Tatsulok - Alyansa ng mga Mag-aaral sa Sikolohiyang Pilipino

Home
Tatsulok - Alyansa ng mga Mag-aaral sa Sikolohiyang Pilipino

Ang Nasyonal na Organisasyon o Pambansang Organisasyon ng mga Mag-aaral sa Sikolohiyang Pilipino. Tungo sa Sikolohiyang Malaya, Mapagpalaya, at Mapagkalinga. Ma.

40 KASAPI NA ORGANISASYON NG TATSULOK 18:

1. Arellano University
[Junior Psychologist Society of Arellano University]
2. Batangas State University, The National Engineering University - ARASOF Nasugbu Campus
[Association of Psychology Students]
3. Batangas State University, The National Engineering University - Pablo Borbon Campus
[Psychology Students' Society]
4. Bulacan State University

[Samahan ng mga Mag-aaral sa Sikolohikal na Kamalayan]
5. Cavite State University - Don Severino Delas Alas Campus (Indang)
[Indang Psych Circle]
6. Cavite State University - Imus Campus
[Samahan ng mga Mag-aaral ng Sikolohiya]
7. Colegio de San Juan de Letran - Manila
[Letran Psychology Society]
8. De La Salle Araneta University
[Psychology Society DLSAU]
9. De La Salle University-Dasmariñas
[DLSU-D Psychological Society]
10. Eulogio "Amang" Rodriguez Institute of Science and Technology
[EARIST-Elite Students Of Psychology Association]
11. First Asia Institute of Technology and Humanities Colleges: FAITH Colleges
[FAITH Psychology Society ]
12. Holy Angel University
[HAU Psychology Society]
13. Kolehiyo ng Lungsod ng Dasmariñas
[KLD Psychology Society]
14. La Consolacion University Philippines
[LCUP Psychology Society]
15. Laguna College of Business and Arts
[LCBA Psychology Society]
16. Lyceum of Alabang
[Pneuma-Psychology Society LOA]
17. Lyceum of the Philippines University - Batangas
[Psychology Association of LPU-Batangas (PALs)]
18. Lyceum of the Philippines University - Cavite
[LPU-C League of United Psychology Students]
19. Lyceum of the Philippines University - Laguna
[LPU-Laguna Psychology Society]
20. Manila Tytana Colleges
[Tytana Psychology Society]
21. National College of Science and Technology
[NCST Psychology Society]
22. NU Fairview
[NU Fairview Psychology Society]
23. NU Laguna
[NU Laguna Psychology Society]
24. Olivarez College
[Psyche Circle Organization]
25. Our Lady of Fatima University - Quezon City
[Psychological Society OLFU-Quezon City]
26. Our Lady of Fatima University - Valenzuela City
[Psychological Society, OLFU-Valenzuela]
27. Pamantasan ng Cabuyao
[Samahan sa Sikolohiyang Pilipino]
28. Pamantasan ng Lungsod ng Maynila
[PLM Psychological Society]
29. Philippine Normal University
[PNU Psychology and Counseling Society]
30. Polytechnic University of the Philippines - Sta. Mesa (Main Campus)
[PUP - Bukluran sa Sikolohiyang Pilipino]
31. Polytechnic University of the Philippines - Sto. Tomas Campus
[PUP - STC Psychology Society]
32. President Ramon Magsaysay State University
[PRMSU Psychological Society]
33. Southern Luzon State University - Main Campus
[SLSU - Samahan sa Sikolohiyang Pilipino]
34. Universidad de Manila
[UDM Psychological Society]
35. University of Batangas
[UB Organization of Psychology Students]
36. University of Batangas Lipa City
[UBLC - Guild of Aspiring Psychologists]
37. University of Perpetual Help System DALTA - Calamba Campus
[UPHSD Calamba Psychology Society]
38. University of Santo Tomas
[UST Psychology Society]
39. University of the Philippines Diliman
[UP Bukluran sa Sikolohiyang Pilipino (UP Buklod-Isip)]
40. University of the Philippines Diliman Extension Program in Pampanga
[UP Applied Psychology Society]

8 ORGANISASYONG TAGAPAGMASID NG TATSULOK 18:

1. Batangas State University, The National Engineering University - JPLPC Malvar
[Alliance of Future Psychologists]
2. Bulacan State University - San Rafael Campus
[MAHUSAYK (Mag-aaral na Handang Umagapay sa inyo SAYK)]
3. City College of Calamba
[Psychology Club on Humanistic Education]
4. Jose Rizal University
[Rizalian Psychological Society]
5. La Consolacion College Biñan
[LCCB Dalub Isip]
6. NU Clark
[NU Clark Psychology Society]
7. NU Lipa
[NU - Lipa Psych Society]
8. Saint Benilde International School
[Student Ambassadors for Mental Health]

Matatagpuan ang tanggapan ng organisasyon sa himpilan ng Pambansang Samahan sa Sikolohiyang Pilipino (PSSP) sa 4A Alcal Building, 285 Katipunan Avenue, Brgy. Loyola Heights, Quezon City, Philippines. Lupong Tagapagpaganap (TP 2024-2025)
Pangulo: G. Midas Angelo C. Trinidad (DLSU-Dasmariñas)
Pangalawang Pangulo: Bb. Ysabelle E. Rodriguez (UBLC)
Kalihim: Bb. Gwyneth Mikaela H. De Castro (UBBC)
Ingat-Yaman: Bb. Angela Diane R. Barrientes (DLSAU)

Tagapagpayo: G. Glenmark Villanueva (UP-Diliman/PSSP)

09/08/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻 𝘀𝗮 𝗣𝗶𝗻𝘂𝗻𝗼 𝗻𝗴 𝗟𝘂𝗽𝗼𝗻 𝗻𝗴 𝗠𝗮𝗿𝗸𝗲𝘁𝗶𝗻𝗴, 𝗡𝗼𝗿𝗶𝗲𝗹𝘆𝗻 𝗕𝗮𝗻𝘁𝗼𝗴! 🎂

Sa araw na ito, nais naming ipaabot ang aming pinakamainit na pagbati sa iyong kaarawan. Ipinagdiriwang namin ang iyong buhay na patuloy mong inilalaan sa paglilingkod sa hangarin ng maginhawang lipunan at mapagpalayang sikolohiya. Ang iyong pagmamahal, pagsisikap at buong pusong paglilingkod ay sadyang katangi-tangi.

Nawa ay sa espesyal na araw na ito, napuno ka ng pagmamahal at pagtangi mula sa mga taong ikaw ay minamahal. Hiling namin na patuloy mong maranasan ang pagmamahal na buong puso mo ring ibinubuhos sa mga tao at hangaring pinapahalagahan mo.

Maraming salamat sa iyong buhay at pag-ibig. 🤍

09/08/2026

𝗛𝘂𝗺𝘂𝗵𝘂𝗽𝗮 𝗻𝗴𝗮 𝗯𝗮 𝗮𝗻𝗴 𝗯𝗮𝗵𝗮?

𝘔𝘢𝘳𝘢𝘮𝘪 𝘢𝘯𝘨 𝘯𝘢𝘨𝘵𝘢𝘵𝘢𝘯𝘰𝘯𝘨, 𝘣𝘢𝘬𝘪𝘵 𝘯𝘢𝘯𝘢𝘯𝘢𝘵𝘪𝘭𝘪 𝘢𝘯𝘨 𝘯𝘨𝘪𝘵𝘪 𝘴𝘢 𝘭𝘢𝘣𝘪 𝘯𝘨 𝘮𝘨𝘢 𝘗𝘪𝘭𝘪𝘱𝘪𝘯𝘰 𝘴𝘢 𝘬𝘢𝘣𝘪𝘭𝘢 𝘯𝘨 𝘮𝘢𝘵𝘪𝘯𝘥𝘪𝘯𝘨 𝘬𝘢𝘭𝘢𝘮𝘪𝘥𝘢𝘥 𝘯𝘢 𝘯𝘢𝘳𝘢𝘳𝘢𝘯𝘢𝘴𝘢𝘯 𝘯𝘨 𝘮𝘨𝘢 𝘪𝘵𝘰? 𝘈𝘯𝘨 𝘱𝘰𝘴𝘪𝘵𝘪𝘣𝘰𝘯𝘨 𝘱𝘢𝘯𝘢𝘯𝘢𝘸 𝘯𝘢 𝘪𝘵𝘰 𝘣𝘢 𝘢𝘺 𝘪𝘴𝘢𝘯𝘨 𝘮𝘢𝘭𝘢𝘺𝘢𝘯𝘨 𝘵𝘶𝘨𝘰𝘯 𝘶𝘱𝘢𝘯𝘨 𝘱𝘢𝘨𝘢𝘢𝘯𝘪𝘯 𝘢𝘯𝘨 𝘴𝘪𝘵𝘸𝘢𝘴𝘺𝘰𝘯 𝘰 𝘴𝘢𝘥𝘺𝘢𝘯𝘨 𝘸𝘢𝘭𝘢𝘯𝘨 𝘪𝘯𝘪𝘭𝘢𝘵𝘢𝘨 𝘯𝘢 𝘱𝘢𝘨𝘱𝘪𝘱𝘪𝘭𝘪𝘢𝘯 𝘢𝘯𝘨 𝘱𝘢𝘮𝘢𝘩𝘢𝘭𝘢𝘢𝘯 𝘬𝘶𝘯𝘨 𝘬𝘢𝘺𝘢’𝘵 𝘪𝘵𝘰 𝘯𝘢 𝘭𝘢𝘮𝘢𝘯𝘨 𝘢𝘯𝘨 𝘯𝘢𝘵𝘢𝘵𝘢𝘯𝘨𝘪𝘯𝘨 𝘱𝘢𝘨-𝘢𝘴𝘢 𝘶𝘱𝘢𝘯𝘨 𝘮𝘢𝘵𝘶𝘨𝘶𝘯𝘢𝘯 𝘢𝘯𝘨 𝘱𝘢𝘨𝘵𝘪𝘵𝘪𝘪𝘴 𝘯𝘢 𝘬𝘢𝘺 𝘵𝘢𝘨𝘢𝘭 𝘯𝘢𝘯𝘨 𝘩𝘪𝘯𝘥𝘪 𝘯𝘢𝘵𝘶𝘵𝘶𝘭𝘥𝘶𝘬𝘢𝘯?

Sa bawat unos na dumaraan, tila naging bahagi na ng pagkakakilanlan ng Pilipino ang pagiging matatag. Mula sa sunod-sunod na bagyo, pagbaha, pagguho ng lupa, hanggang sa iba pang pagsubok sa buhay, paulit-ulit nating naririnig ang salitang “resilience.” Ngunit ano nga ba ang tunay na kahulugan nito? Ang resilience ay hindi lamang kakayahang bumangon matapos ang sakuna, kundi kakayahang umangkop, lumaban, at magpatuloy nang hindi isinusuko ang pag-asang may mas maayos na bukas. Gayunpaman, hindi ito dapat maging dahilan upang maging normal ang paulit-ulit na pagdurusa ng mamamayan.

Si 𝗠𝗮𝗿𝗶𝗮 ay isang inang itinataguyod ang mga anak. Uuwi siyang pagod sa tirahan nilang payak. Kung inyong sisiyasatin kung saan? Doon… sa ilalim ng tulay, sa gilid ng ilog, kung saan may barong-barong na gawa sa pinagtagpi-tagping tarpaulin na pinagkagastusan ng mga politiko noong nakaraang eleksiyon. Iyong mga naihalal na walang kaalaman sa batas at konstitusyon.

Si 𝗣𝗲𝗱𝗿𝗼 ay isang magsasaka. Namuhay sa lupang kinailangan pang bungkalin upang mamutawi ang buhay at pag-asa. Ang munting kubo na nasa libis ang naging kanlungan nila sa mga panahong binili sa mababang halaga ang ani ng ilang buwang pakikibaka sa tirik ng araw.

Si 𝗝𝗼𝘀𝗲 ay isang karaniwang mamamayan. Empleyado sa Maynila. Ang pamilya? Andoon sa probinsiya. Umaasa sa buwanang padala ng anak na nakipagsapalaran sa siyudad ng mga pangarap. Isang taong nakikipaglaban nang patas sa kabila ng madayang sistema na itinatag ng mga taong pinili ng taumbayan upang ingatan ang dignidad ng inang bayan.

Si 𝗝𝘂𝗮𝗻 ay isang huwarang mag-aaral. Iskolar na nais masumpungan ang bayang nararapat para sa mga kagaya niyang pag-asa ng bayan.

Hanggang sa dumating ang isang bagyo, mapaminsala, isang delubyo. Si Maria ay nawalan ng bahay, si Pedro ay nawalan ng kabuhayan, si Jose ay napatigil sa paghahanap-buhay, at si Juan ay walang magawa kundi itigil ang pagsisikhay.

Ngunit dahil ang Pilipino ay kilala sa pagiging matatag, babangon sila pagkatapos ng bagyo na para bang ang problema ay isang baha na hindi magtatagal ay humuhupa. Maiiwan ang maruming putik at masangsang na basurang magdudulot ng mantsa sa pagkatao nila. Dahil sa lipunang nalugmok sa karumihan, mas matatag ang mga taong pinipiling lumusong sa kahirapan. Bibigyan sila ng papuri na tila nais iparating na ang pagtitiis ay dapat ipagdiwang at ipamana sa mga susunod pang mga henerasyon.

Ang pagtitiis at katatagan ng mga Pilipino— bagaman hindi, ay nagpapahiwatig ng mensahe na sapat na ang kaunting serbisyo kapalit ng pansamantalang kagipitan. Ito ay nagiging katuwiran ng pamahalaan na gumawa ng kaunti dahil bilang mga indibiduwal na matatag ay kaya nating magtiis sa payak na tulong. Ngunit hindi tayo lumaya sa mga mananakop na banyaga upang magdiwang sa patak-patak na ambon, dahil umuulan sana ng pagkakataon sa bansang pinagpala na gaya natin. 𝐏𝐢𝐧𝐚𝐠𝐬𝐚𝐦𝐚𝐧𝐭𝐚𝐥𝐚𝐡𝐚𝐧 𝐧𝐠 𝐠𝐨𝐛𝐲𝐞𝐫𝐧𝐨 𝐡𝐢𝐧𝐝𝐢 𝐚𝐧𝐠 𝐤𝐚𝐡𝐢𝐧𝐚𝐚𝐧 𝐤𝐮𝐧𝐝𝐢 𝐚𝐧𝐠 𝐤𝐚𝐭𝐚𝐭𝐚𝐠𝐚𝐧 𝐧𝐠 𝐦𝐠𝐚 𝐏𝐢𝐥𝐢𝐩𝐢𝐧𝐨.

Ang maliit na ayuda, ang panandaliang solusyon, at ang paulit-ulit na pangakong hindi natutupad ay hindi kailanman magiging kapalit ng maayos na serbisyo publiko. Hindi dapat sinusukat ang husay ng isang pamahalaan sa dami ng mamamayang marunong magtiis, kundi sa kakayahan nitong tiyakin na hindi na nila kailangang magtiis pa. Ang resilience ay katangian ng tao, ngunit ang mabuting pamamahala ay obligasyon ng estado.

Kapag nasira ang mga bahay at nawalan ng mga mahal sa buhay, hindi natin kailangan ng pagpupuri dahil nagawa nating magpatuloy. 𝐒𝐚𝐩𝐚𝐠𝐤𝐚𝐭 𝐰𝐚𝐥𝐚𝐧𝐠 𝐤𝐚𝐥𝐮𝐰𝐚𝐥𝐡𝐚𝐭𝐢𝐚𝐧 𝐬𝐚 𝐩𝐚𝐠𝐢𝐠𝐢𝐧𝐠 𝐦𝐚𝐭𝐚𝐭𝐚𝐠 𝐤𝐮𝐧𝐠 𝐢𝐭𝐨 𝐥𝐚𝐦𝐚𝐧𝐠 𝐚𝐧𝐠 𝐭𝐚𝐧𝐠𝐢 𝐧𝐚𝐭𝐢𝐧𝐠 𝐩𝐚𝐠𝐩𝐢𝐩𝐢𝐥𝐢𝐚𝐧. 𝐇𝐢𝐧𝐝𝐢 𝐩𝐚𝐥𝐚𝐤𝐩𝐚𝐤𝐚𝐧 𝐤𝐮𝐧𝐝𝐢 𝐩𝐚𝐧𝐚𝐧𝐚𝐠𝐮𝐭𝐚𝐧 𝐚𝐧𝐠 𝐝𝐚𝐩𝐚𝐭 𝐧𝐚 𝐢𝐬𝐢𝐠𝐚𝐰 𝐧𝐠 𝐭𝐚𝐮𝐦𝐛𝐚𝐲𝐚𝐧.

𝐆𝐚𝐲𝐚 𝐧𝐢 𝐌𝐚𝐫𝐢𝐚, 𝐏𝐞𝐝𝐫𝐨, 𝐉𝐨𝐬𝐞, 𝐚𝐭 𝐉𝐮𝐚𝐧, 𝐦𝐚𝐫𝐚𝐦𝐢 𝐧𝐚 𝐫𝐢𝐧 𝐚𝐧𝐠 𝐧𝐚𝐠𝐝𝐮𝐬𝐚, 𝐦𝐚𝐫𝐚𝐦𝐢 𝐧𝐚 𝐚𝐧𝐠 𝐥𝐮𝐦𝐢𝐤𝐚𝐬, 𝐚𝐭 𝐦𝐚𝐫𝐚𝐦𝐢 𝐧𝐚 𝐫𝐢𝐧 𝐚𝐧𝐠 𝐭𝐢𝐧𝐚𝐧𝐠𝐚𝐲 𝐧𝐠 𝐚𝐠𝐨𝐬 𝐩𝐚𝐭𝐮𝐧𝐠𝐨 𝐬𝐚 𝐡𝐢𝐧𝐝𝐢 𝐭𝐢𝐲𝐚𝐤 𝐧𝐚 𝐛𝐮𝐤𝐚𝐬.

𝐌𝐚𝐭𝐚𝐭𝐚𝐩𝐨𝐬 𝐧𝐚 𝐚𝐧𝐠 𝐛𝐚𝐠𝐲𝐨, 𝐬𝐢𝐬𝐢𝐤𝐚𝐭 𝐧𝐚 𝐚𝐧𝐠 𝐚𝐫𝐚𝐰, 𝐚𝐭 𝐡𝐮𝐡𝐮𝐩𝐚 𝐧𝐚 𝐚𝐧𝐠 𝐛𝐚𝐡𝐚. 𝐒𝐢𝐬𝐢𝐧𝐠𝐚𝐰 𝐚𝐧𝐠 𝐚𝐦𝐨𝐲 𝐧𝐠 𝐦𝐠𝐚 𝐛𝐚𝐫𝐚𝐝𝐨𝐧𝐠 𝐞𝐬𝐭𝐞𝐫𝐨 𝐧𝐚 𝐬𝐚𝐥𝐚𝐦𝐢𝐧 𝐤𝐮𝐧𝐠 𝐠𝐚𝐚𝐧𝐨 𝐤𝐚𝐝𝐮𝐦𝐢 𝐚𝐧𝐠 𝐬𝐢𝐬𝐭𝐞𝐦𝐚 𝐬𝐚 𝐛𝐚𝐧𝐬𝐚𝐧𝐠 𝐢𝐭𝐨.

𝐇𝐮𝐡𝐮𝐩𝐚 𝐧𝐚 𝐚𝐧𝐠 𝐛𝐚𝐡𝐚, 𝐧𝐠𝐮𝐧𝐢𝐭 𝐛𝐚𝐤𝐢𝐭 𝐦𝐚𝐫𝐚𝐦𝐢 𝐩𝐚 𝐫𝐢𝐧 𝐚𝐧𝐠 𝐧𝐚𝐥𝐮𝐥𝐮𝐧𝐨𝐝?

𝐇𝐚𝐧𝐠𝐠𝐚𝐧𝐠 𝐤𝐚𝐢𝐥𝐚𝐧 𝐤𝐚 𝐦𝐚𝐠𝐭𝐢𝐭𝐢𝐢𝐬?

𝐊𝐮𝐧𝐠 𝐡𝐢𝐧𝐝𝐢 𝐤𝐚 𝐩𝐚 𝐫𝐢𝐧 𝐠𝐚𝐥𝐢𝐭, 𝐛𝐚𝐤𝐢𝐭?

𝙏𝙪𝙣𝙜𝙤 𝙨𝙖 𝙎𝙞𝙠𝙤𝙡𝙤𝙝𝙞𝙮𝙖𝙣𝙜 𝙢𝙖𝙡𝙖𝙮𝙖, 𝙢𝙖𝙥𝙖𝙜𝙥𝙖𝙡𝙖𝙮𝙖, 𝙖𝙩 𝙢𝙖𝙥𝙖𝙜𝙠𝙖𝙡𝙞𝙣𝙜𝙖!

Isinulat ni:
Reinne Martin A. Palma ng CvSU-GTC
Merylle Angela M. Umali ng DLSP

Likha ni:
Princess Carol M. Jimenez ng SSCRdC
Jenelle S. Rodriguez ng NU-Lipa

05/08/2026

Sa tuwing umuulan, iba-iba ang karanasang kinakaharap at kwentong isinusulat ng bawat pamilyang Pilipino. Habang ang ilan ay mahimbing ang tulog sa gabi at dinarama ang lamig ng paligid ay may mga pamilya na nangangamba sa bawat pagbuhos ng ulan. Sila ay napupuno ng takot para sa kalagayan ng kanilang pamilya, tahanan, at kabuhayan.

𝗛𝗶𝗻𝗱𝗶 𝗽𝗮𝗻𝘁𝗮𝘆 𝗮𝗻𝗴 𝗻𝗮𝗿𝗮𝗿𝗮𝗻𝗮𝘀𝗮𝗻 𝗻𝗴 𝗯𝗮𝘄𝗮𝘁 𝗣𝗶𝗹𝗶𝗽𝗶𝗻𝗼 𝘀𝗮 𝗶𝗶𝘀𝗮𝗻𝗴 𝗽𝗮𝗴-𝘂𝗹𝗮𝗻. Para sa iba, ito ay paanyaya upang magpahinga at namnamin ang malamig na panahon. Ngunit para sa mga nasa laylayan o walang kakayahang magpahinga, ang bawat patak ng ulan ay maaaring maging hudyat ng paglikas, pagkawala ng kabuhayan, o panganib sa kanilang buhay. 𝗦𝗮 𝗶𝘀𝗮𝗻𝗴 𝗯𝗮𝗻𝘀𝗮𝗻𝗴 𝗱𝗮𝗽𝗮𝘁 𝗮𝘆 𝗽𝗮𝗻𝘁𝗮𝘆 𝗮𝗻𝗴 𝗽𝗮𝗴𝗹𝗶𝗻𝗴𝗮𝗽, 𝗻𝗮𝗻𝗮𝗻𝗮𝘁𝗶𝗹𝗶𝗻𝗴 𝗺𝗮𝗴𝗸𝗮𝗶𝗯𝗮 𝗮𝗻𝗴 𝗲𝗽𝗲𝗸𝘁𝗼 𝗻𝗴 𝘂𝗹𝗮𝗻 𝗱𝗲𝗽𝗲𝗻𝗱𝗲 𝘀𝗮 𝗸𝗮𝗹𝗮𝗴𝗮𝘆𝗮𝗻𝗴 𝗽𝗮𝗻𝗹𝗶𝗽𝘂𝗻𝗮𝗻 𝗻𝗴 𝗯𝗮𝘄𝗮𝘁 𝗺𝗮𝗺𝗮𝗺𝗮𝘆𝗮𝗻.

Ang ulan ay likas na bahagi ng ating kalikasan na may magandang dulot din sa ating lipunan, ngunit nagiging mabigat ang epekto nito sa maraming mga mamamayan dahil hindi nabibigyan ng sapat na pagtugon ang mga suliraning panlipunan na matagal na nating kinakaharap. Kaya hanggang sa kasalukuyan, patuloy ang pagkalunod ng ating bansa sa mga suliraning may solusyon subalit walang sapat na aksyon. Sa panahong walang tigil ang pagbuhos ng ulan, may mga taong nasa mabuting kalagayan, may nasisilungan na matibay, may naiinom na mainit na tsokolate, may kumot at higaan na malambot. Sa kabilang banda, kung saan hindi nakikita ng ating mga mata, mayroong mga Pilipinong nasa laylayan, hindi mapakali at nilalamig sa ilalim ng tulay na tila gawa ng isang paslit na kulang sa kalidad ngunit sobra sa bayad.

𝗛𝗶𝗻𝗱𝗶 𝗹𝗮𝗺𝗮𝗻𝗴 𝗱𝗮𝗽𝗮𝘁 𝗺𝗮𝗻𝗮𝘁𝗶𝗹𝗶𝗻𝗴 𝗮𝗻𝘆𝗼 𝗻𝗴 𝗸𝗮𝘁𝗮𝘁𝗮𝗴𝗮𝗻 𝗮𝗻𝗴 𝗯𝗮𝘄𝗮𝘁 𝗽𝗮𝗴-𝘂𝗹𝗮𝗻. 𝗛𝗶𝗻𝗱𝗶 𝗶𝘁𝗼 𝗶𝘀𝗮𝗻𝗴 𝗽𝗼𝗿𝗺𝗮 𝗻𝗮 𝘁𝗶𝗻𝗶𝘁𝗶𝗶𝘀 𝗮𝘁 𝘆𝗮𝗼’𝘆 𝗸𝗮𝗺𝗮𝗺𝗮𝗻𝗵𝗶𝗱𝗮𝗻. 𝗛𝗶𝗻𝗱𝗶 𝗶𝘁𝗼 𝗻𝗮𝗿𝗮𝗿𝗮𝗽𝗮𝘁 𝗻𝗮 𝗿𝗼𝗺𝗮𝗻𝘁𝗶𝘀𝗮𝗵𝗶𝗻. Ang pagbadya nito ay isang ebidensya ng sistemang dahop; ang mga patak nito ay may panawagang kinakailangang mapakinggan. 𝗛𝗶𝗻𝗱𝗶 𝘂𝗹𝗮𝗻 𝗮𝗻𝗴 𝗺𝗮𝗴𝗽𝗮𝗽𝗮𝗹𝘂𝗯𝗼𝗴 𝘀𝗮 𝗮𝘁𝗶𝗻. 𝗔𝗻𝗴 𝗺𝗮𝗴𝗽𝗮𝗽𝗮𝗹𝘂𝗯𝗼𝗴 𝘀𝗮 𝗮𝘁𝗶𝗻 𝗮𝘆 𝗮𝗻𝗴 𝗽𝗮𝗴-𝗯𝗮𝗵𝗮 𝗻𝗴 𝗸𝗮𝘁𝗶𝘄𝗮𝗹𝗶𝗮𝗻 𝗮𝘁 𝗸𝗮𝘀𝗮𝗸𝗶𝗺𝗮𝗻. Kapag bumubuhos ang ulan, hindi lamang mga nasa lansangan ang lumulubog, unti-unti ring lumilitaw ang mga katotohanang matagal nang nilunod ng katahimikan. 𝗔𝗻𝗴 𝘁𝘂𝗻𝗮𝘆 𝗻𝗮 𝗱𝗲𝗹𝘂𝗯𝘆𝗼 𝗮𝘆 𝗵𝗶𝗻𝗱𝗶 𝗹𝗮𝗺𝗮𝗻𝗴 𝗮𝗻𝗴 𝘁𝘂𝗯𝗶𝗴 𝗻𝗮 𝘂𝗺𝗮𝗮𝗽𝗮𝘄 𝘀𝗮 𝗺𝗴𝗮 𝗹𝗮𝗻𝘀𝗮𝗻𝗴𝗮𝗻, 𝗸𝘂𝗻𝗱𝗶 𝗮𝗻𝗴 𝗽𝗮𝗴𝗯𝗮𝗵𝗮 𝗻𝗴 𝗺𝗴𝗮 𝗽𝗮𝗻𝗴𝗮𝗸𝗼𝗻𝗴 𝘄𝗮𝗹𝗮𝗻𝗴 𝗹𝗮𝗺𝗮𝗻 𝗮𝘁 𝗺𝗴𝗮 𝗽𝗿𝗼𝘆𝗲𝗸𝘁𝗼𝗻𝗴 𝗵𝗶𝗻𝗱𝗶 𝘂𝗺𝗮𝗮𝗯𝗼𝘁 𝘀𝗮 𝗺𝗴𝗮 𝘁𝗮𝗼𝗻𝗴 𝗵𝗶𝗴𝗶𝘁 𝗻𝗮 𝗻𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻. Habang patuloy na binabalewala ang mga ugat ng suliranin, ang bawat tag-ulan ay mananatiling paalala ng pananagutang hindi ginagampanan.

Mag-iisang taon na mula nang ibunyag ang mga flood control projects na kinukurakot ng mga nasa gobyerno. Nakababahala na sa kabila ng maraming pangalang mga nabanggit ay mabagal pa rin ang pag-usad ng mga imbestigasyon at mga kasong dapat ay matagal nang isinampa. 𝗜𝘁𝗼 𝗮𝘆 𝗶𝘀𝗮 𝗻𝗮 𝗻𝗮𝗺𝗮𝗻𝗴 𝗽𝗮𝗿𝗮𝗮𝗻 𝗻𝗴 𝗴𝗼𝗯𝘆𝗲𝗿𝗻𝗼 𝘂𝗽𝗮𝗻𝗴 𝗶𝗽𝗮𝗸𝗮𝗹𝗶𝗺𝗼𝘁 𝘀𝗮 𝗺𝗴𝗮 𝗺𝗮𝗺𝗮𝗺𝗮𝘆𝗮𝗻 𝗮𝗻𝗴 𝗸𝗮𝘄𝗮𝗹𝗮𝗻𝗴𝗵𝗶𝘆𝗮𝗮𝗻𝗴 𝘀𝗶𝗹𝗮-𝘀𝗶𝗹𝗮 𝗿𝗶𝗻𝗴 𝗺𝗴𝗮 𝗻𝗮𝗸𝗮𝘂𝗽𝗼 𝗮𝗻𝗴 𝗴𝘂𝗺𝗮𝗴𝗮𝘄𝗮 𝗵𝗮𝗯𝗮𝗻𝗴 𝗽𝗮𝘁𝘂𝗹𝗼𝘆 𝗻𝗮 𝗻𝗮𝗴𝗵𝗶𝗵𝗶𝗿𝗮𝗽 𝗮𝗻𝗴 𝗺𝗴𝗮 𝗺𝗮𝗺𝗮𝗺𝗮𝘆𝗮𝗻.

Mas malalim kaysa sa tubig ang ganid at korapsyong umaagos sa bansa. Hangga’t nananatili ang ganitong sistema, mababatid na ang sakuna ay hindi na lamang basta dulot ng kalikasan, ito ay dulot ng mga taong nakaupo sa gobyerno.

𝗟𝗔𝗛𝗔𝗧 𝗡𝗚 𝗦𝗔𝗡𝗚𝗞𝗢𝗧, 𝗗𝗔𝗣𝗔𝗧 𝗠𝗔𝗡𝗔𝗚𝗢𝗧!

Isinulat nina:
Ricca Shane L. Mariano ng SLSU-SSP
Gabriel Mancia ng TSU
Precious Kei Abao ng PUP-M
John Reeven Abutin ng PRMSU
Merylle Angela Umali ng DLSP
Glenn Uziel Gornez ng UPD

Likha nina:
Eula Mae Oliveros ng DLSU-D
Olliver Bernardio ng PNC

03/08/2026

Malugod naming ipinakikilala ang mga bagong kasapi ng Lupong Tagapagpaganap ng TATSULOK Batch 19 na sina 𝗦𝗶𝗮𝗻 𝗗.𝗩. 𝗠𝗮𝗻𝗮𝗹𝗼𝘁𝗼 ng 𝗨𝗣 𝗗𝗶𝗹𝗶𝗺𝗮𝗻 𝗘𝘅𝘁𝗲𝗻𝘀𝗶𝗼𝗻 𝗣𝗿𝗼𝗴𝗿𝗮𝗺 𝗶𝗻 𝗣𝗮𝗺𝗽𝗮𝗻𝗴𝗮 (𝗨𝗣𝗗𝗘𝗣𝗣) bilang bagong 𝗞𝗮𝗹𝗶𝗵𝗶𝗺 at 𝗠𝗲𝗿𝘆𝗹𝗹𝗲 𝗟𝗶𝗮𝗻𝗻𝗲 𝗕𝗮𝘀𝗲𝗮 ng 𝗛𝗼𝗹𝘆 𝗔𝗻𝗴𝗲𝗹 𝗨𝗻𝗶𝘃𝗲𝗿𝘀𝗶𝘁𝘆 bilang bagong 𝗞𝗮𝘄𝗮𝗸𝘀𝗶𝗻𝗴 𝗞𝗮𝗹𝗶𝗵𝗶𝗺.

Sa gitna ng pabago-bagong panahon at lipunan, inyong ipinamalas ang natatanging husay sa pagtugon sa mga tungkuling ini-atas sa inyo bilang mga kasapi ng organisasyong nagsusulong ng sikolohiyang malaya, mapagpalaya, at mapagpabagong-isip. Sa bawat papeles, dokumento, at mga proyektong inyong pangagasiwaan ay dalhin ninyo ang sikap at paninindigan na siyang kumakatawan sa ating organisasyon.

Mula sa buong TATSULOK, taos-pusong pagbati sa inyo, Sian at Merylle! Inaasahan namin ang patuloy ninyong paglilingkod, hindi lamang sa organisasyon at sa larangan ng Sikolohiyang Pilipino, kundi maging sa mga mamamayang Pilipino, tungo sa pagbuo ng isang lipunang maginhawa at mapagkalinga. Pagbati!

𝙏𝙪𝙣𝙜𝙤 𝙨𝙖 𝙨𝙞𝙠𝙤𝙡𝙤𝙝𝙞𝙮𝙖𝙣𝙜 𝙢𝙖𝙡𝙖𝙮𝙖, 𝙢𝙖𝙥𝙖𝙜𝙥𝙖𝙡𝙖𝙮𝙖 𝙖𝙩 𝙢𝙖𝙥𝙖𝙜𝙠𝙖𝙡𝙞𝙣𝙜𝙖!

Isinulat ni: Glenn Uziel Gornez ng UPD
Likha ni: Eula Mae Oliveros ng DLSU-D

31/07/2026

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍 𝐒𝐀 𝐀𝐓𝐈𝐍𝐆 𝐌𝐆𝐀 𝐊𝐈𝐍𝐀𝐓𝐀𝐖𝐀𝐍!

Malugod na bumabati ang ang Tatsulok – Alyansa ng mga Mag-aaral sa Sikolohiyang Pilipino sa ating mga kinatawang nagdiwang ng kanilang kaarawan ngayong buwan ng Hulyo!

Nawa’y naging masaya, makabuluhan, at punô ng inspirasyon ang inyong espesyal na araw—isang paalala ng inyong halaga hindi lamang bilang mga indibidwal, kundi bilang mahalagang bahagi ng ating samahan. Patuloy nawa ninyong isinasabuhay at isinasaisip ang diwa ng paglilingkod sa pagsusulong ng ating adhikaing mapaunlad at mapayabong ang organisasyon.

Lubos na kinikilala ng organisasyon ang inyong sikap at paninindigan sa pagtataguyod ng ating layuning palaganapin ang Sikolohiyang Pilipino. Kaakibat ninyo kami sa patuloy na pagkilos, paninindigan, at walang sawang paglilingkod para sa kapwa at sa bayan.

Muli, maligayang kaarawan sa inyong lahat!

𝐓𝐮𝐧𝐠𝐨 𝐬𝐚 𝐬𝐢𝐤𝐨𝐥𝐨𝐡𝐢𝐲𝐚𝐧𝐠 𝐦𝐚𝐥𝐚𝐲𝐚, 𝐦𝐚𝐩𝐚𝐠𝐩𝐚𝐥𝐚𝐲𝐚, 𝐚𝐭 𝐦𝐚𝐩𝐚𝐠𝐤𝐚𝐥𝐢𝐧𝐠𝐚! 🔱🇵🇭

Isinulat ni: Althea Marie Nicolas ng PNU
Likha ni: Eula Mae Oliveros ng DLSU-D

30/07/2026

𝗨𝗹𝗮𝗻, 𝗨𝗹𝗮𝗻, 𝗔𝗻𝗼𝗻𝗴 𝗞𝘄𝗲𝗻𝘁𝗼𝗻𝗴 𝗗𝗮𝗹𝗮 𝗠𝗼? 🌧️

Kapag biglang umuulan, may mga paniniwala bang pumapasok sa iyong isip? Kagaya na lamang ng 𝘒𝘪𝘯𝘢𝘬𝘢𝘴𝘢𝘭 𝘯𝘢 𝘛𝘪𝘬𝘣𝘢𝘭𝘢𝘯𝘨… Pero bukod sa kakaibang paniniwalang ito, anu-ano pa kaya ang mga kwentong naririnig natin tuwing tag-ulan? Na hindi lamang kwento para sa iba ngunit isang paniniwala na may pinagmulan.

Sa tuwing tag-ulan, iba't ibang paniniwala at pamahiin ang maririnig mula sa mga Pilipino. Ilan sa mga ito ay ang paniniwalang may 𝘬𝘪𝘯𝘢𝘬𝘢𝘴𝘢𝘭 𝘯𝘢 𝘵𝘪𝘬𝘣𝘢𝘭𝘢𝘯𝘨 kapag umuulan habang maaraw, ang 𝘩𝘪𝘯𝘥𝘪 𝘢𝘨𝘢𝘥 𝘱𝘢𝘨𝘭𝘪𝘨𝘰 𝘱𝘢𝘨𝘬𝘢𝘵𝘢𝘱𝘰𝘴 𝘮𝘢𝘶𝘭𝘢𝘯𝘢𝘯, ang 𝘣𝘪𝘺𝘢𝘺𝘢𝘯𝘨 𝘴𝘪𝘮𝘣𝘰𝘭𝘪𝘴𝘮𝘰 𝘯𝘨 𝘶𝘭𝘢𝘯 𝘴𝘢 𝘬𝘢𝘴𝘢𝘭 at 𝘮𝘢𝘳𝘢𝘮𝘪 𝘱𝘢𝘯𝘨 𝘮𝘨𝘢 𝘱𝘢𝘯𝘪𝘯𝘪𝘸𝘢𝘭𝘢𝘯𝘨 𝘪𝘱𝘪𝘯𝘢𝘴𝘢 𝘯𝘨 𝘢𝘵𝘪𝘯𝘨 𝘮𝘨𝘢 𝘯𝘪𝘯𝘶𝘯𝘰. Ang mga pamahiin at paniniwalang ito ay hindi basta bunga ng kamangmangan o kakulangan sa siyentipikong paliwanag. Bagkus, ipinapakita nito kung paano inuunawa ng mga Pilipino ang kanilang kapaligiran at binibigyan ito ng kahulugan. Hango ang marami sa mga paniniwalang ito sa pagmamasid ng ating mga ninuno sa kalikasan, sa kanilang mga karanasan, at sa kanilang malikhaing pagbuo ng mga paliwanag sa mga bagay na hindi pa nila ganap na maunawaan noon. Sa pagdaan ng panahon, ang mga ito ay naging bahagi ng ating kolektibong kamalayan at nagsilbing tulay sa pagpapanatili ng ating mga tradisyon at pagpapahalaga. Patunay ito na ang mga karanasan sa ating kapaligiran ay maaaring pag-ugatan ng mga paniniwalang humuhubog sa ating kultura at tradisyon.

Tuwing bumabagsak ang mga patak ng ulan, hindi lang tubig ang kasama nitong dumadating. Kasabay rin nito ang iba't ibang paniniwala, pamahiin, kwento, at tradisyon na matagal nang bahagi at repleksyon ng buhay ng maraming mga Pilipino. Mula sa mga paalala at habilin ng ating mga magulang pati na rin ang lolo't lola hanggang sa mga kwentong ipinapasa mula sa lumang henerasyon patungo sa susunod, naging bahagi na ng ating pang-araw-araw na buhay ang mga paniniwalang ito. Ito’y isang paraan para bigyan ng makulay na pagkakahulugan ang pag-ulan at upang ituring ito bilang makabuluhang sandali.

Ang mga pamahiin na ito ay bahagi ng ating kultura na nagsisilbing repleksyon ng natatanging perspektibo at paglinang sa isip ng mga Pilipino na patuloy pa ring naipapasa bilang pamanang kultural sa ating bansa. 𝘔𝘢𝘢𝘢𝘳𝘪𝘯𝘨 𝘩𝘶𝘮𝘪𝘯𝘵𝘰 𝘢𝘯𝘨 𝘶𝘭𝘢𝘯. 𝗚𝗮𝘆𝘂𝗻𝗽𝗮𝗺𝗮𝗻, 𝗮𝗻𝗴 𝗺𝗴𝗮 𝗸𝘄𝗲𝗻𝘁𝗼𝗻𝗴 𝗮𝘁 𝗽𝗮𝗻𝗶𝗻𝗶𝘄𝗮𝗹𝗮𝗻𝗴 𝗸𝗮𝗮𝗸𝗶𝗯𝗮𝘁 𝗻𝗶𝘁𝗼 𝗮𝘆 𝗽𝗮𝘁𝘂𝗹𝗼𝘆 𝗻𝗮 𝗱𝗮𝗱𝗮𝗹𝗼𝘆 𝘀𝗮 𝗸𝗮𝗺𝗮𝗹𝗮𝘆𝗮𝗻 𝗻𝗴 𝗯𝗮𝘄𝗮𝘁 𝗵𝗲𝗻𝗲𝗿𝗮𝘀𝘆𝗼𝗻𝗴 𝗣𝗶𝗹𝗶𝗽𝗶𝗻𝗼.

𝙄𝙠𝙖𝙬 𝙗𝙖? 𝘼𝙣𝙤𝙣𝙜 𝙢𝙜𝙖 𝙣𝙖𝙧𝙞𝙧𝙞𝙣𝙞𝙜 𝙢𝙤𝙣𝙜 𝙢𝙜𝙖 𝙥𝙖𝙣𝙞𝙣𝙞𝙬𝙖𝙡𝙖 𝙩𝙪𝙬𝙞𝙣𝙜 𝙪𝙢𝙪𝙪𝙡𝙖𝙣? 📝

Isinulat nina:
Merylle Angela Umali ng DLSP
Ricca Shane L. Mariano ng SLSU-SSP
Yanisin Chiqui Cecilio ng HAU
Jhopet Maquirang ng SBIS

Likha nina:
Isabelle Genine Teaño ng UP-DEPP
Kathleen Anne C. Cornejo ng DLSL

27/07/2026

𝘼𝙠𝙖𝙡𝙖 𝙠𝙤 𝙪𝙡𝙖𝙣, 𝙡𝙪𝙝𝙖 𝙠𝙤 𝙡𝙖𝙣𝙜 𝙥𝙖𝙡𝙖.

May kakaibang nangyayari kapag umuulan.

Sa mga araw na na maliwanag ang kalangitan, madalas tayong abala. Abala sa paghabol ng oras, pagtupad ng mga responsibilidad, o kaya pagtago ng mga emosyon. 𝘗𝘦𝘳𝘰 𝘣𝘢𝘬𝘪𝘵 𝘵𝘶𝘸𝘪𝘯𝘨 𝘶𝘮𝘶𝘶𝘭𝘢𝘯 𝘵𝘪𝘭𝘢 𝘮𝘢𝘺 𝘬𝘶𝘯𝘨 𝘢𝘯𝘰𝘯𝘨 𝘣𝘢𝘩𝘢𝘨𝘪 𝘯𝘨 𝘣𝘶𝘩𝘢𝘺 𝘢𝘯𝘨 𝘩𝘶𝘮𝘪𝘩𝘪𝘯𝘵𝘰? Katulad na lamang ng mga gala na hindi natutuloy at mga gawaing naipagsasabukas kaya sa unang pagkakataon matapos ang mahabang panahon, wala na tayong matakbuhan kundi ang ating sariling loob.

Marahil kaya may mga damdaming ulan lamang ang kayang gumising. Sa katahimikang dala nito, nagkakaroon tayo ng pagkakataong maramdaman ang mga emosyong matagal nating kinimkim, pagnilayan ang mga karanasang humubog sa atin, balikan ang mga alaalang matagal nang natutulog, at damhin ang pananabik sa mga taong, panahong, at bahaging minsang naging mahalaga sa ating buhay.

Sa karanasang Pilipino, ang ulan ay hindi lamang pagbabago ng panahon. 𝘐𝘴𝘢 𝘪𝘵𝘰𝘯𝘨 𝘳𝘪𝘵𝘸𝘢𝘭 𝘯𝘨 𝘱𝘢𝘨𝘩𝘪𝘯𝘵𝘰. Kapag bumabagal ang daigdig, nagkakaroon ng pagkakataong humarap ang tao sa sariling loob, sa mga bahaging matagal nang hindi nabibigyan ng tinig. Sa katahimikang hatid nito, ang gunita ay muling nagiging tahanan ng damdamin, at ang mga pananabik na inakalang naglaho ay dahan-dahang sumisibol sa kamalayan. Sa bawat pag-ulan, nagaganap ang isang pakikipagtagpo sa sarili. Hindi ito naghahanap ng paliwanag.Sapat nang maramdaman ang pagdaloy ng loob upang mabatid na ang ating pagkatao ay patuloy na hinuhubog ng mga karanasang ibinubulong lamang ng katahimikan.

𝙏𝙪𝙣𝙜𝙤 𝙨𝙖 𝙎𝙞𝙠𝙤𝙡𝙤𝙝𝙞𝙮𝙖𝙣𝙜 𝙢𝙖𝙡𝙖𝙮𝙖, 𝙢𝙖𝙥𝙖𝙜𝙥𝙖𝙡𝙖𝙮𝙖, 𝙖𝙩 𝙢𝙖𝙥𝙖𝙜𝙠𝙖𝙡𝙞𝙣𝙜𝙖!

Isinulat nina:
Khalaela Cyrill Dimaano ng DLSL
Lance Joseph Amparo ng STI-L
Jhopet Maquirang ng SBIS
John Reeven Abutin ng PRMSU
Arianne Gabriella Cailao ng PUP-STC

Likha nina:
Almira Paulene Quijano ng LCC-B
Jhon Rey Calica ng LCC-B
Jonnabel Lanceta ng UDM

25/07/2026

𝐒𝐄𝐍𝐓𝐈 𝐏𝐋𝐀𝐘𝐋𝐈𝐒𝐓: 𝐌𝐠𝐚 𝐡𝐢𝐦𝐢𝐠 𝐧𝐚 𝐡𝐚𝐧𝐝𝐚𝐧𝐠 𝐲𝐮𝐦𝐚𝐤𝐚𝐩 𝐬𝐚 𝐥𝐚𝐦𝐢𝐠 𝐧𝐠 𝐭𝐚𝐠-𝐮𝐥𝐚𝐧

Tag-ulan na naman; amoy na naman ang alimuom, at tila may ibinubulong ang hangin at ang mga patak. Ngunit hindi lamang pagpatak ng ulan ang naririnig sa ganitong panahon kundi ang kani-kaniya nating “Senti Playlist”.

May mga awiting tila isinulat para sa mga araw na umuulan—mga kantang nagsasabing may init na mararamdaman sa gitna man ng lamig ng panahon. May kakaibang pakiramdam ang ulan. Kapag bumabagsak ang bawat patak, tila bumabagal ang takbo ng oras at tumatahimik ang mundo. Sa ganitong mga sandali, mas lumilinaw ang ating mga isip at tila mas madaling maramdaman ang mga emosyong ating isinantabi sa gitna ng mga abalang araw.

Ang musika ay hindi lang basta tunog, tahanan ito ng mga alaala, mga pangarap, mga taong minsang naging bahagi ng ating buhay, at mga damdaming hindi natin maipaliwanag gamit ang sariling salita. Kapag pinagsama ang musika at ulan, para silang tahimik na pag-uusap—isang paalala na maaaring maging malungkot at panandaliang huminto para pakinggan ang sarili.

Ang playlist na ito ay pinaglakip na mga himig sa mga tahimik na hapon, sa malamig na gabi, sa mga sandaling gusto mong magmuni-muni habang pinagmamasdan ang ulan sa labas ng bintana. Sana sa bawat kantang maririnig mo, makahanap ka ng kaunting ginhawa, kapayapaan, o kahit isang alaalang magpapangiti sa'yo.

Sa bawat pag-ulan, may kuwentong bumabalik. At sa bawat kantang tumutugtog, may pusong unti-unting gumagaan. Hayaan mong samahan ka ng musika—hindi lang para pakinggan ang ulan, kundi para mas marinig ang sarili. ☔🎶

𝙏𝙪𝙣𝙜𝙤 𝙨𝙖 𝙨𝙞𝙠𝙤𝙡𝙤𝙝𝙞𝙮𝙖𝙣𝙜 𝙢𝙖𝙡𝙖𝙮𝙖, 𝙢𝙖𝙥𝙖𝙜𝙥𝙖𝙡𝙖𝙮𝙖, 𝙖𝙩 𝙢𝙖𝙥𝙖𝙜𝙠𝙖𝙡𝙞𝙣𝙜𝙖!

Isinulat nina:
Czareen Faith M. Bancoro ng UBLC
Reinne Martin A. Palma ng CvSU-GTC
Lance Joseph H. Amparo ng STI-L
Beatrice Pagtalunan ng LCUP
Ziel Gornez ng UPD

Likha nina:
Marla Chariz Panaglima ng SLSU
Shairo Joaquin ng KLD

22/07/2026

𝗞𝗮𝗽𝗮𝗴 𝗹𝘂𝗹𝗮𝗻 𝗮𝗻𝗴 𝗹𝘂𝗵𝗮 𝗻𝗴 𝘂𝗹𝗮𝗻, 𝘀𝗮𝗮𝗻 𝗮𝗻𝗴 𝗶𝘆𝗼𝗻𝗴 𝘁𝗮𝗵𝗮𝗻𝗮𝗻?

𝙈𝙞𝙣𝙨𝙖𝙣 𝙥𝙖, 𝙣𝙖𝙨𝙖𝙣𝙖𝙮 𝙣𝙖 𝙩𝙖𝙮𝙤 𝙨𝙖 𝙗𝙪𝙝𝙤𝙨 𝙣𝙜 𝙪𝙡𝙖𝙣 𝙖𝙩 𝙝𝙞𝙣𝙙𝙞 𝙣𝙖𝙩𝙞𝙣 𝙣𝙖𝙢𝙖𝙢𝙖𝙡𝙖𝙮𝙖𝙣𝙜 𝙩𝙪𝙢𝙖𝙝𝙖𝙣 𝙣𝙖 𝙖𝙣𝙜 𝙠𝙖𝙡𝙖𝙣𝙜𝙞𝙩𝙖𝙣. 𝙉𝙜𝙪𝙣𝙞𝙩 𝙣𝙖𝙣𝙖𝙣𝙖𝙩𝙞𝙡𝙞 𝙥𝙖 𝙧𝙞𝙣 𝙩𝙖𝙮𝙤 𝙨𝙖 𝙡𝙞𝙡𝙞𝙢 𝙣𝙜 𝙥𝙖𝙮𝙤𝙣𝙜 𝙣𝙖 𝙩𝙖𝙣𝙜𝙖𝙣.

Ang ulan man ay maaaring pansamantalang kanlungan ng mga taong nais sapawan ang ingay ng lipunan. Subalit ito rin ay may dalang panganib sa ating mga kababayang walang maayos na tirahan. Ngunit hindi lamang ito tungkol sa tirahan. Hindi ito tungkol sa pundasyon na itinuturing nating himlayan. Tungkol ito sa mga taong tahimik na nagmamasid. Humihingang sabay sa talsik ng pagdampi ng patak ng ulan sa kalupaang uhaw. Ngunit hindi rin ito tungkol sa kalikasang matagal nagtimpi at sa wakas ay nagpakalunod sa dalamhati. Ito ay maaring tungkol sa iyo. 𝘔𝘢𝘺 𝘪𝘬𝘪𝘯𝘶𝘬𝘶𝘣𝘭𝘪 𝘬𝘢 𝘣𝘢𝘯𝘨 𝘣𝘢𝘨𝘺𝘰?

Tila pansamantalang tumigil ang mundo. May mga motoristang tumabi sa gilid ng kalsada, may mga kotseng nagbagal sa takot na makaperwisyo sa iba o hindi kaya ay dahil sa madulas na kalsada. May mga may payong na pilit nilabanan ang ulan ngunit may ibang pinilit huminto pansamantala. At sa mga hindi handa, walang pamimilian dahil ang paghanap ng munting masisilungan ang tanging sagot sa hindi inaasahang problema. Ngunit ang ulan ay kwentong may simula at wakas. Mga emosyong pilit man tayo umiwas ay mananatiling nag-aantay na bumuhos nang wagas. Magsisimula ito sa makulimlim na pakiramdam— pabatid sa mga nais kumanlong sa kapayapaan. Mamumuo ang ulap na kay bigat hanggang ang pasanin na ikinahon ay magiging ambon. Hindi sasayangin ang pagkakataon hanggang makamtam ang rurok ng pagkukubli. Bubuhos ang ulan kasabay ng nakabibinging kulog at kidlat na magmumulat sa katotohang may mga panahon na tila hindi mo na kaya.

Sa bawat pagbuhos ng ulan, hindi lamang tubig ang dumadampi sa ating balat. May mga bakas na kumakapit sa ating pagkatao. Mga salitang hindi na mababawi, mga titig na nag-iiwan ng bigat, at mga karanasang tahimik nating isinasama sa bawat hakbang. May mga bagay na umalis sa ating piling nang buo, ngunit nagbabalik na may bahid ng kung anumang nasalubong sa daan. Sapagkat sa bawat pagharap sa mundo, may bahagi rin ng mundong humahawak pabalik sa atin.

𝗔𝘁 𝗶𝘆𝗼𝗻 𝗮𝗻𝗴 𝗵𝗶𝗻𝗱𝗶 𝗸𝗮𝘆𝗮𝗻𝗴 𝘀𝗮𝗹𝘂𝗵𝗶𝗻 𝗻𝗴 𝗸𝗮𝗵𝗶𝘁 𝗴𝗮𝗮𝗻𝗼 𝗸𝗮𝗹𝗮𝗸𝗶𝗻𝗴 𝗽𝗮𝘆𝗼𝗻𝗴.

𝗠𝗮𝗿𝗮𝗵𝗶𝗹, 𝗸𝗮𝘆𝗮 𝘂𝗺𝗶𝗶𝗿𝗮𝗹 𝗮𝗻𝗴 𝘁𝗮𝗵𝗮𝗻𝗮𝗻.

Hindi lamang upang may masilungan kapag bumuhos ang ulan. Umiiral ito upang magkaroon tayo ng espasyong mapaglalagyan ng lahat ng hindi natin nagawang bitawan. Dito, hindi kailangang ikubli ang pagod, ikahiya ang mga luhang matagal na pinigil, o burahin ang mga bakas ng mga araw na naging mabigat. May mga dungis na hindi kayang hugasan ng tubig sapagkat sa kalooban ito kumapit. May mga sugat na hindi agad humihingi ng lunas. Ang hinihingi lamang nila ay isang lugar na ligtas silang maramdaman.

Kaya ang tahanan ay hindi lamang isang bubong na naglalayo sa atin sa unos. Higit sa isang pisikal na espasyo, isa rin itong damdaming nagbibigay ng pahintulot na maging totoo sa ating pagod. Minsan, natatagpuan ito sa isang presensiyang marunong makinig kahit walang salita. Sa isang yakap na hindi nagmamadaling kumalas. Sa isang taong hindi ipinagkakait ang katahimikang matagal na nating hinahanap. Sapagkat ang tunay na tahanan ay hindi ang lugar na pumipigil sa pagdating ng ulan. Ito ang lugar na handang saluhin ang lahat ng iniuuwi nito.

𝗦𝗮 𝗱𝘂𝗹𝗼 𝗻𝗴 𝗹𝗮𝗵𝗮𝘁, 𝗺𝗮𝗿𝗮𝗵𝗶𝗹 𝗮𝗻𝗴 𝘁𝘂𝗻𝗮𝘆 𝗻𝗮 𝗵𝗮𝗹𝗮𝗴𝗮 𝗻𝗴 𝘁𝗮𝗵𝗮𝗻𝗮𝗻 𝗮𝘆 𝗵𝗶𝗻𝗱𝗶 𝗻𝗮𝘀𝘂𝘀𝘂𝗸𝗮𝘁 𝗸𝘂𝗻𝗴 𝘀𝗮𝗮𝗻 𝗶𝘁𝗼 𝗺𝗮𝘁𝗮𝘁𝗮𝗴𝗽𝘂𝗮𝗻, 𝗸𝘂𝗻𝗴 𝗵𝗶𝗻𝗱𝗶 𝘀𝗮 𝗸𝘂𝗻𝗴 𝗽𝗮𝗽𝗮𝗮𝗻𝗼 𝗻𝗶𝘁𝗼 𝗽𝗶𝗻𝗮𝗽𝗮𝗻𝗮𝘁𝗶𝗹𝗶 𝗮𝗻𝗴 𝗽𝗮𝗴-𝗮𝘀𝗮 𝘀𝗮 𝗸𝗮𝗯𝗶𝗹𝗮 𝗻𝗴 𝘂𝗻𝗼𝘀.

At katulad ng ulan na hindi habang buhay bumubuhos, ang pinakamadilim na kalangitan ay lilipas din. Sa pag-angat muli ng mga ulap ay unti-unting lilitaw ang bahaghari — hindi lamang tanda sa pagtatapos ng bagyo, kundi paalala na rin na sa bawat pagluha ay paghilom, sa bawat pagkadapa ay pagbangon at sa bawat wakas ay may panibagong simula.

𝙏𝙪𝙣𝙜𝙤 𝙨𝙖 𝙨𝙞𝙠𝙤𝙡𝙤𝙝𝙞𝙮𝙖𝙣𝙜 𝙢𝙖𝙡𝙖𝙮𝙖, 𝙢𝙖𝙥𝙖𝙜𝙥𝙖𝙡𝙖𝙮𝙖 𝙖𝙩 𝙢𝙖𝙥𝙖𝙜𝙠𝙖𝙡𝙞𝙣𝙜𝙖!

Isinulat nina:
Reinne Martin A. Palma ng CvSU-GTC
Arianne Gabriella Cailao ng PUP - STC
Jaira Tanglao ng EARIST

Likha nina:
France Logmao ng PNU
Christine Ghynel Marasigan ng MMC

20/07/2026

May mga alaala ang ulan na hindi maibibigay ng araw. Hindi ito masidhing titirik at liliwanag. Hindi ito sumisigaw sa pagdating. Bagkus, marahan itong kumakatok sa bubungan, sa bintana, at sa mga pagitan ng katahimikan.

Kapag umiyak na ang mga ulap, maririnig sa kanilang ngawa ang mga patak na sumasayad sa lupa. May tila yabag ang mga tangis nito sa mga yero. Hihikbi ito nang panandalian at huhudyat sa pagdating ng dilim. Kasabay ng pagsipol ng hangin ang paghampas ng mga sanga sa isa’t isa at ang pagsayaw ng mga halaman sa saliw ng unos.

Sa bawat gawi nito, 𝘵𝘪𝘭𝘢 𝘯𝘢𝘨𝘣𝘢𝘣𝘢𝘨𝘰 𝘢𝘯𝘨 𝘮𝘶𝘯𝘥𝘰 𝘴𝘢 𝘱𝘢𝘯𝘪𝘯𝘨𝘪𝘯 𝘯𝘨 𝘪𝘴𝘢𝘯𝘨 𝘣𝘢𝘵𝘢. Ang ordinaryong kalye ay nagiging malawak na palaruan at ang bawat patak ng ulan ay paanyaya upang lumabas at magsaya.

Sa simpleng papel, nakakabuo ng laruang bangka na maingat na pinapalutang sa umaagos na tubig, sabik na pinapanood kung saan ito makakarating. Ang isang pares ng tsinelas ay kalahok ng isang paligsahan ng karera, sa bawat ikot, paglubog, at pag-agos ay ang hiyawan at tawanan ng mga manonood. May ilan ding naglalaro ng habulan, tagu-taguan o paghahanap ng maliit na sapa na maaaring languyan.

Paminsan ay tumatakbo rin habang nakatingala ang mukha sa langit, sinasalubong ang bawat malamig na patak ng ulan. Tumatakbo sa mga naipong tubig, nagpaparamihan ng tilamsik sa bawat hakbang. Hindi alintana ang pagkabasa ng damit o ang mga putik na kumakapit sa paa. Dahil wala ng mas lalakas pa sa bugso ng damdamin sa puso ng isang batang masayang nagtatampisaw sa ulan.

Sa bawat muling pagpatak ng marahang ambon, kasabay ding bumabalik ang mga alaala ng walang kapantay na karanasan — ang mga bangkang papel, putikang kalsada, basang tsinelas, at halakhakang umaalingawngaw sa pagtatampisaw tuwing umuulan.

Ang tag-ulan ay hindi lamang isang panahon. Hindi lamang ito paghiyaw ng ulap o ang pag-agos ng naipong tubig sa tila naglalawa na kalsada.

𝗜𝘀𝗮 𝗶𝘁𝗼𝗻𝗴 𝗽𝗮𝗮𝗹𝗮𝗹𝗮 𝘀𝗮 𝗸𝘂𝗻𝗴 𝗽𝗮𝗮𝗻𝗼 𝘁𝗮𝘆𝗼 𝗻𝗮𝗴𝗶𝗻𝗴 𝗯𝗮𝘁𝗮. 𝗜𝘀𝗮𝗻𝗴 𝗽𝗮𝗮𝗹𝗮𝗹𝗮 𝘀𝗮 𝗸𝘂𝗻𝗴 𝘀𝗶𝗻𝗼 𝘁𝗮𝘆𝗼 𝗺𝗶𝗻𝘀𝗮𝗻𝗴 𝗻𝗮𝗴𝗶𝗻𝗴. 𝗜𝘀𝗮𝗻𝗴 𝗽𝗮𝗮𝗹𝗮𝗹𝗮 𝗻𝗮 𝗵𝗶𝗻𝗱𝗶 𝗺𝗮𝘁𝘂𝘁𝘂𝘆𝗼 𝗻𝗴 𝗮𝗿𝗮𝘄.

𝙏𝙪𝙣𝙜𝙤 𝙨𝙖 𝙨𝙞𝙠𝙤𝙡𝙤𝙝𝙞𝙮𝙖𝙣𝙜 𝙢𝙖𝙡𝙖𝙮𝙖, 𝙢𝙖𝙥𝙖𝙜𝙥𝙖𝙡𝙖𝙮𝙖 𝙖𝙩 𝙢𝙖𝙥𝙖𝙜𝙠𝙖𝙡𝙞𝙣𝙜𝙖!

Isinulat nina:
Precious Kei Abao ng PUP - Main
April Diane Badong ng LOA
Katelene Amor Fabroquez ng BSU - Lipa

Likha nina:
Allen Iverson Martinez ng EARIST
Elise Angela Santos ng BulSU - San Rafael
Zyryne Saludes ng BSU-ARASOF

Address

4A Alcal Building 285 Katipunan Avenue Brgy. Loyola Heights

Opening Hours

Monday	08:00 - 12:00
	13:00 - 17:00
Tuesday	08:00 - 12:00
	13:00 - 17:00
Wednesday	08:00 - 12:00
	13:00 - 17:00
Thursday	08:00 - 12:00
	13:00 - 17:00
Friday	08:00 - 12:00
	13:00 - 17:00
Saturday	08:00 - 12:00
	13:00 - 17:00
Sunday	08:00 - 12:00

Website

https://www.pssp.org.ph/, https://www.instagram.com/tatsulok_pssp, https://www.tiktok.com/tatsulok_pssp

Alerts

Be the first to know and let us send you an email when Tatsulok - Alyansa ng mga Mag-aaral sa Sikolohiyang Pilipino posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Tatsulok - Alyansa ng mga Mag-aaral sa Sikolohiyang Pilipino:

Want your organization to be the top-listed Non Profit Organization?

Country:

City:

Tatsulok - Alyansa ng mga Mag-aaral sa Sikolohiyang Pilipino

09/08/2026

09/08/2026

05/08/2026

03/08/2026

31/07/2026

30/07/2026

27/07/2026

25/07/2026

22/07/2026

20/07/2026

Address

Opening Hours

Website

Alerts

Contact The Organization

Shortcuts

Share

Listing takedown request