02/08/2026
PANAGUTIN ANG MILITAR SA MGA PAGLABAG SA KARAPATANG PANTAO AT INTERNATIONAL HUMANITARIAN LAW!
ILITAW AT PALAYAIN SI BINAY SERRANO! PALAYAIN SI CRISTINA PASION!
Ngayong ika-30 ng Hulyo 2026, iligal na inaresto ng 68th Infantry Battalion, 203rd Infantry Brigade (IBde) at Philippine National Police sina Binay Serrano at Cristina Pasion kaninang ala-6 ng umaga sa Brgy. San Isidro, Cabuyao, Laguna. Sapilitang inuugnay sina Pasion at Serrano sa mga rebolusyonaryong grupong NPA ng walang ligal na at mga ispekulasyon batayan.
Habang parehas na nagpapagamot si Serrano na isang katutubong Mangyan-Buhid na organisador ng Bigkis at Lakas ng mga Katutubo sa Timog Katagalugan o BALATIK. At si Pasion ay isang Filipino-American na nagpasyang alamin ang kalagayan at makiisa sa naghihirap at inaaping mga magsasaka at katutubo ay iligal na dinakip ng pinagsamang PNP Cabuyao at CIDG Cabuyao.
Nakausap mismo ng mga paralegals kasama ng National Union of People's Lawyers o NUPL si Pasion at kasulukuyang sinisigurado ang ligtas niyang kalagayan sa kamay ng mga awtoridad.
Samantalang hindi pa rin matukoy kung nasaan si Serrano. Itinatanggi ng Cabuyao PNP at Cabuyao CIDG na nasa kanila si Serrano. Hangga't hindi siya inililitaw, tiyak na pinapasailalim siya sa matinding interogasyon at intimidasyon at sa pinakamalala ay torture.
Na karanasan na natin sa mga nakaraang mga panahon na may ganitong pangyayari. Katulad kay Mary Joyce Lizada na matapos mahuli ay hindi pinakikita sa pamilya at kahit sa mga abagado. Ang mga ganitong sistema ng mga Pulis at AFP ay hindi na bago. Lagi't lagi nila tayong pinagtuturu - turuan kung nasaan nakacostudy ang biktima ng kanilang iligal na inaresto.
Anu nga bang aasahan natin sa gubyerno at mga berdugong Pulis At militar na mga nangunguna sa paglabag sa Karapatang pantao?
Nangyari ang iligal na pag-aresto sa kanila matapos ang ‘overkill’ na military operation at engkwentro sa Brgy. Del Pilar, Naujan, Oriental Mindoro sa pagitan ng New People's Army (NPA) at pinagsamang pwersa ng 76th Infantry Batallion, 203rd Infantry Brigade, at 2nd Infantry Division ng Armed Forces of the Philippines kahapon Hulyo 29. Nagresulta ito ng pagkasawi ng 3 hinihinalaang miyembro ng NPA at pananakot at sapilitang pagpapalikas sa mga residente gamit ang mga tangke.
Ang palaging na pipinsala at apektado sa ganitong pangyayari ay ang mga sibilyan, mga magsasaka at katutubo na sapilitang lumilikas sa kanilang komunidad dahil sa banta sa kanilang buhay. Inaalisan ng karapatan ang katutubo at magsasaka na makapagtrabaho sa kanilang sakahan. Ang malala pa ay hindi na talaga sila makabalik sa kanilang sariling lupang sakahan na pinagkukunan ng kabuhayan bunga ng tuloy-tuloy na operasyon sa kanayunan, mala garisong patakaran sa mga komunidad.
Tuluy - tuloy ang mga iligal na pag -aaresto sa mga organisador at aktibista kagaya na lamang noong Sona ni Marcos Jr kung saan 51 basta nalang dinampot ng pulis.
Muling pinatutunayan ng administrasyong Marcos Jr. ang teror, panunupil, at militarisasyon pa rin ang pangunahing tugon ng estado sa mga suliranin ng mamamayan. Sa halip na tugunan ang ugat ng kahirapan at kawalan ng hustisya, patuloy nitong ginagamit ang armadong pwersa ng estado upang supilin ang mga komunidad, at protektahan at panatilihin ang mala-kolonyal at mala-pyudal na lipunan.
Naninindigan ang Tanggol Magsasaka -Timog Katagulugan na ang mga mamamayan ay dapat protektahan sa panahon ng armadong tunggalian alinsunod sa International Humanitarian Law. Nananawagan kami sa mga iba't ibang organisasyon at Commission on Human Rights na magkaroon ng independent at autonomous investigation hinggil sa nangyaring engkwentro sa Naujan.
Nagpapanawagan kami ilitaw si Binay Serrano na hanggang ngayon ay hindi pa pinapakita matapos na mahuli. At palayain si Cristina Pasion!
Isulong ang International Humanitarian Law!
Ilitaw at palayain si Binay Serrano!
Palayain si Cristina Pasion!
