Dahimal Youth Association

09/02/2026

اعلانِ اطلاع
اج داہیمل یوتھ ایسوسیشن کے زیرِ اہتمام منعقدہ
سینیئر سٹیزن اسپورٹس گالا
کے اختتام کے دن راستے میں داہیمل یوتھ ایسوسیشن کے ایک نوجوان کو کچھ نقد رقم ملی ہے۔
جس کسی بھائی کی یہ رقم ہو، وہ مناسب شناخت یا درست نشانی بتا کر رابطہ کرے اور اپنی رقم وصول کرے۔
امانت داری ہماری پہچان 🤍
براہِ کرم اس پیغام کو شیئر کریں تاکہ اصل حق دار تک بات پہنچ سکے۔
ایک مسافر

Dahimal Youth Association
Dahimal update.
Dahimal times

09/02/2026

داہیمل یوتھ ایسوسی ایشن کے زیرِ اہتمام منعقدہ سینئر سٹیزن اسپورٹس فیسٹیول سیزن 3 آج کامیابی کے ساتھ اپنے اختتام کو پہنچ گیا۔ یہ فیسٹیول نہ صرف کھیلوں کی سرگرمیوں کا حسین امتزاج تھا بلکہ اپنے بزرگوں کے حوصلے، توانائی اور مثبت سوچ کا عملی مظہر بھی ثابت ہوا۔

اس ایونٹ کے دوران سینئر سٹیزنز نے بھرپور جوش و جذبے کے ساتھ مختلف کھیلوں میں حصہ لیا اور یہ پیغام دیا کہ عمر کبھی بھی سرگرم اور صحت مند زندگی کی راہ میں رکاوٹ نہیں بنتی۔ میدان میں مسکراہٹیں، تالیاں اور محبت بھرا ماحول اس بات کا ثبوت تھا کہ کھیل انسان کو جوڑتے ہیں اور نسلوں کے درمیان فاصلوں کو کم کرتے ہیں۔

فیسٹیول کے اختتامی دن خوشی، فخر اور کامیابی کے جذبات نمایاں تھے۔ تمام کھلاڑیوں، منتظمین، رضاکاروں اور سپورٹرز کا تعاون قابلِ تحسین رہا جن کی بدولت یہ ایونٹ یادگار بن سکا۔ یہ تصویری جھلکیاں انہی خوبصورت لمحات کی عکاسی کرتی ہیں جو کیمرے کی آنکھ میں محفوظ ہو گئے۔

داہیمل یوتھ ایسوسی ایشن مستقبل میں بھی ایسے مثبت اور صحت افزا پروگراموں کے انعقاد کے عزم کے ساتھ اپنے بزرگوں کی حوصلہ افزائی کرتی رہے گی۔

15/01/2026

داہیمل یوتھ ایسوسی ایشن کے زیرِ اہتمام سینئر سٹیزن اسپورٹس فیسٹیول سیزن 3 کا آغاز ایک ایسے مقصد کے ساتھ کیا جا رہا ہے جس کا مرکز ہمارے گاؤں اور علاقے کے وہ بزرگ ہیں جنہوں نے اپنی پوری زندگی محنت، قربانی اور خدمت میں گزاری؛ اس ایونٹ کے ذریعے بزرگوں کو صحت مند، متحرک اور خوش رکھنے کے ساتھ ساتھ نوجوان نسل کو یہ احساس دلانا مقصود ہے کہ گاؤں کی اصل پہچان اس کے بزرگ ہوتے ہیں، جن کے تجربے اور رہنمائی سے معاشرہ مضبوط بنتا ہے—یہ فیسٹیول کھیل، میل جول، احترام اور گاؤں کی سادہ ثقافت کو ایک جگہ جمع کرتا ہے، جہاں مقابلہ جیتنے سے زیادہ اہم ایک دوسرے کی قدر، مسکراہٹیں بانٹنا اور نسلوں کے درمیان مضبوط رشتہ قائم کرنا ہے، مزید معلومات اور آنے والی سرگرمیوں کے لیے ہم سے جڑے رہیں۔

09/01/2026

داہیمل میں بجلی کی طویل لوڈشیڈنگ، غیر اعلانیہ بندش خلاف ایک پُرامن احتجاج کا انعقاد کیا گیا، جس میں علاقے کے عوام کی بڑی تعداد نے شرکت کی۔ اس موقع پر معروف سماجی کارکن میر اعظم احتجاجی مظاہرین سے خطاب کر رہیں۔۔

09/01/2026

On January 8, Dahimal Awami Action Committee and Dahimal Youth Association organised a peaceful protest against the electricity crisis.

09/11/2025

*الحمدللہ*
آج داہیمل یوتھ ایسوسی ایشن اور داہیمل کے معزز عوامی افراد کا ایک اہم اجلاس منعقد ہوا،
جس میں نئی کابینہ کی حلف برداری عمل میں آئی۔
ساتھ ہی تمام نوجوان ممبران نے بھی اجتماعی طور پر *حلف اٹھایا*۔

ہم دل کی گہرائیوں سے نئے صدر جناب انصار، نائب صدر عباس، جنرل سیکرٹری محمد طاہر، اور فنانس سیکرٹری محمد اکبر کو
ان کی نئی ذمہ داریوں پر دلی مبارکباد پیش کرتے ہیں۔

اس اجلاس میں داہیمل کے عوام نے نوجوانوں کے ساتھ بھرپور ساتھ دینے کا عہد کیا
اور آئندہ وقت میں ہر ممکن تعاون فراہم کرنے کا وعدہ بھی کیا۔

اللہ تعالیٰ نئی کابینہ کو اخلاص، دیانت داری اور عزم کے ساتھ اپنے علاقے اور قوم کی خدمت کی توفیق عطا فرمائے۔
*آمین*

20/08/2025

جیو ❤️

20/08/2025

16/08/2025

گزارش برائے ریسکیو آپریشن

داہیمل کے عوام سے گزارش ہے کہ کل بروز اتوار، 17 اگست 2025 صبح سات بجے خلتی میں پیش آنے والے حادثے میں بھائی مس خان کی بیٹی ملبے کے نیچے دب گئی ہے اور ابھی تک نہیں مل سکی۔

لہٰذا تمام عوام سے پُرزور اپیل ہے کہ زیادہ سے زیادہ تعداد میں ریسکیو آپریشن میں شریک ہوں۔
شرکاء سے درخواست ہے کہ اپنے ساتھ کام کے اوزار اور کھانے پینے کا سامان ضرور لائیں۔

06/08/2025

پھنڈر ٹائم کا شکریہ کہ اُس نے ہماری آواز بلند کرنے کے لیے پلیٹ فارم فراہم کیا۔ دہیمل یوتھ اس مشکل وقت میں اپنی عوام کے ساتھ کھڑی ہے۔ علاقے میں درپیش مسائل اور مشکلات کے باوجود، ہم اپنی مدد آپ کے تحت عوام کی خدمت کا سلسلہ جاری رکھے ہوئے ہیں اور آئندہ بھی بغیر کسی وقفے کے جاری رکھیں گے۔ ہم سب مل کر امید، حوصلے اور یکجہتی کے ساتھ ان چیلنجز کا مقابلہ کریں گے

05/08/2025

کھٹم کے مقام پر شدید لینڈ سلائیڈنگ کے باعث اپر غذر کا زمینی رابطہ مکمل طور پر منقطع ہو چکا ہے۔ مریض اسپتال نہیں پہنچ پا رہے، طلبہ تعلیم سے محروم ہو چکے ہیں، اور عوام کی زندگی مکمل مفلوج ہو گئی ہے۔

حکومت کی مسلسل خاموشی اور غفلت نے عوام کو مایوسی کی دلدل میں دھکیل دیا ہے۔ افسوس کا مقام یہ ہے کہ اب اپر غذر کی عوام اپنی مدد آپ کے تحت پہاڑوں میں متبادل راستے خود بنانے پر مجبور ہو چکی ہے، جب کہ حکومت تاحال تماشائی بنی ہوئی ہے۔

ہم حکومتِ وقت سے بھرپور مطالبہ کرتے ہیں کہ فوری طور پر سڑک کی بحالی اور متبادل راستے کے انتظامات کیے جائیں۔ یہ صرف راستے کا نہیں، انسانی جانوں اور بنیادی حقوق کا مسئلہ ہے۔ اگر حکومت نے اب بھی ہوش نہ لیا، تو اپر غذر کی عوام خاموش نہیں رہے گی — اور یہ آواز اب پورے ملک میں گونجے گی!"