DRHS Social Studies Club

03/08/2025

🌏✨ Mabuhay, Kabataang ASEAN! ✨🌏

Ngayong Agosto, ipinagdiriwang din natin ang ASEAN Month bilang pagkilala sa pagkakaisa, pagkakaibigan, at pagtutulungan ng mga bansa sa Timog-Silangang Asya!

💫 Sa temang "FORGING AHEAD TOGETHER," ating pagyamanin ang pagkakakilanlan bilang bahagi ng ASEAN, at pahalagahan ang kultura, kapayapaan, at kaunlaran sa ating rehiyon.

03/08/2025

CALENDAR OF ACTIVITIES

03/08/2025

🪶✨ Inaanyayahan ang Lahat sa mga Kapana-panabik na Gawain para sa Pagdiriwang ng Buwan ng Kasaysayan! ✨📜
Ikinalulugod naming imbitahan ang aming kapwa Rosarians na makibahagi sa mga makabuluhang aktibidad bilang bahagi ng Pagdiriwang ng History Month 2025, na naglalayong itaguyod ang pagpapaigting ng kamalayang pangkasaysayan, pagtuturo ng kritikal na pag-unawa sa mga kabataan, at pagpapalaganap ng kulturang makabayan!

🗓️ Kalendaryo ng mga Gawain:
📌 Agosto 4–8 – Paligsahan sa Paglikha ng Slogan at Poster
📌 Agosto 11 – KASiklaban – Quiz Bee Competition
📌 Agosto 12–15 – Pagsusumite ng MARKAsaysayan Digital Photography Entry
📌 Agosto 18–19 – Kasaysayan sa Lente Film Viewing
📌 Agosto 26 – Pagtatapos na Gawain (Culminating Activity)
🧠 Tara na’t sariwain ang ating kasaysayan!

Ang kasaysayan ay buhay, at bahagi tayo ng patuloy nitong pagsasalaysay. Sama-sama nating tuklasin ang kahalagahan ng nakaraan sa paghubog ng mas maliwanag na kinabukasan!
📍 Para sa karagdagang detalye, makipag-ugnayan sa inyong g**o sa Araling Panlipunan o abangan ang mga anunsyo sa opisyal na pahina ng paaralan.

03/08/2025

Ang Dalubhasa ng T'nalak

Kilala si Lang Dulay bilang isang batikang manghahabing T'boli na nanguna sa pagpapanatili at pagtataguyod ng orihinal na disenyo ng katutubong sining ng T'nalak. Isa siyang bihasa sa paghahabi nito, at tinatayang higit sa isandaang disenyo ng T'nalak ang kanyang kabisado—mga disenyong nagmula sa kanyang mga panaginip, ayon sa paniniwala ng kanilang kultura.

Sa paggunita ng kanyang kaarawan ngayong ika-3 ng Agosto, atin siyang alalahanin at bigyang-pugay sa kanyang mahalagang ambag sa sining at kultura ng ating bansang Pilipinas. Patuloy nating pahalagahan at hangaan ang mayamang kultura ng mga T'boli—isang pamana na kanyang buong pusong iningatan at ipinasa sa susunod na henerasyon.

🖋 Kapsyon: Yohan Franchezka C. Literatus
🖼️ Pubmat: Josh Kyrie M. Brazil

01/08/2025

""Wika ay kaluluwa ng isang kultura."

Isang pagpupugay sa Ama ng Wikang Pambansa!

Sa kanyang pagpanaw, iniwan niya sa atin ang isang pamanang tumitibay sa pagkakakilanlan at pagmamahal sa bayan.

Mas pagyamanin pa natin ito. Hindi man niya nasilayan ang ganap na kalayaan, Siya ang nagtanim ng binhi nito.

Saludo kami saiyo, Manuel L. Quezon!




🖋 Kapsyon: Casey Jael V. Recamadas
🖼️ Pubmat: Kimberly Nicole B. Caol-olan

01/08/2025

🗓️ PRESIDENT CORAZON AQUINO – IKA-16 NA ANIBERSARYO NG KANIYANG PAGKAMATAY

Ngayong araw, ating ginugunita ang ika-16 na anibersaryo ng pagpanaw ng dating Pangulo ng Pilipinas, Corazon “Cory” Aquino, ang kauna-unahang babaeng pangulo ng bansa at simbolo ng mapayapang rebolusyon.

🌼 Si Cory Aquino ay kinikilalang Ina ng Demokrasya, na muling nagpanumbalik ng kalayaan at demokrasya sa ating bansa matapos ang 20 taong diktadurya sa ilalim ng rehimeng Marcos.

Ang kanyang matatag na diwa ng pagmamahal sa bayan, pananampalataya, at mapayapang pakikibaka para sa katotohanan at hustisya ay patuloy na nagsisilbing inspirasyon sa bawat Pilipino — lalo na sa kabataang patuloy na nangangarap ng isang mas maayos at makatarungang lipunan.

🕊️ Sa kanyang alaala, nawa’y magpatuloy tayong maging tagapagtanggol ng mga prinsipyong kanyang ipinaglaban: kalayaan, katotohanan, at pagkakaisa.

💛 "The Filipino is worth dying for." – Cory Aquino

🖋 Kapsyon: Jeremiah E. Occeña
🖼️ Pubmat: Yohan Franchezka C. Literatus

01/08/2025

Handa ka na bang matuto at makilahok sa mga patimpalak pangkasaysayan? 🧠 💡

Baka ikaw na ang susunod na kampeon!

Lilipad na ang ating team sa pagsisimula ng buwan ng Agosto. Abangan! ✈️

29/07/2025

NHCP Events for August 2 - 3 Gateway Mall Cubao Quezon City

If free kayo sa weekend fellow Rosarians. Gora na! Maari nyong marating ang Araneta Gateway sa pamamagitan ng QC Bus. Maglakbay ng libre! 🚌📜

25/07/2025

Bilang pakikiisa maaring gamitin ang official profile picture border na nilikha ng NHCP para sa Buwan ng Kasaysayan.

𝗔-𝗬𝗔𝗡 𝗡𝗔!

Samahan natin si Yani, ang mascot ng ating campaign, sa ating pagdiriwang ng Buwan ng Kasaysayan sa pamamagitan ng paggamit ng ating display picture frame.

Pwede itong makita sa https://www.twibbonize.com/buwanngkasaysayan2025 o ma-download kasama ng iba pa naming materials sa https://bit.ly/HistoryMonth2025-Kit.