29/06/2026
ππ§ππππ ππ‘π π ππ π£πππππππ π¦π πππ₯ππ£ππ§ππ‘π π£ππ‘π§ππ’ π¦π π¦π π’πππ¬ π π’π¨π‘π§πππ‘! π₯-ππ ππ¨πππππ₯π¦, π£ππππ¬ππ¦ππ‘ π¦π π ππ ππ’π π¨π‘ππππ π‘π π ππ₯ππππ§π!
Mariing kinukundena ng Bagong Alyansang Makabayan (BAYAN) Manila ang patuloy na paglabag sa karapatang pantao ng mga residente ng Smokey Mountain upang isulong ang mga proyektong WTE Incinerator at Land Rehabilitation sa lugar na nagbabanta sa paninirahan, kabuhayan, kalusugan, at kalikasan ng mga naninirahan dito.
Nitong taon lamang ay may inilunsad na pulong ang LIAC kasama ang mga lokal ng Smokey Mountain kung saan nagpahayag ng pagtutol ang mga residente sa pagbababa ng equipment ngunit kalaunaβy hindi rerespetuhin ng R-II Builders ang tindig ng mamamayan. Ang pagpasok ng mga makinarya sa komunidad habang hindi kinikilala ang tinig ng mga residente ay nagpapakita ng kawalan ng paggalang sa kanilang mga demokratikong karapatan. Sa halip na maging katuwang ang mamamayan sa pagpaplano at pagpapatupad ng mga hakbang para sa kanilang komunidad, sila pa ang itinuturing na hadlang sa mga proyektong hindi nila pinahintulutan.
Lalong nakakabahala ang mga ulat ng pananakot, pagbabanta, at iba pang anyo ng panggigipit sa mga residenteng nagtatanong at tumututol sa mga isinasagawang operasyon. Mayroong mga ulat ang komunidad kung saan tinutukan ng baril ng tinaguriang βTeam Baklasβ ang isang residente at tahasang panghaharas ang ginagawa sa mga residente upang gibain ang kanilang tirahan sa pamamagitan ng sapilitan at mapanlinlang na mga pamamaraan. Ang mga pribadong gwardiya naman ng R-II Builders Inc. ay nagpaputok ng baril sa komunidad at nagpasabog ng kemikal na nagdulot ng sakit sa isang bata sa magkahiwalay na panahon.
Ang paggamit ng kapangyarihan ng R-II Builders upang patahimikin ang lehitimong pagtutol ng mamamayan ay hindi kailanman magiging katanggap-tanggap. Ang karapatang magsalita, magtipon, at ipagtanggol ang sariling komunidad ay mga batayang demokratikong karapatan na dapat igalang at protektahan.
Katuwang ni Reghis Romero II ang chairman ng Barangay 128 na si Sigfred βBobbyβ Hernane, Manila Mayor Isko Moreno, at pangulong Ferdinand Marcos Jr. sa pagsusulong ng ng mga proyektong nakakapaminsala sa buhay ng mga residenteng kanilang dapat na pinagsisilbihan. Sa halip na tugunan ang matagal nang kahilingan ng mamamayan para sa disenteng pabahay at makamasang serbisyong panlipunan, inuuna ng gobyerno ang pagpanig sa mga kapitalista tulad ni Reghis Romero II sa paghahanda ng lugar para sa mga proyektong magsisilbi sa interes ng malalaking negosyo.
Anumang rehabilitasyon at proyekto ay dapat nakabatay sa karapatan ng mamamayan, hindi sa interes ng iilang korporasyon o negosyante. Walang makatarungang rehabilitasyon kung ito ay isinasagawa sa pamamagitan ng pananakot, panlilinlang, o paglabag sa karapatang pantao. Ang tunay na pag-unlad ay nakasalalay sa malaya, makabuluhan, at demokratikong partisipasyon ng mga mamamayang siyang pangunahing maaapektuhan ng anumang proyekto.
Nanawagan ang BAYAN Manila sa lahat ng kinauukulang ahensya na agarang itigil ang paglagak at paggamit ng mga kagamitan at operasyon sa Smokey Mountain na walang pahintulot at pagsang-ayon ng mga residente. Dapat na itigil sa kagyat ang anumang porma ng paglabag sa karapatang pantao ng mga komunidad at agarang mapanagot ang mga maysala. Walang espasyo ang R-II Builders Inc. sa mga maralitang komunidad na kanilang pilit na inaangkin kayaβt nararapat lang na silaβy palayasin dito.
Kaisa ng BAYAN Manila ang mga residente ng Smokey Mountain sa kanilang makatarungang laban para sa kanilang paninirahan, kabuhayan, kalusugan, at kalikasan. Patuloy nating ipagtanggol ang ating karapatan laban sa anumang anyo ng panunupil!
R-II BUILDERS, PALAYASIN!
ITIGIL ANG ATAKE SA MARALITA!
SERBISYO SA TAO, HUWAG GAWING NEGOSYO!
