PasigLaban

20/08/2026

Happy Birthday, Mama Mama Rosken! 🥳

Bago matapos ang araw na ito, nais naming batiin ang always slay at ready na PasigLaban Representative ng Pasig City Youth Development Council, Rosken! 💅🏻

Ang perfect combination ng wit and humor, na samahan mo pa ng husay, ay very Rosken-coded! We hope that you had fun on this special day of yours!

Once again, happy birthday from your PasigLaban Fam! 🎉

19/08/2026

EMAILS ARE OUT NOW! 📨

Matapos ang mga makabuluhang talakayan, palitan ng ideya, at mga aral na ating pinagsaluhan, panahon na upang pagsama-samahin ang lahat ng ating natutuhan sa huling session ng IpanaLokal Pasig 2026!

Inaanyayahan namin ang lahat ng SK aspirants na muling makiisa at muling makibahagi sa natatanging pagkakataong ito. Higit pa sa pagiging handa sa isang posisyon, dahil ang IpanaLokal Pasig ay nagsisilbing daan upang mas maunawaan natin ang tunay na kahulugan ng pamumuno, pananagutan, pakikilahok, at paglilingkod sa kapwa kabataan.

Sa huling session na ito, sama-sama nating balikan ang mga kaalamang ating nabuo, mga pananaw na ating napalawak, at mga hamon na maaari nating harapin bilang mga kabataang nagnanais maglingkod. Sapagkat ang tunay na lider-kabataan ay hindi lamang marunong manguna—marunong din makinig, makiisa, manindigan, at kumilos para sa kapakanan ng nakararami.

📌 Mahalagang Paalala:
Mangyaring sagutan ang RSVP Form hanggang 21 August upang mas maayos naming mapaghandaan ang event at maisaalang-alang ang inyong mga preference at pangangailangan.

Kaya, IpanaLOKAL fellows, ito na ang inyong huling hakbang sa IpanaLokal Pasig 2026! Sama-sama nating tapusin ang paglalakbay na ito nang may mas matibay na kaalaman, mas malinaw na layunin, at mas malaking puso para sa paglilingkod.

Dahil ang kabataang natututo ngayon, ay lider na handang kumilos bukas.

Para sa karapatan ng kabataan Pasigueño. Para sa boses na dapat pinakikinggan.

19/08/2026

Pagpapaigting sa Lider Kabataan, Paghubog sa Komunidad na May Kaunlaran

Natapos natin ang dalawang kahanga-hangang araw ng pagkatuto, pagninilay, at pagpapaunlad ng pamumuno sa IpinaLokal 2026—ang ating espesyal na pagsasanay na isinagawa online, na nakalaan upang palakasin ang kakayahan ng mga pinuno ng Sangguniang Kabataan at mga kabataang lingkod-bayan! 💛

Sa loob ng Unang Araw at Ikalawang Araw, mas malalim nating tinalakay ang tunay na diwa ng paglilingkod sa bayan—nagsimula sa masusing pagsusuri sa Batas sa Reporma ng SK, pag-unawa sa ating mga tungkulin, pananagutan, at ang tunay na kapangyarihang hawak natin bilang mga pinuno ng kabataan. Naglaan tayo ng oras upang pagnilayan ang ating "Bakit"—ang personal na layunin, hilig, at motibasyon na nagtutulak sa atin na paglingkuran ang ating mga komunidad. Tinalakay rin natin ang kahulugan ng kapangyarihan, pamamahala, at paggawa ng desisyon, ang mahalagang papel ng mga lingkod-bayan, at ang mga pamantayang etikal at pagpapahalagang dapat maggabay sa bawat hakbang na ating ginagawa. 💡🤝

Hindi lamang ito tungkol sa mga talumpati—kundi tungkol sa pagkakabuklod, magkakatulad na karanasan, at sabay na pag-unlad. Nagpalitan tayo ng kaisipan, nagtanong ng mga mahahalagang bagay, at muling pinagtibay ang ating paninindigan sa mabuting pamamahala, pananagutan, at paglilingkod na nakabatay sa katapatan at malasakit. Bawat tagapagsalita, bawat kalahok, at bawat sandali ay naging bahagi ng makabuluhang paglalakbay na ito! 🫶

Maraming salamat sa ating mga kahanga-hangang tagapagsalita at tagapagdaloy:

🗣️Unang Araw : Mr. Gabriel Alaurin, Hon. Mikaella Soriano, Mr. Mark Alcazar, Mx. Nestie Villaviray

🗣️Ikalawang Araw : Mr. Mark Alcazar, Ms. Zarah Navarro, Mr. Gabriel Alaurin

Sa bawat opisyal ng SK at pinuno ng kabataan na sumama sa atin mula sa iba’t ibang panig—maraming salamat! 🙏 Ang inyong pagdalo, sigla, at kahandaang matuto at umunlad ay nagbibigay sa atin ng pag-asa para sa kinabukasan ng ating mga komunidad.

Sa bawat kalahok—simula pa lamang ito. Dalhin natin ang mga aral, pagpapahalaga, at ang ating "Bakit" sa bawat gawaing ating gagawin. Mamuno tayo nang may layunin, maglingkod nang may katapatan, at magbigay-inspirasyon nang may buong puso. 🤝

16/08/2026

Nagbayanihan ang PasigLaban at Frankie’s upang mag-abot ng hot meals sa mga pamilyang apektado ng pagbaha sa Brgy. Maybunga.

Maraming salamat po sa mga tumulong upang maihatid ang tulong at ilaw ng pag-asa sa bawat isa.

16/08/2026

PasigLaban sa FairYahan! 🎪

Nakilahok ang PasigLaban kahapon, Agosto 15, sa ginanap na FairYahan, isang programang pinangunahan ng Pinagbuhatan Youth Movement upang mabigyan ng espasyo ang mga kabataan ng Pinagbuhatan na magsaya, makihalubilo, at matuto kasama ang isa’t isa.

Tinalakay rin ang mahahalagang usapin tungkol sa Reproductive Health, habang nagkaroon ng iba’t ibang booth para sa mga kabataan, kabilang na ang booth ng PasigLaban. Nagsagawa rin ang Pinagbuhatan Youth Movement ng Volleyball Training upang higit pang malinang ang volleyball skills ng mga kabataang nakilahok.

Ang FairYahan ay bahagi ng selebrasyon ng Linggo ng Kabataan 2026 ng Barangay Pinagbuhatan.

16/08/2026

🔥 NAG-AALAB NA ANG SUSUNOD NA HENERASYON NG MGA LIDER-KABATAAN!

Ngayong Buwan ng Kabataan 2026, proud ang PasigLaban Kabataan na maging katuwang ng SK Santolan sa ALAB 2026: Academy for Leadership, Advocacy and Barangay Governance!

Sa mga susunod na sessions, mas palalalimin pa ng ALAB 2026 ang kaalaman at kakayahan ng mga kabataang Santoleño sa leadership, advocacy, barangay governance, data-driven decision-making, at youth development planning.

Patuloy nating ihanda at bigyang-lakas ang susunod na henerasyon ng mga lider na handang makilahok, manindigan, at maglingkod. 🔥

Maraming salamat, SK Santolan, sa patuloy na pagtitiwala at pakikipagtulungan!

𝐌𝐄𝐄𝐓 𝐓𝐇𝐄 𝐒𝐏𝐄𝐀𝐊𝐄𝐑𝐒 𝐅𝐎𝐑 𝐀𝐋𝐀𝐁 𝟐𝟎𝟐𝟔 𝐖𝐄𝐁𝐈𝐍𝐀𝐑 𝐒𝐄𝐑𝐈𝐄𝐒

Ngayong araw, matagumpay nang sinimulan ang unang online session ng Academy for Leadership, Advocacy and Barangay Governance (ALAB) 2026, bilang bahagi ng pagdiriwang ng Buwan ng Kabataan 2026.

Para sa unang talakayan na may temang “The Youth as Partners in Nation-Building” nakasama natin sina Mr. Mark Alcazar at Ms. Krisha Cruz, na nagbahagi ng kanilang kaalaman, pananaw, at mga makabuluhang pagtalakay tungkol sa mahalagang papel ng kabataan sa paghubog ng ating mga komunidad at bansa.

At hindi pa rito nagtatapos ang ating paglalakbay! Sa mga susunod na araw, makikilala pa natin ang ilan sa ating mahuhusay at inspiring speakers at facilitators na makakasama sa serye ng mga talakayan tungkol sa pamumuno, adbokasiya, barangay governance, paggamit ng datos, at pagbuo ng youth development agenda.

Higit sa isang serye ng mga talakayan, ang ALAB 2026 ay isang paanyaya sa kabataan na matuto, makialam, makilahok, at kumilos, dahil ang tunay na pamumuno ay nagsisimula sa kahandaang matuto at maglingkod.

15/08/2026

Salt Air, and Love in the Air 🎶

Happy birthday sa dedicated na Director of Finance and Logistics ng PasigLaban, Love Andrea! Walang hanggang pasasalamat sa iyong patuloy na serbisyo at dedikasyon sa organisasyon.

Nawa’y na-enjoy mo ang iyong special day with your loved ones! PasigLaban will always have your back! Once again, maligayang kaarawan, Love! 🥳

13/08/2026

📣 LF: KABATAANG PASIGUEÑO!

Ikaw ba ay 15–30 years old at residente ng Pasig? We want to hear from you! 🫵

PasigLaban is conducting a 10-minute community research to better understand how young Pasigueños participate, engage, and make their voices heard in their barangays and the city.

📍 We are looking for youth respondents from Santolan, Dela Paz, Caniogan, Manggahan, Ugong, Rosario, Kapitolyo, Sta. Lucia, Pineda, Maybunga, Bagong Ilog, San Miguel, Buting, and San Joaquin.

Your experiences and perspectives matter. The results of this research will help us better understand the realities of youth participation and identify ways to make local spaces more inclusive, meaningful, and youth-centered.

⏱️ Less than 10 minutes lang!
📅 Research Period: August 13–19, 2026

Scan the QR code and be part of the research. 🧡

Link to the form can be found in the comment section.

Kabataan ng Pasig, panahon nang marinig ang boses natin.

12/08/2026

🔥 Igniting the next generation of Santoleño youth leaders!

PasigLaban is proud to partner with SK Santolan and CYAN for ALAB 2026, equipping and empowering young people to effectively engage in leadership, advocacy, and good governance.

See you, Santoleño youth! 🔥

𝐀𝐋𝐀𝐁 𝟐𝟎𝟐𝟔 | 𝐀𝐜𝐚𝐝𝐞𝐦𝐲 𝐟𝐨𝐫 𝐋𝐞𝐚𝐝𝐞𝐫𝐬𝐡𝐢𝐩, 𝐀𝐝𝐯𝐨𝐜𝐚𝐜𝐲 𝐚𝐧𝐝 𝐁𝐚𝐫𝐚𝐧𝐠𝐚𝐲 𝐆𝐨𝐯𝐞𝐫𝐧𝐚𝐧𝐜𝐞

Handa ka na bang maging susunod na lider ng Barangay Santolan?

Ang ALAB 2026 sa pakikipagtulungan ng PasigLaban at ng Center for Youth Advocacy and Networking (CYAN) ay idinisenyo upang ihanda ang mga kabataang Santoleño sa pamumuno, adbokasiya, at mabuting pamamahala.

Higit pa rito, layunin ng ALAB na mabuo ang susunod na Annual Barangay Youth Investment Program (ABYIP) at Comprehensive Barangay Youth Development Plan (CBYDP) para sa Barangay Santolan.

Program Schedule

🖥️ Online Sessions
• August 15, 2026
• August 16, 2026
• August 22, 2026
• August 23, 2026

🏕️ Residential Youth Camp
• August 29–30, 2026

📌 Sino ang maaaring sumali?

✅ 18–30 taong gulang
✅ Residente ng Barangay Santolan
✅ Nakapag-fill out ng Online Application Form
🔗 https://bit.ly/ALAB2026_RegForm
✅ Nakasagot sa KK Profiling:
🔗 https://bit.ly/PasigKKProfiling26
✅ Handa at committed na tapusin ang lahat ng online sessions at ang 2-day residential youth camp

📅 Application Period: August 3–12, 2026

Maging bahagi ng bagong henerasyon ng mga Santoleñong lider na may integridad, malasakit, at pananagutan.

12/08/2026

ARAW NG MGA PAG-ASA NG BAYAN! 🤙🏻

Sa pagdiriwang ng International Youth Day, binibigyang-pugay natin ang kabataang patuloy na nangangarap, nagtatanong, nagsasalita, at kumikilos para sa isang mas makabuluhang kinabukasan. Sa bawat ideyang binubuo, boses na ipinapahayag, at hakbang na ginagawa, naipapakita natin na ang kabataan ay may mahalagang papel sa paghubog ng lipunan.

Bilang mga kabataan, hindi man natin hawak ang buong mundo, hawak natin ang pagkakataong magsimula ng pagbabago sa ating sariling komunidad. Sa pagiging mapagmatyag, responsable, at aktibong nakikilahok sa mga usaping mahalaga sa ating kapwa, nagiging bahagi tayo ng pagbabago na nais nating makita.

Dahil ang kabataan ay hindi lamang pag-asa ng bukas. Tayo ang boses ng ngayon, at tayo ang simula ng pagbabago.

Happy International Youth Day, kabataan ng PasigLaban! 💗