Pasigueña at Heart: Ate Sarah in Action

13/05/2025

❤️❤️❤️

MARAMING, MARAMING SALAMAT PO SA INYONG LAHAT.

Sa bawat araw ng kampanya, sa bawat kanto at komunidad na aking pinuntahan — nariyan kayo. Kasama ko kayo sa paglalakad, sa pagdarasal, sa bawat ngiti at yakap na puno ng pag-asa. Kayo po ang naging lakas ko. Kayo ang dahilan kung bakit ako mas nakilala, mas minahal, at mas niyakap ng mas marami pang Pasigueño.

Hindi po kami pinalad sa boto, pero sa puso ko — alam kong panalo tayo.

Panalo tayo sa dami ng bagong kaibigan. Panalo tayo sa pagkakaisa at malasakit sa isa’t isa. At panalo tayo dahil natupad natin ang pinakamahalagang layunin — ang makapaglingkod, makapagbigay ng pag-asa, at maipadama ang tunay na pagmamahal sa kapwa, kahit wala sa posisyon.

Dahil sa totoo lang, hindi mo kailangang maging politiko para makatulong. Hindi mo kailangang manalo para magmahal ng totoo. At higit sa lahat, hindi mo kailangang nasa pwesto para maglingkod nang buong puso.

Kaya kahit tapos na ang eleksyon, hindi pa tapos ang misyon ko. Narito pa rin ako — tahimik man o maingay, maliit man o malaki — patuloy akong kikilos, makikinig, tutulong, at makikibahagi sa bawat kwento ng bawat Pasigueño.

Salamat po sa tiwala at suporta ninyo. Hinding-hindi ko po ‘yan kakalimutan. Darating din ang tamang panahon — sa perpektong oras ng Diyos, ibibigay Niya ang panalong hindi lang para sa akin, kundi para sa ating lahat.

Hangga’t may pagkakataon, hangga’t may lakas — maglilingkod pa rin ako. Dahil ito ang panawagan ng puso ko.

Muli, mula sa puso ko bilang isang ina, kaibigan, at kapwa ninyo Pasigueño — maraming salamat po. Mahal na mahal ko kayo.

13/05/2025

🙏🫶

MARAMING MARAMING SALAMAT PO SA INYONG LAHAT.

Sa bawat araw na kasama namin kayo ni Ate Sarah, damang-dama namin ang inyong suporta, tiwala, at pagmamahal. Kayo ang naging dahilan kung bakit mas lalong nakilala ang isang Ate Sarah — hindi lang bilang kandidato, kundi bilang isang taong may pusong handang maglingkod.

Hindi man kami pinalad sa resulta ng halalan, alam naming hindi kami tunay na natalo.
Panalo pa rin kami — dahil sa gitna ng laban, mas marami kaming nakilalang tunay na kaibigan. Mas marami kaming natulungan. Mas malalim ang naging ugnayan namin sa bawat isa.

Panalo kami dahil naisakatuparan namin ang pinakamahalagang layunin: ang makapaglingkod sa abot ng aming makakaya.
At sa puso namin, sapat na ang makitang may nabago, may napagaan, may napasaya — dahil doon namin nararamdaman ang tunay na tagumpay.

Hindi kailangan ng posisyon para tumulong. Hindi kailangang manalo para magpatuloy.
Dahil ang serbisyo ay hindi natatapos sa kampanya — ito ay tuloy-tuloy, habang may pagkakataon, habang may nangangailangan.

Kaya kahit tapos na ang halalan, hindi pa tapos ang laban.
Nandito pa rin kami — patuloy na maglilingkod, patuloy na magbabahagi, at patuloy na magiging boses ng kabutihan para sa bawat Pasigueño.

Maraming salamat po sa inyong tiwala.
Darating ang tamang panahon. At sa panahong iyon — sa perpektong oras ng Diyos — gagamitin niya ang bawat karanasan, bawat pagkatalo, at bawat pagsubok, para sa isang tagumpay na mas malalim, mas makabuluhan, at mas pinagpala.

Hanggang sa muli, sama-sama pa rin tayo.
Magkaisa. Magtulungan. Magmahalan.

Mula sa puso namin — salamat po.

10/05/2025

Habang ginugugol nila ang yaman sa mga gusaling kasing taas ng kanilang ambisyon, tayo'y nananatiling nakakulong sa gutom, sakit, at pangakong napako. Sayang... kung sana'y para sa tao, hindi para sa pansariling interest.

Tahimik si Ate Sarah, pero totoo ang kanyang tinig.
Hindi siya naghangad ng palasyo — gusto lang niyang may pag-asa ang bawat Pasigueño. 🫰

09/05/2025

09/05/2025

HINDI PAPAYAG SI ATE SARAH NA MAITAYO ANG MALA “7 STAR BURJ AL ARAB HOTEL” SA PUSO NG PASIG.

Hindi ito hotel. Hindi ito palasyo. Dapat ito ay City Hall — para sa tao, hindi para sa luho.

Paano pa makakalapit ang isang inang humihingi ng tulong para sa anak niyang may sakit?
Paano pa makakapasok ang isang tatay na nagbabakasakaling mabigyan ng trabaho?
Kung ang mismong gusaling dapat bukas para sa lahat, ay mukhang para lang sa mayayaman?

Ayaw ni Ate Sarah na ang ating City Hall ay magmukhang Burj Al Arab ng Dubai — isang 7-star hotel na tila para sa piling iilan. Dahil para kay Ate Sarah, ang pamahalaan ay hindi dapat kinatatakutan o nilalayuan. Ito ay dapat nilalapitan ng buong tapang, dahil alam mong may malasakit ang naghihintay sa loob.

Hindi dapat magmukhang palasyo ang tahanan ng serbisyo publiko.

Ang tunay na lider ay hindi nagpapayaman sa proyekto. Ang tunay na lider ay nagtitipid, upang mas maraming matulungan.

Kaya sa halip na P9.6 bilyon sa isang gusali, ibubuhos ni Ate Sarah ang pondo sa mas maraming ospital, pabahay, eskwelahan at kabuhayan para sa bawat Pasigueño.

Ito ang gobyernong may puso. Ito ang lider na may malasakit.

09/05/2025

Bawat Piso, Dapat Para sa Tao

Walang dahilan para sa hindi makatarungang paggastos ng pera ng bayan. Ang bawat pisong mula sa buwis ng taumbayan ay dapat gamitin nang may integridad at karunungan.

Panahon na para itama ang maling sistema. Ang pondong mula sa pawis ng mamamayan ay hindi dapat nasasayang sa mga proyektong at programang hindi naman nakikinabang ang nakararami.

Tayo'y magkaisa para sa tapat, wasto, at makataong paggamit ng kaban ng bayan. Unahin natin ang tunay na pangangailangan ng ating mga kababayan — serbisyong medikal, edukasyon, trabaho, pabahay, at kaligtasan.

Ako po si Ate Sarah ninyo, No. 2 sa balota para sa pagka-mayor ng Pasig City. Handang maglingkod nang tapat at may malasakit para sa bawat pamilyang Pasigueño.

09/05/2025

Mga minamahal kong kababayan at mga kapatid sa pananampalataya,

Napakagandang balita po ang hatid ko sa inyo ngayon—isang makasaysayang sandali sa ating Simbahang Katolika! Isang bagong pastol ang ibinigay sa atin ng Panginoon. Malugod kong ibinabahagi sa inyo na nahalal na po ang bagong Santo Papa ng Simbahang Katolika—si Pope Leo XIV!

Sa gitna ng mga pagsubok ng ating panahon, muling pinatunayan ng Diyos na hindi Niya tayo kailanman iniiwan. Sa pagkakapili kay Pope Leo XIV, binigyan tayong muli ng pag-asa, ng gabay, at ng inspirasyong tumindig sa pananampalataya, pag-ibig, at pagkakaisa. Isa po itong napakabanal at makabuluhang yugto para sa ating lahat.

Ipagdasal po natin ang bagong Santo Papa na patuloy siyang palakasin, patnubayan, at pagpalain ng karunungan ng Espiritu Santo sa kanyang napakabigat ngunit dakilang misyon. Isa po itong paalala sa ating lahat na buhay ang ating simbahan, at buhay na buhay ang ating pananampalataya.

Mabuhay si Pope Leo XIV! Mabuhay ang Simbahang Katolika!

08/05/2025

Tumaya tayo sa Kinabukasan ng Pamilyang Pasigueno!🫰

08/05/2025

“TODA ng Pasig: Katuwang sa Serbisyo, Kaagapay sa Marangal na Hanapbuhay.”