Sardar Feroz Khan Welfare Society

03/03/2026

سردار فیروز خان ویلفیئر ٹرسٹ کے زیر اہتمام ماہِ رمضان المبارک میں ہر سال کی طرح اس سال بھی غریب اور مستحق افراد کی مدد کا اہتمام کیا جا رہا ہے۔
لہٰذا تمام مخیر حضرات سے گزارش ہے کہ جو بھی مالی یا راشن کی صورت میں تعاون کرنا چاہتے ہیں، وہ اپنی امداد چیئرمین سردار فیروز خان ویلفیئر ٹرسٹ، سردار عمران غلام صاحب تک پہنچا دیں تاکہ رمضان پیکج بروقت مستحق خاندانوں تک پہنچایا جا سکے۔
آپ کا تعاون کئی گھروں میں خوشیوں اور آسانیوں کا سبب بنے گا۔
جزاکم اللہ خیراً 🤲

20/02/2026

21/08/2025

بسم اللہ الرحمن الرحیم

اللہ تعالیٰ کا شکر ہے کہ سردار فیروز خان ویلفیئر سوسائٹی نے اپنی روایت کو قائم رکھتے ہوئے ایک بار پھر خدمتِ خلق کے جذبے کے تحت حالیہ بارشوں سے متاثر ہونے والے ہمارے بہن بھائیوں کی مدد کے لیے امدادی سامان روانہ کر دیا ہے۔ یہ تمام امدادی سرگرمیاں اللہ تعالیٰ کی رضا اور مخلوقِ خدا کی خدمت کے جذبے کے تحت سرانجام دی جا رہی ہیں۔

ہم تہہ دل سے اُن تمام احباب، مخیر حضرات، نوجوانوں اور ساتھیوں کے شکر گزار ہیں جنہوں نے اس کارِ خیر میں بڑھ چڑھ کر حصہ لیا، اپنے مالی، جسمانی یا اخلاقی تعاون کے ذریعے اس مہم کو کامیاب بنایا۔ یقیناً آپ سب کی قربانیاں اور تعاون ہی اصل سرمایہ ہیں جن کے باعث یہ خدمت ممکن ہو سکی۔

اللہ تعالیٰ ہم سب کو ہمیشہ ایسے نیک اعمال کی توفیق عطا فرمائے، آپ سب کی محنتوں اور تعاون کو اپنی بارگاہ میں قبول فرمائے اور آپ کے رزق، صحت اور زندگی میں برکت عطا فرمائے۔

دعا ہے کہ اللہ تعالیٰ ہمارے ملک و قوم کو ہر قسم کی آفات، مشکلات اور مصیبتوں سے محفوظ رکھے اور ہمیں ہمیشہ ایک دوسرے کے کام آنے کی توفیق عطا فرمائے۔

🤲 دعاؤں میں یاد رکھیں۔

چئیرمین
سردار عمران غلام
سردار فیروز خان ویلفیئر سوسائٹی

07/04/2025

ہم ڈاکٹر تیمور مرزا کو دل کی گہرائیوں سے مبارکباد پیش کرتے ہیں جنہوں نے اپنی محنت اور قابلیت سے میڈیکل آفیسر (M.O.) کا انٹرویو کلئیر کر کے بطور سرکاری میڈیکل آفیسر تعیناتی حاصل کی۔ یہ کامیابی یقیناً اُن کی مسلسل محنت اور عزم کا نتیجہ ہے۔

ڈاکٹر تیمور مرزا سردار فیروز خان ویلفیر سوسائٹی کے زیرِ اہتمام میڈیکل کیمپس میں بھی رضاکارانہ خدمات انجام دیتے رہے ہیں، جس پر سوسائٹی کے تمام اراکین کی جانب سے دلی مبارکباد پیش کی جاتی ہے۔
اللہ تعالیٰ آپ کو مزید کامیابیاں عطا فرمائے۔
سردار فیروز خان ویلفیر سوسائٹی

17/02/2025