Brooke's Point Chamber of Employers, Commerce & Industry Inc.

11/02/2026

𝐌𝐄𝐍𝐒𝐀𝐇𝐄 𝐌𝐔𝐋𝐀 𝐒𝐀 𝐏𝐔𝐍𝐎𝐍𝐆 𝐁𝐀𝐘𝐀𝐍 𝐊𝐀𝐔𝐆𝐍𝐀𝐘 𝐒𝐀 𝐏𝐀𝐆𝐏𝐀𝐏𝐀𝐓𝐔𝐏𝐀𝐃 𝐍𝐆 𝐀𝐍𝐓𝐈-𝐄𝐏𝐀𝐋 𝐏𝐎𝐋𝐈𝐂𝐘

Kaugnay ng mahigpit na pagpapatupad ng Department of the Interior and Local Government (DILG) ng tinatawag na Anti-EPAL Policy, ako po ay naglalabas ng agarang direktiba sa lahat ng tanggapan, departamento, at opisyal ng Pamahalaang Bayan ng Brooke’s Point na tiyaking ganap na nasusunod at naipatutupad ang lahat ng alituntunin laban sa anumang uri ng personal na pagpapakilala o paglalagay ng larawan, o anumang marka ng indibidwal sa mga proyektong pinondohan ng pondo ng bayan.

Ang serbisyo publiko ay hindi dapat ginagamit para sa pansariling promosyon. Ang bawat proyekto, programa, at serbisyong ipinagkakaloob ng ating pamahalaan ay bunga ng buwis at tiwala ng taumbayan—hindi pag-aari ng sinuman, kundi pagmamay-ari ng sambayanan.

Bilang inyong Punong-Bayan, ako mismo ang mangunguna sa pagsunod at pagpapatupad ng patakarang ito. Inaatasan ko ang lahat ng kinauukulan na agad magsagawa ng internal review sa mga kasalukuyang proyekto, signages, tarpaulin, at iba pang materyales upang matiyak na walang paglabag sa itinakdang polisiya. Ang sinumang mapapatunayang lalabag ay pananagutin alinsunod sa umiiral na batas at regulasyon.

Naniniwala ako na ang tunay na liderato ay nasusukat hindi sa dami ng nakapaskil na pangalan, kundi sa kalidad ng serbisyong naibibigay. Mas mahalaga ang integridad kaysa sa pagkilala, at mas mahalaga ang resulta kaysa sa papuri.

Sa Brooke’s Point, malinaw ang ating paninindigan:
𝐒𝐞𝐫𝐛𝐢𝐬𝐲𝐨 𝐦𝐮𝐧𝐚 𝐛𝐚𝐠𝐨 𝐬𝐚𝐫𝐢𝐥𝐢. 𝐁𝐚𝐲𝐚𝐧 𝐦𝐮𝐧𝐚 𝐛𝐚𝐠𝐨 𝐩𝐚𝐧𝐠𝐚𝐥𝐚𝐧.

Patuloy po tayong magtulungan upang mapanatili ang isang pamahalaang tapat, malinis, at tunay na nagsisilbi para sa lahat.

Maraming salamat at mabuhay ang Brooke’s Point.

𝐇𝐎𝐍. 𝐂𝐄𝐒𝐀𝐑𝐄𝐎 𝐑. 𝐁𝐄𝐍𝐄𝐃𝐈𝐓𝐎, 𝐉𝐑.
𝐌𝐮𝐧𝐢𝐜𝐢𝐩𝐚𝐥 𝐌𝐚𝐲𝐨𝐫

Para sa iba pang impormasyon at balita:
👍 I-like at sundan ang mga kaganapan sa ating official FB page: Municipal Information Office - LGU Brooke's Point

31/01/2026

Extension of payment of Mayor's Permit

15/01/2026

Dear fellow business owners,

We're seeking advice on streamlining the business permit renewal process. Have you encountered similar hurdles? 🤝 Share your experiences and challenges below. 👇

"

12/01/2026

11/01/2026

05/01/2026

PCCI SUPORTADO ANG REPORMA LABAN SA ABUSO NG BIR LETTERS OF AUTHORITY

Ipinahayag ng Philippine Chamber of Commerce and Industry (PCCI) ang buong suporta nito sa mga repormang isinusulong ni Finance Secretary Ralph Recto upang pigilan ang umano’y pang-aabuso at maling paggamit ng Letters of Authority (LOAs) ng Bureau of Internal Revenue (BIR).

Ayon sa PCCI, ang hakbang ay napapanahon at mahalaga upang palakasin ang proteksyon ng mga nagbabayad ng buwis, maibalik ang tiwala sa tax administration, at matiyak na ang kapangyarihan sa pagpapatupad ng batas ay ginagamit nang makatarungan, malinaw, at naaayon sa batas.

Sinabi ni PCCI President Enunina Mangio na dapat maging mahigpit ang tax enforcement ngunit dapat ding patas, dahil ang anumang abuso sa audit at investigation powers ay nagdudulot ng kawalan ng tiwala, kalituhan sa negosyo, at pumipigil sa boluntaryong pagsunod ng mga taxpayer.

Matagal nang inirereklamo ng sektor ng negosyo ang ilang audit practices gaya ng paulit-ulit o magkakapatong na LOA at Mission Orders, audit na lumalampas sa itinakdang saklaw o bisa, at kakulangan ng transparency at monitoring—mga isyung sinasabing naglalagay ng hindi makatarungang pressure sa mga nagnenegosyo.

Binigyang-diin din ng PCCI na mahalaga ang time-bound, maayos na inisyu, at digitally tracked audit authorities upang mapanatili ang accountability at maiwasan ang pang-aabuso. Ayon pa sa grupo, makatutulong ang mga repormang ito sa pagpapalakas ng investor confidence, kabilang ang proteksyon sa foreign investors, at sa pagpapahusay ng imahe ng Pilipinas bilang fair at predictable na lugar para magnegosyo.

Dagdag ng PCCI, sa pamamagitan ng BIR-Private Multisectoral Group (BIR-PMSG), patuloy ang pakikipagtulungan ng sektor ng negosyo sa BIR upang isulong ang mga repormang nagtataguyod ng transparency, accountability, at tiwala ng mamumuhunan.

📄 Source: PCCI Press Release | December 28, 2025