Risa Na Movement - Quezon City

10/10/2026

Isang taos pusong pakikiramay at panalangin ang aming ipinaaabot sa ating mga kababayang naapektuhan ng sunog kagabi sa Brgy. San Agustin. Sa kabila ng mabigat na pagsubok na ito, hindi kayo nag-iisa.

Ngayong araw, agad tayong naghatid ng paunang tulong para sa mga pamilyang nangangailangan. Sa pakikipagtulungan ng Office of Senator Risa Hontiveros, naipamahagi ang mga relief goods, tinapay, at malinis na tubig na nakatulong upang kahit papano ay maibsan ang bigat na dinadala ng ating mga kababayan.

Maraming salamat sa ANAK FOODBANK at Capri Youth Organization, Family Justiniano, sa kanilang sipag at dedikasyon sa pamamahagi ng tulong sa mismong evacuation site. Gayundin, taos puso ang ating pasasalamat sa lahat ng mga donors ng damit at karagdagang kagamitan. Ang inyong bukas palad na suporta ay nagbigay ng pag-asa at init sa puso ng ating mga kababayan.

Patuloy tayong magkakapit-bisig at magtutulungan para sa muling pagbangon ng Brgy. San Agustin.

09/10/2026

Ang proteksiyon sa kabataan ay hindi natatapos sa pagbabawal. Kailangan din ng sapat na gabay, alternatibo, at suportang tutugon sa kanilang tunay na pangangailangan.

08/10/2026

Para sa bawat lolo at lola, dapat may serbisyong abot-kamay at malasakit na ramdam. ❤️💙

06/10/2026

Sa impeachment trial, ipinakita ni Sen. Risa Hontiveros na hindi dapat agad ipagpalagay na totoo ang anumang naririnig.

06/10/2026

Mahalaga ang malayang pamamahayag upang manatiling mulat at kritikal ang mamamayan sa mga pampublikong usapin. Huwag nating hayaang patahimikin ang media na nagsisilbing mata at boses ng bayan!

05/10/2026

Maligayang bati sa lahat ng dakilang kaguruan para sa pagdiriwang ng World teachers day!🫶

18/09/2026

14/09/2026

Mula sa isang napakasakit na trahedya, isinilang ang isang panukalang batas na magtatanggol sa ating mga kabataan.

Pasado na sa ikatlo at huling pagbasa sa Senado ang Senate Bill No. 1926 o ang Child Tourist Safety Act (mas kilala bilang Sandy’s Act).

Walang anumang batas ang makakabura sa sakit na pinagdaanan ng pamilya Garovillas, ngunit ang kanilang katatagan ang naging ilaw upang tiyaking walang ibang pamilya ang makakaranas ng ganitong dalamhati.
Sa pamamagitan ng batas na ito, magkakaroon na ng mas mahigpit na proactive risk prevention, emergency response protocols, at life-saving measures sa lahat ng tourist establishments sa buong bansa.
Para kay Sandy at sa lahat ng kabataang Pilipino—isang protektadong bukas ang ating ipinaglalaban.

10/09/2026

08/09/2026

Hindi sa bukas magsisimula ang pagbabago, kundi sa mismong sandaling ito. Ang pagtitipon ng mga mamamayan sa Risa Na Movement Launch ay patunay na buhay ang puso ng ating pamayanan.

Sa pamamagitan ng matatag na pakikipagkapwa at prinsipyo, itinataguyod natin ang isang lipunang ligtas, patas, at may pagpapahalaga sa bawat mamamayan.

Ating ipagpatuloy ang pag-alingawngaw ng ating prinsipyo. Dahil sa ating pag-iral at pagtindig, mas nagiging maliwanag ang landas patungo sa isang masaganang kinabukasan.




!