Kaagapay ng mga Sandigan ng Masang nasa Kalsada Inc. - Kasama Ka

03/04/2026

𝐒𝐢𝐞𝐭𝐞 𝐏𝐚𝐥𝐚𝐛𝐫𝐚𝐬 𝟐𝟎𝟐𝟔

𝐊𝐑𝐔𝐒𝐀𝐃𝐀: 𝐀𝐧𝐠 𝐊𝐫𝐮𝐬 𝐬𝐚 𝐊𝐚𝐥𝐬𝐚𝐝𝐚

Ang panahon ng Kwaresma at Semana Santa ay isang panawagan ng pagninilay-nilay sa pasyon ng ating Panginoong HesuKristo na siyang nag-alay ng kanyang buhay upang ipadama na siya ay Diyos ng mga naghihirap at Diyos ng mga dukha. Bagama’t ito ay pagbabalik-tanaw, ang panahong ito ay ang pagbabaling din ng ating pansin sa ating mga kapatid na namamalagi sa lansangan o PSDS na silang mga kasalukuyang nakapako sa krus ng kahirapan. Sila ang mga kapatid nating pasan ang krus ng gutom, diskriminasyon, at kawalan ng tahanan.

Sa gitna ng ating pag-aayuno at pananalangin, tinatawag tayo ng Simbahan na buksan ang ating mga mata at puso sa mga itinuturing na "pinakamaliit" sa ating lipunan. Sa pamamagitan ng video production na ito, nais nating ipakita na ang boses ni Hesus ay hindi lamang nagmumula sa altar o sa loob ng mga simbahan, kundi maririnig din ito sa bawat sulok ng kalsada, sa bawat kanto ng kalye, sa bawat hininga ng mga namamalagi sa bangketa.

30/03/2026

07/03/2026

A fire recently occurred in NIA Road, Brgy. Pinyahan, Quezon City, leaving several families displaced and in urgent need of assistance. We humbly appeal to your kind hearts to help support the affected families during this difficult time.
If you are able to share, you may donate any of the following items:
• Clothes (clean and in good condition)
• Mineral water
• Hygiene kits (toothbrush, toothpaste, soap, shampoo, sanitary napkins)
• Ready-to-eat food (bread, biscuits, canned goods, noodles)
• Diapers (for babies and adults)
• Slippers
📍 DROP-OFF LOCATION:
San Isidro Labrador Parish
35 Malakas St., Quezon City

Please look for Mark Maputol, RSW for coordinatio and drop-off of donations. Thank you so much!

26/02/2026

Ang masang nasa lansangan, kasama na sa pag laban!

Sa pagdiriwang ng ika-40 Anibersaryo ng EDSA People Power, naki-isa ang higit 120 na Persons in Street Dwelling Situations mula sa Diocese ng Cubao at Archdiocese ng Maynila para maki-isa sa panawagan na “Tayo ang EDSA People Power”.

Ang pag tindig ng masang nasa kalsada ay patunay na namumulat ang sambayanan sa sistemang patuloy na naglulugmok sa kagaya ng sektor ng mga PSDS.

Pinatunayan natin na hindi totoo na walang kapangyarihan ang mahihirap, mas malakas ang pagkakaisa kaysa takot, at ang pagbabagong nagsisimula sa puso ay dapat na magbunga ng pagkilos.

Maraming salamat sa suporta mula sa Bahay Mapalad, Missionary Sisters Servants of the Holy Spirit, San Isidro Labrador Parish, San Jose de Quezon City-St. Joseph Shrine, Adamson University, at RCAM Ministry with Persons in Street Dwelling Situations para sa alalay sa mga kapatid natin na tumindig para sa ating mga panawagan.

25/02/2026

HAPPENING NOW:

Persons in street-dwelling situations from Cubao, Quezon City are preparing for the Trillion Peso March in observance of the People Power Revolution Anniversary at EDSA.

Ang sigaw natin mamaya "SA KALYE, MAY PAG-ASA!"

23/02/2026

𝗦𝗔𝗩𝗜𝗡𝗚 𝗦𝗔𝗖𝗥𝗜𝗙𝗜𝗖𝗘 𝗣𝗢𝗨𝗖𝗛

Ang Kuwaresma ay panahon Fasting and Abstinence. Inilulunsad nating muli ang ating SAVING SACRIFICE POUCH. Dito natin ihuhulog at iipunin ang lahat ng natitipid natin mula sa ating mga fasting ngayong kuwaresma. Sa gayon ang ating fasting ay makapagbibigay buhay sa mga higit na nangangailangan.

Sa taong ito, ang paglalaanan natin ng ating Saving Sacrifice Pouch ay para sa pondo ng pagsasaayos ng isang Drop-in Center para sa mga Persons in Street Dwelling Situations (PSDS). Ang Drop-in center ay isang lugar kung saan maipagkakaloob sa kanila ang basic necessities na magbibigay ng dangal sa kanila kahit na sila ay nasa lansangan, katulad ng: paglilinis ng sarili, paglalaba ng damit, pagluluto ng makakain, at silungan kung sakaling may bagyo.

Ang ating mga pouch ay iaalay natin sa misa ng Holy Thursday ng hapon. Maaaring makakuha ng SAVING SACRIFICE POUCH sa ating mga Greeters and Collectors pagkatapos ng misa.

17/02/2026

17/01/2026

Maraming salamat, RADIC!

16/01/2026

Lubos ang aming pasasalamat sa bawat pusong nakiisa at nagbigay-daan sa maisakatuparan ang Himig ng Pag-Asa: Mula Sabsaban Patungong Lansangan, isang fundraising concert para sa ating mga kapatid na namamalagi sa lansangan. Ito ay matagumpay na ginanap noong Disyembre 20, 2025, sa Santo Cristo del Tesoro, Santa Isabel College of Manila.

Sa gabing iyon, ang himig ng pag-asa ay naipadama sa kanila sa pamamagitan ng musika - mula kay Hesus sa sabsaban, patungo sa mga lansangan kung saan nananahan ang ating mga kapatid hatid ang liwanag, kagalakan, at pag-asa.

Taos-puso naming pinasasalamatan ang aming mga katuwang na institusyon - Adamson University, Santa Isabel College of Manila, Santa Maria Goretti Parish, Scholars of Sustenance Philippines, at ang Roman Catholic Archdiocese of Manila sa kanilang inihandog na serbisyo at kawanggawa.

Maraming salamat din sa lahat ng nagbigay ng tulong pinansyal at mga donasyon. Ang inyong kabutihang-loob ang patuloy na nagbibigay-buhay sa aming mga adbokasiya at programa para sa ating mga kapatid na PSDS.

Pagpalain nawa tayong lahat ng Diyos!