09/03/2026
الحمدللہ!
کے ایس ایف کے زیرِ انتظام منعقد ہونے والے پہلے پری بورڈ ایگزام کا اختتام مورخہ 28 فروری بروز ہفتہ کو آخری پرچے کے ساتھ بخیر و خوبی ہو گیا تھا (تاہم حالات کے حساب سے موقع پر اپڈیٹ دینا مناسب نہیں سمجھا)۔ آخری پیپر کے دن جناب غلام محمد صاحب (ڈی ڈی او، کریس) نے امتحانی مرکز کا سرپرائز دورہ کیا، جن کے ہمراہ سر غلام حسین صاحب اور سر گلزار صاحب (پرنسپل ولایت ایجوکیشن سسٹم کریس) بھی تشریف فرما تھے۔ انہوں نے کے ایس ایف کی کاوشوں اور امتحانی انتظامات کو سراہتے ہوئے تنظیم کے ساتھ ہر ممکن تعاون کی یقین دہانی بھی کروائی۔ تنظیم ہذا آپ جناب کے خلوص اور حوصلہ افزا کلمات کا خیرمقدم کرتی ہے اور آپ کے تعاون کی تہہ دل سے مشکور ہے۔
کے ایس ایف کا بنیادی مقصد علاقے کے طلباء و طالبات کو ایسا پلیٹ فارم فراہم کرنا ہے جس کے ذریعے وہ موجودہ دور کے جدید اور سخت مقابلے کے ماحول میں دیگر علاقوں کے طلبہ کے ساتھ مقابلہ کرتے ہوئے نمایاں مقام حاصل کر سکیں۔ پری بورڈ امتحان کا انعقاد بھی اسی مقصد کی ایک اہم کڑی ہے۔ اس سلسلے میں ہماری بھرپور کوشش رہی کہ تمام پرچے فیڈرل بورڈ کے جدید اور اپڈیٹڈ پیٹرن اور ای۔شیٹس کے مطابق تیار کیے جائیں۔ الحمدللہ، ہم اس مقصد میں کامیاب رہے۔ یہ کامیابی ہماری فعال اور مخلص ٹیم ممبرز کی انتھک محنت اور لگن کا نتیجہ ہے۔ اس موقع پر ہم اپنے تمام ٹیم ممبرز کے ساتھ ساتھ ان اساتذہ کرام اور اداروں کے بھی بے حد شکر گزار ہیں جنہوں نے ہماری حوصلہ افزائی اور تعاون کیا۔ ہمیں امید ہے کہ آئندہ بھی آپ کا یہی تعاون ہمارے ساتھ جاری رہے گا۔
آخری پرچے کے اختتام پر تمام طلبہ کے لیے افطاری کا بھی انتظام کیا گیا تھا(جو ہمارے ایک معزز بردار حافظ عبدالباری حال مقیم کویت نے ہمارے ساتھ تعاون کیا تھا، تنظیم ہذا آپ کی انتہائی مشکور و ممنون ہے)، افطاری ہم نے پیکنگ کی صورت میں پرچے کے بعد تمام طلبہ میں تقسیم کی گئی۔ آخر میں صدرِ تنظیم جناب محمد یعقوب صاحب نے تمام طلبہ کا شکریہ ادا کیا اور پری بورڈ امتحانات کے نتائج اور فیڈرل بورڈ کے آنے والے امتحانات کے لیے نیک تمناؤں کا اظہار کرتے ہوئے طلبہ کو رخصت کیا۔
نوٹ: کے ایس ایف پری بورڈ ایگزام کے نتائج کے اعلان کی تاریخ جلد جاری کی جائے گی، ان شاء اللہ۔
