QUEEN - Quezon for Environment

13/08/2026

Sapat na marahil ang labindalawang taong pakikipaglaban ng mga komunidad upang tigilan na ang dambuhalang proyekto ng coal ng Meralco sa Atimonan!

----
BALITA:
https://tinyurl.com/CoalPahirapSaMasa
https://tinyurl.com/CoalPahirapSaMasa

Ayon kay Ka Ramon, humina ang huli ng mga mangingisda dahil sa polusyon at mainit na tubig na ibinubuga ng mga planta. Dahil dito, lumalayo ang mga isda at naaapektuhan maging ang kanilang migratory routes. Marami ring lamang-dagat ang namamatay kapag nahihigop sa cooling system ng planta.

“Hindi lamang ang pagsusunog ng coal ang tinututulan ng simbahan kundi ang buong life cycle nito, lalo na ang pagmimina,” ayon kay Fr. Warren.

“Lubhang nakababahala ito. Kailangang may gawin [ako],” ayon kay Rea.

04/08/2026

04/08/2026

30/07/2026

𝐒𝐘𝐒𝐓𝐄𝐌𝐒 𝐋𝐎𝐒𝐒, 𝐇𝐈𝐍𝐃𝐈 𝐍𝐀 𝐊𝐎𝐍𝐒𝐘𝐔𝐌𝐄𝐑 𝐀𝐍𝐆 𝐏𝐀𝐏𝐀𝐒𝐀𝐍? 𝐃𝐀𝐏𝐀𝐓 𝐋𝐀𝐍𝐆!

Sa kamakailang SONA ni BBM, inanunsyo niya na dapat na tanggalin ang systems loss sa electric bill ng mga konsyumer. Sa kasalukuyan, pinapayagan ang mga kumpanya ng kuryente na ipasa sa mga konsyumer ang singil para sa systems loss.

Nagkakaroon ng systems loss dahil sa kuryenteng nawawala habang dumadaloy sa mga linya at kable, gayundin dahil sa pagnanakaw ng kuryente, mga jumper, iligal na koneksyon, at manipulasyon ng mga metro.

Sa una pa lang, bakit sisingilin ang mga konsyumer para sa kuryenteng hindi naman nila napakinabangan?

Bagama't tiyak na magdudulot ito ng kaunting ginhawa sa mga konsyumer, hindi pa rin makatarungan ang patuloy na pagtaas ng singil sa kuryente na umaabot na sa Php 15 kada kWh. Patuloy na nananawagan ang mga konsyumer para sa imbestigasyon sa hindi makatarungang singil sa kuryente, lalo na sa generation charge, na nananatiling pinakamalaking bahagi ng electric bill at siyang dapat agarang tugunan.

29/07/2026

Naghahanap ang kabataan ng tunay--at hindi huwad na solusyon sa krisis sa klima. Partikular, pagpapaigting ng sistemang makataong enerhiya! 🌏⚡

Full text ng ni Edison Alegre:

Bilang kabataan, itinuturing tayo ng pamahalaan bilang mga tagapagmana ng "Bagong Pilipinas." Ngunit sa huling State of the Nation Address ng Pangulo, kapansin-pansing kulang at kulimlim ang plano ng pamahalaan ukol sa konkretong pagbabawas ng carbon emissions ng bansa.

Bagamat ibinida ang mga proyektong renewable energy, tila iniiwasan pa rin ang pinakamahalagang tanong: kailan at paano ba natin tuluyang wawakasan ang pagdepende sa mga mahal at maruming coal at fossil fuel plants?

Malinaw ang panawagan ng bayan: Pangulong Marcos, kung nais ninyong magtatag ng isang tunay na "Bagong Pilipinas," dapat maging malinis, marapat at makatao rin ang pinagmumulan ng ating enerhiya. Mawawalan ng saysay ang mga inilulunsad na renewable projects kung ang mayorya pa rin ng ating kuryente ay nagmumula sa mga panggatong na sumisira sa ating kalikasan.

Hindi sapat ang patinga-tingang pagtatayo ng ilang renewable facilities. Ang kailangan natin ay isang kumprehensibo at mabilis na transition plan—isang pambansang mapa na nagtatakda kung paano natin tuluyang tatalikuran ang maruming enerhiya.

Enerhiyang nagbibigay-kalayaan sa taumbayan!

Kung seryoso ang pamahalaan sa pangakong ito, patunayan natin ito ngayon pa lamang: tuluyan nang itigil ang pagpapatayo ng mga planta tulad ng dambuhalang Atimonan coal plant.

Ang climate change ay hindi lamang usapin ng kapaligiran; ito ay usapin ng pambansang kaligtasan at buhay ng mga susunod na henerasyon.

At ang marapat na transisyon sa enerhiya ay hindi opsyonal.

28/07/2026

👏 MUNISIPALIDAD NG PEREZ SA QUEZON PROVINCE, NAGDEKLARA NA NG CLIMATE EMERGENCY! 🚨

Malugod na binabati ng Philippine Movement for Climate Justice (PMCJ) ang munisipalidad ng Perez sa deklarasyon nito ng Climate Emergency (CE). Tinatayang Perez ang unang munisipalidad na nagdeklara ng CE sa probinsya ng Quezon.

Pinahayag naman ni Andrea Olase ang kanyang kagalakan sa Sangguniang Bayan ng Perez, Quezon, at pangunguna ni Kgg. Roberto R. Buerano, chairperson ng committee on environment and natural resources, sa importanteng resolusyon na nagpasinaya ng deklarasyong ito. Si Olase ay dating konsehal ng Perez na syang awtor ng ordinansa ng fossil-free declaration ng bayan noong Marso 2025. Basahin ang post na ito para sa iba pang detalye:
https://www.facebook.com/share/p/1JZx1ihAGU/

Bahagi rin si Olase ng Quezon Province Renewable Energy Convenors na opisyal na nag-anunsyo ng planong renewable energy summit sa kanilang probinsya nitong Mayo. Basahin ang press release tungkol dito:
https://www.climatejustice.ph/post/quezon-church-envi-youth-orgs-join-forces-for-province-s-re-future

Abangan sa mga susunod na araw ang iba pang detalye tungkol sa CE declaration ng bayan ng Perez. ✨

✊

28/07/2026

GOVERNMENT vs. SELF

Ang sabi ng gobyerno, marapat nang talikuran ang marumi at mahal na kuryenteng gawa ng coal.

Ang sabi ng gobyerno, prayoridad nito ang kalusugan, kinabukasan at kapakanan ng mamamayan at kalikasan.

PERO ang ginagawa naman nila, patuloy na inilulusot ang mga proyekto ng coal na dekada nang tinututulan!

----

BALITA:
https://tinyurl.com/sectorsdismayedoncoalexemption
https://tinyurl.com/sectorsdismayedoncoalexemption

“For many years, the threat of coal is clear – it worsens the climate crisis, it emits pollutants that endanger health and the environment. Why do we still want to put up coal in Quezon? Our call to our Governor and Provincial Council – if you are truly for the environment and health, listen to the voice of your constituents. Don’t make consultation mere formalities. And if it’s true coal has no place in Quezon, prohibit A1E. The environment, health, and the future have no exemption,” Rev. Fr. Warren Puno, Regional Coordinator of the Luzon South Laudato Si Convergence, said.

Tama na ang coal sa Quezon! Sa gitna ng patong-patong na krisis, hindi dapat maging opsyonal ang pagpapalakas ng transisyon sa malinis, mura at mapagpalayang enerhiya!

24/07/2026