ڈوگہ ویلفیئر ٹرسٹ DWT

Call

ڈوگہ ویلفیئر ٹرسٹ DWT ہمارا مقصد اللہ کی رضاء کے لیے لوگوں کی خدمت

09/07/2026
‏بیوی کے انتقال کے دن محمود صاحب کی عمر صرف پینتالیس برس تھی۔ تعزیت کے لیے آنے والے ہر شخص نے ایک ہی مشورہ دیا۔"محمود بھ...
07/07/2026

‏بیوی کے انتقال کے دن محمود صاحب کی عمر صرف پینتالیس برس تھی۔ تعزیت کے لیے آنے والے ہر شخص نے ایک ہی مشورہ دیا۔
"محمود بھائی، ابھی تمہاری عمر ہی کیا ہے؟ دوسری شادی کر لو۔"
وہ ہر بار مسکرا دیتے، پھر اپنے بارہ سالہ بیٹے عمار کے سر پر ہاتھ رکھ کر کہتے، "اللہ نے مجھے اس کی صورت میں میری بیوی کی آخری امانت دے دی ہے۔ اب میری باقی زندگی اسی امانت کی حفاظت ہے۔"

اس کے بعد انہوں نے واقعی اپنی زندگی بیٹے کے نام کر دی۔ کاروبار بڑھتا گیا، مگر ان کی دنیا سمٹ کر صرف ایک لڑکے کی مسکراہٹ رہ گئی۔ اپنی خواہشیں، اپنی تنہائیاں، اپنی راتیں... سب انہوں نے خاموشی سے دفن کر دیں۔

وقت نے پلٹا کھایا۔

عمار جوان ہوا، اعلیٰ تعلیم حاصل کی، اور ایک دن باپ نے سارا کاروبار اس کے حوالے کر دیا۔

"اب تم سنبھالو۔ میں تھک گیا ہوں۔"

لیکن تھکن جسم کی نہیں تھی... رشتے کی تھی، جسے وہ خود اپنے ہاتھوں آہستہ آہستہ پیچھے ہٹا رہے تھے۔

پھر عمار کی شادی ہو گئی۔

گھر میں نئی ہنسی آئی، نئے پردے لگے، فرنیچر بدلا، برتن بدلے، حتیٰ کہ باورچی خانے کی ترتیب بھی بدل گئی۔

اور محمود صاحب؟

وہ بھی بدل گئے۔

اب وہ کبھی دفتر میں بیٹھے رہتے، کبھی کسی پرانے دوست کی دکان پر چائے پیتے، اور شام ڈھلے صرف سونے کے لیے گھر لوٹتے۔ اپنے ہی گھر میں وہ ایسے چلتے جیسے کسی اور کے مکان میں مہمان ہوں۔

ایک دوپہر سب ایک ہی دسترخوان پر بیٹھے تھے۔

محمود صاحب نے روٹی کا آخری نوالہ توڑتے ہوئے نرمی سے کہا،

"بیٹا... اگر ذرا سا دہی ہو تو دے دو۔"

باورچی خانے سے بہو کی آواز آئی،

"آج گھر میں دہی نہیں ہے، ابا جی۔"

"اچھا..." انہوں نے پانی کا گھونٹ لیا اور خاموشی سے اٹھ گئے۔

کسی نے ان کے چہرے پر نظر نہیں ڈالی۔

وہ حسبِ معمول واک کے لیے نکل گئے۔

ان کے جاتے ہی بہو نے فریج کھولا، ٹھنڈی دہی کی پیالی نکالی اور عمار کے سامنے رکھ دی۔

"گرمی بہت ہے، دہی کے بغیر تمہارا کھانا مکمل نہیں ہوتا۔"

عمار نے پیالی کی طرف دیکھا۔

پھر دروازے کی طرف، جہاں سے ابھی ابھی اس کے باپ کی آہستہ آہستہ دور ہوتی چپلوں کی آواز گم ہوئی تھی۔

اس نے ایک لمحے کو بیوی کی آنکھوں میں دیکھا۔

پھر خاموشی سے دہی کھا لی۔

اس نے کوئی جھگڑا نہیں کیا۔

کوئی نصیحت نہیں کی۔

صرف اس دن کے بعد اس کے اندر کچھ ہمیشہ کے لیے خاموش ہو گیا۔

چند روز گزرے۔

ایک صبح اس نے والد سے کہا،

"ابا، آج دس بجے تیار رہیے گا۔ ہمیں کچہری جانا ہے۔"

"کیوں؟"

"آپ کی شادی ہے۔"

محمود صاحب کے ہاتھ سے اخبار پھسل گیا۔

"پاگل ہو گئے ہو؟ اس عمر میں؟ مجھے کسی شادی کی ضرورت نہیں۔ میں نے تو ساری زندگی تمہارے لیے گزاری ہے۔"

عمار نے پہلی بار باپ کی آنکھوں میں ویسے دیکھا جیسے ایک مرد دوسرے مرد کی قربانی کو پہچانتا ہے۔

"ابا... میں اپنے لیے ماں نہیں لا رہا، نہ اپنی بیوی کے لیے ساس۔"

وہ رکا، پھر دھیرے سے بولا،

"میں صرف آپ کے لیے ایک پیالی دہی کا بندوبست کر رہا ہوں۔"

کمرے میں ایسی خاموشی اتری کہ دیوار پر لگی گھڑی کی ٹک ٹک بھی شرمندہ محسوس ہونے لگی۔

عمار نے جیب سے گھر کی چابی نکالی اور میز پر رکھ دی۔

"آج شام میں اور میری بیوی کرائے کے ایک چھوٹے سے فلیٹ میں منتقل ہو جائیں گے۔ کل سے میں آپ کے دفتر میں صرف ایک ملازم کی حیثیت سے آؤں گا، تنخواہ لوں گا... تاکہ جس گھر کی ہر چیز آپ نے ہمیں دے دی، وہاں رہنے والوں کو ایک پیالی دہی کی قیمت سمجھ آ جائے۔"

باورچی خانے میں کھڑی بہو کے ہاتھ سے شیشے کا گلاس چھوٹ کر فرش پر بکھر گیا۔

ٹوٹنے کی آواز معمولی تھی، مگر اس کے اندر برسوں سے جمی ہوئی خود غرضی میں ایک دراڑ پڑ چکی تھی۔

وہ لرزتے قدموں سے باہر آئی۔ اس کی نظریں جھکی ہوئی تھیں۔ فریج سے دہی کی وہی پیالی نکالی، جسے چند لمحے پہلے اس نے صرف اپنے شوہر کے لیے محفوظ رکھا تھا، اور خاموشی سے محمود صاحب کے سامنے رکھ دی۔

پھر ان کے قدموں میں بیٹھ گئی۔

"ابا جی... مجھے معاف کر دیجیے۔ آج سمجھ آئی ہے کہ میں نے آپ سے دہی نہیں، آپ کا حق چھینا تھا۔"

محمود صاحب نے کانپتے ہاتھوں سے اس کے سر پر ہاتھ رکھا، مگر ان کی آنکھوں میں ایسی نمی تھی جو صرف بڑھاپے کی تنہائی جانتی ہے۔
انہوں نے دھیرے سے کہا،
"بیٹی... بھوک روٹی نہ ملنے سے نہیں لگتی... بھوک اس دن لگتی ہے جب اپنے ہی گھر میں انسان کو یہ احساس دلایا جائے کہ وہ اضافی ہے۔

عمار نے آگے بڑھ کر باپ کے ہاتھ تھام لیے۔
اس روز نہ کوئی عدالت گیا، نہ کوئی نکاح ہوا، نہ کوئی گھر بکھرا۔
صرف ایک دسترخوان پر بیٹھے تین لوگوں نے پہلی بار ایک دوسرے کو دیکھنا سیکھ لیا۔
اور اس دن کے بعد اس گھر میں دہی کبھی ختم نہیں ہوئی.
رشتے روٹی سے نہیں نبھتے، عزت سے نبھتے ہیں؛ اور جس گھر میں بزرگ کی عزت کم ہو جائے، وہاں نعمتیں چاہے جتنی بھی ہوں، برکت خاموشی سے دروازہ چھوڑ جاتی ہے۔ ہمیشہ خوش رہیں اور اپنے بزرگوں کو عزت دیں پیارے دیں یہ بزرگ بہت بڑی نعمت ہوتے ہیں ان کی دعائیں سیدھی عرش پر جاتی ہیں
Copied

کچھ دن پہلے بلیو ایریا سے مین روڈ پر چڑھنے کے انتظار میں میری گاڑی کھڑی تھی کہ ایک نوجوان نے تیز رفتاری کے باعث اپنی بائ...
30/06/2026

کچھ دن پہلے بلیو ایریا سے مین روڈ پر چڑھنے کے انتظار میں میری گاڑی کھڑی تھی کہ ایک نوجوان نے تیز رفتاری کے باعث اپنی بائیک سے میری گاڑی کی ڈرائیونگ سائیڈ کو ہٹ کر دیا۔ غلطی سراسر اس نوجوان کی تھی، جو ایک یونیورسٹی کا طالب علم تھا۔ پولیس آئی، موقع دیکھا اور میرے مؤقف کی تائید کی۔ لڑکے کو بھی کافی چوٹیں آئیں، شاید اس کا بازو بھی فریکچر ہو گیا۔

آج اس کے والد صاحب کی کال آئی۔ کہنے لگے، "میں ایک سکول ٹیچر ہوں، اگر آپ کچھ درگزر کر سکیں..."

میں نے بغیر کسی تردد کے کہا، "چونکہ آپ ایک استاد ہیں، اس لیے میں اپنا سارا نقصان معاف کرتا ہوں۔"

یہ میری اپنے اساتذہ اور ہر سکول ٹیچر کے ساتھ ایک غیر مشروط عقیدت ہے۔

اس سارے واقعے کے پس منظر میں مجھے اپنے بچپن کا ایک واقعہ یاد آ گیا، جو میں نئی نسل کی تربیت کے لیے شیئر کر رہا ہوں۔

میرے بچپن کی بات ہے۔ ہمارے گاؤں سے شمعون چاچا روز اپنی بس لے کر گزرتے تھے (ان کے گاؤں کا راستہ ہمارے گاؤں سے ہو کر گزرتا تھا)۔ ان کی بس میرے والد صاحب کے کلینک کے سامنے سے گزرتی، اور محلے کے کئی بچے اس کے پیچھے لٹک کر جھولے لیا کرتے تھے۔

ایک دن نہ جانے کیا شرارت سوجھی، میں نے ایک وٹہ اٹھایا اور بس کے شیشے پر دے مارا۔ اتفاق سے سامنے کلینک میں بیٹھے میرے والد صاحب کی نظر مجھ پر پڑ گئی۔ انہوں نے غصے سے آواز دی، "یہ کیا کر رہے ہو؟ ادھر آؤ!" پھر مجھے کلینک کے ایک بینچ پر بیٹھنے کا اشارہ کیا۔

جب تمام مریض چلے گئے تو انہوں نے مجھے اپنے پاس بٹھایا اور نہایت شفقت سے کہا:

"بیٹا! اگر کوئی راہ چلتے تمہیں بلاوجہ ایک تھپڑ مار دے تو تمہارے باپ کو کتنی تکلیف ہوگی کہ کسی نے میرے بیٹے کو ناحق مارا۔"

میں نے خاموشی سے اثبات میں سر ہلا دیا۔

پھر انہوں نے کہا:

"بالکل اسی طرح، جب تم نے شمعون بھائی کی بس پر وٹہ مارا تو ان کا دل بھی اتنا ہی دکھی ہوا ہوگا کہ ایک بچے نے بلاوجہ میری بس کو نقصان کیوں پہنچایا۔ اور اگر شیشہ ٹوٹ جاتا تو تمہارے باپ کے پاس اتنے پیسے نہیں تھے کہ فوراً نیا شیشہ لگوا دیتا۔ مجھے پنچایت کے سامنے شرمندہ ہونا پڑتا، معافی مانگنی پڑتی، اور شاید کسی سے قرض لے کر نقصان پورا کرنا پڑتا۔ کیا تم چاہتے ہو کہ تمہاری ایک چھوٹی سی شرارت کی وجہ سے تمہارا باپ اتنی ذلت اور پریشانی اٹھائے؟"

میں نے زور زور سے نفی میں سر ہلایا۔ یہ اس زمانے کی بات ہے جب ابھی ہمارے گاؤں میں "سوری" کہنا ایجاد نہیں ہوا تھا، مگر میری خاموشی ہی میری معذرت تھی۔

والد صاحب نے محبت سے میرے سر پر ہاتھ رکھا اور کہا:

"مجھے امید ہے کہ تمہیں زندگی بھر اپنی اور دوسروں کی #عزت، #احساسات اور #دکھ کا خیال رہے گا۔"

آج اس واقعے کو برسوں گزر چکے ہیں، مگر اس دن کے بعد کسی کی چیز کو نقصان پہنچانے کی ہمت کبھی نہ ہوئی۔ جب بھی ایسا کوئی خیال آتا ہے، والد صاحب کی وہ شفقت بھری نصیحت میرے سامنے آ کھڑی ہوتی ہے۔

اولاد کو صرف سزا نہیں، احساس دینا اصل تربیت ہے۔ بعض اوقات باپ کی محبت سے کہی گئی چند باتیں وہ اثر چھوڑ جاتی ہیں جو دنیا کی سخت ترین سزائیں بھی نہیں چھوڑ سکتیں۔
Copied

Address

Doga

Telephone

+923008503411

Website

Alerts

Be the first to know and let us send you an email when ڈوگہ ویلفیئر ٹرسٹ DWT posts news and promotions. Your email address will not be used for any other purpose, and you can unsubscribe at any time.

Shortcuts

Share