Ateneo OSCI Student Volunteers

12/08/2026

🌟 Welcoming Batch 3! 🌟

​That's a wrap on an incredible 2-Day Basic Orientation and Commissioning held last August 1-2!

​Over the weekend, our newest wave of volunteers dove deep into our core values and the journey ahead. More than just an orientation, this gathering featured the commissioning ritual for all our student volunteers as they officially step into their roles. Here’s to the start of it all!

​Sa gitna ng lahat, tuloy ang ating pakikiisa, paglilingkod, at pagtindig. 💜

Photos by James De Myer, Gau Abratique, & Pio Letargo

08/08/2026

Welcome home to our fellow Atenista! We can't wait to see how you'll share your light with the community this year. 💜

Welcome home, Atenista! 💙

04/08/2026

CALL FOR FINANCIAL ASSISTANCE FOR NANAY MEL

Nanay Emelita ‘Mel’ Varona is the former chairperson of KAPAMILYA (Kababaihan sa Pag Unlad ng Inang Lawa at Yanan Nito Inc), one of the People’s Organization of UGMMARIZ.

Her 2 fingers were amputated last June 27, 2026 at Rizal Provincial Hospital System and she needs financial assistance for her insulin medication twice a week.

Your contribution, no matter the amount, or simply spreading the word, goes a long way.

29/07/2026

As we welcome a new batch of student volunteers, OSCI-SVFC proudly presents its Central Committee for S.Y 2026-2027. 🌱

Guided with Ignatian values, the Central Committee will continue its commitment to practicing a faith that does justice and advocating for and with the sectors!

Patuloy na nakikiisa, naglilingkod, at tumitindig 💜

28/07/2026

Mariing kinokondena ng OSCI Student Volunteers ang marahas na pagtrato ng estado sa mga mamamayang mapayapang ginagamit ang kanilang mga karapatan sa araw ng ikalimang State of the Nation Address ni Pangulong Ferdinand Marcos Jr. Sa halip na pakinggan ang mga panawagan ng iba't ibang sektor, ilang mga nagpoprotesta ang inaresto bago pa man magsimula ang SONA, habang libu-libong pulis ang idineploy upang higpitan ang seguridad at supilin ang mga kilos-protesta.

Sa kanyang talumpati, iginiit ni Pangulong Marcos na "ginawa natin ang lahat ng nararapat upang malunasan ang mga epekto ng krisis." Gayunman, nananatiling hindi nasasagot ang napakaraming suliraning kinahaharap ng mamamayan. Patuloy ang pagtaas ng presyo ng mga bilihin, nananatiling mababa ang sahod ng mga manggagawa, hindi pa rin natutugunan ang krisis sa agrikultura at seguridad sa pagkain, lumalala ang epekto ng climate crisis, at nagpapatuloy ang mga paglabag sa karapatang pantao at pag-atake sa karapatan ng mga mamamayan na malayang magpahayag at magtipon. Hindi sapat ang mga pangakong binibigkas sa entablado habang ang mga mamamayang nagtataas ng lehitimong panawagan ay sinasagot ng pananakot, panggigipit, at pag-aresto.

Lubhang nakababahala rin ang patuloy na pagpapalalim ng administrasyon sa mga inisyatibang militar at estratehikong nakahanay sa Estados Unidos. Kinikilala natin ang pangangailangang ipagtanggol ang karapatan at soberanya ng Pilipinas sa West Philippine Sea laban sa mga paglabag ng Tsina. Gayunpaman, hindi dapat maging katumbas ng pagtatanggol sa ating soberanya ang higit na pag-asa sa mga dayuhang kapangyarihan. Ang isang tunay na malayang patakarang panlabas ay nakabatay sa pambansang interes, sa pagtatanggol sa teritoryo, at sa pagpapasya nang hindi nakasandig sa impluwensiya ng alinmang dayuhang estado.

Kasabay nito, dapat ding suriin kung paano isinusulong ng administrasyon ang mga programang pangkaunlaran sa ngalan ng pag-unlad at pagiging kompetitibo ng bansa. Bilang isang organisasyong nakikiisa sa mga magsasaka, mangingisda, mga Katutubo, at iba pang mga komunidad na matagal nang ipinaglalaban ang kanilang lupa, kabuhayan, at likas na yaman, mariin nating binibigyang-diin na hindi maaaring maisantabi ang kanilang kapakanan. Habang binibigyang-diin ang pagtatayo ng mga AI data center at iba pang digital infrastructure sa ilalim ng tinatawag na "Pax Silica," nananatiling hindi malinaw kung paano poprotektahan ang mga komunidad na maaaring maapektuhan ng lumalaking pangangailangan sa lupa, tubig, at enerhiya. Hindi maaaring ituring na pag-unlad ang mga proyektong nagsasapanganib sa kabuhayan, mga karapatan, at kinabukasan ng mga komunidad na higit na maaapektuhan ng mga ito.

Nananawagan ang OSCI Student Volunteers sa administrasyong Marcos na igalang ang karapatan ng bawat Pilipino sa malayang pagpapahayag at mapayapang pagtitipon, tiyakin ang pananagutan ng mga opisyal na sangkot sa katiwalian, at ituon ang mga patakaran ng pamahalaan sa paglutas sa tunay na suliraning kinahaharap ng mamamayan.

Ang isang pamahalaang tunay na naglilingkod ay hindi natatakot sa kritisismo, hindi gumagamit ng dahas laban sa sariling mamamayan, at hindi isinasantabi ang mga krisis na patuloy na nararanasan ng sambayanan.

27/07/2026

Sa gitna ng patuloy na pagguho ng mga kagubatan, paglawak ng pagmimina, reklamasyon, at iba pang proyektong may malalim na epekto sa kalikasan, muling ipinapaalala ng mga Aeta at iba pang katutubong pamayanan na ang usapin ng pangangalaga sa kapaligiran ay usapin din ng karapatang pantao. Sa iba't ibang bahagi ng Luzon, patuloy nilang ipinaglalaban ang kanilang mga lupang ninuno, kabuhayan, at karapatang manatili sa mga pamayanang matagal na nilang tinatawag na tahanan.

Nananatiling mabigat ang pasaning dinadala ng maraming pamayanang Aeta sa bansa. Sa Capas, Tarlac, tumututol ang mga Aeta sa mga restriksiyong umano'y pumipigil sa kanila na makapagpatayo ng kanilang mga tahanan at makatanggap ng mga pangunahing pangangailangan sa kanilang komunidad. Samantala, sa Subic, Zambales, matagal nang hinaharap ng mga Aeta ang epekto ng iligal na pagtatapon ng basura sa kanilang lupang ninuno. Ipinapakita ng mga pangyayaring ito ang pangangailangang tiyaking ang mga patakaran, proyekto, at iba pang hakbang ng pamahalaan ay may paggalang sa karapatan at kapakanan ng mga katutubong pamayanan.

Kasabay nito, patuloy ding nananawagan ang iba't ibang mga organisasyon ng mga magsasaka, mangingisda, at environmental advocates laban sa patuloy na deforestation, land conversion, pagmimina, at iba pang gawaing nagdudulot ng pagkasira ng kalikasan. Ang mga usaping ito ay hindi lamang usapin ng biodiversity o likas na yaman, kundi ng seguridad sa pagkain, kabuhayan, at kinabukasan ng mga pamayanang direktang umaasa sa kalikasan.

Nananawagan ang OSCI Student Volunteers sa Department of Environment and Natural Resources na higit pang paigtingin ang pagpapatupad ng mga batas pangkalikasan, panagutin ang mga lumalabag sa environmental regulations, at isulong ang makabuluhang konsultasyon sa mga katutubo at lokal na komunidad bago aprubahan ang mga proyektong may epekto sa kanilang lupain at kabuhayan. Kasabay nito, hinihikayat din namin ang administrasyong Marcos na tiyaking ang mga patakaran sa kaunlaran ay nakabatay sa pangangalaga sa kalikasan, paggalang sa karapatang pantao, at pagsunod sa mga karapatan ng mga katutubong pamayanan na kinikilala ng batas.

Ang pangangalaga sa kalikasan ay hindi maaaring ihiwalay sa pangangalaga sa mga taong matagal nang nagsisilbing tagapangalaga nito. Ang tunay na pag-unlad ay nasusukat hindi lamang sa mga proyektong naitatayo, kundi sa kakayahan ng pamahalaan na pangalagaan ang ating likas na yaman, igalang ang karapatan ng mga katutubo, at masiguro na walang komunidad ang naiiwan o isinasakripisyo sa ngalan ng pag-unlad.

12/07/2026

Sampung taon na ang lumipas mula nang ilabas ang makasaysayang arbitral ruling noong Hulyo 12, 2016 na kumilala sa mga karapatan ng Pilipinas sa West Philippine Sea sa ilalim ng United Nations Convention on the Law of the Sea (UNCLOS). Hanggang ngayon, nananatili itong mahalagang batayan sa pagsusulong ng pambansang soberanya at sa pagtatanggol sa karapatan ng mga Pilipinong ang kabuhayan at kinabukasan ay nakasalalay sa ating mga karagatan.

Ngunit sa kabila ng malinaw na legal na paninindigan, patuloy pa ring nararanasan ng mga mangingisda at mga pamayanang baybayin ang mga hamong naglilimita sa kanilang ligtas at malayang paglalayag. Dahil dito, nananatiling mahalagang isulong ang mga patakarang nagpoprotekta sa kanilang kabuhayan, kaligtasan, at kapakanan, kasabay ng matatag na pagtatanggol sa ating mga karapatang pandagat.

Sa gitna ng patuloy na mga hamon sa ating soberanya, hinihikayat ng OSCI Student Volunteers ang bawat Pilipino na manatiling mapanuri, makilahok sa makabuluhang talakayan, at manindigan para sa pambansang interes. Ang pagtatanggol sa ating mga karapatan ay isang pananagutang dapat pinagtitibay ng batas, ng pamahalaan, at ng sama-samang pagkilos ng mamamayan.

02/07/2026

Please join OSCI in extending support to Nanay Malou of SAMAKATA as she recovers from brain surgery. Your prayers and generous contributions will provide comfort and much-needed assistance to her and her family as they navigate this challenging time.

27/06/2026

To be a person for others means embracing every identity and actively dismantling the prejudice that harms the most vulnerable members of our communities.

​This Pride Month, we celebrate the vibrant spectrum of the LGBTQIA+ community and reaffirm our commitment to building safe and inclusive spaces. When we show up for one another with radical love and acceptance, we build a stronger and more just society. Lalaban at magmamahal!

26/06/2026

Nakikiisa ang OSCI Student Volunteers sa pahayag ng Sanggunian at nakikiramay sa mga pamilya, kaibigan, at komunidad na naapektuhan ng mga kamakailang insidente ng karahasan sa mga paaralan.

Sa harap ng mga trahedyang ito, naninindigan kami na hindi kailanman dapat magkaroon ng lugar ang karahasan sa ating mga paaralan at lipunan. Ang mga paaralan ay dapat maging mga ligtas na espasyo para sa pagkatuto, paglago, at paghubog ng mga kabataan—hindi mga lugar kung saan nalalagay sa panganib ang kanilang buhay, kaligtasan, at kapakanan.

Kasabay nito, kinikilala namin na hindi sapat ang pagtugon sa mga insidenteng ito sa pamamagitan lamang ng mas mabibigat na parusa o mga hakbanging nakatuon sa pagpaparusa. Naniniwala kami na kinakailangang tugunan ang mga ugat ng karahasan sa pamamagitan ng pagpapalakas ng suporta para sa mga kabataan, paglikha ng mga kapaligirang malaya sa bullying at diskriminasyon, pagpapalawak ng access sa mental health services, at pagpapatibay ng mga mekanismong nagsusulong ng pagkalinga, pananagutan, at restorative justice.

Nakikiisa rin kami sa panawagang wakasan ang kultura ng impunidad at tiyakin ang pananagutan ng lahat ng may tungkuling protektahan ang mga kabataan. May responsibilidad ang estado, mga institusyong pang-edukasyon, mga magulang, at buong komunidad na tiyaking ligtas at makatao ang mga espasyong ginagalawan ng mga mag-aaral.

Sa gitna ng pagdadalamhati, nananawagan kami ng sama-samang pagkilos upang bumuo ng isang lipunang kumakalinga sa mga kabataan at tumutugon sa karahasan hindi sa pamamagitan ng higit pang karahasan, kundi sa pamamagitan ng katarungan, pag-unawa, at malasakit.