Nasrat Khel Memorial Welfare Foundation /نصرت خیل میموریل ویلفئیر فاؤنڈیشن

09/05/2026

08/05/2026

Watch, follow, and discover more trending content.

08/05/2026

🌙 جمعہ مبارک 🌙

جمعہ صرف ایک دن نہیں بلکہ رحمت، دعا، بخشش اور انسانیت کے لیے خیر بانٹنے کا پیغام ہے۔

رسول اللہ ﷺ نے فرمایا:
"تم میں سب سے بہتر وہ شخص ہے جو لوگوں کے لیے زیادہ فائدہ مند ہو۔"

آئیں اس بابرکت دن میں عہد کریں کہ ہم اپنے اردگرد موجود غریبوں، یتیموں اور ضرورت مند افراد کی مدد کریں گے، کیونکہ اصل کامیابی دوسروں کے لیے آسانیاں پیدا کرنے میں ہے۔

✨ نیکی کا ایک چھوٹا سا عمل بھی کسی کی زندگی میں امید کی روشنی بن سکتا ہے۔

🤲 اللہ تعالیٰ ہم سب کو خدمتِ خلق، اخلاص اور انسانیت کے راستے پر چلنے کی توفیق عطا فرمائے۔

#انسانیت #نیکی

منجانب: نصرت خیل میموریل ویلفیئر فاؤنڈیشن
Saddam Khan

05/05/2026

نصرت خیل میموریل ویلفیئر فاؤنڈیشن کی جانب سے عوام الناس کو مطلع کیا جاتا ہے کہ موجودہ شدید گرمی میں احتیاط نہ کرنے سے ہیٹ اسٹروک جیسے خطرناک مسائل پیدا ہو سکتے ہیں۔
*منجانب نصرت خیل فاؤنڈیشن سوشل میڈیا ٹیم*

03/05/2026

نصرت خیل کے لوگوں کو ایک پلیٹ فارم پر اکٹھا کرنے کا مقصد صرف ایک ہے—انسانیت کی خدمت۔

آئیں مل کر غریبوں، یتیموں اور مستحق افراد کی مدد کریں اور معاشرے میں آسانیاں پیدا کریں ❤️



منجانب: نصرت خیل میموریل ویلفیئر فاؤنڈیشن
Saddam Khan

02/05/2026

نصرت خیل میموریل ویلفیئر فاؤنڈیشن کے معزز رکن جناب شیر محمد انجوخیل صاحب ایک ایسی روشن مثال ہیں جو خدمت، اخلاص اور عزمِ محکم کی حقیقی تصویر پیش کرتے ہیں۔ بظاہر جسمانی معذوری کے باوجود ان کی حاضری، دلچسپی اور فاؤنڈیشن کے ہر اجلاس میں بھرپور شرکت اس بات کا واضح ثبوت ہے کہ اصل طاقت جسم میں نہیں بلکہ ارادے میں ہوتی ہے۔
وہ نہ صرف ہر میٹنگ میں باقاعدگی سے شریک ہوتے ہیں بلکہ فاؤنڈیشن کے ہر فلاحی کام میں بڑھ چڑھ کر حصہ لیتے ہیں۔ ان کا یہ جذبہ قابلِ تحسین ہے کہ وہ اپنی محدودات کے باوجود نہ صرف نصرت خیل قوم بلکہ دیگر ضرورت مند افراد کی بھی دل کھول کر مالی و اخلاقی مدد کرتے ہیں۔ یہ ان کے دل کی وسعت، قوم سے محبت اور ایک مثبت فکر و سوچ کی عکاسی کرتا ہے۔
جناب شیر محمد انجوخیل صاحب دراصل ان تمام افراد کے لیے ایک زندہ مثال ہیں جو صحت مند ہونے کے باوجود خدمت کے میدان میں پیچھے رہ جاتے ہیں۔ ان کی زندگی ہمیں یہ سبق دیتی ہے کہ اگر نیت صاف اور ارادہ مضبوط ہو تو کوئی بھی رکاوٹ انسان کو اپنے مقصد سے نہیں روک سکتی۔
ہم نصرت خیل میموریل ویلفیئر فاؤنڈیشن کی جانب سے ان کی بے لوث خدمات پر انہیں خراجِ تحسین پیش کرتے ہیں اور دل کی گہرائیوں سے ان کی قدر کرتے ہیں۔
دعا ہے کہ اللہ تعالیٰ انہیں صحت، ہمت اور استقامت عطا فرمائے، ان کے جذبۂ خدمت کو مزید مضبوط کرے اور انہیں اپنی راہ میں اسی طرح لوگوں کی خدمت کرنے کی توفیق عطا فرمائے۔ آمین۔

02/05/2026

آج نصرت خیل فاؤنڈیشن ہری پور کمیٹی کا ایک نہایت اہم اجلاس افضل شاہ ہوٹل میں منعقد ہوا۔ اس اجلاس میں فاؤنڈیشن کے صدر فاروق جنرل سیکرٹری گل حیدر مولانا شیر خان گل بادشاہ ضیامین شاہ مولانا امین اللہ تقدیر سلطان سید تمام اراکین نے بھرپور شرکت کی اور باہمی مشاورت کے ساتھ اہم امور پر غور و خوض کیا۔

اجلاس کا مرکزی ایجنڈا قبرستان کے لیے مناسب جگہ کی خریداری تھا۔ اس سلسلے میں باقاعدہ ایک کمیٹی تشکیل دی گئی، جسے یہ ذمہ داری سونپی گئی کہ وہ جلد از جلد موزوں اور مناسب جگہ کا انتخاب کرے تاکہ اس اہم فلاحی منصوبے کو عملی شکل دی جا سکے۔

الحمدللہ، یہ اجلاس نہایت کامیاب اور نتیجہ خیز رہا۔ شرکاء نے اتحاد، اخلاص اور ذمہ داری کا مظاہرہ کرتے ہوئے اس نیک مقصد کے لیے اپنے عزم کا اعادہ کیا۔ دعا ہے کہ اللہ تعالیٰ اس کوشش کو قبول فرمائے اور اسے صدقۂ جاریہ بنائے۔ آمین۔