18/09/2026
الحمدللہ !
مبارک ویلفیئر فاؤنڈیشن (رجسٹرڈ ) بلوچستان کے زیر اہتمام "فری دسترخوان" منصوبے کا بھی آغاز۔۔۔۔۔
بھوک کے خلاف ایک دستِ خیر
کسی کے گھر کا چولہا ٹھنڈا ہو،
کسی کی آنکھ میں بھوک کی خاموشی ہو،
اور کسی مجبور کے پاس کھانے کے لیے کچھ نہ ہو۔۔۔
تو اہلِ خیر کی ذمہ داری صرف تماشائی بننا نہیں، دستِ تعاون بڑھانا ہے۔
الحمدللہ! مبارک ویلفیئر فاؤنڈیشن بلوچستان نے مستحق بچوں میں کپڑے، جوتے اور بنیادی ضروریات کی فراہمی کے بعد اب ’’فری دسترخوان‘‘ کے عنوان سے ایک نئے سفر کا آغاز کیا ہے، جس کے ذریعے ضرورت مند افراد میں باعزت طریقے سے تیار کھانا تقسیم کیا جا رہا ہے۔
یہ دسترخوان صرف کھانا نہیں،
اخوت کا پیغام ہے،
دردِ دل کا اظہار ہے،
اور اللہ کی رضا کے لیے انسانیت کی خدمت کا ایک عہد ہے۔
قرآن ہمیں یاد دلاتا ہے:
وَيُطْعِمُونَ الطَّعَامَ عَلَىٰ حُبِّهِ مِسْكِينًا وَيَتِيمًا وَأَسِيرًا
یعنی وہ اللہ کی محبت میں مسکین، یتیم اور قیدی کو کھانا کھلاتے ہیں۔
آئیے! اس دسترخوان کو اپنے تعاون سے وسیع کریں۔
آپ کا دیا ہوا ایک کھانا کسی ضرورت مند کے لیے صرف ایک وقت کی غذا نہیں، بلکہ اس کے لیے یہ احساس بھی ہے کہ معاشرہ اسے بھولا نہیں۔
آئیے، کسی کے حصے کی بھوک اپنے حصے کی نیکی سے ختم کریں۔
مبارک ویلفیئر فاؤنڈیشن(رجسٹرڈ) بلوچستان
خدمتِ خلق، رضائے الٰہی کے لیے
