Alkhidmat Foundation Lower Chitral

23/05/2026

الحمدللہ!
الخدمت فاؤنڈیشن پاکستان کے سیکرٹری جنرل جناب سید وقاص انجم جعفری صاحب بنو قابل پروگرام کے سلسلے میں چترال پہنچ گئے، جہاں انہوں نے بنو قابل ایپٹیٹیوڈ ٹیسٹ کے تمام انتظامات کا تفصیلی جائزہ لیا۔
اس موقع پر صدر الخدمت فاؤنڈیشن لوئر چترال جناب عبد الحق صاحب نے ٹیسٹ کے انتظامات، سیکیورٹی، رجسٹریشن، طلبہ و طالبات کی سہولیات اور دیگر امور کے حوالے سے تفصیلی بریفنگ دی۔
نوجوانوں کے روشن مستقبل کے لیے الخدمت فاؤنڈیشن کا یہ مشن اِن شاء اللہ کامیابی کے ساتھ جاری رہے گا۔

#چترال #نوجوان

22/05/2026

ہنر یا ہجوم، “بنو قابل” جیسے سکلز ڈولپمنٹ پروگرام ہماری اجتماعی ضرورت کیوں ہیں؟

آج کل نوجوانوں میں مقبول الخدمت فاؤنڈیشن کے سکلزڈولپمنٹ پروگرام، “بنو قابل” کے حوالے سے مختلف آراء سامنے آ رہی ہیں۔ کچھ حلقے ایسے پروگراموں کو محض “ہجوم سازی” یا وقتی جوش قرار دیتے ہیں۔ مگر اگر ہم زمینی حقائق، معاشی ناہمواریوں، اور پاکستان کی ڈیجیٹل تقسیم (Digital Divide) کو سامنے رکھ کر جائزہ لیں، تو تصویر کافی مختلف نظر آتی ہے۔

یہ درست ہے کہ آج دنیا کے بے شمار علوم انٹرنیٹ پر دستیاب ہیں۔ یوٹیوب، کورسیرا، یوڈیمی اور دیگر پلیٹ فارمز سیکھنے کے بے مثال مواقع فراہم کرتے ہیں۔ لیکن اصل سوال یہ ہے کہ کیا پاکستان کے ہر نوجوان کو ان وسائل تک یکساں رسائی حاصل ہے؟

حقیقت یہ ہے کہ پاکستان کی ایک بڑی آبادی اب بھی ایسے حالات میں زندگی گزار رہی ہے جہاں:

• لاکھوں نوجوانوں کے پاس ذاتی کمپیوٹر یا لیپ ٹاپ موجود نہیں۔
• دیہی اور پسماندہ علاقوں میں انٹرنیٹ یا تو کمزور ہے یا مہنگا۔
• انگریزی زبان ایک بڑی رکاوٹ ہے۔
• گھر اور معاشرتی ماحول سیکھنے کے لیے سازگار نہیں۔
• اور سب سے بڑھ کر، بے روزگاری اور غربت نوجوانوں کی خود اعتمادی کو شدید متاثر کرتی ہے۔

ایسے ماحول میں صرف یہ کہنا کہ “یوٹیوب کھولو اور خود سیکھ لو”، ایک خوبصورت مگر غیرحقیقت پسندانہ مشورہ محسوس ہوتا ہے۔

اگر صرف آن لائن ویڈیوز ہی کافی ہوتیں، تو دنیا بھر میں یونیورسٹیاں، ٹریننگ سینٹرز، کوچنگ ادارے، اور اسکل ڈویلپمنٹ پروگرامز اپنی اہمیت کھو چکے ہوتے۔ حقیقت یہ ہے کہ انسان صرف معلومات سے نہیں، بلکہ رہنمائی، نظم و ضبط، سیکھنے کے ماحول، اجتماعی حوصلہ افزائی اور mentorship سے آگے بڑھتا ہے۔

اسی تناظر میں “بنو قابل” جیسے پروگرام ایک اہم سماجی خلا کو پُر کرنے کی ایک کوشش دکھائی دیتی ہے۔

ہزاروں نوجوانوں کا کسی سکلز ڈولپمنٹ پروگرام کے امتحان میں شریک ہونا ناکامی یا انحصار کی علامت نہیں، بلکہ اس بات کا ثبوت ہے کہ پاکستان کا نوجوان سیکھنا چاہتا ہے، آگے بڑھنا چاہتا ہے، اور مواقع کی تلاش میں ہے۔

خاص طور پر اُن نوجوانوں کے لیے:
• جو پہلی دفعہ ہُنر سیکھنے کے طلب گار ہیں،
• جن کا تعلیمی پس منظر کمزور ہے،
• یا جنہیں کبھی کمپیوٹر تک رسائی ہی حاصل نہیں رہی،

ان کے لیے ایک تربیت یافتہ استاد، باقاعدہ کلاس، امتحان، سرٹیفکیٹ، اور سیکھنے والی کمیونٹی غیر معمولی اہمیت رکھتی ہے۔

اگر ایسے پروگرام غیر ضروری ہوتے، تو ہزاروں نوجوان اپنی مرضی سے گھنٹوں سفر کرکے امتحانات میں شریک نہ ہوتے۔ ان پروگراموں کی غیر معمولی مقبولیت خود اس بات کا ثبوت ہے کہ معاشرے میں ان کی حقیقی ضرورت موجود ہے۔

تنقید ہر معاشرے میں ضروری ہوتی ہے، مگر تعمیری تنقید۔ اگر کسی پروگرام میں خامیاں ہیں تو انہیں بہتر بنانے کی بات ہونی چاہیے، نہ کہ نوجوانوں کی امیدوں اور سیکھنے کی خواہش کو ہی مشکوک بنا دیا جائے۔

اصل سوال یہ نہیں کہ نوجوان قطاروں میں کیوں کھڑے ہیں؛
اصل سوال یہ ہے کہ پاکستان میں معیاری تعلیم، باعزت روزگار، اور ہنر کے مواقع اتنے محدود کیوں ہیں کہ ایک مفت سکلز بلڈنگ پروگرام لاکھوں نوجوانوں کے لیے امید کی علامت بن جاتا ہے؟

یہ بھی حقیقت ہے کہ ترقی پذیر ممالک میں فلاحی اور سماجی ادارے اکثر وہ خلا پُر کرتے ہیں جو ریاست مکمل طور پر پُر نہیں کر پاتی۔ اسی لیے الخدمت فاؤنڈیشن جیسے اداروں کی کاوشوں کو محض سیاسی یا جماعتی عینک سے دیکھنے کے بجائے، ان کے سماجی اثرات، نوجوانوں کی empowerment، اور فراہم کردہ حقیقی مواقع کی بنیاد پر جانچا جانا چاہیے۔

نوجوانوں کو خودمختار بنانا ضروری ہے، مگر خودمختاری صرف انٹرنیٹ پر معلومات کی موجودگی سے پیدا نہیں ہوتی۔ اس کے لیے رسائی، رہنمائی، تربیت، اعتماد، آگاہی، اور مواقع درکار ہوتے ہیں، اور یہی وہ چیز ہے جو “بنو قابل” جیسے پروگرام ہزاروں نوجوانوں کو فراہم کرنے کی کوشش کر رہی ہے۔

ہجوم ہمیشہ منفی نہیں ہوتا۔
کبھی کبھی یہی ہجوم ایک محروم قوم کی امید، توانائی اور مستقبل بھی ہوتا ہے۔

تحریر: ڈاکٹر سید محمد الیاس

22/05/2026

الحمدللہ
بنو قبل ٹیسٹ کے پُروقار موقع پر امیدوارانِ امیرِ جماعت قومی ترانے کے احترام میں باادب کھڑے ہیں۔
فضا میں حب الوطنی، نظم و ضبط اور روشن مستقبل کے خواب نمایاں ہیں۔
یہ صرف ایک ٹیسٹ نہیں بلکہ نوجوانوں کے سنہرے کل کی جانب ایک مضبوط قدم ہے
چترال کے باصلاحیت نوجوان علم، کردار اور کامیابی کی نئی داستان رقم کرنے کے لیے تیار ہیں۔

21/05/2026

خواتین کی صحت، ہماری ترجیح
الخدمت ڈائگناسٹک سینٹر چترال میں ماہر امراضِ نسواں و زچگی
ڈاکٹر شمیمہ کلیم صدیقی (FCPS, MCPS)
اپنی خدمات انجام دے رہی ہیں۔
معائنہ کا وقت:
صبح 9:00 بجے سے شام 5:00 بجے تک
حمل اور زچگی کی دیکھ بھال
الٹراساؤنڈ سہولت
بانجھ پن اور ہارمونی مسائل کا علاج
خواتین کی بیماریوں کا مکمل معائنہ و علاج
فیملی پلاننگ اور مشاورت
مقام: الخدمت ڈائگناسٹک سینٹر چترال
رابطہ: 0943-412478
اپنی صحت کا خیال رکھیں اور ماہر ڈاکٹر سے رجوع کریں

21/05/2026

21/05/2026

Biggest IT Entry Test in Chitral History | Bano Qabil Chitral Aptitude Test

17/05/2026

الخدمت فاؤنڈیشن کی طرف سے پولو گراؤنڈ کی صفائی کے بعد انتظامیہ کو حوالہ کر دیا گیا

17/05/2026

بنو قابل چترال ٹیسٹ میں اہل چترال کے اعتماد اور تعاون پر الخدمت فاٶنڈیشن چترال لوٸیر آپ کا شکر گزار ہے۔ بنو قابل کا وژن کہ اسکلز لرننگ کے حوالے سے قومی شعور کو بیدار کیا جاٸے اور معاشرے کے تمام اسٹیک ہولڈرز کو اس جانب راغب کیا جاٸے کا مشن احسن انداز سے مکمل ہوا۔ جس پہ ہم آپ سب کو خراج تحسین پیش کرتے ہیں۔

بنو قابل کی پالیسی کے مطابق پولو گراٶنڈ میں ٹیسٹ کی غرض سے آٸے ہوے تمام طلباء طالبات کو ہنر سیکھنے کیلیے وہی طریقہ کار چترال میں بھی اپنایا جاٸیگا جو پورے پاکستان میں راٸج ہے۔

"سب کو پڑھنے اور سیکھنے کا موقع دیا جاٸیگا۔ "

بنوقابل کی پالیسی کے مطابق پہلے مرحلے میں 90 فیصد نمبر حاصل کرنے والوں کو اورینٹیشن کیلیے مدعو کیا جاٸگا۔ اسی طرح پھر 80 فیصد، پھر 70 فیصد، پھر 60 فیصد، پھر 50 فیصد پھر 40 فیصد یعنی کہ ہر طالب علم کو پڑھانے کا خواب پورا کیا جاٸیگا۔

ٹیسٹ کی رجسٹریشن سے لیکر انعقاد تک ہمارے ساتھ تعاون کرنے والے تمام سرکاری اور پراٸیوٹ اداروں کو خراج تحسین پیش کرتے ہیں۔

اور امید کرتے ہیں کہ نونہالان قوم کی ترقی کے اس سفر میں ہر وقت آپ کا تعاون ہمارے ساتھ رہیگا۔

عبدالحق
صدر الخدمت فاٶنڈیشن چترال لوٸیر

17/05/2026

Bano Qabil’s Entry Test Held in Chitral at Polo Ground.

For the very first time, the youth of Chitral will have the opportunity to receive free IT education and modern digital skills training through Bano Qabil.

16/05/2026

ہزاروں نوجوان، ایک خواب — روشن مستقبل کا خواب
آج پولو گراؤنڈ چترال میں بنو قابل اپٹیٹیوڈ ٹیسٹ کے دوران نوجوانوں کا شاندار جذبہ دیکھنے کو ملا۔
ہزاروں طلبہ و طالبات نے اپنے بہتر مستقبل اور آئی ٹی کی دنیا میں آگے بڑھنے کے عزم کے ساتھ شرکت کی۔
یہ اجتماع اس بات کی علامت ہے کہ چترال کے نوجوان صلاحیت، ہمت اور علم کے میدان میں کسی سے پیچھے نہیں۔