GAG (Grand Alliance of Gakhar)

30/04/2026

بھٹہ ویلفیئر ہاسپٹل ,بھٹہ چین آف فارمیسیز بھٹہ ٹریڈرز بھٹہ ڈسٹری بیوشن اور بھٹہ فارما پلس کے سی ای او جناب عثمان بھٹہ اور مینیجنگ ڈائریکٹر جناب عدنان بھٹہ نے وفد کے ہمراہ وزیر آباد چیمبر آف کامرس اینڈ انڈسٹری کا دورہ کیا اور فاؤنڈر سینیئر وائس پریذیڈنٹ جناب میاں صبیح الرحمٰن کو عہدہ سنبھالنے اور عمرہ کی سعادت پر مبارکباد پیش کی اور نیک خواہشات کا اظہار کیا۔
میاں صبیح الرحمٰن صاحب کے ہمراہ صدر جناب ڈاکٹر مظاہر زیدی، نائب صدر جناب راشد بھٹہ، سینیئر جرنلسٹ جناب محمد آصف بٹ و دیگر نے وفد کا پرتپاک استقبال کیا۔ وفد میں چیئرمین سبز صحافت پاکستان جناب فیصل افضل، جناب سید میثم۔ بخاری، معروف جرنلسٹ عامر اعجاز بٹ شامل تھے۔
بھٹہ برادران نےبابائے صحافت بمولانا ظفر علی خان کی تاریخی رہائش گاہ میں قائم چیمبر کی بلڈنگ کو سراہا اور میاں صبیح الرحمٰن صاحب کو ہر ممکن تعاون کی پیشکش کرتے ہوئے کہا کہ وزیر آباد میں چیمبر کا قیام ایک سنگ میل ہے اور اس سے صنعت و تجارت کو فروغ ملے گا۔

28/01/2026

محلہ شاہ سلیمان بلدیہ گکھڑ کی عدم توجہی کا شکار
چیف منسٹر پنجاب کے صاف ستھرا پنجاب کی ٹیم بھی صفائی کرنے سے انکاری
پچھلے تین ماہ سے محلہ شاہ سلیمان بلدیہ گکھڑ کی طرف سے عدم توجہی کا شکار ہے جس کی وجہ سے گلیوں میں ہر وقت نالیوں کا پانی کھڑا رہتا ہے اور صفائی والا عملہ لوگوں کی رہائشی جگہوں کی بجائے سڑکیں صاف کرنے پہ دن رات تعینات کر دیا گیا ہے۔ کہاں سڑکیں روز بہ روز صاف ستھری ہوتی جا رہی ہیں وہیں پہ گلی محلے گندگی اور تعفن کا شکار ہوتے جا رہے ہیں۔ جبکہ اسی عملے کو ترتیب دے کے کچھ عملہ گلی محلوں کیلیے مختص کرنا کوئی مشکل کام نہیں۔
صاف ستھرا پنجاب کے عملہ سے کئی بار نالیوں کی صفائی کا رونا رویا گیا لیکن وہ صاف انکاری ہیں کہ یہ ہمارا کام نہیں کیونکہ ہمیں صرف کوڑے دان اور گٹر صاف کرنے کی ہدایات دی گئی ہیں۔ یہ بلدیہ گکھڑ کے عملے کا کام ہے ۔ جبکہ بلدیہ گکھڑ کے عملے میں سے ہمارے محلے کی صفائی کے انچارج بنیامین سے کئی بار کہا گیا تو اس کا جواب ہر بار یہ ہی ہوتا ہے کہ ہمارے پاس عملہ نہ ہے نئی بھرتی ہو رہی ہے جب بھرتی ہو گی تو عملہ بھیج دیا جائے گا۔ مطلب اب ہم اہل محلہ نئی بھرتی کے انتظار میں رہیں اور اگر سال بھرتی نہ ہوئی تو پورا سال ہم اسی تعفن اور گندگی میں رہنے کیلیے مجبور ہوں گے۔
خدارا ہمارے علاقے کی نالیاں روزانہ کی بنیاد پہ صاف کروائے جانے کے احکامات جاری کیے جائیں تا کہ ہم بھی صاف ستھرا پنجاب پروگرام سے مستفید ہو سکیں۔

27/01/2026

22/09/2025

گکھڑ کے سپوت امریکن پاکستانی جناب
جہانگیر چیمہ نے سیلاب ذدگان کےلیے راشن، میڈیسن اور جانوروں کےلیے چارا ڈونیٹ کیا ہے جسکی از خود تقسیم کےلیے وہ پاکستان آئے اور جھنگ سے تقریباً سو کلو میٹر دور متاثرہ علاقوں میں سامان کے ہمراہ جا کر راشن، میڈیسن
تقسیم کی اور ڈاکٹرز کی ٹیم کے ہمراہ مریضوں کا فری چک اپ بھی کروایا۔
کچھ عرصہ قبل جہانگیر چیمہ نے پسماندہ علاقوں کیلئے فری الٹرا ساونڈ مشین بھی فراہم کی۔ انہوں نے چیف آرگنائزر گکھڑ پریس فیصل افضل سے بات کرتے ہوئے کہا کہ انکا مقصد خالصتاً آفت زدہ پاکستانی بھائیوں کی خدمت اور اللہ کی رضا ہے۔ اور اسکے لئے انہوں اوور سیز پاکستانیز سے بھی اپیل کی کہ وہ دوسروں پر انحصار کرنے کی بجائے متاثرین کی بحالی اور مدد کیلئے خود وطن واپس آ کر اس کار خیر میں شامل ہوں۔
اس عظیم اور قابل تقلید خدمت پر انکے کلاس فیلوز بے انہیں زبردست خراج تحسین پیش کیا۔

22/05/2025

ہر دلعزیز لیگی رہنما بیرسٹر بلال فاروق تارڑ، صدر گکھڑ پریس کلب میاں صبیح الرحمان ،ڈویژنل سپورٹس آفیسر گوجرانوالہ فیصل امیر احمد خان، ٹی ایس او علی حیدر اور گکھڑ میں ہاکی کلبز کے سرپرست و عہدیداران کی مشترکہ کاوشوں سے آسٹرو ٹرف کی کلیننگ مشین مہیا کر کے شہریوں کا دیرینہ مطالبہ پورا کر دیا گیا۔

15/05/2025

"کیا آپکے دانت بھی رافیل جہاز کی طرح گر رہے ہیں؟"
گکھڑ کے سپوت نامور ڈینٹسٹ سرجن سیکرٹری پاکستان ڈینٹسٹ ایسوسی ایشن ڈاکٹر بلال میر کا ایڈ سوشل میڈیا پر مقبول۔

03/04/2025

گکھڑ سپورٹس کمپلیکس کے ٹی ایس او علی حیدر کا اہم پیغام

19/02/2025

اعجاز بھٹی (پولیٹیکل کوآرڈینیٹر ٹو تارڑ برادرز) نے ڈپٹی ڈائریکٹر این ایچ اے رانا کاشف اور اسسٹنٹ ڈائریکٹر نیشنل ہائی وےاتھارٹی خادم حسین ساقی کے ہمراہ زیر تعمیرگکھڑ انڈر پاس کا دورہ کیا اور تعمیراتی کام کا جائزہ لیا۔ اعجاز بھٹی نے کام کے معیار پر اطمینان کا اظہار کرتے ہوئے فیڈرل منسٹر چوہدری عطاء اللہ تارڑ اور سابق ایم پی اے بلال فاروق تارڑ کے ایما پر ہدایات جاری کرتے ہوئے کہا ایسٹرن سائٹ تکمیل کے مراحل میں ہے سہولیات و معیار کو یقینی بنانا اولین ترجیح ہے۔انہوں نے گکھڑ پریس کلب کو بتایا کہ کام کی رفتار کو مزید تیز کر کے جلد از جلد منصوبے کو پایہ تکمیل تک پہنچا کر شہریوں کو سٹیٹ آف دی آرٹ سہولیات فراہم کی جائیں گی اور گکھڑ کو ایک ماڈل شہر بنانا ہمارا وویژن ہے۔ اس موقع پر محنت لگن اور جانفشانی سے ذمہ داریاں انجام دینے والے رانا آصف نے بریفنگ دی اور ہدایات پر عملدرآمد کو یقینی بنانے کا عزم کیا۔

02/12/2024

Career Opportunity: Accountant

We are a well-established company looking for an experienced Accountant. The successful candidate will hold a Bachelor's degree in Commerce, Accounting, or Finance and have at least 5 years of experience.

To apply, please Email your CV
[email protected]