Tanglaw-Wika: Colon National High School

20/09/2025

BALITA | 𝐃𝐢𝐠𝐦𝐚𝐚𝐧 𝐧𝐠 𝐃𝐢𝐬𝐤𝐚𝐫𝐭𝐞 𝐚𝐭 𝐃𝐢𝐩𝐥𝐨𝐦𝐚: 𝐁𝐚𝐥𝐚𝐠𝐭𝐚𝐬𝐚𝐧 𝐧𝐠 𝐌𝐚𝐤𝐚𝐛𝐚𝐠𝐨𝐧𝐠 𝐊𝐚𝐛𝐚𝐭𝐚𝐚𝐧, 𝐓𝐚𝐦𝐩𝐨𝐤 𝐬𝐚 𝐁𝐮𝐰𝐚𝐧 𝐧𝐠 𝐖𝐢𝐤𝐚 𝟐𝟎𝟐𝟓

Kasabay ng pagdiriwang ng Buwan ng Wika 2025 at ng koronasyon ng Lakan at Lakambini ng Wika, isinagawa ngayong araw ang isang makabuluhang balagtasan na umiinog sa temang “Diskarte at Diploma” na itinampok ng mga mag-aaral mula sa ika-10 baitang ng STE.

Pinangunahan nina Carl Anthony Jetuya, Juliana Villacura, at Jerr Maine Alforque mula sa Agham, Teknolohiya, at Inhinyeriya, Baitang 10 – Seksyon Padojinog, ang pagtatanghal na nagbigay-diin sa mahalagang usapin hinggil sa kahalagahan ng diploma bilang pormal na edukasyon at diskarte bilang praktikal na kasanayan sa pagharap sa buhay.

Sa paglalaban ng pananaw, ipinagtanggol ni Jetuya ang diskarte bilang susi sa pagtugon sa mga hamon ng panahon, samantalang si Alforque ay mariing nagtaguyod ng diploma bilang matibay na pundasyon ng kinabukasan. Si Villacura naman ang nagsilbing gitnang tinig, nagbigay-linaw at nagbalanse sa argumento ng dalawang panig.

Bagama’t pansamantalang nawalan ng linya si Villacura, mabilis siyang nakabawi at ipinagpatuloy ang kanyang talumpati, na sinabayan ng sigaw ng suporta at masigabong palakpakan mula sa mga mag-aaral at g**o.

Sa pagtatapos ng programa, pinarangalan sina Jetuya, Villacura, at Alforque bilang mga kampeon ng balagtasan. Ang kanilang pagtatanghal ay kinilala hindi lamang dahil sa husay ng pananalita at pangangatwiran, kundi dahil din sa pagpapalaganap ng pagmamahal sa wikang Filipino at sa sining ng balagtasan.

Ang balagtasan ay nagsilbing makulay na bahagi ng kulminasyon ng Buwan ng Wika 2025—isang patunay na ang kultura, wika, at edukasyon ay patuloy na nagbibigay-inspirasyon sa makabagong kabataan.

20/09/2025

BALITA | 𝐁𝐨𝐨𝐤 𝐃𝐢𝐬𝐩𝐥𝐚𝐲 𝐂𝐨𝐧𝐭𝐞𝐬𝐭, 𝐓𝐚𝐦𝐩𝐨𝐤 𝐬𝐚 𝐏𝐚𝐠𝐛𝐮𝐛𝐮𝐤𝐚𝐬 𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚 𝐬𝐚 𝐂𝐍𝐇𝐒

Ipinagdiwang ngayong Agosto 1 ang pormal na pagbubukas ng Buwan ng Wika sa Colon National High School (CNHS) sa ilalim ng temang “Paglinang sa Filipino at Katutubong Wika: Makasaysayan sa Pagkakaisa ng Bansa,” kung saan tampok ang isang makulay na Book Display Contest na naglalayong itampok ang mga akdang Filipino at katutubong wika. Layunin ng patimpalak na hikayatin ang mga mag-aaral na pahalagahan ang sariling wika at panitikan sa pamamagitan ng pagbabasa at pagkilala sa mga akdang sumasalamin sa ating lahi.

Pinangunahan ni Ginang Gemma P. Roldan, Pangalawang Punong-Guro, ang opisyal na pagbubukas ng selebrasyon. Sa kanyang mensahe, binigyang-diin niya ang mahalagang papel ng wika sa pagbubuo ng pagkatao ng bawat Pilipino. “Sa bawat salitang ating sinasalita at sinusulat, naroroon ang ating pagkakakilanlan bilang Pilipino,” ani Roldan, na humikayat sa mga mag-aaral na yakapin at ipagmalaki ang sariling wika.

Ang Book Display Contest ay nilahukan ng iba’t ibang seksyon mula sa Junior at Senior High School, na nagdisenyo ng kani-kanilang book corners gamit ang iba’t ibang akdang pampanitikan, kuwentong-bayan, tula, nobela, at mga babasahing nagpapakita ng yaman ng wikang Filipino at katutubong wika sa bansa. Kabilang sa mga pamantayan ng paghusga ang nilalaman ng akda, kaangkupan sa tema, estetika ng presentasyon, at lawak ng partisipasyon ng mga mag-aaral.

Inaasahan ng pamunuan ng paaralan na sa pamamagitan ng mga ganitong gawain ay mas lalong mapalalim ang pagmamahal at pagpapahalaga ng mga mag-aaral sa wikang Filipino at sa mga katutubong wika—hindi lamang bilang asignatura, kundi bilang mahalagang bahagi ng kanilang pagka-Pilipino.

20/09/2025

NEWS | 𝐓𝐚𝐧𝐠𝐥𝐚𝐰-𝐖𝐢𝐤𝐚 𝐑𝐚𝐢𝐬𝐞𝐬 𝐎𝐯𝐞𝐫 ₱𝟏𝟗𝟏𝐊 𝐢𝐧 𝐁𝐍𝐖 𝟐𝟎𝟐𝟓; 𝐅𝐮𝐧𝐝𝐬 𝐭𝐨 𝐒𝐮𝐩𝐩𝐨𝐫𝐭 𝐒𝐜𝐡𝐨𝐨𝐥, 𝐅𝐢𝐥𝐢𝐩𝐢𝐧𝐨 𝐃𝐞𝐩’𝐭 𝐏𝐫𝐨𝐣𝐞𝐜𝐭𝐬

The Tanglaw-Wika, Filipino Department Club of Colon National High School (CNHS) capped off the celebration of Buwan ng Wika (BNW) 2025 with resounding success, raising a total of ₱191,406 to fund both school-wide improvements and Filipino Department projects.

The highlight of the fundraising was the Lakan at Lakambini ng Wika 2025, which drew overwhelming participation from students, parents, and the community. The pageant alone generated ₱177,003, making it the single biggest contributor to the total funds. Alongside this, ₱9,403 was gathered through solicitations, while the approved activity design support added ₱5,000.

Based on the liquidation report, total expenses for cultural competitions, performances, and other activities reached ₱93,488, leaving a remaining balance of ₱97,918. Tanglaw-Wika announced that 30% of the proceeds (₱68,542.60) will be used for the construction of the school’s back wall, addressing a long-standing need for safety and improvement of the campus grounds. Meanwhile, 10% (₱29,375.40) was allocated for the purchase of three printers to support the Filipino Department’s academic and cultural projects.

More than just a fundraising activity, the celebration highlighted the unity of the school community in promoting Filipino language and heritage. Students were able to exhibit their talents through literary and performing arts contests, while teachers and volunteers ensured that every activity was meaningful and well-organized. Parents and stakeholders also played a crucial role, not only in supporting the candidates of the pageant but also in contributing resources for the success of the event.

The liquidation report reflects Tanglaw-Wika’s commitment to transparency and accountability, ensuring that every peso raised will be reinvested in projects that directly benefit the students and the school community. By turning cultural festivities into opportunities for growth, Colon National High School reaffirms its mission of nurturing both academic excellence and cultural pride.

14/08/2025

HUGYAW, COLONIANS!!!

Inilalathala ang opisyal na mga larawan ng labing-isang pares na maglalaban-laban!
Sino sa tingin ninyo ang tatanghaling Lakan at Lakambini ng CNHS 2025?

Ang koronasyon ay gaganapin ngayong darating na Agosto 28, 2025 sa himnasyo ng Colon National High School, alauna ng hapon (1:00 pm).

NARITO ANG GABAY AT PANUNTUNAN SA PAGPILI NG "PEOPLE’S CHOICE AWARD"

I. Layunin:
Mabigyan ng pagkilala ang kalahok na may pinakamaraming suporta mula sa publiko sa pamamagitan ng “facebook platform”.

II. Panuntunan ng Botohan:
1. Opisyal na Post:
 Ang bawat kalahok ay magkakaroon ng opisyal na larawan na ilalathala sa opisyal na page ng Tanglaw-Wika: Colon National High School.
 Ang bawat kalahok, maging ang kanilang tagasuporta ay malayang magbanggit ng kakilala sa komentong espasyo ng nakalathalang larawan o magbahagi “share” ng larawan sa ibang grupo o indibidwal.

2. Batayan ng Boto:
 Tanging pusong reaksiyon o “heart react” lamang ang bibilangin bilang opisyal na boto na malilikom sa bawat larawan.
 Ang reactions tulad ng Like, Care, Wow, Sad, Happy, Angry, atbp.) ay hindi kasali sa bibilangin bilang boto.
 Ang bilang ng “shares” ng bawat larawan ay hindi rin kasali sa bibilangin bilang boto.

3. Tagal ng Botohan:
 Ang botohan ay magsisimula sa oras na nailathala ang mga larawan sa opisyal na page ng Tanglaw-Wika at magtatapos naman ito sa ika-27 ng Agosto sa ganap na 11:59 ng hating gabi.
 Ang mga boto na lalampas sa itinakdang oras ay hindi na isasama sa pagbibilang.

4. Mga Paalala:
 Ang isang account ay maaaring bumoto sa lahat ng kalahok.
 Bawal ang dummy accounts o pekeng accounts. Ang mga kahina-hinalang boto ay maaaring i-review at i-disqualify.
 Ang tagapag-organisa lamang ang may karapatang magbilang at mag-anunsiyo ng opisyal na resulta.
 Ang desisyon ng komite ay pinal at hindi na maaring iapela.

5. Pagkilala:
 Ang kalahok na may pinakamaraming boto (ayon sa opisyal na bilang ng pusong reaksiyon o heart react) sa pagtatapos ng botohan ang tatanggap ng “People’s Choice Award.”
 Ang parangal ay ibibigay sa mismong araw ng koronasyon.

ABANGAN!!!

06/08/2025

Mayad nga adlaw, Colonians!

Halong kita sa mga lugar nga mariit.

05/08/2025

MAPAGPALANG ARAW, Colonians!!!

Narito ang mga Pamantayan at mga Panuntunan sa mga patimpalak na gaganapin ngayong Agosto 7, 2025 kaugnay sa pagdiriwang ng Buwan ng Wikang Pambansa ng Colon National High School.

Makihimok at makilahok!

Magkita-kita tayo!

01/08/2025

01/08/2025

Hindi lahat ay masiyasip,
Kaya, ugaliing mag-isip.
Timbangin ang desisyon,
Hindi ang emosyon.

Ikaw, masiyasip ka ba?

Narito ang ating unang talasalitaan ngayong buwan.



-Wika

31/07/2025

MAGANDANG BUHAY, COLONIANS!

Narito ang Pamantayan at Patnubay para Big Book Display - ang unang patimpalak na itatampok para sa pagdiriwang ng Buwan ng Wika 2025 ng Colon National High School.

Ang patimpalak ay gaganapin sa CNHS mini-gymnasium sa ganap na alas-3 ng hapon kasabay ng palatuntunan sa Pambukas na Pagdiriwang.

Magkita-kita tayo!