13/04/2026
روداد/ ادبي خبر
د چغرزي پښتو ادبي جرګه بونېر د سیوري لاندې د نوې کابينې د سوګند ، د افضل احساس صېب د کتاب "نارې" د مخ کتنې او کلنۍ ازادې مشاعرې دستوره پۀ ګورنمنټ پرائمري سکول ريال کښې د ستر ادیب اباسین یوسفزي صېب په مشرۍ کښې اوشوه. ياده دستوره په دوه برخو وېشلې شوې وه. پۀ اولنۍ برخه کښې د نوې کابينې حلف برداري ، د کتاب مخ کتنه او پۀ کتاب "نارې" د پوهانو وېناګانې شاملې وې او پۀ دوېمه برخه کښې ازاده مشاعره وشوه.
اولنے نشست د پروفېسر ډاکټر اباسين يوسفزي صېب پۀ صدارت کښې پېل شو چې پکښې ډاکټر صادق الله خان وزير د مشر مېلمه ، پروفېسر ډاکټر اقبال شاکر صېب ، فضل نعيم نعيم صېب ، عبدالغفور غفور بابا او ظفرعلي ناز صېب د اعزازي مېلمنو او عثمان فانوس ګجر صېب او طارق زمان صېب د کوربنو پۀ حېث ګډون اوکړو. قاري شاهد احمد د تلاوت کلام پاک نه د دستورې باقاعده اغاز اوکړو . د تلاوت کلام پاک نه پس د نوې ټاکلې شوې کابينې محترم پروفېسر ډاکټر اباسين يوسفزي صېب سوګند واخستو چې پکښې افضل احساس صېب (صدر) ، نصيب يار صېب (نائب صدر) ، حفيظ بونېري (ستر سکتر)، رحمان سېد روښان (کشر سکتر) او عبدالسلام سلام صېب د پنګه ور او فاتح چغرزي صېب نه د اطلاعاتو د سېکتر په حېث د خپلو ذمه وارو په شان پوره کولو لوظ پخلے وکړو. د سوګند له دستورې وروستو د کتاب د مخ کتنې او د کتاب خالق ډاکټر صادق الله خان وزير صېب او ژباړن افضل احساس صېب ته د دستارونو پۀ سرولو مراسم د ډاکټر اباسين يوسفزي صېب او ډاکټر اقبال شاکر صېب پۀ لاس تر سره شول.
نوي ټاکل شوي صدر افضل احساس صېب په خپله صدارتي اؤ کتاب په مخکتنه وېنا کې د راغلو مېلمنو شکريه ادا کړه او د خپل کتاب "نارې" او ورسره د ترجمې پۀ افاديت د خبرو نه پس د خپل صدارت اهداف او مقاصد هم د ګډون والو مخې ته کېښودل.
د نوي ټاکلي شوي صدر د وېنا نه پس د کوربنو پۀ حېث د چغرزي پښتو ادبي جرګې سابقه صدر طارق زمان صېب د جرګې په تاریخ، د باني غړو په قربانیو او د افضل احساس په کتاب خپل مفصل نظر شریک کړو. په خپل وار مشر کوربه سياسي او سماجي شخصيت عثمان فانوس ګجر صېب د مېلمنو شکريه ادا کړه او نوې ټاکلې شوې کابينې ته ئې مبارکي وړاندې کړه. د اعزازي مېلمه پۀ حېث پروفېسر ډاکټر اقبال شاکر صېب د ښاغلي افضل احساس صېب پۀ کتاب، د ریال کلي په تاریخي افادیت او اهمیت سره د ترجمې پۀ افاديت ډېرې ګټورې او مدللې خبرې اوکړې . د شاکر صېب د وېنا نه پس د سوات د سیمې خوږ ژبي شاعر ظفر علي ناز صېب د افضل احساس صېب پۀ کتاب لیکلے نظم زمزمه کړو. د مشر مېلمه پۀ حېث ډاکټر صادق الله خان وزير صېب څوک چې د یاد ترجمه شوي کتاب (The Voices) خالق هم دے پۀ خپله وېنا کښې د چغرزي پښتو ادبي جرګې او پۀ خاصه توګه د افضل احساس صېب شکريه ادا کړه او دا اعتراف ئې اوکړو چې زۀ پښتنو ته افضل احساس ښکاره کړم. د مشر مېلمه د وېنا نه پس ډاکټر اباسين يوسفزي صېب پۀ خپله صدارتي وېنا کښې د چغرزي پښتو ادبي جرګې نوې کابینې ته امبارکي اووئیله او د جرګې د کار او زيار ستاينه ئې اوکړه او د اولني نشست د پايې اعلان یې اوکړو.د اولنۍ برخې پايې ته رسېدو سره د چغرزي پښتو ادبي جرګې مشر غړي سر زمين درمان صېب کتاب "نارې" پۀ پنځوس زره روپۍ ، سېد مرتضیٰ شاه صېب پۀ دېرش زره روپۍ ، عبدالستار صېب پۀ لس زره روپۍ ، محمد رضا ماما پۀ شل زره روپۍ ، عثمان فانوس ګجر صېب پۀ پنځوس زره روپۍ ، طارق زمان صېب پۀ دوه زره روپۍ او لياقت ګجر صېب پۀ شل زره روپۍ اعزازي بېه واخستو.
د ترتيب/ايجنډې تر مخه پۀ دوېمه برخه کښې ازاده مشاعره وشوه چې پکښې ډاکټر اقبال شاکر صېب د صدر ، فضل سبحان افغاني صېب ، ظفر علي ناز صېب ، بحرمند بحر صېب ، شمشېر لالا ، دوا خان جانان ، موسی سالار صېب ، سميع الله ښکلي صېب او جاوېد بونېروال صېب د مېلمنو، سر زمين درمان صېب او رحمان سېد روښان صېب د کوربنو پۀ حېث برخه واخسته. پۀ دغه ازاده مشاعره کښې عامر پښتون يار صېب ، پروېز ملنګ صېب ، زاهد جان صېب ، تاجد خان صېب ، رئيس چغرزي صېب ، فیض الحق فېض صېب ، عبدالسلام سلام صېب ، فضل خالق نصرت صېب ، عثمان احساس صېب ، رحمان سېد روښان صېب ، فاتح چغرزي صېب ، عظمت تنها صېب ، افضل احساس صېب ، سر زمين درمان صېب ، سميع الله ښکلے صېب ، موسیٰ سالار صېب ، شاد يوسفزي صېب ، دواخان جانان صېب ، عقاب بونېري صېب ، صاحب زر کلياړ وال صېب ، جاوېد بونېري صېب ، ظفر علي ناز صېب ، فضل سبحان افغاني صېب ، عبدالغفور غفور بابا ، فضل نعيم نعيم صېب ، شاه زېب مظلوم صېب ، شهزاد برهان صېب ، حمزه نګار صېب ، واجد حېران صېب ، سوچي يوسفزي صېب، بحرمند بحر صېب او پۀ اخره کښې د محفل صدر پروفېسر ډاکټر اقبال شاکر صېب خپل کلامونه واورول چې د ناستو خلقو نه یې داد واخستو.
د چغرزي پښتو ادبي جرګې له خوا د بونېر ادبي تنظيمونو بونېر ادبي مرکز (بام), ايلم پښتو ادبي کاروان، بونېر ادبي جرګه او امازي ادبي جرګې نه علاوه پروفېسر ډاکټر اباسين يوسفزي، پروفېسر ډاکټر اقبال شاکر، ډاکټر صادق الله خان وزير، ظفر علي ناز، عبدالغفور غفور بابا او فضل نعيم نعيم صېب ته د ادبي خدماتو په اعتراف کې اعزازي ستايندړې هم ورکړې شوې.
پۀ دغه ياده غونډه کښې د ريال د کلي د لویو وړو نه علاوه د تحصیل چغرزي په ګڼ شمېر سیاسي،سماجي او د هر مکتبه فکر خاوندانو سره سره د ګورنمنټ پرائمري سکول ريال ،دي بریلئینټ سکول اینډ کالج بدال ، عائشه ماډل سکول بدال او دغسې نورو پرائيوېټ او سرکاري سکولونو عملې د میډیا ملګرو او د بدال تاڼې اهل کارانو هم تر پايې ناسته اوکړه. سحر په لس بجې پیل شوې دغه درنه غونډه تېر ماسپښین په خوندوره خوراکه پائې ته اورسېده.
په درنښت
حفیظ بونېرے
ستر سکتر چغرزي پښتو ادبي جرګه بونېر
۱۳/۰۴/۲۰۲۶
