30/03/2026
ALAMIN ANG KALBARYO NI MAJA, SION AT DINA!
Nakahanda na ba ang gamot pang maintenance? Dahil MAJA high blood na naman tayo ngayong Marso. Nitong Pebrero, matatandaan na nag taas ang Meralco ng 22 centavos per kilowatt-hour (kWh) at nito lamang Martes, Marso 10 nang magdeklara muli ang Meralco sa pagtaas ng konsumo sa kuryente. Ayon sa Manila Electric Company (Meralco), P0.6427kWh ang itataas ng kuryente.
Kung kumokunsumo ka ng 200kWh, mag reresulta ito sa PHP 129.00 na dagdag bayarin sa kuryente na magdudulot ng dagdagsingil sa mga bayarin ngayong buwan ng Marso.
At hindi pa natatapos ang kalbaryo ni MAJA dito, dahil sa gitna ng pagsirit ng presyo ng mga bilihin, gasolina, at kuryente, hindi nagpadaig ang Maynilad at Manila Water dahil sa darating na buwan ng Abril magtataas ang singil nito sa tubig. Ang Maynilad ay magtataas ng P0.09 per cubic meter at P0.04 per cubic meter naman sa Manila Water.
Kitang kita ang kunsimiSIONg hatid nito sa ating mga kababaihan at pamilyang Pilipino. Kulang na kulang ang P695 na kita kada araw para sa nagtataasang presyo ng bilihin at singil ng mga pribadong sektor. Pano pa natin mapagkakasya ang kakarampot na kita sa isang Buwan? Gayong hindi naman tumataas ang sahod ng mga manggagawa. HinDINA makasabay ang sahod sa nagtataasang mga presyo ng bilihin at singil sa yutilidad.Idagdag mo pa ang pahirap na 12%VAT sa bill ng kuryente at tubig.
Habang kumakayod ang mga kababaihan at pamilyang pilipino sa lumalalang krisis, hindi maikakaila ang pananamantala ng mga malalaking negosyanteng nasa likod ng MERALCO, MAYNILAD at MANILA WATERS na sina Enrique Razon, Manny Pangilinan at Ayala. Ang ginagawa ng mga kapitalistang ito para hindi mabawasan ang kanilang kita sa krisis na dulot ng imperyalistang US, ay itaas ang singil sa kanilang mga negosyo na nagdadala ng KALBARYO sa ating mamamayan.
HinDINA nga tayo makahinga sa paghihigpit ng sinturon, wala pang solusyon na ginagawa ang gobyernong MARCOS-DUTERTE sa patuloy na pagtaas ng kuryente at tubig. Ang serbisyong dapat sa tao sinasamantala at pinagkakakitaan ng malalaking burgesya komprador.
Araw - araw na lang penitensya sa maralita ang hatid ng mababang sahod at mataas na presyo ng mga bilihin at yutilidad. Kaya ipinapanawagan natin:
VAT sa kuryente at tubig Tanggalin!
Sahod Pataasin!
![[ONLINE DISCUSSION] Get the Fax Straight! A discussion on what is Pax Silica and how will it affect our countryโs natura...](https://img4.ngos1.com/499/762/122142970904997629.jpg)
