San Mateo Rizal Municipal Planning and Development Office

05/07/2026

Pagpupugay sa aming mabait at dedikadong Officer-In-Charge, Mr. John Robert A. Melad, sa kanyang matagumpay na pagtatapos ng Diploma in Public Management ngayong ika-5 ng Hulyo, 2026, sa Pambansang Kolehiyo ng Administrasyong Pangmadla at Pamamahala ng University of the Philippines Diliman.

Ang kanyang tagumpay ay bunga ng sipag, dedikasyon, at patuloy na pagsisikap na mapaunlad ang kanyang kakayahan sa paglilingkod sa publiko. Ikaw ay isang inspirasyon sa marami at naging daan sa mas mahusay pang serbisyo para sa Bayan ng San Mateo.

Maraming salamat sa iyong tunay, tapat, at walang sawang paglilingkod. Binabati ka namin sa napakahalagang tagumpay na ito. Mabuhay ka!

02/07/2026

Nagluluksa ang Pamahalaang Bayan ng San Mateo, Rizal sa pagpanaw ni Kapitan Juan Carlo “JC” Salen ng Brgy. Sta. Ana. Ang iyong dedikasyon at ipinaabot na serbisyo sa iyong barangay at sa bayan ng San Mateo, nawa ay patuloy na mabuhay sa alaala ng lahat.

Nakikiramay ang ating lokal na pamahalaan sa mga mahal sa buhay ng namayapang kapitan.

01/06/2026

Buong-puso nating ipinagmamalaki ang ating kahanga-hangang kasamahan na si Rico G. Papa sa opisyal na pagpasa sa 2026 Environmental Planners Licensure Examination (EnPLE)! 🇵🇭✨

Lahat ng puyat at sakripisyo ay nagbunga na. Saksi ang buong MPDO Family sa iyong dedikasyon, sipag, at husay, kaya naman deserve na deserve mo ang tagumpay na ito!

Mabuhay ka, EnP Rico G. Papa! Taas-noo kaming nagpupugay sa iyo. 🌳🏢🛣️

31/12/2025

A way to end 2025, sharing the blessings with the Persons Deprived of Liberty.

We would like to extend our deepest appreciation to our friends and to the San Mateo BJMP for assisting and supporting our endeavors.

Again, Happy New Year!

- from MPDO Family

21/11/2025

20/11/2025

19/11/2025

Bilang pagdiriwang ng Economic and Financial Literacy (EFL) Week ngayong taon na may temang “Paano Sumakses? Step-by-the-Step na Kaalaman sa Ekonomiya at Pinansya para sa Wais na Desisyon Tungo sa Ambisyon,” ang Pamahalaang Lokal ng Bayan ng San Mateo sa pangunguna ng Pambayang Tanggapan ng Pagpaplano at Pagpapaunlad sa pakikipagtulungan ng Pambayang Tanggapan ng Kagalingan at Pagpapaunlad Panlipunan o San Mateo, Rizal- Municipal Social Welfare and Development Office MSWDO at LGU-Links ay nagsagawa ng isang seminar noong ika-17 at 18 ng Nobyembre. Layunin ng seminar na ito na palawakin ang kaalaman ukol sa tamang pamamahala ng pananalapi at lehitimong pamumuhunan upang maiwasan ang mga mapanlinlang na mekanismo.

Kasama bilang resource speaker sina Ariane Atienza, Managing Director ng Ideascape MNL, at Eliodora Damian, IMG Manager.

Ang seminar ay dinaluhan ng mahigit animnapu (60) kawani ng pamahalaang lokal sa unang araw at walumpu (80) 4Ps beneficiaries ng ating bayan sa ikalawang araw. Ilan sa mga kalahok ng naturang pagtitipon ang nagbahagi rin ng kanilang mga karanasan sa pagnenegosyo.

11/11/2025

PABATID | Aplikasyon para sa SEAP hatid ng PESO

Tinatawagan ang lahat ng mga mag-aaral at out-of-school youth ng ating bayan sa muling pagbubukas ng ating Student Employment Assistance Program (SEAP). Sisimulan na ng Public Employment Service Office (PESO) ang pagtanggap ng mga kabataang nais maging benepisyaryo nito! Para sa mga interesadong aplikante, mag-register lamang sa link na ito:

https://tinyurl.com/smr-seap-2025

Ang nasabing aplikasyon ay bukas para sa unang 200 na aplikante. Limitado lamang ang slots para sa mga mapipiling aplikante kaya apply na!

Mahalagang paalala na kami po ay tatanggapan lamang ng aplikasyon sa link na nabanggit. Dito sa ating bayan, oportunidad ang handog namin sa iyo!

16/09/2025

Saksi ang mga bituin! Handang-handa na ba kayo, San Mateo?

Abangan ang December Avenue sa pinakamalaking tugtugan ng taon — San Mateo Rizal Grand Concert 2025!

📅 September 27, 2025
🕒 3:00 PM onwards
📍 Freedom Park, Brgy. Guitnang Bayan I, San Mateo, Rizal

Tara na’t maki-jam at makisaya, San Mateo!

09/09/2025

PABATID | San Mateo Rizal Petstival 2025

Tayo na sa pinasayang San Mateo Rizal Petstival 2025!

Muling inihahandog ngayong taon ng ating Municipal Agriculture Office at Animal Welfare Office ang San Mateo Rizal Petstival—isang araw na puno ng serbisyo, regalo, at mga papremyo para sa ating mga kababayang fur parents at sa kanilang fur babies. Magkakaroon dito ng LIBRENG anti-rabies vaccination para sa ating mga alaga, pati na rin deworming at ilang grooming services gaya ng nail trimming at ear cleaning.

Kita kits mga kababayan ngayong Sabado, ika-13 ng Setyembre 2025, sa San Mateo Municipal Stadium, Brgy. Guitnang Bayan I (sa tapat ng Super Health Center). Magsisimula ang Petstival sa ganap na ala-1 ng hapon hanggang alas-6 ng gabi kaya naman halina’t ihanda ang inyong mga fur babies sa ating natatanging selebrasyon para sa kanila ngayong Septemberfest 2025!