Youth Welfare Organisation

28/09/2026

انا للہ وانا الیہ راجعون
نہایت رنج و غم کے ساتھ اطلاع دی جاتی ہے کہ کارودرہ، کس مجال سے تعلق رکھنے والے محمد زمین، سرفراز اور استم کے بھائی اور شیر ولی کے چچا نظام الدین طویل علالت کے بعد انتقال کر گئے ہیں۔
نمازِ جنازہ آج شام 6:30 بجے کس مجال مدرسہ میں ادا کی جائے گی۔
اللہ تعالیٰ مرحوم کو اپنے جوارِ رحمت میں جگہ عطا فرمائے اور لواحقین کو صبرِ جمیل نصیب فرمائے۔

03/09/2026

📢 اعلانِ گمشدگی

وقاص خان ولد باچا رحیم، سکنہ کس مجال کارو درہ، ضلع دیر اپر، عمر تقریباً 13/14 سال، کل مورخہ 02-09-2026 کو گھر سے ناراض ہو کر چلا گیا ہے اور تاحال گھر واپس نہیں آیا۔

اگر کسی بھائی کو وقاص خان کہیں نظر آئے یا اس کے بارے میں کسی قسم کی معلومات ہوں تو براہِ کرم انسانی ہمدردی کے تحت فوری طور پر درج ذیل نمبروں پر رابطہ کریں:

📞 0306-8384378
📞 0324-0288255

براہِ کرم اس پیغام کو زیادہ سے زیادہ شیئر کریں تاکہ بچے کو جلد از جلد اس کے گھر والوں تک پہنچایا جا سکے۔

جزاکم اللہ خیراً

28/06/2026

الحمدللہ، ایک اور زندگی امید کی طرف لوٹ آئی! ❤️

تقریباً 6 سے 8 ماہ قبل محمد ایوب کاکا کو انتہائی کٹھن حالات میں یوتھ ویلفیئر آرگنائزیشن کی کوششوں سے تیمرگرہ ری ہیب سینٹر منتقل کیا گیا تھا تاکہ وہ نشے کی لعنت سے نجات حاصل کر کے ایک نئی زندگی کا آغاز کر سکیں۔

آج اللہ تعالیٰ کے بے پایاں فضل و کرم، آپ سب کی دعاؤں، مالی تعاون، جسمانی محنت اور ری ہیب سینٹر کی مخلصانہ کاوشوں کے نتیجے میں ان کا علاج کامیابی سے مکمل ہو چکا ہے۔ الحمدللہ، وہ واضح بہتری کے ساتھ اپنے اہلِ خانہ کے درمیان واپس پہنچ چکے ہیں۔ ان کی واپسی صرف ایک فرد کی بحالی نہیں بلکہ ایک خاندان کی خوشیوں کی بحالی اور انسانیت کی ایک خوبصورت کامیابی ہے۔

ہم اپنے تمام مخیر حضرات، عطیہ دہندگان، دعا کرنے والوں، رضاکاروں اور ہر اس شخص کے تہہ دل سے شکر گزار ہیں جنہوں نے اس سفر میں کسی بھی شکل میں اپنا حصہ ڈالا۔ آپ کی ہر دعا، ہر روپیہ اور ہر قدم ایک انسان کی زندگی بدلنے کا ذریعہ بنا۔

یوتھ ویلفیئر آرگنائزیشن آپ سب کے اعتماد اور تعاون کے ساتھ اسی جذبۂ خدمت کو جاری رکھے ہوئے ہے۔ آئیے! ہم سب مل کر مزید بے سہارا اور ضرورت مند افراد کو نئی امید، نئی زندگی اور روشن مستقبل دینے کے اس مشن کا حصہ بنتے رہیں۔

اللہ تعالیٰ تمام معاونین کو دنیا و آخرت میں بہترین اجر عطا فرمائے، ان کے رزق، صحت اور زندگی میں بے شمار برکتیں نازل فرمائے۔ آمین یا رب العالمین۔

15/06/2026

انسانیت کی خدمت کے جذبے سے سرشار یوتھ ویلفیئر آرگنائزیشن کا ایک اور قابلِ تحسین اقدام۔ ایمبولینس سروس کے قیام کے لیے 70,000 روپے کا عطیہ، جو علاقے میں بروقت طبی سہولیات کی فراہمی کی جانب ایک اہم پیش رفت ہے۔ اللہ تعالیٰ تمام معاونین اور منتظمین کی اس کاوش کو اپنی بارگاہ میں قبول فرمائے۔ آمین۔
#

06/05/2026

یوتھ ویلفیئر آرگنائزیشن کی مسلسل کاوشوں اور انتھک محنت کے نتیجے میں بالآخر جامع مسجد کس میں تعمیر و مرمت کے اہم کاموں کے ساتھ ساتھ رنگ و روغن کا مرحلہ بھی کامیابی سے مکمل کر لیا گیا۔
یہ ایک خوش آئند پیش رفت ہے جو نہ صرف علاقے کے دینی ماحول کو مزید بہتر بنائے گی بلکہ نمازی حضرات کے لیے ایک صاف ستھرا اور پرسکون ماحول بھی فراہم کرے گی۔ اس کارِ خیر میں حصہ لینے والے تمام مخیر حضرات، بالخصوص سمندر پار مقیم معاونین، اور تنظیم کے مخلص رضاکار خصوصی خراجِ تحسین کے مستحق ہیں جنہوں نے دلجمعی اور اخلاص کے ساتھ اپنا کردار ادا کیا۔
ہم بیرونِ ملک مقیم اپنے ان معاونین کے بے حد شکر گزار ہیں جن کی مالی و اخلاقی حمایت نے اس منصوبے کی تکمیل میں کلیدی کردار ادا کیا۔ اللہ تعالیٰ ان کے رزق میں برکت عطا فرمائے اور ان کی اس خدمت کو بہترین صدقۂ جاریہ بنائے۔
اللہ تعالیٰ سے دعا ہے کہ وہ اس کوشش کو اپنی بارگاہ میں قبول فرمائے اور اسے صدقۂ جاریہ بنائے۔ آمین۔

14/04/2026

23/03/2026

انا للہ وانا الیہ راجعون
نہایت رنج و غم کے ساتھ اطلاع دی جاتی ہے کہ کارودرہ میتروڑہ کے محلہ کنڈو سے تعلق رکھنے والے عمر رحمان کی اہلیہ اور سمیع اللہ کی والدہ محترمہ انتقال کر گئی ہیں۔
مرحومہ، عمر خالق اور جان خالق (محرر پولیس لائن دیر) کی چچی تھیں۔
نمازِ جنازہ آج شام 5:30 بجے محلہ کنڈو، مسجد بلال میں ادا کی جائے گی۔
اللہ تعالیٰ مرحومہ کو اپنی جوارِ رحمت میں جگہ عطا فرمائے اور لواحقین کو صبرِ جمیل نصیب فرمائے۔

21/03/2026

06/03/2026

الحمدللہ!
آج یوتھ ویلفیئر آرگنائزیشن کی ٹیم نے باقاعدہ منصوبہ بندی کے تحت گاؤں شگہ کی چھ جامع مساجد میں چندہ مہم چلائی۔ اس کے بعد گاؤں بالکوڑ کی بعض دکانوں اور مستی ڈھیری بازار میں بھی دکانداروں اور اہلِ خیر حضرات سے تعاون حاصل کیا گیا۔
اللہ کے فضل و کرم سے اس مہم کے دوران کل42,510 روپے جمع ہوئے۔
ہم گاؤں شگہ کے معزز عوام، بالکوڑ کے دکانداروں اور مستی ڈھیری بازار کے تمام دکانداروں اور مخیر حضرات کے تہہ دل سے شکر گزار ہیں جنہوں نے اس نیک کام میں بڑھ چڑھ کر حصہ لیا۔ آپ کی یہ سخاوت اور تعاون یقیناً مستحق اور ضرورت مند افراد کے لیے امید کی کرن ہے۔
اللہ تعالیٰ آپ سب کے صدقات و خیرات کو اپنی بارگاہ میں قبول فرمائے اور ہمیں توفیق عطا فرمائے کہ اس امانت کو دیانت داری کے ساتھ حقیقی مستحقین تک پہنچا سکیں۔ آمین۔