Social Work Students’ Summit - SWSS

24/04/2026

TINGNAN: Nakasama ng mga pasibol na manggagawang panlipunan si Dr. Jowima Ang-Reyes sa The ABCs of PFA: Introduction to PFA bilang panauhing tagapagsalita. Nagbahagi siya ng kaalaman at binigyang diin ang kritikal na papel ng PFA sa serbisyo at pagsisilbi ng mga manggagawang panlipunan sa masang sinasandigan. Sa isang mundong unti-unting kinukubkob ng dilim, ang kakayahan nating kumalinga ng tao ang nagpupunla at tunay nagpapasibol ng pag-asa.

24/04/2026

TINGNAN: Pinasinayaan ni Dean Justin Francis Leon V. Nicolas ang programa ngayong araw at naghandog ng isang mensahe para sa mga sumisibol na manggagawag panlipunan. Aniya'y kritikal at mahalagang kakayahan ang Psychological First Aid (PFA) para sa mga manggagawang panlipunan lalo na sa pagtugon sa mga indibidwal na humaharap sa krisis.

24/04/2026

TINGNAN: Tampok sa ikalawang araw ng Social Work Student Summit (SWSS) 2026 ang The ABCs of PFA: Introduction to Psychological First Aid (PFA)—isang panimulang oryentasyon para sa mga mag-aaral ng Gawaing Panlipunan hinggil sa pagbibigay ng PFA. Pinangunahan ito ni Assoc. Prof. Jowima Ang-Reyes, PhD, kung saan nagbahagi siya ng mga kaalaman niya hinggil sa mental at emotional health.

Bilang mga direktang tumutugon sa mga indibidwal at komunidad na kinikrisis, kritikal at mahalaga na bigyan ng pansin ang kalusugang pangkaisipan ng mga ating mga service-users.

23/04/2026

BUKAS NA! 🌱🤗

Ang tunay na pagsibol bilang mga manggagawang panlipunan ay ating makakamit kung bubuksan natin ang ating mga isipan para sa pagkatuto. Pagkatuto sa mga kasanayang magbibigay sa atin ng mas malalim na pag-intindi at pagkalinga sa mga taong ating pagsisilbihan balang araw. ☀️🫂

Kaya bilang huling push ng SWSS 2026, tampok namin ng THE ABCS OF PFA: An Introduction to Psychological First Aid (PFA) na naglalayong magbigay kaalaman at kakayahan sa mga Social Work Students para magsagawa ng Psychological First-Aid, na may malaking importansya sa larangan ng ating propesyon. Pangungunahan ni Dr. Jowima Ang-Reyes, former director ng UP Ugnayan ng Pahinungod at Associate Professor ng CSWCD. ❤️‍🔥🤩

Tignan ang aming inihandang daloy ng programa para bukas, APRIL 24, sa ganap na 8:30 AM sa Bulwagang Tandang Sora. 🙂‍↕️

Paalala na may WALK-IN FEE na po tayo ng 100 PESOS para sa mga hindi nakapag-online registration. Salamat po! 😊

IN PARTNERSHIP WITH:
UPD University Freshie Council

WITH THE COOPERATION OF:
Philippine Institute of Industrial Engineers
Philippine Society of Mechanical Engineers - UP Student Unit Inc.

SPECIAL THANKS TO:
The Letran Politicvs

23/04/2026

21/04/2026

TINGNAN: Kasamang nagtalakay sa paksang Green Social Work si Former Senior Lecturer Natalia Sali. Itinahi niya ang usapin ng Green Social Work sa usapin ng Transformative Social Work. Idiniin ni Former Senior Lecturer Sali ang kahalagahan ng holistikong pagtugon sa mga krisis at isyung pangklima at pangkapaligiran.

21/04/2026

TINGNAN: Isa sa mga nagbukas ng Interactive Forum kahapon sa SWSS 2026 ay si Dean Finaflor Taylan mula Faculty of Management and Development Studies ng UP Open University. Idiniin ni Dean Taylan na kritikal ang papel ng mga Manggagawang Panlipunan sa pagbuo at pagpanday ng tunay at makamasang pagbabago ng lipunan. Hinamon niya ang mga susunod na henerasyon ng mga manggagawang panlipunan na patuloy na magsulong ng pag-unlad kahit sa gitna ng kawalang-katiyakan.

21/04/2026

TINGNAN: Sa pagtatapos ng Interactive Forum at ng unang araw ng Social Work Student Summit (SWSS) 2026 kahapon, itinampok naman ni Asst. Professor Ria M. Raborar ang Transformative na praktika ng Gawaing Panlipunan. Idiniin niya na dapat ang Gawaing Panlipunan ay humuhugot ng lakas mula sa kapangyarihan mismo ng komunidad bilang sila’y mga aktibong kalahok at kabahagi sa pagbuo ng isang malaya at makatarungang lipunan.

21/04/2026

TINGNAN: Kritikal at malinaw ding tinalakay sa Interactive Forum ang hitsura at porma ng gawaing panlipunan sa konteksto ng mga Persons Living with HIV (PLHIV) sa tulong at gabay ni Jayson Arranz mula sa Sustained Health Initiative of the Philippines (SHIP). Namulat ang mga kalahok sa realidad na kinahaharap ng mga PHLIV at mas nagkaroon ng direksyon ang gawaing panlipunan upang mas makatugon sa pangangailangan ng kanilang sektor.

21/04/2026

TINGNAN: Binuksan naman ni Asst. Prof Florence Flores-Pasos ang ikalawang bahagi ng Interactive Forum kung saan tinalakay ang kapakanan at karapatan ng mga bata. Isang komprehensibo at kritikal na diskusyon ang ibinida ni Asst. Prof Flores-Pasos hinggil sa child labor. Aniya’y palaging dapat kumikiling ang larangan at propesyon natin sa mga pinakabulnerable; ang mga bata. Nararapat lamang na ang mga susunod na henerasyon ng mga manggagawang panlipunan ay may kalinga at malasakit sa lahat ng batang Pilipino.