اور پُرامن حل کی مسلسل حمایت کی ہے۔ انہوں نے ہمیشہ کشیدگی کم کرنے، فریقین کو مذاکرات کی میز پر لانے اور عوامی مسائل کو پُرامن طریقے سے حل کرنے پر زور دیا ہے۔

انسانی حقوق کونسل گلگت بلتستان کا کہنا ہے کہ اشتیاق احمد قریشی نے کبھی کسی ایک فریق کی غیرضروری جانبداری اختیار نہیں کی، بلکہ ایک غیر جانب دار انسانی حقوق کے نمائندے کی حیثیت سے ہمیشہ انسانی حقوق کے تحفظ، قانون کی بالادستی، آزادیِ اظہار اور پُرامن مکالمے کی حمایت کی ہے۔

کونسل سمجھتی ہے کہ اختلافِ رائے اور عوامی مسائل کا حل طاقت یا دباؤ کے بجائے مذاکرات، برداشت اور باہمی افہام و تفہیم کے ذریعے تلاش کیا جانا چاہیے۔ کسی بھی انسانی حقوق کے کارکن کے خلاف کارروائی کرتے وقت قانونی تقاضوں، بنیادی حقوق اور شفافیت کو ہر صورت یقینی بنایا جانا ضروری ہے۔

انسانی حقوق کونسل گلگت بلتستان آزاد کشمیر حکومت سے اپیل کرتی ہے کہ موجودہ صورتحال میں صبر و تحمل کا مظاہرہ کرتے ہوئے طاقت کے استعمال کے بجائے مذاکرات اور مکالمے کو ترجیح دی جائے، تاکہ کشیدگی کا خاتمہ، امن و امان کا قیام اور عوام کے بنیادی حقوق کا تحفظ یقینی بنایا جا سکے۔

انسانی حقوق کونسل گلگت بلتستان
جاری کردہ: پریس و میڈیا سیل
Human Rights Council of Azad Jammu & Kashmir Human Rights Watch Amnesty International South Asia Government of Pakistan United Nations Human Rights @

Address

Gilgit Baltistan
Gilgit

Website

Alerts

Be the first to know and let us send you an email when Human Rights Council of Gilgit Baltistan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category