ThySeed Fellowship • Quezon City

26/05/2026

Imposible sa marami na ang Diyos ay magpakumbaba at magkatawang tao—ngunit ginawa ni Kristo.

Ano pa kaya sa atin na sa simpleng pagpapakita lamang ng pagpapakumbaba ay hindi pa natin maipagkaloob minsan.

𝐈𝐦𝐢𝐭𝐚𝐭𝐢𝐧𝐠 𝐂𝐡𝐫𝐢𝐬𝐭’𝐬 𝐇𝐮𝐦𝐢𝐥𝐢𝐭𝐲 (Part 2)
Diyos na nagkatawang tao? PAANO?

Basahin natin—
Philippians 2:5-11 (ABT01) 👇
Magkaroon kayo sa inyo ng ganitong pag-iisip na na kay Cristo Jesus din naman, na siya, bagama't NASA ANYO NG DIYOS, ay hindi niya itinuring na isang bagay na dapat panghawakan ang pagiging kapantay ng Diyos, kundi HINUBARAN NIYA ANG KANYANG SARILI at kinuha ang anyong alipin na naging katulad ng tao.

At palibhasa'y natagpuan sa anyo ng tao, siya'y nagpakababa sa kanyang sarili, at naging masunurin hanggang sa kamatayan, maging sa kamatayan man sa krus.

Kaya siya naman ay itinaas ng Diyos, at siya'y binigyan ng pangalang higit sa lahat ng pangalan; upang sa pangalan ni Jesus ay lumuhod ang bawat tuhod, sa langit at sa lupa, at sa ilalim ng lupa, at ipahayag ng bawat dila na si Jesu-Cristo ay Panginoon, sa ikaluluwalhati ng Diyos Ama.

Dakilang pagpapakumababa ni Kristo.
PURIHIN ANG DIYOS!
ΧΡΙΣΤΟΣ ΚΗΡΥΣΣΕΤΑΙ

💌 Ivan Path | Day 146 - 2026

25/05/2026

Remember it's not about looking holy, that's not what the bible is teaching us. Not about our performance, not about the admiration of the people around us.
IT'S ABOUT HUMILITY. 🥰

𝐈𝐦𝐢𝐭𝐚𝐭𝐢𝐧𝐠 𝐂𝐡𝐫𝐢𝐬𝐭’𝐬 𝐇𝐮𝐦𝐢𝐥𝐢𝐭𝐲 (Part 1)
PAANO?

Philippians 2:1-4 (ABT01) 👇
[1-2] RELASYON KAY KRISTO--
Kaya nga kung mayroong anumang kasiglahan kay Cristo, kung mayroong anumang kaaliwan ng pag-ibig, kung mayroong anumang pakikisama ng Espiritu, kung mayroong anumang pagkagiliw at habag, ay lubusin ninyo ang aking tuwa sa pagkakaroon ng gayunding pag-iisip, magtaglay ng gayunding pag-ibig, na magkaisa ng diwa, at may isa lamang pag-iisip.

[3-4] RELASYON SA KAPWA--
Huwag ninyong gawin ang anuman sa pagpapaligsahan o pagmamataas, kundi sa kababaan, ituring na ang iba ay higit na mabuti kaysa inyong sarili.
Huwag tingnan ng bawat isa sa inyo ang kanyang sariling kapakanan, kundi ang kapakanan ng iba.

Remember it's not about looking holy, that's not what the bible is teaching us. Not about our performance, not about the admiration of the people around us.
IT'S ABOUT HUMILITY. 🥰

ΧΡΙΣΤΟΣ ΚΗΡΥΣΣΕΤΑΙ

💌 Ivan Path | Day 145 - 2026

25/05/2026

𝐒𝐔𝐍𝐃𝐀𝐘 𝐖𝐎𝐑𝐒𝐇𝐈𝐏 | 05.24, 2026
May's Theme: The Church
"AKO AT ANG AKING SIMBAHAN"
Text: Ephesians 2:19-22
By Ptr. Antonio Carillo
1. Church as an Assembly
a) Extension of God's family.
b) Conquered Territory
2. Me as a Church
a) Constructed by God


Tagged:
Ps. Ivan, Ps. Alvin, Ps. Elmer

24/05/2026

Does God want us to suffer for following Christ?

𝐒𝐭𝐚𝐧𝐝 𝐟𝐢𝐫𝐦 𝐢𝐧 𝐭𝐡𝐞 𝐎𝐧𝐞 𝐒𝐩𝐢𝐫𝐢𝐭
𝐎𝐧𝐞 𝐟𝐨𝐫 𝐭𝐡𝐞 𝐅𝐚𝐢𝐭𝐡 𝐨𝐟 𝐭𝐡𝐞 𝐆𝐨𝐬𝐩𝐞𝐥
Does God want us to suffer for following Christ?

Hindi po, ang katotohanan ito ang mas tamang tanong—
BAKIT MAY MGA TAONG HANDANG MANAKIT NG KAPWA DAHIL ITO AY TAGASUNOD NI KRISTO?

Walang kasalanan si Kristo, mapagmahal at mapagpatawad, and yet, maraming may ayaw sa kanya—pinatay Siya at ang mga tagasunod Niya. Si Kristo mismo ang nagsabi na daranas ng pagdurusa ang mga susunod sa kanya. (Persecution is all over the world)

NANDITO ANG SAGOT 👇
Philippians 1:27-30 (NIV)
Whatever happens, conduct yourselves in a manner worthy of the gospel of Christ. Then, whether I come and see you or only hear about you in my absence, I will know that you stand firm in the one Spirit, striving together as one for the faith of the gospel without being frightened in any way by those who oppose you. This is a sign to them that they will be destroyed, but that you will be saved—and that by God. For it has been granted to you on behalf of Christ not only to believe in him, but also to suffer for him, since you are going through the same struggle you saw I had, and now hear that I still have.

Kuha mo kapatid?
Ang pinaka dahilan kung bakit maraming galit sa mga tagasunod ni Hesus ay dahil nakatakda na ang kanilang kapahamakan sa Bibliya at di nila matanggap na kailangang sumampalataya sa iisang nagkatawang tao para lamang maligtas.

That's why we have to stand firm in the one Spirit and one Faith of the Gospel. Tibayan mo ang iyong kalooban.
ΧΡΙΣΤΟΣ ΚΗΡΥΣΣΕΤΑΙ

💌 Ivan Path | Day 144 - 2026

23/05/2026

𝐂𝐡𝐫𝐢𝐬𝐭 𝐁𝐞 𝐄𝐱𝐚𝐥𝐭𝐞𝐝
Kung ang Diyos ay hindi totoo, anong kahulugan ng buhay? Malaya tayong gawin ang anumang bagay na ating gustuhin na hindi inaalala ang buhay pagkatapos sa mundo—mabuti para sa iyo, mabuti para sa akin. May parusa mang ipapataw sa batas ng tao para sa mga nagawang paglabag pero meron naman itong hangganan. At maglalaho nalang tayong parang mga bula sa ating pagpanaw.

NGUNIT KUNG TOTOO ANG DIYOS. Karangalan kong mabuhay at mamatay na sumasampalataya sa kanya. Hindi nasayang ang pagpapagal at kawawa ang hindi sumampalataya kay Kristo.

MAGANDA NA ANG SIGURADO GAYA NI APOSTOL PABLO 👇
Philippians 1:20-21 (NIV)
I eagerly expect and hope that I will in no way be ashamed, but will have sufficient courage so that now as always Christ will be exalted in my body, whether by life or by death. For to me, to live is Christ and to die is gain.

We have our own decision in life; I choose Christ.
ΧΡΙΣΤΟΣ ΚΗΡΥΣΣΕΤΑΙ

💌 Ivan Path | Day 143 - 2026

22/05/2026

𝐂𝐡𝐫𝐢𝐬𝐭 𝐈𝐬 𝐏𝐫𝐞𝐚𝐜𝐡𝐞𝐝 (Part 2)
Sa Modern Era mas laganap at madali ang pagbabahagi ng Salita ng Diyos at maririnig natin siya kung saan-saan. Iba't-iba nga lang ang pagtanggap ng tao rito—may natutuwa, may hindi depende kung sino ang nagsasalita lalo na dito sa Pilipinas.

Ngunit kahit manggaling man yan sa bibig ng isang Pulitiko, Vlogger, Tv/Radio reporter o mga post sa social media ay hindi maalis ang katotohanang salita parin ito ng Diyos mula sa Bibliya na kailangan ng ating bayan sa panahong ito at buong mundo.

KAHIT ANO PA ANG MOTIBO TANDAAN NATIN PALAGI ITO:
Philippians 1:18 (NIV) 👇
But what does it matter? The important thing is that in every way, whether from false motives or true, Christ is preached. And because of this I rejoice.

Hindi mo kayang mag-isa lang ang pagpapalaganap ng salita ng Diyos. Kaya iba't-iba man ang pamamaraan dapat tayong magalak dahil napag-uusapan. In the end, we have no excuses na hindi natin narinig ang Gospel.

ΧΡΙΣΤΟΣ ΚΗΡΥΣΣΕΤΑΙ

💌 Ivan Path | Day 142 - 2026

21/05/2026

Ano ang nilalaman ng iyong puso tuwing nangangaral ka ng salita ng Diyos?
1. Mataas ang pangalan ng Diyos o mataas ang pangalan mo?
2. Maipakitang mas mahusay ka sa iba o maipakitang mahusay ang banal na Espiritu sa pangunguna sa iyo?
3. Patunayan ang sarili o patunayang buhay ang salita ng Diyos?
4. Itama sila o patamaan sila?

All glory to God!

𝐂𝐡𝐫𝐢𝐬𝐭 𝐈𝐬 𝐏𝐫𝐞𝐚𝐜𝐡𝐞𝐝 (Part 1)
Totoo na ang bawat nagbabahagi ng salita ng Diyos ay may iba't-ibang motibo. Positibo man o sa negatibo ang dahilan—Ito ang MINDSET ni Apostol Pablo.

Philippians 1:15-18 (ABT01) 👇
15 Tunay na ipinangangaral ng iba si Cristo dahil sa pagkainggit at sa pakikipagpaligsahan, ngunit ang iba naman ay dahil sa mabuting kalooban.
16 Ang huli ay gumagawa dahil sa pag-ibig, palibhasa'y nalalaman na ako'y itinalaga sa pagtatanggol sa ebanghelyo;
17 ngunit ipinangangaral ng una si Cristo dahil sa pagkakampi-kampi, hindi sa katapatan, na ang hangarin ay dagdagan ng hirap ang aking mga tanikala.
18 Ano nga? Kahit sa anumang paraan, maging sa pagkukunwari o sa katotohanan, ay ipinahahayag si Cristo; at sa ganito'y nagagalak ako. Oo, at ako'y patuloy na magagalak,

**TANDAAN: Ibang usapan kung false teaching. NO WAY 🙅
FALSE MOTIVE: Ano ang PUSO ng nangangaral.
FALSE TEACHING: Binabaluktot ang ARAL.

**Sa huli ipinapakita nito ang malawak na kalooban ng Diyos na minsan hindi natin maunawan ngunit ang dulo ay kapahayagan ng kanyang salita, iba-iba nga lang ng pamamaraan.

ΧΡΙΣΤΟΣ ΚΗΡΥΣΣΕΤΑΙ 👐🏻

💌 Ivan Path | Day 141 - 2026

19/05/2026

𝐏𝐫𝐚𝐲 𝐅𝐨𝐫 𝐘𝐨𝐮𝐫 𝐏𝐚𝐬𝐭𝐨𝐫
Sila ang parang mga Artista sa loob ng ating mga simbahan, nasa kanila ang ATENSYON at nasa kanila ang TENSYON.

Kaya mas lapitin sila ng tukso--Pagmamataas, Pagmamalaki, Pagnanasa sa laman, Pananalapi at marami pa. KAYA NAPAKAHALAGA NG IYONG DASAL. Ito ang magsisilbi nilang panangga sa laban na kanilang kinahaharap mapa-ministeryo man o personal.

Kasama narin sa nangangailangan ng dalangin mo ang mga leaders and fellow members sa church.
KATULAD NG HILING NI APOSTOL PABLO 👇

Ephesians 6:18-20 (ABT01)
18 Manalangin kayo sa Espiritu sa lahat ng panahon sa bawat panalangin at pagsamo. At sa bagay na ito ay maging handa na may buong pagtitiyaga at pagsusumamo para sa lahat ng mga banal.
19 Idalangin din ninyo ako upang ako'y pagkalooban ng pananalita sa pagbubukas ng aking bibig, upang ipahayag na may katapangan ang hiwaga ng ebanghelyo,
20 na dahil dito ako'y isang sugong may tanikala; upang ito'y aking maipahayag na may katapangan gaya ng nararapat na aking sabihin.

**Malaking tulong ang panalangin mo kapatid upang mas magampanan ng mga Pastor ang dapat nilang tungkulin at pagkatawag. Salamat!



💌 Ivan Path | Day 139 - 2026

18/05/2026

𝐎𝐛𝐞𝐲 𝐘𝐨𝐮𝐫 𝐏𝐚𝐫𝐞𝐧𝐭𝐬 𝐈𝐧 𝐓𝐡𝐞 𝐋𝐨𝐫𝐝
Ang pagsunod sa magulang ay hindi lamang isang kasabihan na nagmula sa tradisyon ng tao. Ito ay nagmulang utos galing sa Diyos bilang Siya ang ating pinaka magulang ay nais niyang magbigay paggalang tayo sa ating mga magulang sa laman.

NGUNIT, ANONG KLASENG PAGSUNOD ITO? 👇
Ephesians 6:1-4 (ABT01)
1 Mga anak, sundin ninyo ang inyong mga magulang sa Panginoon, sapagkat ito'y matuwid.
2 “Igalang mo ang iyong ama at ina”—ito ang unang utos na may pangako,
3 “upang maging mabuti ang inyong kalagayan at ikaw ay mabuhay nang matagal sa ibabaw ng lupa.”
4 At mga ama, huwag ninyong ibunsod sa galit ang inyong mga anak, kundi akayin ninyo sila sa pagsasanay at pangaral ng Panginoon.

**Pansin nio ba ang mga salitang "Magulang sa Panginoon"?
Sa madaling sabi, ang pagsunod ay sa magulang na 'SUMUSUNOD DIN SA PANGINOON'.
**Masakit mang aminin ngunit may mga magulang na naglalayo sa kanilang anak sa Panginoon, sila nagtuturo sa anak nila na magbisyo, makipag-away, maging mapagtaas,, maging mahalay at magaslaw, magnakaw at marami pa.
PAANO ITO SUSUNDIN AT IGAGALANG NG ISANG BATA?

**Mga Anak, ipanalangin po ninyo ang inyong mga magulang kung sila mismo ang nagbibigay kabigatan sa inyong kalooban. Mahal sila ng Diyos at yan ang dakilang paggalang na maibibigay ninyo sa kanila, ang hindi mapahamak ang kanilang kaluluwa pagdating ng araw. Purihin ang Diyos!


💌 Ivan Path | Day 138 - 2026