14/06/2026
‼️DENGUE AWARENESS🦟
Unsa ang DENGUE?
Ang dengue usa ka sakit nga makuha pinaagi sa pinaakan sa infected nga lamok (Aedes aegypti). Kasagaran mosaka ang kaso sa dengue sa panahon sa ting-ulan tungod kay mas daghan ang mga lugar nga natigoman og tubig diin mangitlog ug mudaghan ang mga lamok.
Ang dengue mahimong hinungdan sa taas nga hilanat, kusog nga sakit sa ulo, panakit sa mga kaunoran ug lutahan, rashes, ug sa grabe nga kaso, mahimong mosangpot sa seryosong komplikasyon ug kamatayon kung dili matambalan dayon.
Busa importante nga magbantay ug magtinabangay ang tibuok komunidad aron malikayan ang pagkatag sa dengue.
Hinumduman nato na:
"Kung walay lamok, walay dengue!"
⚠️ Mga Timailhan ug Sintomas sa Dengue:
✅ Kalit ug taas nga hilanat
✅ Kusog nga sakit sa ulo
✅ Sakit luyo sa mata
✅ Panakit sa kaunoran ug mga lutahan
✅ Pagduka o kapoy
✅ Rashes o p**a nga mga batik sa panit
✅ Pagdugo sa ilong o lagos (sa grabeng kaso)
💡 Unsaon Paglikay sa Dengue?
✅ Hinumdumi ang 4S Kontra Dengue:
1.) SEARCH AND DESTROY
Pangitaa ug wagtanga ang mga dapit nga mahimong breeding site sa lamok.
Buhata kada alas-4 sa hapon ang 4Ts:
• Taob – balihon ang mga sudlanan nga adunay tubig
• Taktak – kuhaa ang natigom nga tubig
• Tuyo – siguroha nga uga ang palibot
• Takip – tabuni ang mga drum, balde ug tangke sa tubig
2.) SELF-PROTECTION MEASURES
Panalipdi ang imong kaugalingon ug pamilya.
✔️ Paggamit ug mosquito repellent
✔️ Pagsul-ob ug long sleeves ug taas nga pantalon
✔️ Paggamit ug kulambo kung gikinahanglan
✔️ Pabutang ug screen sa bintana ug pultahan
3.) SEEK EARLY CONSULTATION
Ayaw paghulat nga mograbe ang sakit.
✔️ Kung adunay sintomas sa dengue, magpakonsulta dayon sa health center o doktor.
4.) SUPPORT FOGGING/SPRAYING
Suportahi ang fogging o spraying sa mga lugar nga adunay daghang kaso sa dengue aron mapugngan ang pagkaylap niini.
Hinumdumi: Ang dengue dili lamang responsibilidad sa mga health workers kung dili responsibilidad sa tibuok komunidad. Ang limpyo nga palibot ug hapsay nga pagdumala sa basura makatabang sa pagpugong sa pagdaghan sa lamok.
✨ "Kung walay lamok, walay dengue."
Magsugod ang proteksyon sa atong panimalay ug komunidad. Magtinabangay ta aron malikayan ang dengue ug mapanalipdan ang atong pamilya.
