Bar Youth Organization

15/05/2026

آج بر یوتھ آرگنائزیشن کے صدر اور کابینہ ممبران نے علاقہ بر کے تمام سرکاری اسکولوں کا ایک تفصیلی اور ہنگامی دورہ کیا۔ اس دورے کا بنیادی مقصد اسکولوں میں اساتذہ کی حاضری کو یقینی بنانا، طلبہ کو درپیش بنیادی مسائل کا جائزہ لینا اور اساتذہ کی شدید کمی کا فوری حل تلاش کرنا تھا۔
​دورے کے دوران یہ تلخ حقیقت سامنے آئی کہ اسکولوں میں بنیادی سہولیات کا شدید فقدان ہے اور اساتذہ کی کمی کے باعث بچوں کا تعلیمی مستقبل داؤ پر لگا ہوا ہے۔

​اس سنگین صورتحال پر بر یوتھ آرگنائزیشن درج ذیل مطالبات پیش کرتی ہے:

​اساتذہ کی فوری تعیناتی
محکمہ تعلیم اور ڈپٹی ڈائریکٹر (DD) نگر سے پرزور اپیل کی جاتی ہے کہ بر کے کوٹے پر جن اساتذہ کی تقرریاں (Appointments) ہو چکی ہیں، انہیں فوری طور پر اپنے فرائض سنبھالنے کے لیے بر کے اسکولوں میں بھیجا جائے۔

​بنیادی سہولیات کی بحالی
اسکولوں میں موجود واش رومز کی ابتر صورتحال کو فوری طور پر سدھارا جائے اور دیگر ناگزیر تعلیمی سہولیات کو ہنگامی بنیادوں پر بحال کیا جائے۔
​
اگر ان جائز اور آئینی مطالبات کو فوری طور پر تسلیم اور حل نہ کیا گیا، تو بر یوتھ آرگنائزیشن عوام کے تعاون سے 1 جون 2026 کو قراقرم ہائی وے (KKH) بلاک کر کے شدید احتجاج ریکارڈ کرائے گی، جس کی تمام تر ذمہ داری انتظامیہ پر ہوگی۔
​منجانب: صدر و کابینہ، بر یوتھ آرگنائزیشن
Nagar Youth Organization Deputy Commissioner, Nagar Deputy Director Education, Nagar

14/05/2026

پریس ریلیز: بر یوتھ آرگنائزیشن
بر یوتھ آرگنائزیشن کا تعلیمی بحران پر ہنگامی اجلاس؛ محکمہ تعلیم کو 15 مئی تک کی ڈیڈ لائن جاری
بر یوتھ آرگنائزیشن کا ایک اہم اور ہنگامی اجلاس چھلت بالا میں منعقد ہوا، جس میں وادی بر کے تعلیمی مسائل اور اسکولوں میں اساتذہ کی شدید کمی کا تفصیلی جائزہ لیا گیا۔ اجلاس میں تنظیم کے عہدیداران اور معززین علاقہ نے شرکت کی۔
وادی بر کے اسکولوں میں اساتذہ کی کمی کے باعث طلبہ کا تعلیمی مستقبل داؤ پر لگا ہوا ہے۔
1. وہ تمام اساتذہ جن کی تعیناتی (Appointment) وادی بر کے کوٹے پر ہوئی ہے، انہیں فی الفور دیگر مقامات سے تبدیل کر کے بر کے اسکولوں میں رپورٹ کرنے کے احکامات جاری کیے جائیں۔

2. جن اسکولوں میں اساتذہ کی اسامیاں خالی ہیں، وہاں ہنگامی بنیادوں پر نئی تعیناتیاں یا متبادل انتظامات کر کے اساتذہ کی کمی پوری کی جائے۔

بر یوتھ آرگنائزیشن کا موقف واضح ہے۔ہم حکومت اور ضلعی انتظامیہ کو 15 مئی تک کی مہلت دیتے ہیں۔ اگر مقررہ تاریخ تک اساتذہ کی تعیناتی کے عملی اقدامات نہ کیے گئے، تو تنظیم طلبہ و طالبات اور عوام کے ہمراہ قراقرم ہائی وے (KKH) کو ہر قسم کی ٹریفک کے لیے بند کر دے گی۔
ہم اپنے بچوں کے مستقبل پر کوئی سمجھوتہ نہیں کریں گے۔ اگر قلم کی حرمت بحال نہ کی گئی تو ہم سڑکوں پر نکلنے پر مجبور ہوں گے، جس کی تمام تر ذمہ داری انتظامیہ اور محکمہ تعلیم پر عائد ہوگی۔"

میڈیا سیل، بر یوتھ آرگنائزیشن (نگر).

07/05/2026

02/05/2026

پریس ریلیز بر یوتھ
​بر یوتھ آرگنائزیشن کا روڈ ورکرز کو خراج تحسین ۔

​آج بر یوتھ آرگنائزیشن کے صدر اور کابینہ کے اراکین نے بر روڈ پر کام کرنے والے ورکروں سے ایک خصوصی ملاقات کی۔ اس دورے کا بنیادی مقصد تپتی دھوپ اور مشکل حالات میں دن رات کام کرنے والے محنت کشوں کی حوصلہ افزائی کرنا اور ان کی خدمات کو سراہنا تھا۔

​ملاقات کے دوران صدر بر یوتھ اور کابینہ ممبران نے ورکروں کے ساتھ وقت گزارا اور ان کے کام کی اہمیت پر زور دیتے ہوئے کہا
​یہ ورکرز ہمارے معاشرے کے گمنام ہیرو ہیں، جن کی محنت سے ہمارے سفر آسان اور راستے محفوظ ہوتے ہیں۔ ان کی ہمت اور لگن ہم سب کے لیے قابلِ تقلید ہے۔

​محکمہ سے مطالبات:

​بر یوتھ آرگنائزیشن نے ورکرز کے مسائل کو مدنظر رکھتے ہوئے متعلقہ محکمہ سے درج ذیل مطالبات کیے ہیں:
​پروپر یونیفارم تمام روڈ ورکرز کو فوری طور پر معیاری یونیفارم فراہم کیے جائیں تاکہ دورانِ ڈیوٹی ان کی شناخت اور حفاظت ممکن ہو سکے۔

​سالانہ بونس ورکرز کی معاشی حالت بہتر بنانے کے لیے انہیں سالانہ بنیادوں پر بونس دیا جائے۔

​کام کی جگہ پر پینے کے صاف پانی، طبی امداد اور دیگر بنیادی مراعات کی فراہمی کو یقینی بنایا جائے۔

​بر یوتھ آرگنائزیشن نے واضح کیا کہ وہ ان محنت کشوں کے حقوق کے لیے ہر فورم پر آواز اٹھاتی رہے گی اور امید ظاہر کی کہ محکمہ ان جائز مطالبات پر فوری عملدرآمد کرے گا۔
​جاری کردہ
ترجمان، بر یوتھ آرگنائزیشن
Nagar Youth Organization Deputy Commissioner, Nagar Nagar News Nagar State نگر یوتھ آرگنائزیشن تھول یوتھ آرگنائزیشن Agha Baheshti PAMIR TIMES Water and Power Division Nagar Public News Shaikh Arif Hussain Irfani

30/04/2026

پریس ریلیز
مقام: نگر
تاریخ: 30 اپریل 2026
بر یوتھ آرگنائزیشن اور نگر یوتھ کے نمائندہ وفد نے ڈپٹی کمشنر نگر، اصغر خان سے ان کے دفتر میں ملاقات کی۔ ملاقات کا مقصد وادی بر کو درپیش حالیہ مسائل اور عوامی شکایات سے آگاہ کرنا اور ان کے حل کے لیے فوری اقدامات کی درخواست کرنا تھا۔
وفد نے مختلف اہم نکات پر توجہ دلائی۔ حالیہ شدید بارشوں کے باعث وادی بر (دودو داس) میں ایک گھر کی دیوار گرنے سے ایک خاندان بے گھر ہو گیا ہے۔ انتظامیہ سے مطالبہ کیا گیا کہ متاثرہ خاندان کو فوری معاوضہ فراہم کیا جائے اور گھر کی تعمیر نو کے لیے اقدامات کیے جائیں۔
محکمہ لائیو اسٹاک سے متعلق مسائل بھی اٹھائے گئے۔ وفد نے مطالبہ کیا کہ وادی بر میں حیوانات کی ڈسپنسری کو فعال بنایا جائے اور ڈاکٹروں کی باقاعدہ حاضری یقینی بنائی جائے تاکہ مقامی مال مویشیوں کو مناسب طبی سہولیات فراہم ہو سکیں۔
تعلیم کے شعبے میں، وفد نے نشاندہی کی کہ بعض اساتذہ سیاسی اثر و رسوخ کے باعث اپنی ڈیوٹی سے غیر حاضر ہیں۔ اس پر زور دیا گیا کہ ایسے اساتذہ کو فوری طور پر واپس بلا کر اپنی ذمہ داریاں ادا کرنے کا پابند بنایا جائے۔
روڈ انفراسٹرکچر کے حوالے سے، بر روڈ پر موجود خطرناک کھڈوں کی فوری مرمت اور بارشوں سے متاثرہ حفاظتی دیواروں کی دوبارہ تعمیر کا مطالبہ کیا گیا۔ مزید یہ کہ آلو کے سیزن کے پیش نظر دیتر روڈ کو مکمل طور پر بحال رکھنے کی ضرورت پر بھی زور دیا گیا تاکہ کسانوں کو اپنی پیداوار منڈی تک پہنچانے میں مشکلات کا سامنا نہ ہو۔
ملاقات کے دوران وادی بر کے دیگر مسائل پر بھی تفصیلی گفتگو ہوئی۔ وفد نے امید ظاہر کی کہ ضلعی انتظامیہ ان مطالبات پر سنجیدگی سے غور کرے گی اور جلد عملی اقدامات اٹھائے جائیں گے تاکہ علاقے کے عوام کو ریلیف مل سکے۔
جاری کردہ:
ترجمان، بر یوتھ آرگنائزیشن و نگر یوتھ آرگنائزیشن
Nagar Youth Organization Deputy Commissioner, Nagar Nagar News Nagar State نگر یوتھ آرگنائزیشن تھول یوتھ آرگنائزیشن Agha Baheshti Rizwan Ali Water and Power Division Nagar Public News

26/04/2026

پریس ریلیز: بر یوتھ آرگنائزیشن
​بر روڈ پر بحالی کا کام تیزی سے جاری، محکمہ PWD کے تعاون کا شکریہ
​آج صبح 7 بجے سے بر روڈ پر کام کا آغاز کر دیا گیا ہے۔ اس سلسلے میں ایکسین (XEN)صفدر ، نعمان اور اوورسیئر کامران نے اشکوری سلائیڈنگ ایریا (بلاک) کا خصوصی دورہ کیا اور صورتحال کا جائزہ لیا۔
​بر یوتھ آرگنائزیشن محکمہ PWD کے اس تعاون اور بروقت اقدام پر ان کا شکریہ ادا کرتی ہے۔ ہمیں امید ہے کہ مستقبل میں بھی محکمہ کے ذمہ داران اسی طرح اپنی نگرانی میں کام کو مکمل کروائیں گے تاکہ معیار برقرار رہے۔
​ہم محکمہ PWD کے حکام سے پرزور مطالبہ کرتے ہیں کہ:
​چھلت سے دیتر تک روڈ کو فوری طور پر مکمل بحال کیا جائے۔
​راستے میں موجود ملبے کو صاف کر کے ٹریفک کی روانی کو یقینی بنایا جائے۔
​منجانب: کابینہ، بر یوتھ آرگنائزیشن
Deputy Commissioner, Nagar Nagar State