ARA si Mitang Magbanua

ARA si Mitang Magbanua ARA si Mitang Magbanua is the Official page of Vice Governor James "Mitang" Magbanua. IG: https://www.instagram.com/arasimitangmagbanua/
(7)

COMMUNITY HEALTH VOLUNTEERS SANG SYUDAD SANG ROXAS, NAGBATON SANG ILA INSENTIBONalab-ot sa 1,097 ka mga Community Health...
17/06/2026

COMMUNITY HEALTH VOLUNTEERS SANG SYUDAD SANG ROXAS, NAGBATON SANG ILA INSENTIBO

Nalab-ot sa 1,097 ka mga Community Health Volunteers (CHW) ang nakabaton sang ila Service Incentives halin sa aton Gobyerno Probinsyal, bilang pagpasalamat sa ila walay untat nga pagpangabudlay kag pagbulig sa pagpalapnag sang ikaayong lawas sa Syudad sang Roxas.

Ginpaabot gid ni Vice Gov. James “Mitang” Magbanua ang iya personal nga pagpasalamat sa aton CHWs.

Suno sa iya, nangin maayo ang kahimtangan sang mga kabarangayan bangud may yara sang mga maayo nga tawo kapareho sang mga CHWs nga nagapatigayon para matuman ang proyekto sang aton Gobyerno Probinsyal.

Ginpaabot man niya iya bug-os nga pagpasalamat kay Gov. Fredenil “Oto” Castro tungod nakita gid niya kag ginahatagan sang pabuya ukon insentibo ang serbisyo sang aton mga CHWs.

BAG-O NGA REGIONAL DIRECTOR SANG PNP REGION VI, NAGKORTESIYA KAY VICE GOV. MAGBANUA.Mainit nga gin abi-abi ni Vice Gover...
16/06/2026

BAG-O NGA REGIONAL DIRECTOR SANG PNP REGION VI, NAGKORTESIYA KAY VICE GOV. MAGBANUA.

Mainit nga gin abi-abi ni Vice Governor James “Mitang” Magbanua si PBGEN Randulf T. Tuaño sa iya pagbisita sa Probinsya sang Capiz.

Si PBGEN Tuaño, tumandok sang Cavite, ang na-appoint bilang bag-o nga Regional Director sang Police Regional Office sang Rehiyon VI. Antes sang iya appointment bilang Regional Director, Siya nangin Hepe sang Public Information Offic kag Spokesperson sang PNP.

Tuyo sang pagbisita sang bag-o nga hepe ang pagpakilala sang iya programa kag proyekto sa aton rehiyon. Ginpaabot man ni Vice Gov ang iya supporta sini kag sa bag-o nga director.

Madamo gid nga salamat sa imo serbisyo sa mga pumuluyo sang Barangay Dayao, Kagawad Chad.Kabay nga dal-on ka sang mga an...
15/06/2026

Madamo gid nga salamat sa imo serbisyo sa mga pumuluyo sang Barangay Dayao, Kagawad Chad.

Kabay nga dal-on ka sang mga angheles sa paraiso.

Maayo gid nga pagpanglakaton, Kagawad Raphael “Chad” Del Rosario, Jr.

Ang Adlaw sang Independensya sang Pilipinas ginasaulog kada Hunyo 12 bilang pagdumdum sang pagdeklara sang kahilwayan sa...
11/06/2026

Ang Adlaw sang Independensya sang Pilipinas ginasaulog kada Hunyo 12 bilang pagdumdum sang pagdeklara sang kahilwayan sang pungsod halin sa pagdumala sang Espanya sang Hunyo 12, 1898.

Gindeklara ini ni Emilio Aguinaldo sa Kawit, sa sini nga adlaw, una nga ginbayaw ang bandera sang Pilipinas kag ginpatukar ang pambansang awit.

Ang selebrasyon nagapakita sang pagpasidungog sa mga bayani nga nagpakigbato para sa kahilwayan kag paghiliusa sang pungsod.

Ang Hunyo 12 nagapahanumdom sa aton nga ang kahilwayan gin-angkon pinaagi sa kaisog, sakripisyo, kag paghigugma sa pungsod.

Kabay pa nga mangin inspirasyon ini sa aton nga magbinuligay kag mangin isa ka responsable nga pumuluyo.

GUGMA MEDICAL AND DENTAL MISSION, GINDALA SA BANWA SANG DAOMadamo nga mga residente halin sa Brgy. Centro, Malonoy, Ilas...
11/06/2026

GUGMA MEDICAL AND DENTAL MISSION, GINDALA SA BANWA SANG DAO

Madamo nga mga residente halin sa Brgy. Centro, Malonoy, Ilas Norte, kag Ilas Sur ang nakabenepisyo sa medical kag dental mission nga ginhiwat sang aton Gobyerno Probinsyal sa Banwa sang Dao.

Naghatag ini sang libre nga konsultasyon, bulong, kag dental services para sa mga pumuluyo.

Ang ini nga aktibidad nagpakita sang pagkabalaka para sa kaayuhan sang komunidad, ilabi na sa mga nagakinahanglan sang serbisyo sa ikaayong lawas.

Nagpasalamat si Vice Gov. James “Mitang” Magbanua sa aton Gobyerno Probinsyal sa pagpanguna ni Gov. Fredenil “Oto” Castro sa sini nga proyekto, nga una sa tanan ang ikaayong lawas sang mga pumuluyong Capisnon.

COMMUNITY HEALTH VOLUNTEERS SANG PRIMERO DISTRITO, NAKABATON SANG ILA AYUDA.Masobra 2,000 ka mga Community Health Volunt...
11/06/2026

COMMUNITY HEALTH VOLUNTEERS SANG PRIMERO DISTRITO, NAKABATON SANG ILA AYUDA.

Masobra 2,000 ka mga Community Health Volunteers (CHVs) sang 1st District of Capiz ang nakabaton sang ila service incentives nagikan sa aton Gobyerno Probinsyal bilang pagpasalamat sa ila padayon nga serbisyo sa komunidad.

Ang nasambit nga insentibo ginhatag bilang pagkilala sa importante nga papel sang mga boluntaryo sa paghatag sang nagkalain-lain nga serbisyo sa ikaayong lawas sa barangay.

Suno kay Vice Gov. James “Mitang” Magbanua, ang mga CHVs nangin dako nga bulig sa pagpatuman sang mga programa sang aton Gobyerno Probinsyal, lakip na ang health education, monitoring sang mga pamilya, kag pagbulig sa mga aktibidad sang barangay health centers.

Nalipay naman ang mga benepisyaryo sa pagbaton sang ila service incentives, nga ila magagamit para sa adlaw-adlaw nga panginahanglan sang ila pamilya.

Nagpasalamat man sila sa suporta kag pagkilala sang lokal nga gobyerno sa ila boluntaryo nga serbisyo.

Padayon sa guihapon ang pagpasalamat ni Vice Gov sa aton halangdon nga amay sang probinsya, Gov. Fredenil “Oto” Castro sa sini nga inisyatibo kag padayon nga supporta sa aton mga CHVs.

RACU VI Satellite Office sa Sigma, Opisyal nga ginbuksanGinhiwat ang blessing kag ribbon-cutting ceremony sang bag-o nga...
10/06/2026

RACU VI Satellite Office sa Sigma, Opisyal nga ginbuksan

Ginhiwat ang blessing kag ribbon-cutting ceremony sang bag-o nga Satellite Office sang Regional Anti-Cybercrime Unit sang Rehiyon VI sa banwa sang Sigma, Capiz.

Gintambungan ini sang mga opisyal sang Philippine National Police, lokal nga panguluhan, kag iban pa nga mga bisita.

Ang programa naglakip sang bendisyon sang opisina kag opisyal nga pag-abri sini para sa mas maayo nga serbisyo kontra cybercrime sa probinsya.

Suno kay Vice Gov. James “Mitang” Magbanua, ang bag-o nga satellite office magapalapnag sang mas madasig nga pagresponde sa mga kaso nga may kaangtanan sa online scams, cyber fraud, kag iban pa nga cyber-related nga krimen.

Ang pag-abri sang RACU VI Satellite Office ginatan-aw nga isa ka importante nga tikang sa pagpalig-on sang kampanya batok sa cybercrime.

Malipayon nga kaadlawan sa aton Mata sang Banwa.Kabay nga padayon sa guihapon ang imo pag-alagad kag maayo nga serbisyo ...
09/06/2026

Malipayon nga kaadlawan sa aton Mata sang Banwa.

Kabay nga padayon sa guihapon ang imo pag-alagad kag maayo nga serbisyo sa aton probinsya, ilabi na sa mga taga Segundo Distrito sang Capiz.

Happy birthday, BM Gilbert O. Ardivilla!

VICE GOVERNOR MAGBANUA, NAGBISITA KAG NAGHATAG SUPPLIES SA BRIGADA ESKWELA SANG DAO.Nagbisita si Vice Gov. James “Mitang...
05/06/2026

VICE GOVERNOR MAGBANUA, NAGBISITA KAG NAGHATAG SUPPLIES SA BRIGADA ESKWELA SANG DAO.

Nagbisita si Vice Gov. James “Mitang” Magbanua kag naghatag sang mga kinahanglanon nga gamit bilang suporta sa Brigada Eskwela sa nagkalainlain nga eskwelahan sa banwa.

Nakabaton ang Tabuc Elementary School sang isa ka Bluetooth speaker kag tatlo ka kahon sang bond paper.

Ang Malonoy National High School nakabaton sang isa ka kahon sang bond paper kag isa ka Bluetooth speaker.

Gindunahan man sang duha ka Bluetooth speaker ang Dao National High School, samtang isa ka Bluetooth speaker naman ang ginhatag sa Dao Elementary School.

Ang ini nga bulig nagapakita sang padayon nga suporta ni Vice Governor James “Mitang” Magbanua sa sektor sang edukasyon kag sa mga programa nga nagaluyag maghatag sang mas maayo nga kahimtangan sa pagtuon sang mga estudyante.

Malipayon nga kaadlawan sa aton halangdon kag maalwan nga Mayor sa Banwa sang Dao. Kabay padayon sa guihapon ang imo maa...
04/06/2026

Malipayon nga kaadlawan sa aton halangdon kag maalwan nga Mayor sa Banwa sang Dao.

Kabay padayon sa guihapon ang imo maayo nga serbisyo sa mga Daonhon.

Happy birthday, Mayor Jose Jimbo Barruela!

Address

Provincial Capitol
Roxas
5800

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Friday 9am - 5pm

Website

Alerts

Be the first to know and let us send you an email when ARA si Mitang Magbanua posts news and promotions. Your email address will not be used for any other purpose, and you can unsubscribe at any time.

Shortcuts

Share