Ulot Watershed Model Forest

17/09/2026

𝐋𝐎𝐎𝐊: Our Eco Instructors and Eco Facilitators joined the ongoing Adlaw Para Ha Barangay: Serbisyo Diretso Ha Tawo in Barangay San Isidro, bringing environmental learning closer to children in the community.

The children were introduced to the importance of understanding nature, caring for their surroundings, and taking simple actions to help protect the environment.

By bringing these lessons directly to the barangay, environmental education becomes more accessible and meaningful, helping children develop a deeper appreciation for nature and a sense of responsibility toward the environment they will inherit.

03/09/2026

03/09/2026

09/06/2026

𝐓𝐚𝐭𝐥𝐨𝐧𝐠 𝐄𝐝𝐢𝐬𝐲𝐨𝐧, 𝐈𝐬𝐚𝐧𝐠 𝐋𝐚𝐲𝐮𝐧𝐢𝐧: 𝐍𝐂𝐒 𝐄𝐜𝐨-𝐋𝐞𝐚𝐫𝐧𝐢𝐧𝐠 𝐂𝐚𝐦𝐩, 𝐩𝐚𝐭𝐮𝐥𝐨𝐲 𝐧𝐚 𝐧𝐚𝐠𝐩𝐚𝐩𝐚𝐭𝐢𝐛𝐚𝐲 𝐧𝐠 𝐤𝐚𝐛𝐚𝐭𝐚𝐚𝐧𝐠 𝐭𝐚𝐠𝐚𝐩𝐚𝐠-𝐢𝐧𝐠𝐚𝐭 𝐧𝐠 𝐤𝐚𝐥𝐢𝐤𝐚𝐬𝐚𝐧

Isinagawa ang post-test bilang panghuling bahagi ng ikatlong Nature and Climate School (NCS) Eco-Learning Camp upang masukat ang antas ng natamong kaalaman ng 22 eco-learners matapos ang dalawang araw ng eco-learning activities sa Paranas.

Bilang paghahanda, nagsagawa rin ng quiz bee ang bawat grupo bilang masiglang review ng mga aral mula sa kagubatan, ilog, sakahan, at renewable energy discussions na humubog sa kabuuang karanasan ng camp.

Sa mensahe ni Municipal Administrator Mae Derby Babalcon, binigyang-diin ang mahalagang papel ng kabataan bilang katuwang sa pangangalaga ng kalikasan at sa pagpapatuloy ng mga inisyatibang pangkapaligiran sa komunidad.

Nagbasa rin ng commitment statement ang mga eco-learners bilang personal at kolektibong paninindigan para sa inang kalikasan.

Matapos ito, iginawad naman ang mga sertipiko sa mga partner organizations ng Ulot Watershed Model Forest (UWMF) at sa mga eco-learners, kalakip ang school supplies set na magagamit nila sa pagpasok sa paaralan sa susunod na linggo.

Mula sa pilot testing noong Pebrero hanggang sa unang dalawang batches noong Mayo at Hunyo 2026, umabot na sa 60 eco-learners ang nabigyan ng eco-learning experience ng Nature and Climate School (NCS) Eco-Learning Camp sa Paranas.

Sa tatlong matagumpay na implementasyon, patuloy na pinagtitibay ng programa ang layunin nitong hubugin ang kamalayan at paninindigan ng kabataan sa pangangalaga ng kalikasan, kasabay ng pagpapalalim ng pag-unawa sa mga ekosistemang bumubuo sa Ulot Watershed at Samar Island Natural Park.

08/06/2026

𝐄𝐜𝐨-𝐋𝐞𝐚𝐫𝐧𝐢𝐧𝐠 𝐬𝐚 𝐢𝐥𝐨𝐠, 𝐦𝐚𝐬 𝐩𝐢𝐧𝐚𝐬𝐚𝐲𝐚 𝐧𝐠 𝐔𝐥𝐨𝐭 𝐛𝐨𝐚𝐭 𝐫𝐢𝐝𝐞 𝐞𝐱𝐩𝐞𝐫𝐢𝐞𝐧𝐜𝐞

Sa paglusong sa Ulot River, sabay na bumuhay sa damdamin ng eco-learners ng Nature and Climate School (NCS) Eco-Learning Camp ang alon, hangin, at tanawin ng ilog na naging huling learning site ng kanilang paglalakbay.

Bagama’t pinaikli ang ruta bilang safety measure, nanatiling buhay ang excitement ng mga kabataan habang ginagabayan sila ng mga TORPEDO boatmen at river guides na bihasa sa daloy ng Ulot River at sa pag-iingat sa mga bumibisita rito.

Matapos ang boat ride ng bawat grupo, nagkaroon ng pagkakataon ang mga eco-learners na maligo sa ilog sa mahigpit na patnubay ng mga eco-facilitators at ng Municipal Disaster Risk Reduction and Management Office (MDRRMO) ng Paranas, na tiniyak ang kaligtasan ng buong aktibidad.

Sa pagitan ng tawanan sa tubig at kwentuhan sa pampang, kapansin-pansin ang presensya ng mga TORPEDO guides bilang bahagi ng karanasang ito — mga taong hindi lamang nagmamaneho ng bangka, kundi nagsisilbing tagapag-alaga ng ilog at tulay sa pagitan ng kalikasan at ng mga kabataang unti-unting natututo rito.

Sa huling pagdaloy ng Ulot River experience, sabay na naipakita ang dalawang bagay: ang saya ng pagkatuto sa kalikasan, at ang mahalagang papel ng mga komunidad na araw-araw na nagbabantay at nagpoprotekta sa ilog.

08/06/2026

𝐌𝐠𝐚 𝐩𝐮𝐧𝐨 𝐧𝐠 𝐛𝐮𝐤𝐚𝐬, 𝐢𝐭𝐢𝐧𝐚𝐧𝐢𝐦 𝐧𝐠 𝐞𝐜𝐨-𝐥𝐞𝐚𝐫𝐧𝐞𝐫𝐬

Sa tahimik na pampang ng Ulot River, sabay-sabay na ibinaon ng eco-learners ng Nature and Climate School (NCS) Eco-Learning Camp ang kanilang mga Red Lauan seedlings sa riparian zone ng Brgy. Tenani, Paranas, Hunyo 5.

Bawat isa ay may kalakip na pangalan, petsa ng pagtatanim, at uri ng punong itinanim.

Ang mga punlang ito ay inihanda pa mula sa BOSIS Farm noong nakaraang araw, at ngayon ay itinuring bilang konkretong ambag ng kabataan sa pagpapatatag ng tabing-ilog at pangangalaga sa ekosistema ng Ulot River.

Ipinaliwanag sa mga eco-learners na ang mga nakalagay na label ay hindi lamang pagkakakilanlan ng punla, kundi magsisilbing paalala sa kanilang pagbabalik sa lugar sa hinaharap kung saan makikita nila ang paglago ng punong kanilang itinanim bilang sukatan ng kanilang naging bahagi sa conservation effort.

Itinanim ang mga puno sa riparian zone, na kinikilala bilang mahalagang bahagi ng ilog dahil sa papel nito sa pag-iwas sa soil erosion at pagpapanatili ng kalusugan ng water system.

08/06/2026

𝐔𝐥𝐨𝐭 𝐑𝐢𝐯𝐞𝐫, 𝐧𝐚𝐠𝐢𝐧𝐠 𝐥𝐚𝐛𝐨𝐫𝐚𝐭𝐨𝐫𝐲𝐨 𝐧𝐠 𝐞𝐜𝐨-𝐥𝐞𝐚𝐫𝐧𝐞𝐫𝐬

Hindi ordinaryong paglalakad sa tabing-ilog ang sumalubong sa eco-learners sa ikalawang araw ng Nature and Climate School (NCS) Eco-Learning Camp sa Ulot River vicinity, Brgy. Tenani, Paranas, kundi isang masusing pagtingin sa buhay na umiikot sa tubig at mga ekosistemang kaakibat nito.

Sa pangunguna ni Dr. Edelyn Echapare ng Samar State University–Environmental Sustainability Research and Development Center (SSU-ESRDC), isinagawa ang riparian walk kung saan tinukoy at inobserbahan ng mga kalahok ang kondisyon ng riverbanks at ang kahalagahan ng mga riparian zones sa pagpapanatili ng kalinisan at kalusugan ng ilog.

Bilang bahagi ng aktibidad, kumuha rin ng water sample mula sa ilog na ginamit sa sumunod na segment na “Water Scientist of the Day.”

Sa tulong ni Andres Sequito III ng SSU-ESRDC, aktuwal na sinuri ng mga eco-learners kung ang tubig ay acidic o basic, na nagbigay sa kanila ng konkretong pag-unawa sa konsepto ng water quality assessment.

Dagdag pa sa araw ng pagkatuto, ipinakilala rin ang isang bagong segment sa eco-learning camp na nakatuon sa paunang kaalaman sa renewable energy.

Pinangunahan ito ni Jonah Radaza, Project Development Officer ng Ulot Watershed Model Forest (UWMF), kung saan tinalakay ang mga pangunahing ideya sa malinis at sustenableng pinagkukunan ng enerhiya.

Sa gitna ng paglalakad sa pampang ng Ulot at mga hands-on na aktibidad, mas lalong naging malinaw sa mga eco-learners na ang kalikasan ay hindi lamang pinagmamasdan; ito ay sinusuri, inuunawa, at pinangangalagaan.

08/06/2026

𝐄𝐜𝐨-𝐋𝐞𝐚𝐫𝐧𝐞𝐫𝐬, 𝐬𝐢𝐧𝐢𝐦𝐮𝐥𝐚𝐧 𝐚𝐧𝐠 𝐚𝐫𝐚𝐰 𝐬𝐚 𝐙𝐮𝐦𝐛𝐚 𝐚𝐜𝐭𝐢𝐯𝐢𝐭𝐲

Sa pagsalubong ng bagong araw, Hunyo 5, hindi agad seryosong talakayan ang bumungad sa 22 eco-learners ng Nature and Climate School (NCS) Eco-Learning Camp kundi masiglang galaw at ritmong pumuno sa umaga sa pamamagitan ng isang Zumba session.

Sa open space ng camp site, sabay-sabay na sumabay sa musika ang mga kalahok bilang bahagi ng morning energizer, na nagbigay sigla matapos ang magdamag na camping experience sa Ulot River area.

Ang aktibidad ay nagsilbing warm-up hindi lamang ng katawan kundi pati na rin ng enerhiya ng grupo para sa mga nakatakdang learning activities sa buong araw.