Discover Casoocan Virac, Catanduanes

25/03/2026

10 YEARS | DISCOVER CASOOOCAN
What started as a small idea to share photos and stories of Casoocan has grown into a community page celebrating our heritage, culture, and people.
Maraming salamat sa lahat ng sumuporta sa loob ng 10 taon.
Together, let’s continue to promote the beauty of Casoocan, Virac, Catanduanes.

18/11/2025

Unahan sa krus at ciriales tuwing prusisyon sa gabi ng Novena.

14/11/2025

“These moments built the community we have today.”

02/10/2025

Anim na buwan ang nakalipas matapos ang eleksyon, ramdam pa rin ang bigat ng pulitika sa ating barangay. Imbes na magkaisa, tila mas marami ang humahati sa atin.

Bawat pamumuno ay may sariling estilo at kasama. Madalas, kapag may bagong nanalo, napapalitan ang dati nang nakaupo. Pero ang tunay na naapektuhan—kadalasan—ay tayo, ang mga ordinaryong mamamayan. Nakakalungkot na pati ang maliliit na hanapbuhay, tulad ng mga waste segregators, nadadamay, kahit ang tanging layunin nila ay suportahan ang pamilya.

Para sa mga nakapasok ngayon, maging bukas tayo sa isa’t isa. Hindi ito tungkol sa panalo o talo; ito ay paalala na ang sitwasyon ay maaaring magbago. Baka sa susunod, tayo naman ang mangailangan ng tulong at malasakit ng iba.

Huwag nating hayaang pulitika ang maghari sa ating pamayanan. Kailangan natin ay malasakit at pagkakaisa—unawain ang nawalan, iangat ang isa’t isa. Ang barangay, komunidad, at pamilya natin ay iisa. Magtulungan tayo, hindi maghiwa-hiwalay.

Pagkakaisa, hindi pulitika.

25/08/2025

Sa Munting Barangay, May Dakilang Bayani

Hindi laging may monumento,
hindi rin laging may medalya,
ngunit sa bawat kanto ng ating barangay,
naroon ang mga bayani—
tahimik na nagsasakripisyo.

Sa mga opisyales ng barangay,
na sa kabila ng maliit na sahod,
ay patuloy na nagbabantay—
sa kalinisan ng kalsada,
sa liwanag ng ilaw sa gabi,
at higit sa lahat,
sa kapayapaan ng ating komunidad.

Sa Barangay Matanda at Cabo/Caba,
walang kapalit na salapi,
ngunit may pusong handang magsakripisyo—
nangongolekta, nag-aayos,
upang ang ating misa at nobena
ay maging marangal, maayos,
at hindi maputol ang ating pananampalataya.
Kayo ang tagapagdala ng ating pananampalataya at tradisyon.

Sa mga Barangay Health Workers,
kayong walang pagod at walang ingay,
kilala ninyo ang bawat may karamdaman,
ang bawat buntis, ang bawat bata—
kayo ang mata’t tainga ng kalusugan,
ang unang tumutugon,
ang tunay na kaagapay ng bawat pamilya.

Sa mga tricycle drivers,
na kahit anong oras tawagin,
handa kayong maghatid, magsagip,
sa ospital, sa oras ng panganib.
Sa inyong gulong umiikot,
ay may buhay na naliligtas.

At sa mga nangunguna sa pananalangin,
walang sahod, walang kapalit,
ngunit may pusong laging nakayuko sa Diyos.
Sa bawat dasal, sa bawat rosaryo,
kayo ang tinig na nagtuturo
na ang ating komunidad
ay may haligi—
ang pananampalataya at pagkakaisa.

Oo, mga kababayan,
sila ang ating mga tunay na bayani.
Hindi nakaukit ang kanilang pangalan sa bato,
ngunit nakatatak sa ating puso,
Hindi man marinig sa radyo o makita sa tv,
ngunit sa ating barangay—
sila ang ilaw, sila ang lakas,
sila ang buhay ng ating pamayanan.

Mabuhay ang mga Bayani ng ating Barangay!

24/08/2025

Isang Parangal para kay Pay Panio
Dating Punong Barangay ng Casoocan – Isang Lider na Hindi Malilimutan

Sa bawat pista ng Casoocan noong panahon ni Pay Panio, damang-dama ang saya at pagkakaisa ng komunidad. May palaro, putukan, pasayaw, at iba’t ibang aktibidad na nagpapasigla sa bawat mamamayan. Ang bawat pagdiriwang ay nagiging mas makulay at makahulugan dahil sa kanyang husay at bukas palad na pamumuno.

Sa kabila ng mga hamon, natagpuan niya ang tamang balanse sa pagitan ng disiplina at kasiyahan. Para sa kanya, mahalaga na ang komunidad ay hindi lamang nagdiriwang, kundi nagtatamasa rin ng ligtas, maayos, at makabuluhang pagsasama.

Si Pay Panio ay isang huwarang lider — para sa kanya, ang pamumuno ay serbisyo, hindi kapangyarihan. Pinanday niya ang pagkakaisa ng barangay, pinahalagahan ang tradisyon, at pinagtibay ang samahan ng bawat isa anuman ang kanilang pinagmulan o paniniwala.

Isang natatanging pinuno at lingkod-barangay, siya ay masugid na tagasuporta ng simbahan, tagapagtaguyod ng kabataan, at laging bukas-palad sa pagtulong. Isa sa kanyang mga di-malilimutang ambag ay ang donasyon ng mga kahoy mula sa Yungaw na ginawang mga upuan ng kapilya — isang simpleng handog na sumasalamin sa kanyang pananampalataya at malasakit.

Sa tuwing may bisperas, sayawan ng kabataan, o Mr. & Mrs. sayawan ng matatanda, palagi siyang naroroon — nakasuporta, nakaalalay, at nagtitiyak na ang mga kaugalian at tradisyon ng barangay ay naipapasa sa susunod na henerasyon nang may karangalan at pagkakaisa.

Ngayon, bagama’t siya ay wala na, ang alaala ni Pay Panio ay nananatiling buhay sa puso ng bawat taga-Casoocan. Isang inspirasyon ng kasayahan, pagkakaisa, at tapat na paglilingkod — matatag, makatao, at tunay na makabaryo.

22/08/2025

Paano matutuldukan ang cycle of violence sa Barangay Casoocan?

Paulit-ulit na senaryo:

Magwawala ang lasing

Dadalhin sa Lupong Pamayapa

Magso-sorry ang akusado

Patatawarin

At mauulit muli…

Ngunit sa mata ng isang bata na nakasaksi, ang simpleng “pagpapatawad” ng mga matatanda ay nag-iiwan ng malalim na trauma at takot.

Naranasan natin ito noong tayo’y mga bata pa — at ngayon, ang ating mga anak naman ang nakakaranas ng parehong bangungot.

Panahon na para putulin ang siklo at magpatupad ng tunay na hakbang para sa katahimikan at kaligtasan ng ating barangay.

21/08/2025

Pagalala para kay May Panya
Ang iyong kabutihan ay mananatiling buhay sa aming mga alaala.

Si May Panya ay isa sa mga taong tunay na biyaya sa aming komunidad. Lagi siyang nangunguna sa panalangin—sa kapilya man o sa bawat tahanan. Hindi siya nagdalawang-isip na tumulong at mamuno sa mga dasal, isang ilaw ng pananampalataya na palaging handang mag-alay ng oras at malasakit.

Ngunit higit pa sa kanyang pamumuno sa panalangin, ang kanyang kabutihan ang pinakamalaking alaala na naiwan niya sa amin. Tuwing naiimbitahan siya upang mamuno sa pagdasal ng Trido sa aming bahay, saksi ang aking ina sa kanyang likas na kabaitan. Hindi lang siya basta dumadalo o nangunguna. Noong kami’y mga musmos pa, kapag may umiiyak sa amin, siya agad ang kumakalinga at nagpapatahan, habang abala ang nanay sa paghahanda bago magsimula ang dasal. Sa simpleng kilos nya na iyon, nahayag ang kanyang pusong mapagmahal at ang malasakit na hindi kayang sukatin.

Napakabuti mo, May Panya. Sa bawat ngiti, sa bawat panalangin, at sa bawat kabutihang ibinahagi mo—doon ka namin laging naaalala at minahal.

Pahinga ka sa piling ng Panginoon, May Panya. Nawa’y ang lahat ng iyong kabutihan at paglilingkod dito sa lupa ay suklian ng Diyos ng walang hanggang kapahingahan at kagalakan sa Kanyang kaharian.

21/08/2025

To the Next Generation of Barangay Casoocan,

We hope you grow up with eyes that can see the truth, and hearts that can tell what is right from what is wrong. We are deeply sorry that you are being raised in an environment like this—where the loud and the violent are praised, where those who start fights on the streets are admired instead of corrected.

You deserve better examples from us, but many times, we have failed you. Instead of showing you kindness, respect, and discipline, what you often see are anger, pride, and cruelty. But remember this: kahit madalas niyong masaksihan ang mali, mali pa rin iyon. At kahit bihira ang tamang halimbawa, tama pa rin iyon.

Cruelty, violence, and arrogance have no place in a truly civilized community. Other barangays proudly celebrate their sons and daughters who become lawyers, doctors, and engineers—while we still waste our energy glorifying those who can shout the loudest or fight the hardest.

Do not inherit our mistakes. Choose a better path. Study well. Chase your dreams. Make something of yourselves that you can be proud of—something built with dignity, not with fear.

Wag ninyo kaming tularan. Lumampas kayo sa amin. Maging mas mabuti kayo kaysa sa henerasyong ito.

19/08/2025