Samahang Laban sa Pangisdang Bawal

23/04/2026

Tingnan: April 20, 2026

Isang ulat ang natanggap ng Municipal Agriculture Office mula sa isang mangingisda na si G. Leonilo Kho ng Sitio Marigold, Budiong, Odiongan, Romblon, hinggil sa pagkakakita niya ng isang patay na dolphin.

Agad namang nagsagawa ng validation ang grupo ng SALAPANGBA kasama ang kinatawan ng Odiongan MENRO kaugnay ng nasabing ulat. Sa isinagawang pagsusuri, natagpuan ang isang babaeng dolphin na may habang humigit-kumulang 1.60 metro at may sukat na 85 sentimetro ang circumference ng katawan. Ang nasabing dolphin ay nasa advanced stage na ng decomposition, subalit nananatiling buo ang lahat ng bahagi ng katawan nito.

Isang paalala sa ating lahat na patuloy nating pangalagaan ang ating yamang dagat. Sa oras na may mapansing kahalintulad na insidente, hinihikayat ang lahat na agad itong ipagbigay-alam sa mga kinauukulan upang mabigyan ng kaukulang aksyon.

💪💪💪

26/03/2026

26/03/2026

🐬 SALAPANGBA in Action

Noong March 25, 2026, isang dolphin ang namataan sa dalampasigan ng Brgy. Poctoy. Agad itong ini-report ng isang personnel mula sa PNP-Maritime sa Municipal Agriculture Office at ipinagbigay-alam sa Samahan. Pinuntahan ng grupo ang lugar, ngunit dahil sa lakas ng alon at agos, hindi na muling nakita ang dolphin.

Noong March 26, 2026, isang ulat ang natanggap mula sa dating Bantay-dagat sa katauhan ni G. Janner Fruelda na may natagpuang dolphin sa baybayin ng Sitio Mapa, Barangay Libertad, Odiongan, Romblon at agad rumesponde ang grupo sa nasabing lugar at natagpuan ang isang sugatang babaeng spinner dolphin na may habang 6 na talampakan at may bilog na 870 sentimetro.

Sa tulong ng Philippine Coast Guard, PNP-Maritime, BFAR FLEO, Bantay-Dagat, MFARMC, at LGU Odiongan, Municipal Agriculture Office, ang nasabing dolphin ay maayos na nailibing.

🙏 Paalala sa lahat:
Kung may makita pong ganitong insidente sa ating baybayin, agad po itong i-report sa inyong barangay at sa mga kinauukulang ahensya upang mabigyan ng agarang aksyon.

15/03/2026

Noong Marso 15, 2026, alas 7:00 ng umaga, sa loob ng Libertad Fish Sanctuary sa Barangay Libertad, Odiongan, Romblon, isang patay na green sea turtle (Chelonia mydas) ang natagpuan sa mangrove area. Ang naturang pagong ay may sukat na 48 sentimetro ang lapad, 60 sentimetro ang haba, at tinatayang may bigat na humigit-kumulang 50 kilo.

Ang insidente ay unang nakita ni G. Randy Fabicon, isang residente ng lugar, na agad na nag-ulat sa Bantay Dagat ng Libertad. Matapos matanggap ang ulat, agad na kumilos ang mga miyembro ng SALAPANGBA mula sa Philippine Coast Guard at bantay dagat sa katauhan ni Ginoong Rogelio De Juan upang tugunan ang sitwasyon.

Sa ilalim ng instruksyon ni Gng. Sheila Forlales mula sa Department of Environment and Natural Resources (DENR), isinagawa ang tamang proseso ng pag-asikaso sa labi ng pagong. Ang operasyon ay pinangasiwaan at tinulungan ng Agricultural Technologist na nakatalaga sa Fisheries, Gng. Salvame Gaac, upang matiyak na ang paglibing ay naisagawa nang maayos at alinsunod sa itinakdang pamantayan.

Ang pangyayaring ito ay muling nagpapaalala sa kahalagahan ng pangangalaga sa mga endangered species gaya ng green sea turtle. Ang mabilis na pagtugon ng komunidad, mga lokal na bantay-dagat, at kaukulang ahensya ay nagpapakita ng sama-samang pagkilos para sa kalikasan at marine biodiversity ng Libertad Fish Sanctuary.

14/02/2026

TINGNAN: February 10–12, 2026, kasama ang mga miyembro ng Samahang Laban sa Pangisdang Bawal (SALAPANGBA) nagsawaga tayo ng Information and Education Campaign (IEC) at sawayang gear inspection para sa mga mangingisda sa ating munisipyo.

Layunin ng aktibidad na ma-regulate ang paggamit ng fine mesh nets at itaguyod ang responsableng pangingisda para sa pangmatagalang kabuhayan at pangangalaga sa yamang-dagat.

01/02/2026

LOOK: January 31, 2026, eleven (11) green sea turtles (Chelonia mydas) were released in Barangay Panique, led by the Bantay Dagat President and barangay officials.

27/01/2026

TINGNAN: January 26, 2026. Nagsagawa ang SALAPANGBA ng Coastal Cleanup sa Batiano Coastal Area.

Ito ay buwanang aktibidad na layuning mapanatili ang kalinisan ng baybayin, mabawasan ang basurang napupunta sa dagat, at maprotektahan ang yamang-dagat laban sa polusyon.

31/12/2025

Happy New Year!!!

02/11/2025

DEPARTMENT OF AGRICULTURE
Issued at 12:00 NN, 02 November 2025

Ayon sa pinakahuling ulat ng DOST-PAGASA ngayong 11AM, ang sentro ng Tropical Storm “TINO” ay namataan sa 955 km silangan ng Eastern Visayas, na may lakas ng hangin na 85km/h, may bugsong 105 km/h at kumikilos ng 30km/h papuntang dakong kanluran.

ABISO SA MGA MAGSASAKA AT MANGINGISDA
Pinapayuhan ng Kagawaran ang mga magsasaka na gawin ang mga sumusunod na hakbang bilang paghahanda, lalo sa mga lugar na direktang tatamaan ng bagyo:

⚠️ Anihin ang mga pananim na maaari nang anihin;
⚠️ Ilikas ang mga reserbang binhi, mga materyales sa pagtatanim, at iba pang gamit pansakahan sa ligtas at mataas na lugar na hindi maaabot ng baha;
⚠️ Maglaan ng sapat na pagkain, tubig, at gamot para sa mga ililikas na hayop;
⚠️ Linisin ang mga irrigation canal upang maiwasan ang pagbaha at mapabilis ang pagdaloy ng tubig.
⚠️ Regular na subaybayan ang pinakabagong ulat-panahon mula sa DOST-PAGASA;

Samantala, pinapayuhan ang mga mangingisda na:
⚠️Ilikas ang mga bangkang pangisda at iba pang gamit pangisdaan sa mataas na lugar;
⚠️Planuhin o ipagpaliban ang paglalakbay sa dagat dahil sa posibleng malalakas at matataas na alon sa mga lugar na maaaring maapektuhan; at
⚠️Makipag-ugnayan at sundin ang mga babala sa pangingisda mula sa mga lokal na awtoridad.

Ang DA DRRM Operations Center ay magbibigay ng mga regular na update ukol dito. Maaaring makipag-ugnayan sa telepono bilang (02) 8929-0140. Para sa mga karagdagang impormasyon, bisitahin ang aming website sa www.da.gov.ph o sa page.

𝗣𝗮𝗻𝗮𝘁𝗶𝗹𝗶𝗵𝗶𝗻 𝗮𝗻𝗴 𝗽𝗮𝗴-𝗶𝗶𝗻𝗴𝗮𝘁, 𝗺𝗴𝗮 𝗸𝗮-𝗔𝗴𝗿𝗶!🌾

31/10/2025

TINGNAN: October 29, 2025

𝐌𝐚𝐧𝐠𝐫𝐨𝐯𝐞 𝐑𝐞𝐟𝐨𝐫𝐞𝐬𝐭𝐚𝐭𝐢𝐨𝐧 𝐬𝐚 𝐋𝐢𝐛𝐞𝐫𝐭𝐚𝐝 𝐅𝐢𝐬𝐡 𝐒𝐚𝐧𝐜𝐭𝐮𝐚𝐫𝐲
Nakapagtanim tayo ng 208 mangrove seedlings bilang suporta sa ating baybayin at mga mangingisda. Ang mga punlang ito ang tutulong protektahan tayo laban sa malalakas na alon, magsisilbing tahanan ng isda, at magpapatibay sa ating marine ecosystem. Maliit na simula, pero malaking epekto sa kinabukasan.

𝐓𝐞𝐚𝐦 𝐁𝐮𝐢𝐥𝐝𝐢𝐧𝐠 — 𝐒𝐚𝐦𝐚𝐡𝐚𝐧𝐠 𝐋𝐚𝐛𝐚𝐧 𝐬𝐚 𝐏𝐚𝐧𝐠𝐢𝐬𝐝𝐚𝐧𝐠 𝐁𝐚𝐰𝐚𝐥
Kasabay nito, nagdaos tayo ng team building activity kasama si Mr. Marvin Rañada, OIC ng BFAR ERMCSOC bilang resource speaker. May indoor at outdoor activities tayo tungkol sa leadership, teamwork, disiplina, at komunikasyon, dahil ang pagiging bantay-dagat ay hindi lang trabaho, misyon at paninindigan ito para sa ating komunidad.

15/10/2025

SALAPANGBA and BLGU Tumingad in Action!
Coastal Clean-Up drive at Barangay Tumingad, Odiongan, Romblon Coastal Area.

24/09/2025

TINGNAN: September 24, 2025, idinaos ngayong araw sa Firmalo Boulevard, Tabing-Dagat, Odiongan, Romblon ang ika-62nd Fish Conservation Week na may temang “Pangisdaan Masagana, Sapat na Isda sa Bawat Pamilya.” Layunin ng taunang pagdiriwang na bigyang-halaga ang ating yamang-dagat at ang kahalagahan nito sa ating mga mamamayan, lalo na sa sektor ng mga mangingisda.

Kasama natin ang sa pagdiriwang ang Samahang Laban sa Pangisdang Bawal (SALAPANGBA), at mga lokal na mangingisda. Tampok na mga aktibidad ang Marine Mammal Stranding Rescue at Coastal Clean-up bilang pagpapakita ng malasakit sa kalikasan. Nagkaroon din ng mga palarong naglalarawan ng buhay-mangingisda tulad ng Tug-of-Fish at Kawilihan na nagbigay-sigla sa selebrasyon.

Ang mga gawaing ito ay paalala na ang pangangalaga sa ating karagatan ay susi upang manatiling masagana ang ating pangisdaan para sa mga susunod na henerasyon.