https://www.facebook.com/423898380984030/

UP LAKAN Diliman, University of the Philippines Diliman, Quezon City (2026)

Q: What is the address?

University Of The Philippines Diliman

01/05/2026

𝗨𝗥𝗜𝗡𝗚 𝗠𝗔𝗡𝗚𝗚𝗔𝗚𝗔𝗪𝗔, 𝗛𝗨𝗞𝗕𝗢𝗡𝗚 𝗠𝗔𝗣𝗔𝗚𝗣𝗔𝗟𝗔𝗬𝗔

Sa pagdiriwang ng ika-124 na Araw ng Manggagawa ngayong Mayo Uno, muling umiigting ang panawagan ng mga manggagawa sa buong bansa: makatarungang sahod, mas mababang buwis at mas malawak na karapatan sa paggawa. Sa kabila ng mahalagang papel ng uring manggagawa sa pagpapatakbo ng ekonomiya, nananatiling salat ang kanilang tinatanggap na sahod kumpara sa lumulobong presyo ng mga pangunahing bilihin at serbisyo.

Layunin ng mga mobilisasyon ngayong Mayo Uno na ipakita ang lumalawak na agwat sa pagitan ng kinikita ng manggagawa at ng aktwal na gastusin sa araw-araw. Habang patuloy na tumataas ang presyo ng pagkain, pamasahe, at iba pang pangangailangan, nananatiling mabagal at kulang ang pagtaas ng sahod—isang sitwasyong lalong nagpapabigat sa buhay ng karaniwang manggagawa.

Isang malinaw na halimbawa nito ang nangyari sa mga manggagawa ng Kowloon House West, kung saan ilang araw lamang matapos ang tagumpay sa pagpapatupad ng P20 na wage compliance, 80 manggagawa ang nakatanggap ng abiso ng terminasyon dahil umano sa “health issues.” Ayon sa unyon, itinuturing itong ganting hakbang ng pamunuan matapos ang anim na araw na welga at ang paglagda ng kasunduan sa pagitan nila at ng Glowhrain-KMU Kowloon House West Chapter. Ipinapakita nito ang patuloy na pagsikil sa karapatan ng mga manggagawang nagtatangkang ipaglaban ang nararapat sa kanila.

Hindi nalalayo rito ang danas ng mga manggagawang Bulakenyo. Sa kasalukuyan, ang minimum wage sa Gitnang Luzon, kung saan kabilang ang Bulacan, ay nasa humigit-kumulang P515 - P600 kada araw, nakadepende pa sa sektor na kinabibilangan. Isang halagang malayo sa tinatayang family living wage na P1,100 na kinakailangan upang matustusan ang disenteng pamumuhay ng isang pamilya. Sa harap ng mataas na presyo ng bilihin at buwis na patuloy na kumakaltas sa kanilang kita, lalo pang lumalalim ang kahirapan sa hanay ng mga manggagawa.

Sa ganitong konteksto, ang Mayo Uno ay hindi lamang paggunita kundi isang panawagan. Panawagan ito sa pamahalaan na agarang itaas ang sahod, repasuhin ang mga polisiyang nagpapabigat sa manggagawa, at tiyakin ang ganap na proteksyon sa karapatan sa pag-uunyon at kolektibong pakikipagtawaran. Ang isyu ng sahod ay hindi lamang usapin ng ekonomiya, kundi usapin ng buhay, dignidad, at katarungan.

Sa kabila ng mga hamon, nananatiling matatag ang paninindigan ng uring manggagawa. Sa pagkakaisa ng mga manggagawa sa lungsod man o probinsya—tulad sa Bulacan—mas lalong lumalakas ang panawagan para sa makatarungang sahod at makataong kundisyon sa paggawa.

Gayunpaman, hindi maikakaila na ang mga suliraning ito ay nakaugat sa mas malawak na estruktura ng kasalukuyang sistemang pang-ekonomiya, kung saan inuuna ang tubo kaysa kapakanan ng manggagawa. Sa ilalim ng ganitong kaayusan, nagiging normal ang mga polisiyang tulad ng ENDO o kontraktwalisasyon na nagpapahina sa seguridad sa trabaho at karapatan ng manggagawa. Sa halip na tunay na proteksyon, nagiging pansamantalang benepisyo lamang ang iniaalok—habang nananatiling hindi natutugunan ang ugat ng kawalang-katiyakan sa paggawa.

Kung gayon, ang panawagan para sa makatarungang sahod ay hindi lamang usapin ng dagdag-kita, kundi bahagi ng mas malawak na laban para sa disenteng trabaho, seguridad sa hanapbuhay, at makataong pagtrato sa paggawa. Hindi sapat ang bahagyang reporma kung nananatiling buo ang mga estrukturang nagpapahintulot sa pagsasamantala.

𝗞𝘂𝗻𝗴 𝗵𝗶𝗻𝗱𝗶 𝗸𝗶𝗸𝗶𝗹𝗼𝘀 𝗮𝗻𝗴 𝗲𝘀𝘁𝗮𝗱𝗼 𝘂𝗽𝗮𝗻𝗴 𝘁𝘂𝗴𝘂𝗻𝗮𝗻 𝗮𝗻𝗴 𝗹𝘂𝗺𝗮𝗹𝗮𝗹𝗮𝗻𝗴 𝗮𝗴𝘄𝗮𝘁 𝘀𝗮 𝘀𝗮𝗵𝗼𝗱 𝗮𝘁 𝗴𝗮𝘀𝘁𝘂𝘀𝗶𝗻, 𝗺𝗮𝗻𝗮𝗻𝗮𝘁𝗶𝗹𝗶𝗻𝗴 𝗵𝘂𝗻𝗴𝗸𝗮𝗴 𝗮𝗻𝗴 𝗽𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗔𝗿𝗮𝘄 𝗻𝗴 𝗠𝗮𝗻𝗴𝗴𝗮𝗴𝗮𝘄𝗮—𝗶𝘀𝗮𝗻𝗴 𝘀𝗲𝗹𝗲𝗯𝗿𝗮𝘀𝘆𝗼𝗻 𝗻𝗮 𝘄𝗮𝗹𝗮𝗻𝗴 𝘁𝘂𝗻𝗮𝘆 𝗻𝗮 𝗽𝗮𝗴𝗸𝗶𝗹𝗮𝗹𝗮 𝘀𝗮 𝗱𝗶𝗴𝗻𝗶𝗱𝗮𝗱 𝗻𝗴 𝗽𝗮𝗴𝗴𝗮𝘄𝗮.

𝗦𝗔𝗛𝗢𝗗 𝗜𝗧𝗔𝗔𝗦, 𝗕𝗨𝗪𝗜𝗦 𝗜𝗕𝗔𝗕𝗔!
𝗡𝗔𝗞𝗔𝗕𝗨𝗕𝗨𝗛𝗔𝗬 𝗡𝗔 𝗦𝗔𝗛𝗢𝗗, 𝗜𝗣𝗔𝗚𝗟𝗔𝗕𝗔𝗡!

Isinulat ni Ails Benedict Macababbad
PubMat ni Aaliyah Jemuelle Aduna

24/04/2026

𝗛𝗨𝗦𝗧𝗜𝗦𝗬𝗔 𝗣𝗔𝗥𝗔 𝗦𝗔 𝗧𝗢𝗕𝗢𝗦𝗢 𝟭𝟵!

Narito ang nagkakaisang pahayag ng UP LAKAN Diliman, UP LAKAN Baguio, at UP LAKAN Clark hinggil sa masaker sa Toboso, Negros Occidental noong Abril 19, 2026.

Kaisa ng UP LAKAN, samahan ng mga Bulakenyong Iskolar ng Bayan, ang komunidad ng Unibersidad ng Pilipinas sa pagpapahayag ng mariing pagkondena at pakikidalamhati sa walang habas na pagpaslang kina Alyssa “Aly” Alano, isang Iskolar ng Bayan at Konsehal ng Konseho ng mga Mag-aaral ng UP Diliman; RJ Ledesma, isang community journalist para sa Paghimutad; Maureen “Mau” Keil Santuyo, mula sa UP Open University; Errol Wendel, isang community researcher at organisador; at labinlima pang boses na marahas na pinatahimik sa Toboso, Negros Occidental.

Muli, ang UP LAKAN ay magiging kaisa ng masa at kaisa sa paniningil ng hustisya. Hindi kayang patikumin ng pasismo ang Bulakenyong Iskolar ng Bayan na walang ibang hangad kun’di ang katarungan at ganap na paglaya ng sambayanan.

22/04/2026

𝗛𝗘𝗟𝗟𝗢𝗢𝗢 𝗨𝗣𝗣𝗣!!!! 🫨🫨 𝗨𝗡𝗜𝗩𝗘𝗥𝗦𝗜𝗧𝗬 𝗢𝗙 𝗧𝗛𝗘 𝗣𝗛𝗜𝗟𝗜𝗣𝗣𝗜𝗡𝗘𝗦!!!! ‘𝗘𝗧𝗢 𝗡𝗔 ‘𝗞𝗢𝗢𝗢!!!! 😭📣

𝗣𝗔𝗚𝗕𝗔𝗧𝗜, 𝗠𝗚𝗔 𝗕𝗔𝗚𝗢𝗡𝗚 𝗜𝗦𝗞𝗢𝗟𝗔𝗥 𝗡𝗚 𝗕𝗔𝗬𝗔𝗡! 🌻

Malugod na binabati ng UP LAKAN Diliman ang lahat ng matagumpay na nakapasa sa UPCAT 2026! Sa bawat isa, saludo kami sa inyong sipag at tiyaga, at lalong-lalo na sa ating kapwa Bulakenyo, tunay naming ipinagmamalaki ang inyong tagumpay!

Kinikilala rin namin ang lahat ng kumuha ng UPCAT. Ang inyong tapang na sumubok ay isang tagumpay na rin sa sarili niyo. Ang laban ay hindi natatapos sa isang pagsusulit—patuloy itong isinusulong sa iba’t ibang landas na inyong tatahakin. ✊

Hindi naging madali ang paglalakbay, ito ay punong-puno ng kaba, pagod, at sakripisyo. Ngunit pinatunayan ninyo na kayang-kaya ninyo. Ang bawat hakbang ninyo patungo sa tagumpay ay sumasalamin sa lakas at determinasyon ng kabataang Pilipino.

Sa inyong pagpasok sa Unibersidad ng Pilipinas, nawa’y patuloy ninyong dalhin ang galing, puso, at paninindigan sa paglilingkod sa bayan. Bilang mga bagong Iskolar ng Bayan, kayo ang magsisilbing ilaw at pag-asa ng ating lipunan. Gamitin ang inyong talino hindi lamang para sa sarili, kundi para sa kapakanan ng nakararami. 🎉

𝗣𝗮𝗱𝗮𝘆𝗼𝗻, 𝗺𝗴𝗮 𝗜𝘀𝗸𝗼𝗹𝗮𝗿 𝗻𝗴 𝗕𝗮𝘆𝗮𝗻! 💚✨

📝 Evensie Mirandilla
🖼️ Elise Cassandra Salao

10/04/2026

Maligayang kaarawan, Eimee! Mahal ka ng UP LAKAN! 💚

[𝗣𝗨𝗕𝗔𝗧𝗜]

Mula kay: Matt
Maligayang pagbati sa iyong kapanganakan tropapips. Nawa'y makinig ang mundo sa iyong mga kahilingan at kagustuhan. Mabuhay ka hanggang sa gusto mo. Amen.

09/04/2026

𝗧𝘂𝗻𝗮𝘆 𝗻𝗮 𝗞𝗮𝗴𝗶𝘁𝗶𝗻𝗴𝗮𝗻 ✊️✨️

Tayo ngayon ay nakatayo sa isang mahalagang sangandaan ng ating kasaysayan. Ang 𝗔𝗿𝗮𝘄 𝗻𝗴 𝗞𝗮𝗴𝗶𝘁𝗶𝗻𝗴𝗮𝗻 ay hindi lamang isang tuyot na alaala sa mga aklat o malamig na estatwa sa mga monumento—𝗶𝘁𝗼 𝗮𝘆 𝗶𝘀𝗮𝗻𝗴 𝗯𝘂𝗵𝗮𝘆 𝗻𝗮 𝗽𝗮𝗮𝗹𝗮𝗹𝗮 𝗻𝗮 𝗮𝗻𝗴 𝗮𝘁𝗶𝗻𝗴 𝗽𝗮𝗸𝗶𝗸𝗶𝗯𝗮𝗸𝗮 𝗽𝗮𝗿𝗮 𝘀𝗮 𝗶𝘀𝗮𝗻𝗴 𝗹𝗶𝗽𝘂𝗻𝗮𝗻𝗴 𝘁𝘂𝗻𝗮𝘆 𝗻𝗮 𝗺𝗮𝗹𝗮𝘆𝗮 𝗮𝘁 𝗺𝗮𝗸𝗮𝘁𝗮𝗿𝘂𝗻𝗴𝗮𝗻 𝗮𝘆 𝗵𝗶𝗻𝗱𝗶 𝗽𝗮 𝗻𝗮𝘁𝗮𝘁𝗮𝗽𝗼𝘀.

Bilang mga anak ng Bulacan—ang lalawigang nagsilbing duyan ng Republika at humubog sa napakaraming bayani ng ating bansa—hindi natatapos sa paggunita ang ating tungkulin. Kung noon ay ang matalas na pluma ni Plaridel at ang dakilang tapang ng mga Kababaihan ng Malolos ang ginamit upang gisingin ang diwa ng nasyon, ngayon ay hinahamon tayong magsalita at kumilos sa gitna ng talamak na disimpormasyon, sistematikong panunupil, at ang patuloy na pagyurak sa karapatan at dangal ng mamamayan.

Ang pag-alala sa nakaraan ay nawawalan ng saysay kung hindi natin ito iuugnay sa mahahayap na realidad ng kasalukuyan. Sa harap ng mga banta sa ating soberanya, sa krisis sa kabuhayan na pumipilay sa ating mga magsasaka at manggagawa, at sa mga mapangahas na pagtatangkang baluktutin ang ating kasaysayan, malinaw ang panawagan: 𝗮𝗻𝗴 𝗸𝗮𝘁𝗮𝗵𝗶𝗺𝗶𝗸𝗮𝗻 𝗮𝘆 𝗵𝗶𝗻𝗱𝗶 𝗸𝗮𝗶𝗹𝗮𝗻𝗺𝗮𝗻 𝗻𝗮𝗴𝗶𝗻𝗴 𝗮𝗻𝘆𝗼 𝗻𝗴 𝗸𝗮𝗴𝗶𝘁𝗶𝗻𝗴𝗮𝗻. 𝗔𝗻𝗴 𝗽𝗮𝗴-𝗶𝘄𝗮𝘀 𝘀𝗮 𝗽𝗮𝗴𝘁𝗶𝗻𝗱𝗶𝗴 𝗮𝘆 𝗽𝗮𝗴𝗽𝗮𝗻𝗶𝗴 𝘀𝗮 𝗺𝗴𝗮 𝗺𝗮𝗽𝗮𝗻𝗴-𝗮𝗽𝗶.

Bilang mga Iskolar ng Bayan, dala natin ang mabigat na responsibilidad na ipagtanggol ang katotohanan at manindigan para sa kapakanan ng nakararami. Ang kagitingan sa makabagong panahon ay nasusukat sa lakas ng loob na basagin ang pader ng kawalan ng malay, sa paninindigang hindi natitinag ng takot, at sa pagkilos para sa mga nasa laylayan ng lipunan—mula sa malalawak na bukirin ng ating lalawigan hanggang sa mga komunidad na pilit na pinatatahimik.

Sa araw na ito, higit sa simpleng pagpupugay, ang panawagan ng UP LAKAN Diliman ay isang hamon para sa sama-samang pagkilos. Huwag tayong manatiling p**ing saksi sa harap ng inhustisya. Dalhin natin ang diwa ng kagitingan lampas sa Diliman—𝗽𝗮𝗯𝗮𝗹𝗶𝗸 𝘀𝗮 𝗮𝘁𝗶𝗻𝗴 𝗺𝗴𝗮 𝗯𝗮𝘆𝗮𝗻 𝘀𝗮 𝗕𝘂𝗹𝗮𝗰𝗮𝗻 𝗮𝘁 𝘀𝗮 𝗯𝗮𝘄𝗮𝘁 𝘀𝘂𝗹𝗼𝗸 𝗻𝗴 𝗯𝗮𝗻𝘀𝗮 𝗻𝗮 𝗻𝗮𝗻𝗴𝗮𝗻𝗴𝗮𝗶𝗹𝗮𝗻𝗴𝗮𝗻 𝗻𝗴 𝗯𝗼𝘀𝗲𝘀 𝗮𝘁 𝗺𝗮𝘁𝗮𝗽𝗮𝗻𝗴 𝗻𝗮 𝗽𝗮𝗴𝘁𝗶𝗻𝗱𝗶𝗴.

Sa ganitong paraan nagiging tunay ang kagitingan: hindi sa pag-aalay ng bulaklak, kundi sa pagpiling tumindig—araw-araw—para sa kalayaan, katarungan, at dangal ng bawat Pilipino.

𝙋𝙖𝙜𝙡𝙞𝙣𝙜𝙠𝙪𝙧𝙖𝙣 𝙖𝙣𝙜 𝙨𝙖𝙢𝙗𝙖𝙮𝙖𝙣𝙖𝙣! 🇵🇭

Isinulat ni John Paul Magabo
PubMat ni Justin Edward Raymundo

07/04/2026

Pagpupugay sa bagong Inhinyero ng Bayan! 👷‍♂️

Isang maalab na pagbati mula sa UP LAKAN Diliman!

Taas-noong ipinagmamalaki ng aming samahan ang aming alumnus na si Engr. Joseph F. Arizapa Jr. ng Batch PAMINAWON sa kanyang matagumpay na pagpasa sa March 2026 Civil Engineers Licensure Examinations Passer

Ang iyong tagumpay ay patunay ng husay, tiyaga, at dedikasyon ng mga Bulakenyong Iskolar ng Bayan—isang inhinyerong handang maglingkod, lumikha ng makabuluhang pagbabago, at mag-ambag sa patuloy na pag-unlad ng ating lipunan.

Mabuhay at padayon sa iyong mga susunod pang tagumpay! ✨✊

30/03/2026

Ating balikan ang isang gabing punô ng saya, kwentuhan, at pagkakaisa 🥂✨

Noong 𝗠𝗮𝗿𝘀𝗼 𝟭𝟰, 𝟮𝟬𝟮𝟲, ginanap sa 𝗕𝗮𝗹𝗮𝘆 𝗞𝗮𝗹𝗶𝗻𝗮𝘄, 𝗨𝗣 𝗗𝗶𝗹𝗶𝗺𝗮𝗻 ang 𝗗𝗜𝗪𝗔𝗡𝗚: 𝗔𝗻𝗻𝗶𝘃𝗲𝗿𝘀𝗮𝗿𝘆 𝗚𝗮𝗹𝗮 𝗡𝗶𝗴𝗵𝘁 𝟮𝟬𝟮𝟲—isang gabi ng pagdiriwang na sumasalamin sa galing, kultura, at pagkakakilanlan ng bawat LAKAN. Sa bawat pagtatanghal at pagbibigay-parangal, mas tumingkad ang lalim ng ating samahan at ang diwang patuloy na nagbubuklod sa atin bilang isang pamilya.

Lubos ang aming pasasalamat sa lahat ng naging bahagi ng ating month-long anniversary celebration na may temang “𝗚𝗔𝗟𝗘𝗥𝗜𝗬𝗔: 𝗡𝗴𝗮𝘆𝗼𝗻, 𝗕𝘂𝗸𝗮𝘀, 𝗮𝘁 𝗠𝗮𝗴𝗽𝗮𝗸𝗮𝗶𝗟𝗔𝗞𝗔𝗡.” Nagtapos man ito sa isang di malilimutang gabi, nananatiling buhay ang diwa ng UP LAKAN sa bawat ngiti, kwento, at alaalang ating pinagsaluhan. Mula sa mga aplikante, miyembro, hanggang sa ating mga alumni, sama-sama nating pinanday ang isang makulay na salaysay ng ating nakaraan, kasalukuyan, at hinaharap.💚

Higit pa sa isang pagdiriwang, ito ay isang makabuluhang pagbabalik-tanaw sa ating mga pinagdaanan at isang pagpupugay sa mga karanasang magsisilbing gabay sa mga susunod pang taon.

Para sa mas marami pang tawanan, kwentuhan, at tagumpay na ating pagsasaluhan—

𝗠𝗮𝗯𝘂𝗵𝗮𝘆 𝗮𝗻𝗴 𝗨𝗣 𝗟𝗔𝗞𝗔𝗡! 𝗠𝗔𝗕𝗨𝗛𝗔𝗬!! 🥳

𝗦𝗮𝗺𝗮-𝘀𝗮𝗺𝗮, 𝗸𝗮𝘆𝗮𝗻𝗴-𝗸𝗮𝘆𝗮!

Ang UP LAKAN Diliman Anniversary Month 2026 ay naisakatuparan sa pakikipagtulungan ng JCI Baliwag Buntal at UP LAKAN Clark.

📝 John Paul Magabo

16/03/2026

Higit sa isang siglo na ang nakalipas nang hamunin ng dalawampung kababaihan ng Malolos ang patriyarkal na pader ng kolonyalismo. Noong 1888, ang kanilang petisyon para sa edukasyon ay hindi lamang hiling para sa karunungan; ito ay isang lantarang pag-aaklas laban sa sistemang nais silang manatiling p**i, sunod-sunuran, at nakakulong sa loob ng bahay. Ang kanilang tapang ang naglatag ng pundasyon: ang boses ng babae ay may kapangyarihang yumanig sa mga pundasyon ng mapang-aping gobyerno.

Sa paggunita ng 𝗣𝗮𝗻𝗱𝗮𝗶𝗴𝗱𝗶𝗴𝗮𝗻𝗴 𝗕𝘂𝘄𝗮𝗻 𝗻𝗴 𝗞𝗮𝗯𝗮𝗯𝗮𝗶𝗵𝗮𝗻 ngayong taong 2026, sa gitna ng tumitinding krisis sa Pilipinas, naninindigan ang UP LAKAN Diliman na ang laban ng mga kababaihan ng Malolos ay nananatiling hindi tapos. Nasasaksihan natin ngayon ang muling pag-igting ng mga mekanismong naglalayong busalan ang kababaihan. Mula sa tumitinding krisis pang-ekonomiya na nagpapahirap sa bawat inang manggagawa at magsasaka, hanggang sa sistematikong paggamit ng disimpormasyon at misoginiya upang hiyain at patahimikin ang mga babaeng tumitindig para sa katotohanan. Makikitang ang kasalukuyang klima ay hindi lamang mapanghamon; ito ay lantarang mapanupil.

Hindi hiwalay ang laban para sa karapatan ng kababaihan sa laban para sa pambansang demokrasya. Sa ilalim ng rehimeng pilit na binabago ang ating kasaysayan at pinalalabo ang ating mga tagumpay, ang paggunita sa Pandaigdigang Buwan ng Kababaihan ay isang gawaing politikal. Hindi sapat ang pagpupugay sa "galing" o "lambing" ng babae; kailangang busisiin ang mga istrukturang nagpapanatili sa diskriminasyon at karahasan mapa-pisikal man, digital, o institusyunal.

Bilang mga Iskolar ng Bayan mula sa UP LAKAN Diliman, ang ating paninindigan ay malinaw: bitbit natin ang dugo ng mga kababaihang hindi natakot sumalungat sa agos. 𝗔𝗻𝗴 𝗮𝘁𝗶𝗻𝗴 𝗽𝗮𝗴𝗶𝗴𝗶𝗻𝗴 "𝗟𝗮𝗸𝗮𝗻" 𝗮𝘁 "𝗟𝗮𝗸𝗮𝗺𝗯𝗶𝗻𝗶" 𝗮𝘆 𝗺𝗮𝘆 𝗸𝗮𝗮𝗸𝗶𝗯𝗮𝘁 𝗻𝗮 𝘁𝘂𝗻𝗴𝗸𝘂𝗹𝗶𝗻; ito ang maging tanod laban sa historical revisionism at maging katuwang sa pagbuwag ng mga sistemang kumikitil sa potensyal ng bawat Pilipina.

Ang tunay na pagdiriwang ng buwang ito ay wala sa mga bulaklak o pagbati, kundi sa ating matatag na pagtanggi na mabaon sa limot ang mga sakripisyo ng mga nauna sa atin. Ang liham na sinimulan sa Malolos ay patuloy nating isusulat sa mga lansangan, sa mga komunidad, at sa bawat espasyong pilit na kumikitid para sa kababaihan.

Hinding-hindi mabubusalan ang boses ng katotohanan. Ipagpatuloy ang laban ng kababaihan ng Malolos.

𝗪𝗮𝗸𝗮𝘀𝗮𝗻 𝗮𝗻𝗴 𝗺𝗶𝘀𝗼𝗴𝗶𝗻𝗶𝘆𝗮 𝗮𝘁 𝗽𝗮𝗻𝘂𝗻𝘂𝗽𝗶𝗹!
𝗠𝗮𝗯𝘂𝗵𝗮𝘆 𝗮𝗻𝗴 𝗸𝗮𝗯𝗮𝗯𝗮𝗶𝗵𝗮𝗻𝗴 𝗹𝘂𝗺𝗮𝗹𝗮𝗯𝗮𝗻!

Isinulat ni John Paul Magabo
Pubmat ni Evensie Mirandilla

02/03/2026

𝑺𝒖𝒎𝒂𝒌𝒂𝒚 𝒂𝒌𝒐 𝒔𝒂 𝒋𝒆𝒆𝒑𝒏𝒆𝒚, 𝒂𝒕 𝒊𝒌𝒂𝒘 𝒂𝒏𝒈 𝒏𝒂𝒌𝒂𝒕𝒂𝒃𝒊.... 🎶🎤

Sa bawat ikot ng gulong, may kwento ng pakikiisa, pagkakaibigan, at malasakit sa kapwa.

Bilang paggunita sa ika-38 Anibersaryo ng UP LAKAN, nagsagawa ang samahan ng 𝗙𝗿𝗲𝗲 𝗞𝗮𝗿𝗮𝘁𝗶𝗴 𝗥𝗶𝗱𝗲 mula Kanto Lugam hanggang Malolos Bayan noong Pebrero 16, 2026! 🚙🚦

Nawa'y ang mga ngiti, pawis, at kwentuhan sa kalsada ang patunay na mas masaya kapag sama-sama. Maraming salamat sa pakikiisa at hanggang sa muli mga isko't iska, mga Bulakenyo't Bulakenya! 💚✨️

Ang BYAHE: Free Karatig Ride ay naisakatuparan sa pakikipagtulungan ng UP LAKAN Clark.

𝗛𝗮𝘁𝗶𝗱 𝗱𝗶𝗻 𝘀𝗮 𝗶𝗻𝘆𝗼 𝗻𝗴:
City of Malolos Youth Development Office and Maloleño Youth Network
The Vanguard
Bantayan Press
The Nexus
N**o Veritas
Highpoint News
i Research and Innovate in Science and Engineering (iRISE) MHPNHS
Supreme Secondary Learner Government (SSLG) MHPNHS
Youth for Environment in Schools Organization (YES-O) MHPNHS
Barkada Kontra Droga
BulSU Cinephilia
BulSU SAMAHAN
Kabataang Boluntir Initiative

𝗣𝗮𝘀𝗮𝘀𝗮𝗹𝗮𝗺𝗮𝘁 𝘀𝗮:
The Al-Manar
The Republic MHPNHS
BulSU Advertising Guild
BulSU Biological Sciences Society
CS Wizards

📝 Bhlesie Jane Domingo

27/02/2026

𝑨𝒕 𝒃𝒂𝒌𝒂 𝒃𝒊𝒈𝒍𝒂𝒏𝒈 𝒎𝒂𝒈𝒌𝒊𝒕𝒂 𝒑𝒂 𝒕𝒂𝒚𝒐...𝑺𝒂 𝑸.𝑪., 𝒔𝒂 𝑼𝑷....🎧🎶🎤🎵

‎Muli tayong pinagsama ng mga himig at hangarin sa 𝗧𝗜𝗡𝗜𝗚: 𝗠𝗴𝗮 𝗠𝘂𝘀𝗶𝗸𝗮 𝗮𝘁 𝗔𝘄𝗶𝘁 (𝗔𝗻𝗻𝗶𝘃𝗲𝗿𝘀𝗮𝗿𝘆 𝗟𝗮𝘂𝗻𝗰𝗵), bilang pagsisimula ng pagdiriwang ng anibersaryo ng UP LAKAN! ✨️
‎
‎Maraming salamat sa mga naglaan ng oras upang subaybayan at damhin ang mga tinig na may hangarin para sa kapwa at sa bayan.🙌
‎
‎Sundan pa ang mga nakatanghal na gawaing ilulunsad kaugnay ng panibagong taon ng samahan. Kita-kita tayong muli! 🖼️💚

Ang TINIG: Mga Musika at Awit ay naisakatuparan sa pakikipagtulungan ng UP LAKAN Clark at JCI Baliwag Buntal.

‎
‎
‎

📝 Daph Autor

25/02/2026

𝗧𝗨𝗡𝗚𝗢 𝗦𝗔 𝗘𝗗𝗦𝗔! 🇵🇭✊️

Kahapon, ika-24 ng Pebrero 2026, matagumpay na naisagawa ang unang araw ng ACLE. Ngayon, sa ikalawang araw ng alternatibong pag-aaral, hindi lamang tayo mag-aaral sa loob ng silid—tutungo tayo sa mismong lansangan ng EDSA bilang paggunita sa 𝗶𝗸𝗮-𝟰𝟬 𝗮𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗣𝗲𝗼𝗽𝗹𝗲 𝗣𝗼𝘄𝗲𝗿 𝗥𝗲𝘃𝗼𝗹𝘂𝘁𝗶𝗼𝗻.

Noong 𝗣𝗲𝗯𝗿𝗲𝗿𝗼 𝟮𝟱, 𝟭𝟵𝟴𝟲, nagbuklod ang sambayanang Pilipino—mga manggagawa, estudyante, madre, pari, at karaniwang mamamayan—upang wakasan ang madilim na kabanata ng diktadura ni Marcos Sr., isang rehimen na binalot ng karahasan, pandarahas, at korapsyon. Sa pamamagitan ng kolektibong pagkilos at mapayapang pag-aaklas, pinatunayan ng taumbayan na ang tunay na kapangyarihan ay nagmumula sa nagkakaisang mamamayan.
Ngunit sa harap ng muling pagbabalik ng isang Marcos sa kapangyarihan, nasasaksihan natin ang hayagang pagbubura at pagpapalabnaw sa ating kasaysayan—mula sa mga pagtatangkang baguhin ang komemorasyon ng Martial Law hanggang sa pagdeklara sa EDSA bilang “special working holiday.” Ang mga hakbang na ito ay hindi simpleng administratibong desisyon; bahagi ito ng mas malawak na tunggalian para sa alaala at katotohanan.

Sa gitna ng laganap na historical revisionism at disimpormasyon, nakaatang sa ating mga kabataan ang mabigat ngunit makasaysayang tungkulin: maging tanod ng katotohanan. Hindi sapat ang pag-alala. Kailangang busisiin ang bawat naratibo, igiit ang katotohanan, at patuloy na igalang ang mga sakripisyong nagbukas ng landas tungo sa demokrasya.

Ang ating pagtungo sa lansangan ay hindi simpleng paggunita—ito ay pagpapatuloy ng diwa ng People Power. Isang deklarasyon na hinding-hindi natin hahayaang mabaon sa limot ang kasaysayan. Isang pagpapatunay na ang kapangyarihan ng mamamayan ay buhay, at patuloy na kikilos sa tuwing ito’y kinakailangan.

Kaya bilang mga Iskolar ng Bayan, ang paniningil at pagbabantay sa kinabukasan ay hindi nagtatapos sa apat na sulok ng silid-aralan; nagsisimula ito sa ating matatag na pagtanggi na mabaon sa limot ang tunay na diwa ng EDSA.

𝙉𝙖𝙠𝙖𝙢𝙖𝙨𝙞𝙙 𝙖𝙣𝙜 𝙠𝙖𝙨𝙖𝙮𝙨𝙖𝙮𝙖𝙣 𝙨𝙖 𝙖𝙩𝙞𝙣𝙜 𝙢𝙜𝙖 𝙝𝙖𝙠𝙗𝙖𝙣𝙜; 𝙩𝙖𝙮𝙤 𝙖𝙣𝙜 𝙝𝙪𝙢𝙪𝙝𝙪𝙗𝙤𝙜 𝙨𝙖 𝙨𝙪𝙨𝙪𝙣𝙤𝙙 𝙣𝙞𝙩𝙤𝙣𝙜 𝙮𝙪𝙜𝙩𝙤, 𝙖𝙩 𝙨𝙖 𝙣𝙜𝙖𝙮𝙤𝙣 𝙖𝙣𝙜 𝙨𝙖𝙣𝙙𝙖𝙡𝙞 𝙣𝙜 𝙥𝙖𝙜𝙥𝙖𝙥𝙖𝙨𝙮𝙖.

𝙏𝙪𝙢𝙪𝙣𝙜𝙤 𝙨𝙖 𝙡𝙖𝙣𝙨𝙖𝙣𝙜𝙖𝙣 𝙖𝙩 𝙥𝙖𝙜𝙡𝙞𝙣𝙜𝙠𝙪𝙧𝙖𝙣 𝙖𝙣𝙜 𝙨𝙖𝙢𝙗𝙖𝙮𝙖𝙣𝙖𝙣!

Sa panulat ni: Ails Benedict Vera
Pubmat ni: Axel John Samarista

UP LAKAN Diliman

01/05/2026

24/04/2026

22/04/2026

10/04/2026

09/04/2026

07/04/2026

30/03/2026

16/03/2026

02/03/2026

27/02/2026

25/02/2026

Address

Website

Alerts

Shortcuts

Share

Category