Volunteer Force Pakistan Ghizer

06/08/2026

عوامی رائے شماری (5 اگست 2026):
37 میں سے 30 شرکاء نے نئے انتظامی یونٹس کے قیام کی حمایت کی۔ شرکاء کے مطابق اس سے انتظامی نظام بہتر، وسائل کی منصفانہ تقسیم، عوامی خدمات میں بہتری اور مقامی سطح پر مؤثر فیصلہ سازی ممکن ہوگی، جبکہ چند شرکاء نے مختلف آراء بھی پیش کیں۔

05/08/2026

*پاک فوج کی جانب سے شیوک پبلک سکول، سکسہ ویلی میں تعلیمی و فلاحی منصوبوں کا افتتاح*

سکردو: فورس کمانڈر ناردرن ایریاز نے سکردو کے دور افتادہ علاقے سکسہ ویلی میں واقع شیوک پبلک اسکول کا دورہ کیا، جہاں انہوں نے جماعت پنجم کے نئے کلاس رومز، جدید پلے ایریا، پلاسٹک ری سائیکلنگ منصوبے اور طلبہ کے لیے قائم کیے گئے نئے ہاسٹل کا افتتاح کیا۔

افتتاح کیے گئے ہاسٹل میں 25 طلبہ کے لیے رہائش کی گنجائش اور 25 بستروں کی سہولت فراہم کی گئی ہے، جس سے دور دراز علاقوں سے آنے والے طلبہ کو بہتر تعلیمی ماحول اور رہائشی سہولیات میسر آئیں گی۔

اس موقع پر فورس کمانڈر ایف سی این اے نے کہا کہ معیاری تعلیم، بہتر سہولیات اور نوجوان نسل کی مثبت تربیت ایک روشن مستقبل کی ضمانت ہیں۔ انہوں نے اس عزم کا اظہار کیا کہ پاک فوج گلگت بلتستان کے دورافتادہ علاقوں میں تعلیم، ماحول دوست اقدامات، نوجوانوں کی فلاح اور کمیونٹی کی ترقی کے منصوبوں کی بھرپور سرپرستی جاری رکھے گی۔

مقامی عمائدین، والدین، اساتذہ اور طلبہ نے ان منصوبوں کو سراہتے ہوئے پاک فوج کا شکریہ ادا کیا اور انہیں علاقے میں تعلیمی ترقی، ماحول دوست اقدامات اور بچوں کے روشن مستقبل کے لیے ایک اہم سنگِ میل قرار دیا۔

یہ منصوبے پاک فوج کے اس عزم کا مظہر ہیں کہ گلگت بلتستان کے دور دراز علاقوں میں بھی معیاری تعلیم، جدید سہولیات اور عوامی فلاح و بہبود کے لیے عملی اقدامات کا سلسلہ جاری رکھا جائے گا۔

05/08/2026

*براڈ پیک ریکوری آپریشن کامیابی سے مکمل*

*5 اگست 2026* الپائن کلب آف پاکستان کے مطابق براڈ پیک پر انتہائی دشوار اور تکنیکی نوعیت کے ریکوری آپریشن کے بعد کوہ پیما نرمل پرجا، ژونگ وانگ، نیما شیرپا اور کیلو شیرپا کی میتیں کامیابی سے برآمد کر کے بحفاظت بیس کیمپ منتقل کر دی گئی ہیں۔

اس مشکل مشن کی کامیابی میں زمینی ریکوری ٹیم، پاکستان آرمی، حکومتِ پاکستان، حکومتِ گلگت بلتستان، مقامی انتظامیہ، متعلقہ اداروں اور نیپال کے سفارت خانے کے مؤثر تعاون کو سراہا گیا۔

الپائن کلب آف پاکستان نے اس عزم کا اعادہ کیا ہے کہ لاپتہ تین دیگر کوہ پیماؤں کی تلاش اور ممکنہ ریکوری کے لیے ہر ممکن کوشش جاری رکھی جائے گی.

الپائن کلب آف پاکستان نے جاں بحق کوہ پیماؤں کے اہلِ خانہ، دوستوں اور عالمی کوہ پیمائی برادری سے دلی تعزیت اور ہمدردی کا اظہار کیا ہے۔

28/07/2026

*پاک فوج نے ریکارڈ مدت میں عارضی پل تعمیر کر کے جگلوٹ–سکردو روڈ ہر قسم کی ٹریفک کے لیے بحال کر دی*

گلگت: پاک فوج کی انجینئر کور نے سسی حراموش کے مقام پر تباہ ہونے والے پل کی جگہ صرف چھ دن کی شبانہ روز انتھک محنت کے بعد عارضی پل تعمیر کر کے جگلوٹ–سکردو روڈ ہر قسم کی ٹریفک کے لیے کھول دی ہے۔ اس کے ساتھ ہی تقریباً چھ روز بعد سکردو اور بلتستان کا پاکستان کے دیگر علاقوں سے زمینی رابطہ مکمل طور پر بحال ہو گیا ہے۔

واضح رہے کہ حالیہ شدید بارشوں اور سیلابی ریلے کے باعث پل بہہ جانے سے شاہراہِ بلتستان پر آمدورفت مکمل طور پر معطل ہو گئی تھی، جس کے نتیجے میں مقامی آبادی، مسافروں، سیاحوں اور مال بردار گاڑیوں کو شدید مشکلات کا سامنا تھا۔

عارضی پل کی تعمیر ایک نہایت دشوار انجینئرنگ چیلنج تھا۔ شدید پانی کے بہاؤ، مسلسل خراب موسمی حالات، دشوار گزار علاقے اور سیلابی خطرات کے باوجود پاک فوج ایف سی این اے انجینئر کور کے افسران اور جوانوں نے شب و روز مسلسل محنت کرتے ہوئے ریکارڈ مدت میں پل مکمل کیا اور ٹریفک بحال کر دی۔

پل کی بحالی سے نہ صرف سکردو اور بلتستان کا ملک کے دیگر حصوں سے زمینی رابطہ بحال ہوا ہے بلکہ مقامی آبادی، سیاحوں، مریضوں، ضروری اشیائے خورونوش کی ترسیل اور تجارتی سرگرمیوں کی روانی بھی دوبارہ معمول پر آ گئی ہے۔

پاک فوج قدرتی آفات کے دوران عوام کی مدد، مواصلاتی نظام کی بحالی اور متاثرہ علاقوں میں امدادی و بحالی کی سرگرمیوں کے لیے ہر وقت پرعزم اور مصروفِ عمل ہے۔

15/05/2026

ننھی کلی کے ہاتھ میں آئس کریم، دل میں پاکستان سے محبت 🇵🇰🍦
بنیان المرصوص کے ایک سال مکمل ہونے پر چھوٹی بچی کا اپنی بہادر افواجِ پاکستان کو زبردست خراجِ تحسین ❤️✨

09/05/2026

چلاس میں خوارج کے گرد گھیرا تنگ، سیکیورٹی اداروں کا کلیئرنس آپریشن جاری۔

تھور ویلی میں پولیس، جی بی ایس اور پاک فوج کا مشترکہ کلیئرنس آپریشن جاری ہے، جس دوران دہشتگردوں کے ٹھکانے تباہ کیے جا رہے ہیں جبکہ افیون کی فصلیں بھی تلف کی جا رہی ہیں۔

یاد رہے کہ 13 اپریل 2026 کو اسی علاقے میں آپریشن کے دوران 3 پولیس افسران نے جامِ شہادت نوش کیا تھا۔ سیکیورٹی فورسز نے دہشتگردی کے مکمل خاتمے کے عزم کا اعادہ کیا ہے۔

02/05/2026

27/04/2026

پاکستان کا سب سے بڑا میرا تھن